大滿屋日本料理

三個女仔系九龍灣睇完戲特登行去觀塘食放題，真係為了食可以去到幾盡！哈哈~呢間放題望落去真系唔多次食日本嘢，點睇都似酒樓，環境不錯，夠光猛，睇清D食物！睇openrice話呢間嘢好多品種，真系冇花冇假！食物紙都好多張！按照我地的慣例，一定系每張揀D~食客推薦呢度嘅蟹粥很讚，真的很贊，大大只蟹鉗，足料！粥也很鮮甜。串燒揀了雞腎，味道很足，煙煙韌韌。特別想說的是那個海膽手卷，通常手卷都好大一個，飯好多的，但這裡不一樣！手卷系mini版，飯不多，但海膽卻鋪蓋了飯！仲有好濃郁嘅海膽香味！真係好正！炸物還是選了很愛食的甜紫薯同南瓜，不過不失。今次冇點叫壽司，因為點了很多刺身！不過呢度嘅壽司都系飯不多，細細舊的，就算細胃的也啱食！甜品也是很迷你的，小小一份，不會讓人食到頂心頂肺！餐後甜品試試下，也是很不錯的！燒菠蘿也是每次必點的食物，消膩首選！烤羊架，非常有羊味，但不喜歡那股騷味的一定頂不順，因為真的很濃郁的羊騷味！當然，每次放題又點會少咗刺身！呢間嘢好好，寫幾多就俾幾多，絕不兒戲！我地三個大食女，當然唔會點少！三文魚大大件又厚身，仲好新鮮！甜蝦也是好大隻同新鮮，一啖一隻真系好正！還有帶子、象拔螃、魷魚等等其他我叫不出名字的魚生刺身，都好新鮮，好正！宜家D放題成行成市，周街都系，想搵間出品好的都幾難，經常都會奶嘢。。。好慶幸今次食呢間出品都不差，品種又多，食物又新鮮，不枉我地從九龍灣行去觀塘…查看更多

Best friend生日就同佢一齊去食放題慶祝佢住係將軍澳所以就帶佢黎觀塘呢間大滿屋啦一早book左7:30所以等都唔洗等即刻入得2個人都比左卡位我地坐一d都唔逼裝修華麗又新，朋友都大讚呢度好靚我地一叫就叫左刺身先梗係有朋友最鍾意ge三文魚同玉子啦三文魚非常肥美新鮮同唔會有雪味睇落都好靚而玉子唔會太甜亦唔會太凍絕對推介我最鍾意就係希靈魚但好驚好大陣腥味呢度ge希靈魚都好新鮮一d都唔腥粒粒魚子好爽口仲有一樣我地2個都勁鍾意就係泰式生蝦有薄薄的一層辣汁係上面爽口新鮮同甜蝦感覺好唔同但呢個就唔係刺身個張到叫反而係沙律個張想叫ge朋友留意啦！！講完魚生梗係講熟食啦絕對推介羊架！佢係熱辣辣上枱架！而且唔會煮得太耐所以一d都唔硬脂肪亦都唔多岩曬食肉獸ge我食得生冷野多我地就叫左個湯暖吓個胃個湯辣辣地亦都好熱夠曬暖味精唔重，飲完都唔會太想飲水最後我地就點甜品見隔離點d甜品細細個我地就唔客氣一野點曬全部細細個真係幾好 比到我地試唔同ge野食絕對推介芒果糯米糍個皮一d都唔厚芒果又香又甜呢間放題真係唔錯，朋友話下次我生日再陪返我黎食…查看更多

約左朋友放工去觀塘食放題搵左呢間新開既大滿屋位置都好方便，就喺apm隔離一出𨋢，就覺得入面覺得好靚呀好豪華，牆上佈滿金色既魚成間野銀色都幾grand..我地被分配坐卡位坐得好舒服，成間感覺好乾淨急不及待走去飲品自助區度睇下大部分都係我中意既韓國飲品，汽水之後望下甜品嗰度，除左有糯米池仲有兩款韓式雪條冇記錯的話..我之前7-11買蜜瓜嗰隻雪條都成$20枝呢度竟然有得任食刺身拼盤好正呀，勁足料，塊塊都好厚切個拼盤砌得好靚一d都唔hea..有哂佈景條魚好得意，個咀噴煙嫁食落全部都好新鮮推介北海道帶子刺身同三文魚因為2樣都好新鮮，大大件平時食放題d刺身一係黎唔足，一係好薄呢間真係落重本，刺身都成12款有得揀另外甜蝦食落都好甜美, 好creamy款款壽司都好似好好食咁因為佢唔係普通壽司，全部都有特別款好多配搭，e.g. 有芒果，花之戀人，海膽親子花之戀...壽司黎到有驚喜，細細件好的式一啖就食得哂，所以可試多幾款唔怕比壽司塞飽我最中意係火焰蒜香牛肉壽司日式蟹粥係之前見過有人推介真係唔錯，食落甜甜地有成個蟹殻喺度，好多蟹肉好足料食物實在太多款，我講下有d咩係特別好食蒜片牛柳粒，牛肉唔韌，一口一粒好易入口燒羊架燒得好香，啖啖肉，一d都唔蘇帆立貝北海燒，賣相吸引，金黃色，粒帆立貝好大粒芝麻雞翼炸得好脆，好惹味呢度竟然有泰式生蝦食，食落真係有泰式辣汁既味道仲有壽喜燒，牛乳海鮮鍋，泡菜石頭湯，竹笙蟹皇翅，黑松露海鮮炒飯不過知自己會食唔哂，為免浪費食物所以冇叫到，下次叫多d朋友一齊食先得原來除左出面有雪條仲有張甜品紙可以揀我見樣樣都咁靚所以每一樣都叫一份試下浪漫二重奏個樣最吸引，有枝心型吱咀可以吱d士多啤利汁呢個價錢，每樣野食都咁有水準覺得好抵呀，早d入場，2人同行仲有1人半價優惠，食足2個鐘因為太多款式，未試得哂已經個肚冇哂quota天婦羅嗰d冇機會試最後食多枝雪條走了下次有朋友話要食放題我都會揀返呢間再試埋未食過嗰d…查看更多

日式放題愈來愈多，見到雜誌推介，觀塘有間新開放題做推廣，就同埋班fd一齊黎試下一入到去已經見到餐廳裝潢豪華，感覺高尚，環境企理干淨，更令人覺得舒適有8～10人座位，岩哂一大班人坐埋一齊食，座位、通道都闊落，唔會勁迫～ 放題唔少得刺身，刺身一律都好新鮮，選擇都好多，螺有翡翠螺同白海螺，新鮮脆口。推介必食嘅刺身係北海道鮮帶子，鱆紅魚，大甜蝦同三文魚！鮮帶子刺身唔係度度都有，佢有提供之餘，仲要好鮮甜嘅帶子味, 唔係街外無味嘅帶子。鱆紅魚好爽脆，食落新鮮唔韌～仲有少有既鱆紅魚腳, 食落仲爽口鮮甜,呢個真係加唔少分  大甜蝦爽口甜之餘，新鮮到有光澤粉嫩，三文魚不但厚切，魚脂分佈平均，食左落口魚香鮮味仍在口中一品料理蒜片牛柳粒不得不推介！一口size，入口剛好，牛味香濃，唔韌，最重要嘅係唔肥！ 牛脂肪少～燒物推介燒羊架，羊架肉燒得唔老，羶味唔會過份，食落唔覺油膩帆立貝北海燒, 燒得金黃, 外脆, 帶子大粒, 厚肉, 醬汁唔會過多明太子雞翼唔係間間都有，放題黎講都係第一次食到，餡料好豐富，但有好少既辣味，但無減我喜愛程度，會覺得惹味創作壽司，卷物比其他放題既多款，別有新意，帶來新口味，北海道帶子蛋卷，帶子鮮味配上蛋香，兩者味清配搭，更食出帶子特別之味，海膽親子花之戀，海膽份量足，三文魚新鮮配上更係豐富味蕾既慾望，呢個一定要試～ 果之味春卷同芝心鰻魚卷，芝士味濃但無奪去鰻魚味道，鰻魚料足，令人感覺好抵食，仲 好味道～牛肉壽喜燒d牛肉唔係得個肥字果隻，佢厚身唔肥，牛味幾濃，牛肉片都幾多下，不妨一試～ 蟹粥先係經典，真係放左一個蟹嘅蟹身落去，粥食到蟹香，蟹都幾多蟹肉，入到去唔食唔得甜品控嘅我點少得甜品，佢嘅款都唔少，重點推介浪漫二重奏！玩味十足！原來佢心形嘅唔係得個擺字，係個dropper，可以滴d士多啤梨汁落去，令到甜品酸酸甜甜，不會甜到漏～ 芒果糯米糍當然無長洲嘅大大個俾你ga la～但都皮薄果餡多，芝士蛋糕又點少得～ 美式芝情芝味好香濃幼滑整體黎講，呢間放題做緊推廣期間係好抵食，二人同行一人半價，仲要2個鐘，雖然飲品供應款式唔夠多，但食物質素唔錯，有新魚生款式之餘，帶子係鮮味到響街上好少食到呢間放題侍應態度好好，時不時主動同你換碟，等客人有干淨嘅碟食用，都係響放題店第一次享有呢種服務，不得不讚 值得再去！！！！…查看更多