三木日本料理

晚餐時間餐廳內都差不多滿座，裝修跟一般放題日式食店差不多，不過桌椅的空間比起大部份都稍為闊落一點。食品種類選擇極多，刺身﹑壽司﹑沙律﹑鐵板燒﹑烏冬等等，想得出的日式料理都幾乎有齊。除了放題的基本選擇外，還可以加錢點不同的食物。個人很喜歡食刺身，每次放題都先點一大盤刺身。基本上點菜紙的上的16種刺身都點了一試。極大甜蝦和鮑片都很好味，個人最喜歡甜蝦，一來SIZE夠大啖啖肉，二來最新鮮。基本上貝類的都比魚肉類的好味和新鮮。不過虎蝦就不夠新鮮，吃了一口後便沒有再嘗試。沙律點了三木刺身沙律和若布胡瓜醋。超推介若布胡瓜醋，很開胃。昆布和青瓜再加上微酸的醋，很FRESH很清新。天婦羅都不錯，炸粉不厚而且新鮮炸起。壽司一般，不過海膽和軟殼蟹都不會再點，味道有點腥。其他小食都不錯。而我們點了4種甜品，抹茶和紫薯雪糕﹑奶凍和TIRAMISU。奶凍和TIRAMISU都很好味，奶凍很香滑TIRAMISU都很香咖啡芝士味。整體來說個人覺得三木最大吸引之處是選擇真的很多，可以滿足到不同的需要。刺身某些款式不夠新鮮，不過極大甜蝦就真的很捧。熱食平均都OK。另外店員都很NICE很細心。 …查看更多

之前同朋友出尖沙咀行街，同朋友行街唔想煩諗食咩，最好既選擇就當然係食放題啦。最後我地揀左尖沙咀站附近既三木日本料理，交通方便，食完就可以搭車走。當日雖然係星期日，夜晚大約八點半，不過都唔需要等好耐就有位。入面環境比較昏暗，不過可以接受。有A-N既食品點紙以供選擇，另有特上刺身孖寶(HKD38/份)。其他包括:刺身，壽司，軍艦、火灸壽司，手卷，反卷，日式沙律，串燒、日式小食，鐵板燒，天婦羅/炸物，一品料理/湯品、丼/烏冬、甜品、飲品。因為部份食品即叫即做，上菜速度不算快，一開始需要點時間等待。一開始我地每人一碗日式蟹粥，蟹味甚濃，好味道。不過粥既米量較少，水多，搞到好似蟹湯。之後就到刺身啦~雖然兩個人，但都叫左滿滿既一碗！我不太懂刺身，不過友人覺得頗新鮮，最後仲加單叫多d。我們只點了火灸壽司，推介火灸海鰻壽司，鰻魚汁同鰻魚配合得好好味。但係鰻魚汁放落其他火灸壽司稍為有點甜。串燒:有機菠蘿燒和日本糖芯蕃薯串真係必食，兩個都好好味！即使同樣係燒，仍然保留水份，仲好甜。香辣雞肉串都可以嘗試下，少少辣，幾野味！炸物:可以嘗試下自家制墨魚餅同日式香蕉年糕，幾特別，唔係度度有得食。芝士年糕又係必叫食品，外脆內軟。暖暖地既時候食，入面既芝士仲會拉得出絲。一開始我地諗左好耐咩叫雙壓壽司，所以叫左兩件鰻魚雙壓壽司試下。雙壓壽司比起普通壽司細件，飯比較實，呈長方形，幾得意。最後甜品，我地叫左柚子雪糕同紫薯雪糕。紫薯雪糕有濃濃的紫薯味，朋友話一開始還好，食得多就無咁好味。而我點既柚子雪糕比較有驚喜，除左比較似雪芭，陣陣冰涼。仲有柚子肉係入面，唔會太酸，可以一試！食飽之後仲坐左陣先走人！服務員態度良好，當我地有吉碟吉杯既時候，好快幫我地收走同添茶。不過廁所有點不太乾淨，第一次去既時候，地下好多紙巾。第二次再去既時候就無咁污濁，應該有人清理過。價錢尚可，食物選擇範圍多，交通方便，多人又或者諗唔到食咩既時候可以去嘗試下！…查看更多

想去吃放題便去吃放題 , 就是這麼簡單 , 選擇三木是因為這間放題店距離我公司只有數條街 , 況且以前吃過 , 味道合我心水 ~調味料 , Wasabi , 牙籤 .... 厚厚一疊的入單紙 ~十分口乾 , 先點飲品解解喝整體來說 , 刺身的質素還是不錯的 , 魚生厚薄正常 , 沒有雪氣 , 魚有魚味 ~特別喜歡大蝦 , 蝦頸有蝦羔 , 蝦肉夠彈牙又有膠質感 ~壽司的款式實在夠多 , 而且也很有創意 ... 尤其係火炙壽司 , 種類特别 , 飯也不太死實也不易散件 , 乃是必點之物 ! 當然軍艦也不能錯過 .... 飯都握得唔錯 , 餡是滿滿的呢 !坊間的放題店很多時都會漏單 , 尤其是係壽司軍艦 , 但這店的壽司軍艦就來得好足 , 賣相也不差 ~串燒 , 燒得火力均勻 , 有焦香 ,   ~串燒銀杏 是我必吃的 , 因為烤過的銀杏那獨有的味道就是無可取替的 ~燒物 , 略嫌鹹了少許但不算嚴重 , 也可說是夠惹味吧 !炸物的油份並不算多 , 炸得脆口卻也不太硬身 ~ 特別要推介的是.... 紫芋甜粟薯餅、日式芝士年糕、蟹忌廉薯餅~ 當然就是以甜品作結尾 .... 這店的甜品都十分有特色的呢 , 總有一款合心意 ~…查看更多

因為朋友既勁力推介所以就去試一試佢先得!!!首先緊係黎返個魚生拼盤先啦!!!但個拼盤好似有點兒過凍!!!三文魚好肥好正!!!甜蝦好大隻好鮮甜!!!帶子都好大隻!!!但個元貝就有d腥!!!其他就一般般啦!!!溫泉蛋係凍食的....感覺麻麻...好似冇咩味咁三文魚腩好似薄左d!!!三木既花之戀原來冇飯嫁!!!又幾好wo!!!唔會話食飯食到好飽!!!重點終於黎啦海膽軍艦仲要好足料tim呀因為有朋友生日所以有得送一板海膽tim呀再叫多左個海膽三文魚刺生飯...哈哈!!!真係食得太多海膽了!!!個牛肉鍋冇煮過就拎出黎....好新鮮但同果個火仔就等好耐都唔熟囉最後緊係甜品時間啦!!!個朱古力慕思真係超級正…查看更多

三木日式放題，尖沙咀購物後食飯的好去處尖沙咀多野食就係人都知。但係日式放題又真係比較少。朋友介紹我你三木日本放題餐廳，地點方便就係向K11附近。行完街攰地過去對面就有得食啊，呢度嘅裝修很整潔，位同位之間唔會好迫。坐得好舒服。一坐低野都未叫就已經有驚喜了。原來每一台都會送上刺身。每人都有隻大牡丹蝦同大帶子。勁正啊！當日六點半早場。人不算多。點菜都好快啊。咪講咁多，即刻同大家講下我食左咩好食的啦！先叫當然係剌身啦。我地點了三文魚、極大甜蝦，帶子，赤貝，油甘魚。。。三文魚同大甜蝦都好好味啊！好鍾意食炸野嘅我，仲叫咗一個超正既炸芝士。好好味。而且唔油。食左好多粒都唔覺油膩。仲有芝士蝦丸，都係力讚美食。炸薯餅都好好味呀。至於燒物呢，我哋就叫咗燒雞翼啦，燒牛舌同雞軟骨啊！燒牛舌真係要返叫返叫再返叫。燒雞翼有點細和乾但都不錯啊。牛油果沙律同青瓜沙律都好新鮮啊。至於卷物呢鰻魚芝士卷就係我嘅至愛啦，加州卷都好不錯架！佢嘅壽司細細件好方便食！呢度有海膽壽司咖！仲有原隻溏心蛋，同枝豆。溏心蛋好味，如果當時叫個拉麵同剛剛好啦！別外仲有燒蛋，銀杏，茄子同甜蕃薯仔。甜蕃薯好好味啊，銀杏係放題度比較少見嘅。大家有機會泥要試試啊！因為配啤酒其實好好食架！perfect match .當然仲有我哋常叫嘅金菇牛肉卷，燒牛肉同埋燒餅等等啦。我比較鍾意呢度叫嘅份量唔多，可以食到好多唔同嘅品種！都好出色，不過個人認為湯底太甜，如果可以鹹返少少會更加好。呢個牛肉鍋絕對無因為佢係放題而細左個份量。實在太飽啦，係時候食甜品，听講三木的甜品師傅係五星級酒店的做過, 當日我都試晒全部甜品，奶凍直情係超級好食，口感細滑, 牛奶味濃,而且不太甜，正。另外我實力推介佢哋嘅雪糕，尤其是柚子味，從來無食個放題有感好食嘅雪糕架！我發現呢度八點半係爆晒人。所以要泥食嘅朋友記得早少少訂檯啊。我哋可以book六點半的時間啦！…查看更多

order 纸由A~N,種類選擇很多，刺身新鮮，鲍魚片，鲜蝦，赤具，北寄具也很鲜味，海膽壽司料足，清酒煮蜆也很鲜甜，猜不到連流心温泉蛋，牛油粟米也用心烹調。一口芝士恰到好處，天婦羅即叫即炸，沙律份量剛好，可以試多幾款。難得日式放題竟然有多款甜品供應，而且味道一流，法式燉蛋，豆腐芝士杯，北海道3.6牛乳奶凍也交足功課。推介柚子雪糕-食品上枱極快，待應有禮貌。當晚朋友們對這一餐，也讚口绝，下次再來，希望仍能保持質素。…查看更多

上星期同朋友食生日飯, 之前睇食評見到這間日本放題好吸引, 已經想嚟食架, 點知今次有機會, 我地有六個人, 餐廳分6點及8:30兩輪, 因6點太早, 所以揀左8:30, 因為佢地係早十五分鐘清場, 之後去到就唔使再等, 未夠8:30就入得啦, 仲有一間獨立房間添呀.點心紙好大叠, 要睇都有排睇, 先叫左一些刺身, 壽司, 飲品, 齊人再叫過, 刺身選擇都好多, 我們幾番叫晒, 壽司軍艦竟然有海膽, 我唔食的, 佢地不停的叫, 飲品有韓國啤酒的, 選擇都幾多, 可以加錢飲清酒之類. 我飲FUZE LEMON TEA, 呢個係紙盒的, 都OK呀, 唔係好甜. 朋友飲蘋果香茅, 都幾香啊, 餐廳還送每人一隻牡丹蝦及帶子, 隻蝦都好大隻, 好多蝦子的啊, 好鮮甜, 夠爽, 帶子都好好味, 好大粒又鮮又甜, 日式蒸蛋, 好味, 又香蛋味又滑, 入面有冬菇絲, 蟹柳粒的, 三文魚甜蝦手卷, 細細件的, 不過紫菜唔夠脆, 三文魚同甜蝦都好味, 刺身好震撼呀, 我們叫左三文魚, 吞拿魚, 希靈魚, 帶子, 甜蝦, 鮑片, 螺片, 八爪魚, 全部都好鮮甜的, 又夠新鮮, 三文魚肥美, 帶子細細粒好味, 甜蝦大隻的呀, 又有蝦子添, 鮑片我好鍾意食, 螺及八爪魚都好爽的, 正啊.壽司有甜蛋, 第一次叫係用蛋夾住D飯的, 有心思, 第二次已經係普通的玉子壽司了, 天婦羅有炸蝦, 茄子, 南瓜, 蕃薯, 都幾香口, 夠脆, 炸醬夠薄, 燒鯖魚, 三文魚頭, 菠蘿, 蕃薯仔, 菠蘿唔夠甜, 好酸, 魚都好味, 仲有雞亦, 牛舌, 蝦, 雞軟骨啊, 好多, 雞亦夠香好食呀, 牛舌好爽口, 牛仔骨, 牛柳粒, 青口, 全部都幾有水準, 牛肉夠淋. 海膽軍艦, 佢地不停的叫, 話好新鮮, 好好味, 起碼叫左二十件啊, 好少地方有呢個叫的, 一大條燒多春魚.  沙律有蕃茄沙律, 牛油粟米, 還有辣酒煮螺, 白酒煮蜆, 糖沁蛋, 螺夠辣, 幾好味, 蜆及蛋都OK, 蟹粥, 好綿但冇蟹肉, 冇配料架.韓國啤酒係免費叫的, OK呀. 火炙三文魚, 右口魚, 海膽蝦, 魚子醬帆立貝壽司, 全部都細細隻, 但都好味喎, 易入口, 三文魚好肥又香, 海膽蝦我麻麻, 其它的都GOOD, 焗帶子唔好食, 麻麻地.我們食左好多嘢, 食到勁飽, 最後當然係叫甜品及雪糕啦, 雪糕我食柚子, 好甜啊, 入面係有些柚子肉的, 甜品有焦糖燉蛋, 係凍架, 都幾好味, 係唔夠滑及香, 還有意大利蛋糕, 一些慕絲, 布甸等, 其實都幾多選擇, 味道都幾好的.我們食到人地收工先走.…查看更多

放題我去過不少次， 不過都是中伏多，唯有今次例外。上星期日我和好友去了尖沙咀的三木日式放題，入到餐廳內, 侍應替我們拿到了點菜紙。食物選擇非常多， 令人眼花撩亂。先來一轉串燒。鹽燒牛舌，烤得剛剛好， 肉質不會太韌。再來一口牛柳串，牛肉肉質鮮嫩， 令人食不停口。之後我們還試了刺身，天婦羅，炸物， 壽司， 一品鍋等等。刺身當中，我們試了北寄貝，鮑片，赤貝，全部都很新鮮，而且爽口。我最愛的火炙三文魚壽司，三文魚肥美，而且很新鮮，加上厚身，不似一般放題的壽司那麼薄身。炸物當中， 我最欣賞的是一口炸芝士， 芝士味濃而不膩，而且鬆化。天婦羅炸蝦，及天婦羅茄子炸得香脆可口，而且不油膩。　牛肉壽喜燒也值得一贊，牛肉肉質鮮嫩，而且入口即溶。吃完主菜後我們再點甜品， 令人意外的是甜品居然有酒店才有供應的法式焦糖燉蛋， 我們馬上就點了兩客。一吃上一口， 感覺到滑，香， 甜而不膩， 非常值得推薦。綠茶芝士布甸亦非常好味，綠茶味非常濃厚。雖然當日人客眾多，但沒有漏單情況，侍應服務也很周到。三木日本料理是我會再回來光顧的日式放題。。…查看更多

基於本人成績有進步，所以我媽就獎勵我請我食放題。這家店分別有差不多二百種食物及飲料共十四張紙 太讚了~ 從未見過那麼多的選擇!餐廳還送上每人一隻極大甜蝦及大帆立貝刺身 甜蝦的鮮味就是鮮甜，又大隻帆立貝味道很鮮很甜剌身 - 剌身種類多的是!  有三文魚，帆立貝，玉子燒等 玉子燒味道特別，很甜蛋味甜軍艦 - 辣味鮪魚腩，香蔥鮪魚腩，辣味螺肉，海膽，芥辣八爪魚，辣味三文魚，辣味魷魚鬚 海膽好鮮好甜好濃味 芥辣八爪魚的芥辣帶有苦苦的味道跟平常吃的不一樣，一試難忘。軍艦的紫菜脆，飯體型較細小，可以吃多幾件也不怕。手卷 - 三文魚牛油果，香蔥吞拿魚腩，加洲手卷手卷的紫菜很脆 飯也很好味，手卷餡能夠由頭吃到尾，啖啖精華。 天婦羅 - 珍寶天婦羅蝦炸皮薄脆，蝦味淡揚物 - 餃子雞翼 餃子雞翼的餡有肉有蔥，好惹味甜品 - 綠茶芝士布甸，芒果布甸，北海道3.6牛乳奶凍，法式焦糖燉蛋 綠茶芝士布甸的芝士味比較淡，濃些會較好。甜品 - 炭火燒芝麻雪糕，柚子雪糕，綠茶雪糕，豆腐雪糕 豆腐雪糕的味道不像豆腐，反而像豆奶，雪糕質地黏黏的。Last Order 後，我們所點的食物來得很快，沒有漏單，吃到飽飽真開心，我要勤力讀書，逼我媽再帶我來吃…查看更多

只是過了兩星期, 但我已經很掛念沖繩的海鮮...... 為了"止痕", 正在 K11 閒逛時網上 SEARCH 到這間附近的放題, 看評論見魚生又好像很不錯, 便去試試了。位於河內道的商業大廈的三木, 地點非常方便, 隔離就是MTR 出口。晚餐放題分兩輪時間, 可能是我們早到吧, 店內不多人。難得地沒有其他放題店般把枱排得密一密, 不會椅背靠椅背。 可以很舒服地食一餐。坐下來第一件事當然看看有什麼吃啦~厚厚的一大本"食物紙", 真是每項都看一次都要十分鐘。肚餓關係, 我們先點了刺生、壽司和串燒的三張, 之後再一邊等食邊繼續點食物先上的是最搶眼球的刺生併盤其實近二十款刺身選擇, 我們好像點了十二款。三文魚, 立魚, 章紅魚, 油甘魚, 甜蝦, 帶子, 象拔蚌、馬刀貝等統統都先點了兩片試試。每款都肉質新鮮, 沒有什麼雪味。其中的油甘魚和立魚這些白身魚十分鮮甜; 帶子和馬刀貝也很好味。不計每位所送的特大牡丹蝦和帶子刺身 (因為十分吸引, 不記得拍照便吃掉了) 所以我們這晚共點了三round 刺生, 每次上菜都會花點心思, 把食物排得美美的, 令我們吃得特別開心。我的心水推介是鮮甜的帶子和甘香肥美的油甘魚。很快我們的串燒便奉上了, 想不到我們點了這麼多款呢~除了雞翼外, 我們只是各款點了一串...基本上味道與一般的串燒差不多, 有着很香的孜然粉。牛舌和牛柳燒得火喉很好, 還保持肉質嫩滑, 不過雞翼就淡了一點...當我開始"解決"雞翼串時, 原來第二碟燒物又送上來 (好像真的點多了, 食串燒也食飽)比較少吃燒銀杏, 那種燒香後的味道很特別, 好吃! 還有每次燒物必點的菠蘿, 是吃得太多肉的間場, 感覺特別清甜好吃, 所以也encore 了一次。另外, 那烟肉年糕雖然有點飽滯感, 但 烟肉的肉汁滲入了年糕內, 又香又軟, 黏黏糯糯, 好好味。壽司一上枱就令我們有再點的衝動, 因為每款看起來都很對胃口。而且還有食多幾件便"抵咗" 的海膽軍艦, 實在叫人吃得開心。記憶中我們那晚點了近二十件壽司, 每件的質素都可以和其他連鎖壽司店媲美。火灸左口魚做得很好味外, 軍艦壽司 (大力推介蔥粒吞拿魚和海膽) 也做得很不錯, 紫菜還是脆脆的, 魚生料也新鮮, 飯的size 也剛好。我當然不會忘記點炸物啦~天婦羅應該是即叫即炸, 所以熱哄哄的好香口。吃起來不算多油, 蝦也先有點調味, 其他炸蔬菜也是有水準的。我們之後也點了一點熱食我們"好多事", 所以點了洋蒽圈 () 想不到這兒弄得很好味, 有西餐廳的水準, 即使一大堆我們也能"消滅"。很搞笑一份吉列紅芋粟子薯餅(左上圖沒有醬那件) 是四分一件薯餅, 無錯是比較飽滯, 但也很好味呀! 所以四分一件真的不知是貼心還是想我這個薯仔怪再encore了。其他的清酒煮蜆和炸生蠔則較為普通。汁燒牛舌就麻麻了...其實還有更飽肚的湯和料理, 本着食放題要食得"精明食到盡", 揀少一點飽肚食物, 所以我們沒有點。不過也看見隔離枱的日本煱好像很有多料, 吃得很高興的樣子。現在大部份的放題也有飲品供應, 這兒的選擇也不少。除了大路的各款汽水和啤酒外, 還有較少的見的烏龍茶和cc lemon。吃了大量刺身和串燒後, "食力"已經所剩無幾, 我們進入最後的甜品時間。這兒有五款雪糕選擇, 可惜當日櫻花雪糕沽清, 但柚子和芝麻味雪糕都很不錯, 夠凍之餘又不會太甜, 不算太奶味的雪糕。另外我們再點了泡芙和3.6 北海道牛奶布甸, 這兩款就奶味較重, 吃完好肥仔, 好满足~~雖然這兒放題的價錢較旺角的稍貴, 星期六晚上8:00 時段每位要$258+10%, 但他們又真的坐得較為舒服, 沒有過往吃過的放題餐廳的嘈雜和漏單, 和朋友gathering 真是不錯的選擇。而且服務可以話好得有點嚇人, waiter 收單收碟超快, 差不多是填完"食物紙"已經會主動走過來收單, 清空了的食物碟更不會留在枱超過五分鐘。食物新鮮加上服務有水準, 三木會是我下次同事gathering 的提議開飯點。…查看更多