喜鍋 海鮮‧火鍋‧小廚 (已結業)

最近吃得很清淡，但經過油麻地內街見到這間火鍋店，海報貼住只要在社交平台分享專頁就可享全單八折，而且不分時段，實在太吸所以決定幫襯～餐牌有好多配料選擇，特別是海鮮類，而且8折後的價錢十分抵食，因此我們一連點了十多碟～話說這間店很多優惠，店員姐姐告知只要在社交平台打卡，就送一碟胡麻冰菜一碟，爽脆冰凍的冰菜好開胃呢。另一項推薦的小食是蟹籽墨魚滑油炸鬼，即叫即炸，油炸鬼非常脆口，墨魚滑又爽口彈牙，加上大量蟹籽，口感十分豐富。火鍋最重要是湯底，我們最後決定點招牌的「花膠鯊魚骨膠原鍋」。店員提醒我們先飲湯，湯底十分清甜而且足料，大量鯊魚骨及大大片的花膠，還有豬骨和雞腳，骨膠原十足！這個湯底還附送一小桶甘香泡飯，全都是香脆可口的飯焦，連湯一齊食好好味。身為牛魔王當然少不了牛肉，今次點了至尊手切本地牛頸脊，牛味香濃肉質鬆軟，不負手切牛之名。我們另外點了牛坑腩，店員提我們早早下鍋就可以愈滾愈鬆軟，加上恰到好處的脂肪，件件牛腩都入口即溶！另外貪得意點了唧唧墨汁魚麵，雖然要好大力才唧得出，但魚麵爽滑彈牙，而且加了粒粒墨魚肉，口感頗新鮮！最後食得超~~~級飽才結帳，每位折實才三百多元。而且店員姐姐好親切，熱心提點各項配料的食法或特別之處，又介紹了許多招牌食材，服務真的很貼心！趁優惠未完還想多幫襯幾次😆…查看更多

疫情還在，但好耐無見呢班朋友 所以就約左佢地食呢間打邊爐 因為而家佢地有八折😆我地一坐低佢就比左個紙袋我地裝口罩同埋比搓手液我地洗下隻手 食野個時都安心啲☺️ 生意而家真係難做左 佢地仲有個優惠係like page&share就送一客小食🤓 佢地係你打邊爐前比醬料你整，有自家製xo醬，蒜蓉，辣椒，麻醬，炸蒜，蔥。小食「日式麻醬冰菜」係日本芝麻醬加冰菜，冰菜口感好特別 好爽口😂配埋日式麻醬 幾夾☺️招牌花膠鯊魚骨膠原湯鍋（配甘香泡飯） $208裏面有花膠，鯊魚骨，豬手，雞腳同紅蘿蔔。湯式我地都覺得幾好味 唔算好骨膠原但我覺得岩岩好 食完個口唔會漿住左😂😂😂雪花美國肥牛 $128肥瘦適中，咬落牛味🤓中規中矩手打鮮蝦丸 $58一咬就淋既蝦丸🤔炸魚皮 $48魚皮好抵食 $48一大份 食落好脆身 唔會太咸🥰 黑椒牛筋丸 $38牛筋丸咬落會有陣黑椒味 唔會好重 丸咬落偏向硬身。讚崎烏冬 $36口感好煙韌 彈性既烏冬😍娃娃菜 $28食個菜解解膩 而且又可以吸曬啲湯 所以每次打邊爐都要嗌菜食！😆蟹籽墨魚油炸鬼 $58好熱好脆既油炸鬼再配口感煙韌既墨魚膠 口感幾特別！👍🏻再配個甜酸醬 幾好食😂竹蔗馬蹄茅根$38唔會太甜 食完個邊爐 可以清下口氣 不錯 價錢唔貴！🥰…查看更多

一間只適合成班人睇波吹水食宵夜，絕唔適合二人世界的火鍋店回頭率：🌕🌕🌕🌑🌑環境：🌕🌕🌕🌑🌑服務：🌕🌕🌕🌑🌑份量：🌕🌕🌕🌗🌑味道：🌕🌕🌕🌑🌑價錢：372/pal◆Summary◇坐得闊落舒適，服務唔錯收碟奇快⚡️湯底價錢偏貴，配菜選擇大路，貴嘅款式品質上乘，平嘅款式就中規中矩。推介頂級安格斯牛頸脊&竹蔗馬蹄水✅唔推介黑柏葉⛔️成班人Share食就性價比高，兩個人食就性價比低————————————————————————◆蟹籽墨魚油炸鬼6件◇HKD58🤨熱門菜式但較為失望。油炸鬼厚身，炸得過火，咬落太硬⛔️墨魚肉彈牙，不過味道偏鹹，蟹籽的加入亦未顯作用◆招牌花膠鯊魚骨膠原湯鍋◇HKD188😋作為湯底都幾貴，不過材料好足，用左豬手雞腳花膠等等嘅材料熬製，湯底味道醇厚鮮甜，可以一試⚠️不過唔係煮到起膠果種，比起花膠湯底更加似雞湯◆頂級安格斯牛頸脊(小)◇HKD188😍兩個人食份量啱好，價錢偏貴但一分錢一分貨，牛肉雪花紋理清晰，入口鮮嫩肉味濃🐮牛魔王們一定要試下‼️◆甘香泡飯◇Free 😍隨湯底附送嘅一木桶飯焦，炸至金黃色，舀一勺湯澆在飯粒上，浸泡幾分鐘，半綿半脆的米粒盡吸湯底的鮮味，響鈴與之相比頓覺油膩失色◆竹蔗馬蹄茅根◇HKD38/渣 😍住家的味道，清甜可口☘️相信冇額外添加糖◆魚皮餃8粒◇ HKD48 😍飽滿晶瑩的魚皮餃，彈牙又微韌，味道同口感都深得我心◆自家製響鈴◇HKD48 😍與平時買的響鈴稍有不同，呢度腐皮更為厚身，浸潤湯汁之後的鮮味更加突出，而因為腐皮厚身咬落亦更實在而非平時的薄如蟬翼一咬就扁◆新鮮黑柏葉◇HKD68😩平時好難食到黑柏葉，因為冇經過漂白處理保質期好短，價錢自然水漲船高。見到呢度竟然平平地$68就有得食當然唔可以錯過。點知膻味過於濃烈，久煮不散，最後我地也只能作罷⛔️💁🏻‍♀️有辣椒、蒜蓉、炸蒜、香蔥、沙茶醬、芝麻醬、醬油七款醬料選擇，每位$20，裝完就會收走㗎⚠️💁🏻‍♀️不幸地我就係兩個人去食，食得好飽但睇到張單真係眼都凸👀所以如果人少少就唔好嗌咁貴嘅湯底，留翻嗌多兩碟貴牛肉好過💁🏻‍♀️冷氣唔算好夠，抽風一般，煙霧繚繞覺得自己做左全程嘅蒸汽facial…查看更多

雖然話依家食火鍋喺唔分季節，不過，天寒地凍時食喺別具風味啲，趁住驟冷少少嗰幾日，同友人嚟到「喜鍋」打打邊爐，「喜鍋」喺一位食友嘅心水推介，佢食過之後，大讚呢度用料靚，尤其牛肉，非常出色。店鋪位處旺角嘅上海街，可謂旺中帶靜嘅地段。甫進入餐廳，地方睇落唔太大，其實仲有樓上，不過，小弟就無走上去，唔知有幾大。但整體環境裝修骨子，企理乾淨，牆上貼有巨型嘅黑白香港懐舊照，對後生一輩相信感受唔大。坐低無耐，店員就遞上醬料架，有蔥花、生蒜、辣椒油、辣椒、熟蒜、麻醬及豉油，雖然陣容唔叫得強勁，但就啱我心水嘅醬料，收費每位$10，唔要都收架啦，唔夠亦可以再添。如果大家入門口前，有留意鋪面嘅店名，就會見到喺「海鮮、火鍋、小廚」，門口旁就架設咗幾組大魚缸，內裡有不少生猛海鮮。另一方面，就提供好多餐前小食。此外，更好多嘅人氣之選，小食、刺身、湯底、火鍋配料都有包括到，如諗唔到揀乜，就不妨喺度落手。而講到食火鍋，湯底當然喺一家火鍋店嘅亮點，仲有，火鍋配料嘅種類、特色，都喺好重要，詳細就唔寫出嚟嘞，貼上佢哋嘅火鍋點菜紙，就一眼乜都睇晒，有埋價錢俾大家參考。牆上不時貼有啲時令菜式或特價海鮮嚟吸客，今晚，就見有蟶子皇、大元貝、鮮鮑魚喇。最後，順便介紹埋啲飲品，啤酒就唔使講啦，食火鍋嘅好朋友，此外，仲有紅白餐酒，健康啲嘅可以揀竹蔗馬蹄茅根、酸梅湯。竹蔗馬蹄茅根 $38 / 渣店長強調喺自家製，睇樣就知喺足料嘅好嘢嚟啦，玻璃樽內睇得出喺真材實料，味道清甜自然，冰涼解渴又清潤。日本胡麻醬冰菜 $38點好鍋底，都知無咁快有得食，所以，點一客餐前小食，因為一陣都食肉多，所以，就揀咗新出品嘅「日本胡麻醬冰菜 」，啲冰菜真喺好似有啲冰珠晌面，頗得意，入口勁爽脆，拌以胡麻醬，味道唔單調。招牌花膠鯊魚骨膠原湯鍋 $188打邊爐湯底喺靈魂之一，揀咗人氣之選嘅「招牌花膠鯊魚骨膠原湯」，並奉送一小桶甘香泡飯。湯底睇表面就梗喺平平無奇啦，但撈兩嘢就知有幾足料，無正式數，但啲花膠頭頭尾尾夾埋都有成6、7件，仲要件件都好大塊。講到明足料，就梗唔喺齋得花膠，仲有雞腳同豬手，兩樣都煮到腍，食味唔差喎，而豬手同樣有好多骨膠原添。趁落火鍋料前，就梗喺先呷啖湯啦，咁精華，點可以錯過呀。確實，個湯底就咁淨飲，都好香甜，夠晒滋補，有種老火湯嘅感覺！手打五寶丸 $88多心嘅人就梗喺揀五寶丸啦，一碟過試勻店家嘅招牌自家手打肉丸：牛肉丸、豬肉丸、鯪魚丸、鮮蝦丸及墨魚丸。牛肉丸打到起筋，夠爽口；豬肉丸打得鬆化，混入冬菜，別具風味；鯪魚丸好爽身，鯪魚味濃郁；鮮蝦丸入口寧舍彈牙，極富蝦鮮味；墨魚丸則以墨魚味豐厚為主，口感無牛肉丸、鮮蝦丸嗰類咁爽身。霜降手切肥牛粒 $128心思思梗喺想上牛魔皇塔啦，但無4、5個人一齊都食唔晒啦，反而，未試過搵牛肉粒嚟打邊爐。上到枱，啲牛肉粒嘅油花好靚仔，不負霜降之名，店長提醒話比薄切嘅牛肉片灼耐少少，但估唔到，好似我哋穩陣啲灼耐多少少，入口都唔會韌，且甚有油香，肉味亦都不俗，掂喎！雜菇拼盤 $48老套啲都要啦，加份蔬菜籃平衡吓，喺自我感覺良好嘅選擇。不過，除蔬菜拼籃，仲有雜菇拼盤，結果我哋揀後者，都真喺有好多款式。甘香泡飯桶內其實喺炸過嘅飯粒，就咁食會好硬架，但倒入濃湯後，飯粒變軟，又吸收咗啲濃湯，味道特別正。但有兩點心得，一就喺如果你食嘅火鍋料喺太多肉，令個湯太油，就先撇咁啲油再下湯，其次，飯粒浸一陣就好喇，因為，食到飯粒外層濕濕哋，飯心就煙煙韌，幾有種食意大利飯嘅感覺。食埋個泡飯，真喺飽到上心口，而成餐飯都食得出店家用料精，唔喺嗰啲任食任飲嘅火鍋可比，當然，收費喺成正比嘅，但你會覺得物有所值。最後，都講少少服務，店員招呼有禮，不時問我哋使唔使加湯（堅喺加湯，唔喺清水嚟），見我成碟都喺骨頭，主動幫手換碟，就算有啲貴價嘅靚火鍋料推介，卻唔會成纏你硬銷，最鬼憎啲酒樓經理乜都話好好好、出面食唔到架喇嚟硬銷。…查看更多

打邊爐既選擇實在太多 今次揀左呢一間就腳啲 啲老友收工出旺角都方便啲!番工咁辛苦 緊係要對自己好啲我地嗌左個花膠鯊骨湯底$168 補補佢佢仲附送埋個甘香泡飯 幾盞鬼喎又 加左湯都仲係脆卜卜蟹子墨魚油炸鬼＄58平時送粥食得多 今次一食就配埋啲蟹籽 分量極多 要勁小心咁夾 唔想浪費每一粒蟹籽油炸鬼內的墨魚滑令它口感外脆內軟 好出色呀!!頂級安格斯牛頸脊 $248 （大）我地同行既人唔食太多肉 於是無叫到牛魔王 就揀左牛頸脊黎食佢既口感好結實爽滑 肉又夠肥美夠平均 完美吖!秘製芝士牛肉丸$68入面既芝士真係唔係講笑 入口即溶呀！脆鯇片 $58佢切得好薄 薄得黎放入口都仲有口感…查看更多

當晚，跟個女街坊食友走到旺角上海街略有風味又嘈吵:(的火鍋店 <喜鍋> 食火鍋，價錢算大眾價！麻煩了早放工的她先行入座！:)火鍋店佔地兩層，我們被安排到入門口那一層，餐桌分兩旁，左面為卡位，右面則有四張枱，靠牆位置是梳化位，我們坐在第四枱，這裏頗為嘈吵的關係，第一枱說什麼我們也聽得一清二楚！老闆態度有禮！女侍應主動加湯攪拌免黏底，值得一讚！這裡的火鍋配料算多元化， 我試咗兩樣從未試過嘅食物：牛脷託及鴨粉腸！😂😂亦有餐前小食供應！飲品不乏酒類，種類繁多！醬料 $20一位 有六款醬料任君選擇，包括：辣椒、蒜頭、炸蒜頭、花生醬、蔥粒...等！桌上已齊備火鍋爐、餐具及紙巾！竹蔗馬蹄茅根水 $38一渣竹蔗、馬蹄、茅根及紅蘿蔔， 真材實料！卻是入口幾甜， 好似飲糖水一樣！蟹子墨魚油炸鬼 $58火鍋及配料尚未送到時，我們可以先食小食醫肚！蟹子墨魚墨魚油炸鬼一客六件， 美中不足略嫌墨魚膠太少，油炸鬼香脆可口， 蘸上酸甜醬增添風味！ 我們也一致認為，淋上火鍋湯更滋味呀！招牌花膠鯊魚骨膠原湯鍋 $168 (送甘香泡飯)個湯鍋好巨型，好像食盆菜的盆！一聽見骨膠原，女人的恩物，真是女生大愛呀！湯底清甜而鮮，加入雞腳、豬手、紅蘿蔔...等配料，相當豐富，而且少油！尚未把配料放進鍋，我們已急不及待，先嚐湯底的味道！牛脷託 $88牛脷託比預期大碟，果然份量豐足！ 烚熟後呈牛脷的啡色，入口爽口帶嚼勁！鮮味之餘也沒有臭腥味！鴨粉腸 $58 鴨粉腸是坊間鮮見的火鍋配料！ 不知道是否烚得耐的關係， 鴨粉腸大縮水呀！入口尚算爽身，卻未算如期的鮮美！:(秘製芝士墨魚丸 $68一客四粒， 墨魚丸算幾大粒！ 內裏是軟心芝士，食第一粒覺得芝味滿載， 食第二粒的時候，覺得有點溜嘞！:(四寶餃 $68包括：雲吞、水餃、韮菜餃、爺孫餃； 前者雲吞及水餃質素一般，:(韮菜餃質素有水準，爺孫餃，原來是椰菜酸菜餃子！ 店方特創的口味，既特別之餘味道也不錯！自家脆響鈴 $42店方的脆響鈴，比預期大個，食友教我在火鍋裏燙三秒，然後即時進食，尚有香脆口感之餘，沾上一點湯汁，口感討好！炸枝竹 $28炸支竹比腐竹口感更好又香口！ 所以放棄容易煮爛的腐竹，炸支竹容易掛湯，吸收湯底精華食落很滋味！健康芋絲 $28芋絲質素一般，:(勝在掛湯，入口煙韌！百福豆腐 $28個人覺得，早前無線有個關於豆腐廠的劇集，其出品的一品豆腐，比百福豆腐豆味更濃郁！而且平宜一點！至於百福豆腐勝在夠滑溜，卻是豆味稍遜！:(雜菇拼盤 $48包括：新鮮冬菇、金菇、雞髀菇及秀珍菇，菌類在火鍋湯中，吸收湯底會浸至質感柔軟滑溜更美味！:)超甜粟米 $28粟米有兩個的關係，一個是超甜粟，另一個質素未及預期的甜美，粟米粒粒飽滿而爽脆！:) <喜鍋> 食火鍋價錢算大眾價！原來卻不及另一位朋友慶祝兩位舊同事生日那間尖沙咀的 <海鍋火煱> 抵食及好環境呢！…查看更多

做野做到九點幾，晚餐都未食，朋友提議落油麻地打邊爐，我自己一向食開任飲任食嗰啲，無諗過佢地會選擇一間散叫嘅，但原來真係好大分別嫁，雖然價錢貴少少，但質素真係唔同啲:)好似湯底咁，已經有好多款，我哋就揀咗個人氣之選：花膠鯊魚骨膠原鍋，湯底$168,仲送甘香泡飯，除返開咁多人，其實都ok嘅係等梗湯底嘅時候，服務員為我們遞上醬汁配料，供我們自己調校，配料齊全，而且乾淨企理湯底與泡飯一齊上枱，服務員好細心咁教我地，當湯底煮滾後，可以先品嚐湯底，然後再配合泡飯一齊享用，之後再打邊爐，當我搞下個湯底嘅時候，見到咁大塊花膠真係好驚訝，原全估唔到咁足料本身以為金香泡飯，只係有味嘅湯飯，但原來佢係好似鍋巴、飯焦咁，好脆口，一粒粒嘅，加啲湯落去，脆得黎又享受到花膠湯嘅滋補，好過癮打邊爐之前，我哋仲帶咗個餐前小食：蟹子墨魚油炸鬼，估唔到油炸鬼除左用黎配粥，仲可以有咁新奇嘅配搭，好味由於時間都夜，第二朝又要返工返學，我地都唔敢叫太多野食。打邊爐方面，牛肉永遠都係主角，呢度個頂級安格斯牛頸脊真係正到無朋友，雖然只係叫細份，但份量一啲都唔少，牛肉雪花分布十分平均，牛肉味濃，必叫啊然後仲有個招牌芝士墨魚丸，雖然＄68只得四粒，但每一粒都大過隻匙羹，一人食一粒已經好飽了，入面芝士係mozzarella,香到呢，同墨魚丸真係好夾，芝士迷必食打邊爐點都要食返啲蔬菜嘅，唐生菜新鮮，洗得十分乾淨，一啲都唔求奇食完呢餐真係大滿足，就算做嘢幾辛苦，只要食返餐好，心情即刻好返哂，相比起任點任食嘅打邊爐，散叫嘅質素真係高好多，即使食嘢，其實都應該重質不重量，今次真係要多謝朋友帶我黎食好西…查看更多

去打邊爐，湯底選擇多嘅餐廳特別得我歡心，呢間位於油麻地地鐵站附近嘅喜鍋，有成18款湯底俾你揀， 搞到我哋掙扎咗好耐都唔知揀咩好。最後決定要花膠鯊魚骨膠原湯，呢個湯飲就飲得多，用嚟打邊爐就真係未試過。乳白色嘅湯底調味恰到好處，自然清甜，帶有膠質，好養顏啊！湯水好味之餘，仲非常足料，花膠煲到腍晒，襯未開始打邊爐我已經飲咗好多碗啦！一檯美食有牛坑腩、牛頸脊、珊瑚蚌、手打墨魚丸...牛頸脊係牛身活動量最多嘅部位，口感爽滑，肉味香濃，切成薄片淥一淥就食得。牛坑腩每一塊都帶點牛筋同牛脂，食出肉質腍、牛筋爽、油脂香。珊瑚蚌淥得太耐就會變韌，灼一灼就最鮮味爽口啦。手打墨魚丸Q爽彈牙，讚啊！壓軸仲有香脆可口嘅脆米泡飯，加入湯底，米粒吸取曬湯嘅精華，滋味倍增！…查看更多

之前和朋友到了油麻地烚下烚下，這店雖不算很大，甚至坐得有點點擠迫，但就是食材水準十分不錯，花膠翅骨湯底鮮甜濃香，先喝一口暖在心頭，店家還提供了炸香了的脆米，加入湯汁做成泡飯，。其他食材如牛魔皇塔份量十足，手切肥牛肉味濃厚，安格斯牛肉粒軟嫩多汁；芝士墨魚丸；而有膏肥鵝腸更是筆者至愛，甘香肥美。香港人喜歡打邊爐的程度可算是世界級的，無論是嚴寒的冬天，或是炎炎夏日；兩口子的溫馨時刻，又或是三五知己談天說地，打邊爐都相信是港人必選List中的頭三位。如果說火鍋店在香港「梗有一間喺左近」，相信都沒什麼人會反對吧？！尤其是近年不同形式或主題的火鍋店百花齊放，高檔精緻、珍貴食材、私房秘制、麻辣刺激，又或火鍋放題比比皆是，選擇多得令人眼花繚亂。最近來到油麻地一間人氣火鍋店，店內裝修帶點懷舊氣息，門口放有海鮮缸，飼養著新鮮生猛的海產；店內座位不算華麗寬闊，有點像茶餐廳的格局，但坐落還是整潔舒適的。而店員的招待更是熱情到位，和客人有講有笑十分親民，很有地道街坊小店的味道。打開點餐紙發覺小店的食物款式覆蓋甚廣，單是鍋底已達18款之多，由滿有人氣的招牌花膠鯊魚骨膠原湯鍋到魚湯海鮮鍋，又或是杏汁燉豬肺鍋，都十分吸引。而食材方面亦不遑多讓，鮮美的海產當然不能缺少，就連較地道特別的肥鵝腸、牛坑腩、豬天梯、鴨紅和梅菜豬肉丸亦有供應，而其他種類的手打丸子，豬牛雞和蔬菜的選擇也很豐富，讓人花多眼亂，樣樣都想一試。首先點來是店員推介的招牌花膠鯊魚骨膠原湯底，乳白的湯色感覺十分濃郁，裏頭放滿了花膠、鯊魚骨和雞腳等不同食材，用料一點也不馬虎，湯滾後第一時間先飲上一碗，湯汁濃香充滿海味的鮮味，口感濃厚，骨膠原滿滿的，滋補養顏，大家都不能自控的飲完一碗接一碗。而隨湯鍋附上了甘香脆米一桶，用來泡飯實在不得了，廚師先將飯粒炸脆，像是脆米飯焦一般，放入濃湯略略浸軟，吸收了湯汁的精華後，入口甘香，外脆內軟，啖啖米香佔據了味蕾，濃郁香脆，口感獨特豐富，讓人吃不停口，筆者一試已立即愛上。在未開始火鍋之前我們先來一客鬼馬小食，蟹籽墨魚油炸鬼，這算是懷舊小食的變奏版吧？！油條釀上墨魚膠炸得香脆，面頭撒上蟹籽，添上鹹香，入口鬆脆爽彈，蘸上甜酸醬同吃更是香口，是頗有心思的一道前菜。終於到主角火鍋配料出場，首先登場的是此店的名物牛魔王塔。一個塔內有齊安格斯肥牛粒、本地手切肥牛肉和手切安格斯肥牛。安格斯肥牛粒鬆軟多汁，本地手切肥牛較薄身肉質偏瘦，牛味濃郁；手切安格斯肥牛厚切Juicy，油花分佈均勻，入口嫩滑滿有脂香。三款各有各的口感與滋味，質素出衆，份量十足，果然名不虛傳。秘製芝士墨魚丸，珍寶Size非常Q彈爽實，墨魚味亦很濃郁，配上釀在中心的芝士，完全將鮮味引發出來，那感覺就像是在吃新鮮彈牙的芝士墨魚一般，令人回味。自家脆響鈴卷，新鮮即炸，上枱時還熱辣辣，入口豆香酥脆，略浸湯汁半軟半脆，更顯滋味。鮮肥鵝腸，新鮮鵝腸帶著潔白的肥膏，筆者見到簡直兩眼發光，放入鍋中淥熟後，爽脆滑嫩，脂香滿瀉，鵝油甘香縈繞在口腔中歷久不散，那種邪惡的滋味實在令人難忘。平時豬紅就見得多，鴨紅就真的比較少見了，件頭感覺比豬紅細件，質感Q彈不會一夾就散，滑嫩鮮美。整晚的湯底與食材都十分高質，選料上乘，價格定位又算適中合理，難怪在區內人氣十足，用餐當日雖是平日，但輪候的客人還是堆滿門口，好食程度可想而知，而我們一行三人亦享受了一頓滿足的晚宴。…查看更多

最近"牛"癮又發作，當然找來我的牛孖寶一起出動。今晚來到一家火鍋店，這裡的牛肉也分有多種，餐牌上除了火鍋食物，亦有其他小食，感覺更豐富。餐廳以火鍋店而言，其實只屬小店，地方不大，座位亦不多。店員隨即放下醬料，混醬時間。椒鹽雞軟骨 $38椒鹽雞軟骨的份量多，而且炸得香脆，作為開爐前的小食，非常合適。招牌花膠鯊魚骨膠原湯鍋 $168 (送甘香泡飯)落足料的湯鍋，好多花膠，亦有大大條鯊魚骨，是味道鮮甜的湯底。隨湯鍋會附送甘香泡飯，口感香脆，感覺似米通。可以將湯加到飯中變成泡飯，能夠吸收火鍋湯的精華。頂級安格斯牛頸脊 $178頂級安格斯牛頸脊顏色鮮豔，雪花紋吸引。用筷子夾起時厚度適中，在鍋中稍炙已經熟透，口感香腍，同時牛肉味道突出。牛坑腩 $98牛坑腩份量頗多， 而且厚身，但脂肪和肉的比較得宜。由於厚身，吃的時候最好以較長時間放於鍋中，達到燜的效果，會更爽口。平時吃火鍋，最怕鍋中"起渣"，所以不時要自己撈起，以免影響其他食物。而今晚開爐之後，店員會不時將湯中的"渣"撈起，加上收碟換碟等的服務，以火鍋店而言，的確出色，對食客而言，是一個好的用餐體驗。…查看更多

雖然老婆唔太食牛，不過我同佢姊妹兩公婆都係牛魔王，佢地之前因為同事介紹試過呢間外界一致好評的火鍋小店<<喜鍋 海鮮‧火鍋‧小廚>>，覺得非常好食，所以專登約埋我地一行4人一齊刷返餐牛肉火鍋盛宴。😋喜鍋雖然地址係旺角，不過我地係OPENRICE搵到其實從油麻地地鐵站過去係比較近。我地到的時候，朋友兩公婆已經攞左位，我地坐係地下果層，朋友話樓上仲有一層，地方都幾大特別係餐枱夠哂大，唔驚點多菜放唔落。由於佢地之前已經來過，所以今日點菜就交俾佢地負責，我地負責食就可以。😝今晚主打當然係牛魔王大戰牛魔皇啦，喜鍋的牛魔皇塔$398一份，份量超級大，分3層: 頂層安格斯牛柳粒，下面2層分別係安格斯牛頸脊同手切本地牛頸脊。最搶手係底層的牛頸脊，油脂超豐富，肉質軟腍牛肉味濃，連唔太好牛肉的老婆都加入爭食。🙈中層的牛頸脊肉味最濃，肉質彈牙有咬勁，老婆姊妹比較喜歡呢個。我自己最鍾意頂層的安格斯牛柳粒，肉汁超豐富又爽口彈牙而且完全唔韌，不過需要煮的時間較長，所以都係同佢地搶食完牛頸脊之後再慢慢刷。🤣牛魔皇塔$398呢個價錢確係抵食。👍我地今日揀左招牌花膠鯊魚骨膠原湯鍋做火鍋湯底，材料都好豐富，火鍋前我地都先用呢個湯底配附送我泡飯食左先，湯底好濃郁配上炸得好香脆的米粒，口感豐富又美味，朋友仲將蟶子皇放埋一齊食。😍 蟶子皇特價只係$38隻，好大隻，呢個價錢係街市都未必買到。其他火鍋配料質量都好好，由於自家制比較多，所以品質有保證。當中秘製芝士墨魚丸最出色，墨魚丸係手打，非常富有彈性好爽口，中層有濃濃的芝士，而且超級大粒。另外我地去到時點的餐前小食蟹籽墨魚油炸鬼同越式黃金炸蝦餅都好有特色。竹蔗馬蹄茅根水喜鍋門面唔大，不過喜鍋招牌大大個都唔難搵。餐牌…查看更多

跟幾位朋友在旺角大街瘋狂購物後，肚子開始來了，大家決定一擲千金吃一餐勁的其中一位朋友推介位於上海街的這間名為喜鍋的火鍋專門店，眼見這間餐廳門面設計整潔乾淨，我們便不客氣地走到2樓的一張枱坐下我們一坐下，侍應便立即把醬料盤拿到我們的枱面，供我們自行調配醬料跟其他火鍋店一樣，基本配料都齊全，我最喜歡加點蒜頭和炸蒜在豉油裏面我們四個女生最注重養顏，所以毫不考慮地點了一個招牌花膠沙魚骨膠原湯底，不但美容養生，而且味道鮮甜這是侍應推介我們點的墨魚油炸鬼，入口香脆，上邊更鋪上蟹子，添加鮮味這是除花膠沙魚骨膠原火鍋附送的甘香泡飯，樣子平平無奇，入口卻意外甘香，不出幾分鐘已被我們姊妹們吃光我們先點了個海皇雜錦盆，試試水溫雖然海鮮的份量沒有我們想像中多，卻意外的新鮮，蟹竟然是全隻上，而鮑魚也是大大隻，爽口彈牙一個海鮮什錦盤$398 ，價錢中等，但質素偏高，值得一試美食當前，當然不要讓他停下來我們再點了一個牛魔皇塔，最底層的是安格斯牛、中間的是本地牛，而最上層是牛柳粒真是塊塊皆新鮮，只是看也忍不住口水直流不出半小時，再次被我們姊妹殺光想要清淡一點，我們叫了一籃響鈴，侍應告訴我們這是自家製響鈴，比出邊餐廳的製作更用心吃火鍋當然少不了竹遮馬蹄茅根。這瓶竹遮馬蹄茅根真的會飲上癮，我們足足叫了三瓶熱的吃完，當然要試一試冷的這碟石蚌魚刺身是我這餐飯中最喜歡的一入口便知刺身非常新鮮，而且每一片都切得非常薄而透光，我非常欣賞師傅的刀工刺身吃完後店員還幫我們把剩下的魚骨加工，製成椒鹽味炸魚，不會浪費說到尾，我們幾個仍然不夠喉，像是對這間火鍋店的牛肉上癮，所以立刻點了個至尊手切本地牛頸，真的無可挑剔對牛肉有熱切而且執着的要求的大家，我建議大家來喜鍋品嚐一下，必有驚喜…查看更多

雖然天氣開始熱 但係都冇阻打邊爐既即興朋友帶我地黎食 平時比較少行到哩條街 原來係有咁多食店 可以繼續發掘下哩條街。店員介紹哩個花膠鯊魚骨湯底 係哩間鋪頭既招牌 朋友試過都話正 咁梗係要試一試。真係撈到好多舊花膠嫁個湯底真係好清甜 做得招牌果然出色！哩個湯底會送埋哩個木桶飯 幾有特色 加入湯變泡飯好鮮！哩個蟹籽墨魚油炸鬼係小食黎 唔洗等即時岩晒等緊個湯底滾起。炸到好金黃香脆 真係好食 個墨魚好彈牙 哩個五寶丸有墨丸 蝦丸 鯪魚丸 豬肉丸同牛丸 寫住手打自家製 目測有乒乓球咁大粒食落係爽口既 五種丸都各有特色 個人特別喜歡蝦丸同墨丸 正呀哩個芝士墨丸好好食呀 一咬開芝士就流出 食果時要小心熱到。由於每人一粒唔夠喉 再叫多左1碟打邊爐點少得響玲都係寫住自家製 放入湯一浸拎起食係最好食既！吸左鮮甜既湯底係一流呀！全晚既主角梗係哩三層牛肉啦 我地幾個都好中意食牛所以非常興奮！哩碟牛唔係單一種牛咁簡單 係包左幾種部位 我食到有肥牛粒 牛坑腩 有d就分唔到 但所有肉都好林好食絕對滿足到我地愛食牛既人 真係幾高質素！…查看更多

今晚諗唔到食乜好，男友就提議不如打邊爐啦，之前聽朋友講過呢間打邊爐湯底好多選擇，價錢又唔貴，於是就黎試吓啦！一坐低，侍應就攞咗調味料過來俾我地溝，咁一於一路混醬一路點野食啦。見到餐牌上有個牛魔王塔，好似好吸引咁，不過侍應話三四個人先食得晒😩我哋今日得兩個人，唔係叫咗好多嘢食，一個花膠鯊魚骨膠原湯鍋，一隻大馬貝，一碟細嘅頂級安格斯牛頸脊，一份自家脆響鈴卷，一個蟹籽墨魚油炸鬼小食同埋一份唐蒿菜。最先上枱嘅係墨魚油炸鬼小食，呢個小食應該係新鮮炸起嘅，脆卜卜熱辣辣，墨魚滑爽口彈牙幾好食。後來發現浸落湯淥10秒再食都唔錯，吸收埋個湯嘅鮮味。跟住，骨膠原湯鍋同其他食材都上枱了。個湯鍋有好多湯料：花膠、鯊魚骨、雞腳、豬手、蔬菜等等，個湯好鮮甜，侍應叫我地打邊爐之前飲返兩碗湯同食啲湯料先，又真係幾好味喎😋打邊爐必食的響玲卷都係新鮮炸起嘅，一份有六大嚿，非常香脆，淥落湯度浸3秒就食得。（不過其實炸響鈴真係好邪惡，卡路里高之餘，仲可以吸好多湯，爆肥的😩）牛肉又係打邊爐唔可以缺少嘅食物，頂級安格斯牛頸脊嘅雪花多而且均勻，脂肪同肉嘅比例啱啱好；入口肉質細嫩結實，而且肉味好濃，食到停唔到口！咁大碟後頸脊先$168，非常抵食！跟住試吓侍應推介嘅大馬貝，一隻馬貝切左三大片，每一片都幾厚肉的，淥10秒左右等佢轉左色就食得！口感爽脆，味道鮮甜，又係必食推介。食到七七八八，侍應提醒我哋仲可以食埋個甘香泡飯。個桶仔裝住炸香咗嘅飯粒，加啲湯落去就成為左泡飯。個湯經歷左咁多食物嘅洗禮之後，變得更加鮮甜濃味，呢碗泡飯真係好正👍🏻今餐食到勁飽，每人都唔使$300，的確抵食！下次要叫多啲人一齊食個牛魔王塔！…查看更多

今晚出咗旺角睇戲，六點幾睇完，就周圍睇下有咩好食啦。行下行下，就俾呢間喜鍋吸引住。雖然天氣唔係好凍，但都無阻我地去打邊爐（其實係比佢個招牌花膠鯊魚骨膠原湯鍋吸引左！骨膠原喎）入到去，茶仔咁嘅格局，再加幾張卡位，心諗點解打邊爐鋪頭竟然冇大圓枱？！問左下老闆，原來大枱同埋房間都係樓上。睇下張食物紙，價錢唔貴喎，而且餐前小食同湯底都好多選擇！湯底好多款都好正，選擇困難症又發作。。不過既然一心要試骨膠原湯鍋，咁其他就留返下次啦 （杏汁燉豬肺鍋真係好吸引。。）老闆叫我地like Facebook, 跟住就送咗個麻醬冰菜俾我哋，淸新醒胃！我哋叫咗蟹籽墨魚油炸鬼。呢個小食上枱熱辣辣，油炸鬼香脆，墨魚滑爽口彈牙，再加埋面頭d蟹籽，口感非常豐富，真係必食嘅小食。跟住其他打邊爐嘅嘢都上枱啦！成枱都係嘢食幾開心講返個湯底先，真係非常足料，花膠、鯊魚骨、豬手、雞腳等等，湯頭好鮮味，未開始打邊爐已經各人飲左兩碗湯同食咗好多湯料呢個馬貝係時令海鮮，又係必食推介，師傅已經切左片，淥10幾秒就食得！味道鮮甜，肉質爽脆，唔點任何調味料食就最正。呢碟頂級安格斯牛頸脊勁抵食，$168係細size嘅份量，但其實都有好多好多片(呢度已經食左1/3)， d雪花紋好細緻平均，肉質嫩滑得黎又有咬口，真係食到停唔到口之後點都要食返啲菜, $28一碟唐蒿新鮮份量都唔少！最後再食埋個花膠湯撈脆脆泡飯，個泡飯吸哂個湯嘅精華，真係食到好飽好滿足…查看更多