宜家家居餐廳及咖啡室

酥炸鹹豬手 伴酸椰菜及薯仔🍖鹹豬手超大隻，這個價錢好抵食，外表真的炸得很脆，但不算很入味，略欠鹹香，我會沾肉丸醬汁吃。香烤三文魚柳 伴椰菜花飯🐟三文魚柳很厚身，吃起來很有口感，充滿油香，椰菜花飯原來不是飯，是椰菜花茸，更加健康。瑞典肉丸🧆這個每次都會食，而且一定要沾紅果子醬。蘋果批🥧面頭是Crumble碎和燕麥，中間的玉桂蘋果茸餡口感比較實，見比平時便宜，$8一件所以就吃了，不過蘋果批好像還是熱食較好吃。…查看更多

下午去沙田新城市廣場shopping 後，肚餓開餐，正愁食咩好時，心血來潮不去ikea，自由行人數減少，應該好快有位。要知道對上果次去ikea已經超過一年前，當時人超多，當中不少係自由行，等位等到人到忟。今次果然不出我所料，等左2分鐘已經有位。蜜糖烤雞：呢個價真心抵，有雞有薯格和粟米粒。雞肉入味嫩囗，薯格不太油，粟米正常。.  瑞典肉粒：呢款每次食都點，肉丸配上芥末和果醬，yummy.蔬菜薯餅伴焗雜：呢個係我favorite item, 雖然焗，但不油，加入蔬菜，味道好夾。蜜糖火腿蛋薯仔：呢碟最普通，性價比最低，料雖多，但配千島汁，味道普通。熱咖啡：$7任添，味道正常，真心抵。…查看更多

同老公行完文化博物館大約5點啫 , 咁就行埋IKEA , 有三層慢慢行 , 行到7點幾老公開始肚餓要去IKEA餐廳 , 入到餐廳大堂張張枱坐滿之餘 , 仲有好多人企喺度等枱 , 我提議8點先黎可能少D人易搵枱 , 佢話等得黎都8點啦.....結果等左廿分鐘有枱 , 都未到8點.....老公要龍蝦 , 我對蝦敏感所以無得試 , 佢話好鮮味好彈牙 , 我要燒牛仔柳 , 好林好入味 , 老公因為鍾意食薯蓉所以叫埋肉丸 , 不過我覺得肉丸太"漏" , 好濟咁....用餐大約9個字 , 當時8點9左右 , 但都仲有人等緊枱 !…查看更多

每次去沙田宜家買東西，就會想著也去幫趁它的餐廳。 但每次看見大批人等位，就有點無奈地不想等位。 今天早收工要去宜家買櫈，可能天氣不好，竟然不用等位，真的太好了。燒荷蘭牛仔柳配薯蓉$63牛仔柳肉嫩，洋蔥汁也煮得夠香。 不過伴碟什菜煮得太耐太稔。 薯蓉唔夠滑，質感有點糊口。瑞典肉丸 $20每次必食之選，一個字＂抵＂。小食拼盤$39煙燻蜜糖腸 - 腸粗皮脆好味酥炸黃金雞翼 - 炸到肉有點乾香辣薯角 - 唔脆唔熱，唔好食甜粟米 - 冇味香脆薯格$13仍新鮮香脆，大大份…查看更多

本來打算只到宜家傢私買一點東西誰知道一邊走就傳來美食的香氣原來我還未吃午餐然後就被香氣俘虜了宜家傢俬只有名的是肉丸我們兩個人點了10粒在配上紅莓醬其實剛剛好牛仔柳的生熟程度剛好只是脂肪好像太多雞翼看上去就知到太乾了薯格炸得非常香口…查看更多

平民飯堂就係IKEA, 雖然打著北歐的旗號，但價格未有因此而提升，食物質素有了保証。之前去過瑞典，才發覺HK IKEA真係唔係流的，在瑞典最常見又出名的就係meatball和salmon。今日係沙田IKEA試下有幾北歐。蔬菜薯餅好食又健康，不用點sauce都很可口帶點crispy,但係salad唔係好fresh。Meatball 同我係瑞典食的有9成似，係度食只係$20，但係個度就$100。物超所值！最愛個紅苺醬，唔駛齋食肉咁dry。個 mesh potato and gravy 都好味。Honey sausages有驚喜，$10 三條，去邊度揾？！仲要堅好食，個皮又脆又甜，正！呢個係仲夏之美食，New menu, 炸魚都幾好，唔油利。fettuccine texture 幾厚，感覺幾fresh, 但係個汁真係少左D。整體唔係幾仲夏。Dessert係lemon tart, 有質素，好有fresh lemon味道，Good for summer!再試埋個organic drinks，個packing好得意，唔係好甜，但係味道一般。…查看更多

午餐後路過新城市中央廣場，這兒多傢俬店，周圍看看，上五樓IKEA，見宜家家居餐廳及咖啡室，帶點寒意，要個小吃吧，選上瑞典肉丸，九元五個，抵食。瑞典肉丸 $9肉丸醃得好味，配合醬汁，一啖一個，驅寒暖胃，加上肉丸用料不差，肉質甜美，最後還要多來一客解饞。其實宜家家居餐廳的小食相當不錯，價廉物美。…查看更多

平時去開沙田, 都一定係食貴野架啦! 每人最低消費都$1XX 起!由於近排洗大左, 靈機一動, 不如平平地, 食IKEA 啦。據我觀察, 一到7點半, 就開始一位難求啦。所以唔想等位既, 就最好7點半前到!今次食左三文魚菠菜麵, 一般, 三文魚唔多, 但佢個肉醬底OK既!之後當然有叫招牌肉丸啦, 仲一定要多醬添, 咁先好食!初頭見到有薯格賣, 都諗緊買唔買好, 因為好怕佢放好耐, 淋晒!但見好多人都有見, 見佢又唔係貴,$13, 所以就試下啦。比想像中好食既, 但都係唔及KFC 好食個炒菇不過不失, 純粹係覺得有個菜會健康啲!最後甜品揀左蘋果批! 由於唔想凍食, 所以我食前都係拎去叮佢一陣,好食好多!…查看更多

上星期日,去完探BB,就順道去了沙田宜家逛逛,為家中添置一些新的碗碟,小裝飾等雜物....點解 D分店間間都離我家10萬9千呎遠.....買少少野又要自己托返去,老老實實,迫我地上網買野嗎?行了一陣覺得有點累,就到了咖啡室食少少野,星期日,又近6點鐘,早已預計到是人山人海,我....一個人又不算太難搵位~都係自助的形式,先取食物付款,之後就自己搵位,不過,記住食完的餐盤要自己拎去回收站放好,是遊戲的潛規則....今日試下新野,蔬菜薯餅蔬菜同薯仔丁都算幾大粒,有適量的嚼頭吧,味道方面奶味都幾明顯,口感係外脆內軟的,利用焗的方法處理,油膩感也不重,我行左落樓下有Retail ,可以回家用焗爐自家焗,望左個成份,證實入面除了蔬菜薯仔,仲有芝士同洋蔥,即是奶蛋素!!純素的朋友要注意了!不過$15兩件都叫做幾抵食,發牙痕就very good了~另外,仲叫左鐵膽"瑞典肉丸" $19 有10粒,仲可以免費拚意大利粉或飯,我明顯係牙痕所以就配返薯仔粒就好,因為意大利粉的份量也多的,堆到一個小山丘,以肉丸來說都是最喜歡旁邊的果醬,甜甜地,點肉丸幾相配!如果不是,我也不能一個女生,吃下10大顆!哈!以小食來說,性價比都算得上高的,咖啡室的食物都可在下層的Supermarket找到急凍裝,住得遠的朋友,不妨買些在家中自製,醫醫口痕,兼來一個瑞典大餐呢~…查看更多

沙田新城市廣場已經完全淪陷，變成一個只係focus喺強國人既shopping mall。要星期六夜晚唔駛等位有飯食簡直係天方夜談！冇辦法之下唯有行十零分鐘去Ikea，希望可以避開附近既遊人啦！可能由於啱啱過左聖誕節既關係，是晚既special dishes都係同聖誕主題有關！10粒瑞典肉丸（$19）︰家傳戶曉既signature dish唔駛多講，一個字「正」！繼續唯持一貫水平，唯一要挑剔係D薯仔有D頹，溶溶爛爛、大小不一咁賣相認真麻麻，不過入口既口感同味道都叫做交足功課！蟲草花無骨豬飯（$28）︰所謂無蟲花其實只係西蘭花同埋紅蘿白，而無骨豬既果幾片豬手肉都算幾有肉味，只可惜既係肉質相對比較韌，切開既時候都頗為用力。至於個肉汁亦都好似鹹左少少同埋比較油，而飯既質素更加只可用「勉強可接受」黎形容，似係大量製造然後放左好耐既製成品。火雞卷釀三文魚（$36）︰因為先天所限，火雞卷注定會有少少鞋口既感覺，不過卻比想像中冇咁韌。火雞既味道都叫做幾好，整體都尚可接受。配菜好似車厘茄、薯蓉同埋紅蘿白雖然似係一早整定擺左好耐咁，但都重有微溫同埋少少蔬菜既鮮味。加埋$7任飲既free refill汽水，兩個人啱啱好洗左$90蚊，重平過食food court呀，呢餐飯真係抵到爛呀！…查看更多

得間無事去吓宜家傢俬食嘢係要既. 因為我已經愛上佢既肉丸同佢個汁!今次咁啱要去宜家傢俬買嘢, 又點會錯過我同肉丸既小聚片刻~ 鴨胸莧菜巻配香草忌廉汁 $26做緊特價, 點都要試試佢啦, 加上我鬼咁肚餓, 幾粒肉丸邊度夠! 可惜, 真係麻麻地鴨胸有啲乾, 亦唔香, 食埋皮都冇乜味, 只係得個鹹味.. 莧菜亦冇乜莧菜既味, 要狂點汁先食得哂.. 但配菜粒薯仔好好食, 好想知佢點煮到咁煙韌!個汁唔差既, 都有啲香草味, 但唔算好香~下次唔會再叫~ 瑞典肉丸  $10大愛!! 最鍾意既係佢個Gravy加埋Cranberry Sauce, 好有聖誕節食火雞既感覺! 佢個汁我可以"飲"!*冇錯, 係有啲變態, 濃味怪是也..  咖啡 $7 (任飲)咁平, 仲要任飲, 想點先~不過講真, 質數一般啦.. 唔夠濃, 亦冇熱既奶提供. 但7蚊咁平, 夠哂抵啦!需要咖啡因既朋友, 唔駛考慮, 一定飲!*飯後冇杯咖啡, 點得架~ XD雖然佢啲嘢未必樣樣都咁好食, 但咁既價錢有咁既質數, 我唔俾讚可以俾咩?!幾時再去好呢? 嘻嘻!…查看更多

倘若你曾經係沙田既學生哥, 必定會黎過 Ikea餐廳打發時間, 點解? 因為以前呢度既汽水係$6/杯, 任斟任飲囉! 學生年代三五知己行 Ikea, 夢想著長大後既家居佈置, 果真係一件很浪漫的事情..... 但今天有了自己的家, 就發現事與願遺了, 或者是生活品味和態度已隨年華流逝而有所改變, 不過這一趟宜家之旅, 確實令人回味........宜家餐廳的瑞典肉丸響負盛名, 是必吃之選, 我order 了一客 $29 有15粒肉丸配上5顆焗薯, 睇見就流口水, 肉丸是用豬肉混合牛肉秘製的, 外層煎香有脆口的感覺, 配上忌廉汁和紅果醬, 肉味更加突出。之前有吃過朋友在宜家超巿買回來的急凍肉丸, 亦有忌廉汁和紅果醬出售，我今次也有買回家，可以再三回味，正！雞鎚疏菜餅的雞鎚沒有什麼特別, 特別的是疏菜餅, 焗至金黃色既外層非常吸引, 裡面有一粒粒既薯蓉混埋芝士, 西蘭花, 忌廉, 磨菇等等,　味道層次豐富，滋味無窮。而牛油粟米亦粒粒卜卜脆，加上新鮮既車厘茄，令人滿足又覺得健康既一餐。…查看更多

酷熱天氣之下，由慈雲山行到大圍後，人溶兼衫濕是預期之內的事，幸好在附近的商場找到一條巴士線返沙田市中心。想不到沙田市廣場內有什麼好吃，於是行遠少少到宜家傢俬......好啦好啦，我承認我想食肉丸，這已經是我在沙田的指定動作，不做不安樂。已經是超級肚餓了，好在友人帶領下走了捷徑，不用在傢俱部轉來轉去，更可以快十分鐘﹗餐廳人頭湧湧的實在不是新鮮事，撞正有幾枱食客差不多食完，大家站在附近等一等便可以了。我等的這一枱食客很好人，太太追趕他的老公"快D食"，我笑說"慢慢啦我地都未有野食到,唔使急"，太太便說"唔關你事,係我想佢食快D"，她自己都笑了，真可愛﹗這時候什麼都可以吃得下，用來填肚最好當然是澱粉質，薯條$8一大碟，很乾身，拿上手不感到一絲油膩，薯條內入面也有點薯蓉，並不是空洞洞。我喜歡食沒落鹽的薯條，所以宜家不加鹽的版本實在很岩我。上次一人兩隻不夠喉，所以今次一人食四隻﹗炸雞翼$22/8隻，七大一小，哎呀，小的那隻更加是被大隻的遮蓋著...雞翼基本上是皮脆肉嫩已經收貨，當中的肉汁也沒有流失，肉味帶點鹹香，十分好吃。當然不能不食瑞典肉丸$19/10粒﹗感覺上又比上次細粒了，而且肉味沒有以前那麼重，肉質也鞋了不少。幸好有那汁那醬，配以肉丸食實在無敵。雖然食感差了點點，但每一次來宜家都會食肉丸，是習慣，沒有原因的。現在看回以前的食評，才知道上次我食的是有機菠菜芝士班戟。今次的是有機蘑菇班戟特價 $15，當時我以為是上次吃的那種，怪不得這個硬是覺得不同，完全不合我口味，因為是忌廉汁混入蘑菇，我不鐘意食白汁，而且很膩呢﹗但事實它是好抵食，兩大塊一個人食的話都幾飽肚﹗飲品方面，友人飲任飲汽水$7，因為行山時我已經飲了兩支凍飲，現在反而好想飲熱的但這裡只有熱咖啡。我知道宜家有免費凍熱水提供，那我飲熱水吧，不過發現原來膠水杯已經不是放在餐具位置，而是放在收銀員旁邊，由收銀員看守，要杯就要問收銀員拿。嗯...我想，可能很多人拿膠水杯來斟汽水來飲吧。(已付錢的汽水是用玻璃杯)為什麼至今還有食客可以食完就拍拍屁股走人的呢﹖收餐處出面幅牆大大隻字寫住請大家自行清理枱面...怪不得餐廳清潔員由以前一位加到現在兩位...夏日炎炎，同場加映小賣部的軟雪糕$2.5，這個價錢簡直平通香港﹗當然品質一點也不差，雪糕軟滑，勁濃牛奶味，脆筒是脆卜卜的。…查看更多

今日有幸到了沙田，便立即決定要到ｉｋｅａ一趟因這裡有著阿蘇成日都介紹既瑞典肉丸成日上ｏｐｅｎｒｉｃｅ這裡看到食評都已經流曬口水了今天終於試了馳名既瑞典肉丸啦這一碟肉丸有５粒＋３粒著仔都只是＄１０大元真的物所超值！！而且肉丸真的十分十分ｊｕｉｃｙ，啖啖肉汁！配合那個草莓醬簡直美味極致！真是絕配的配搭喔說真的，我食完這碟之後立即就想ｅｎｃｏｒｅ了！！難怪看著其他客人永遠都是一叫就十粒，二十粒咁叫啦！因為真的十分美味喔我一定會再來ｅｎｃｏｒｅ呢…查看更多

今晚同女朋友行完沙田買完衫行到又累又肚餓, 就係沙田搵野食, 後尾2個去左宜家傢俬餐廳既沙田店食飯~依間野之前呀SO介紹過的~瑞典肉丸的確好味, 但好似無去講到咁勁咁誇~!!!!!女朋友叫左個龍蝦仔法國濃湯, 略為篇咸, 但夠龍蝦肉夠大舊補返數~呀SO 推介既瑞典肉丸, 又有薯蓉再+果醬, 抵食又好味~10$有成5粒..唔同之前九龍灣一定要叫10粒~我就中意酥片煙豬柳..可跟飯, 意粉薯菜, $39, 豬柳SIZE 超大舊...抵食~肉又夠嫩, 女友就叫左意粉~下次再去都要再叫過先~…查看更多