今日早上黎到沙田新城市廣場，突然想飲下早茶咁就搵左呢間北京樓，之前就有試過晚市都幾好，早茶都係第一次。行到門口樓面一個人都冇，咁就自行入去搵位，坐低就用code點餐，我點左珍珠雞，咸水角，龍蝦汁鮮竹卷，雞扎同埋叉燒酥，等左大約二十分鐘先黎一碟叉燒酥，尚算鬆化同微暖，叉燒味道不過不失。咸水角皮外層比較厚，味道一般。雞扎做得相當出色，魚肚入味足料。珍珠雞味道很好，料足有榣柱。龍蝦汁鮮竹卷就最正，我食過很多間既鮮竹卷呢間算最好，卷料足加上龍蝦汁，鮮竹吸收了龍蝦汁層次更突出，我諗如果有朋友睇到我呢個食評記得點呢個點心。美中不足是上菜很慢，我見意大家先點菜後先再洗食具。…Read More
