墾丁茶房

Megabox 的墾丁茶房這幾年一直都有光顧, 價錢其實以台灣菜來說是偏貴, 不過有時侯晚飯想坐得舒服一點, 都會來這裡的。位於11/F位置的店鋪,  由於店面十分廣大, 基本上除了店內位置, 就連外邊的位置都十分大面積, 而且食物質素偏高, 但眼見從未爆場, 可能真的是因為店面偏大。 而且個人十分喜歡其裝橫佈置。 首先燈光充足, 加上裝飾特別而且空間廣闊, 讓人有人放鬆心情及舒適的飲食環境。 而且位置剛好可看到樓下8樓的溜冰場, 溜冰場強勁的燈光給了不少空間感, 加上可以隨時欣賞賽事, 令食客多一份娛樂。首先說說菜單, 除了一本記載著所有菜色的菜單本之外, 還有二人套餐及是日推介。 我和男朋友都各自各叫是日推介, 價錢由$68-78不等, 其實有很多菜色都很合我心意, 令人眼花繚亂。我有掙扎到底吃鹽蘇雞排飯還是魷魚筒燒茄子飯。 最後我就是選擇了鐵板燒汁魷魚筒燒茄子配飯,餐單上更是注明了(原隻魷魚筒), 說到底雞排還是很多地方都吃到, 原隻魷魚筒真的比較少吃到呢!   先說說這個套餐, 套餐$78 包飲品可選珍珠奶茶或綠茶爆爆珠, 一向不喜歡奶茶的我就選擇了綠茶爆爆珠, 另外還有是日侈湯及甜品。 最先來的竟然不是湯而是我下單的鐵板燒汁魷魚筒燒茄子配飯。 待應一拿到來我雙眼馬上發光, 真的是中型的原隻魷魚筒, 還有我最愛的茄子  由於是鐵板燒, 因此店員有另外問是否需要現在落汁, 不過我男朋友就拒絕了並親自幫我落, 先看看賣相魷魚有筒塊及魷魚鬚, 傳來一陣陣魷魚的香氣, 而且沒想到燒茄子還是一大條的, 茄子上還有木魚絲、炸蝦、炸魷魚作伴菜,真的很驚喜呢  整碟精美的餸菜還有芽菜墊底, 而且份量搭夠, 毫不吝啬。  說說魷魚, 香氣四溢、味道鮮嫩, 口感不會太硬或太淋, 恰到好處。製作不馬虎, 如果菜的份量可以更多就更好。茄子燒起來很像內裡不太熟, 不過茄子配上燒汁的味道很配合, 因此整體而言, 一整碟鐵板燒汁魷魚筒燒茄子配飯, 可以說是美味精緻 給9.5分。 小杯子盛載的就是鐵板燒的燒汁。湯竟然是鐵板燒到了才到的呢, 是我和男朋友都很喜歡的西洋菜湯, 果然很足料的有菜在內, 不過湯表面看起來很油, 這個減了分, 食店應更注重健康, 少落油或在上湯前處理好湯面上的油份會更佳 , 雖然是表面比較油, 但確實地西洋菜味很濃很香, 是有火喉有湯水。 另外就介紹我男朋友叫的套餐, 整個套餐都包括跟我一樣的一款菜色、湯、飲品及甜品。 佢叫的就是糖醋魚配飯。 我們兩個是一起分享兩個餐, 我個人覺得糖醋魚偏酸, 不過魚的肉質很鮮嫩, 由於是糖醋魚外表已經是炸過的, 但魚肉依然很鮮嫩, 不像急凍的魚塊, 因此肉質是值得一謙, 不過如果一個人來吃並且怕酸的話, 可能會因為酸而吃不下, 相反我們兩個人兩個套餐, 一起分享的話就剛剛好了。 再來就是, 由於我和男朋友比較大食, 因此就算走到哪裡吃飯, 我們叫完了每人一個餐, 都總會有想著加點小吃或招牌餸菜的念頭, 當然亦都有很多次是"眼大肚皮窄" 地吃不下了, 不過這次就剛好, 全部清光光。這是每一個套裝都可以大概$30的價錢加的小菜, 套餐餐牌下方共有四款以供選擇,我們就加點了這個鹵水拼盆(豬頸肉、豆腐), 然而這味菜最大的特色味道竟不是鹵水, 而是"花椒八角"的香味。 在外吃飯很少餐廳會有花椒八角的醬汁, 而這裡花椒八角的味道, 是特別香濃, 基本上花椒八角的味道是完全蓋過了鹵水,當中的鹵水立即成為了配角, 只作了味覺點撮。我自己原本就已經十分喜歡豬頸肉, 這裡煮得很合我心意, 豬頸肉薄片, 爽得來有口感, 咬下去有肉質溶化的感覺。配上豆腐, 由於豆腐本身有鹵過, 因此也有很香的鹵水味道, 加上煙煙韌韌的腐皮及很香豆味的豆腐, 整個小菜+白飯=絕配!好吃非常! 我們每次來叫小吃, 這個都必定是首選呢!飲品方面, 我叫的綠茶爆爆珠, 綠茶的味道不太甜, 而且真有茶的香濃味, 加上爆爆珠份量十分多, 佔大約四份一杯, 由於我十分喜歡吃爆珠, 因此對這杯飲品加了不少分數。 至於我男朋友叫的珍珠奶茶, 由於我不好奶茶, 因此沒有試味, 但我男朋友十分滿意, 因為他喜歡"多奶少冰" , 而又真的有做到多奶少凍, 而且據他說茶及奶的味都很香, 因此我想應該都是挺不錯的呢! 至於是店員親自留意每檯客的用膳情況, 再根據客人的節奏,於每檯客人臨完成晚餐後才新鮮送上。這個舉動很貼心很欣賞! 至於啫喱甜品, 面頭先是一堆堆珍珠, 然後就是士多啤梨果醬, 有一片薄苛葉作伴片, 還有菠蘿。 我覺得啫喱有點像大菜糕的味道及質地, 另外士多啤梨果醬好像與整個甜品不太配合, 如果可以, 沒有士多啤梨果醬很像會比較好。…查看更多

趁weekend同老公去megabox 睇下有冇咩行，等parking等左好耐，等到肚都餓。。惟有去揾食, 本身諗住去食越南野，不過好似冇咩啱食，只好移一移玉步去墾丁茶房。。見到有果tea set幾抵$40...有粉，奄列，酥炸雞同野食。。一於試下。我咁慳家，梗係嗌$40果個set..老公就嗌左紅燒牛肉麵。。好快就黎左個米粉，好可惜其他野等到我差唔多食完個米粉都未黎😑味道方便不過不失，$40嘅餐算係咁。。不過要讚一讚杯珍珠奶茶幾好飲，唔係好甜有茶味，仲有d泡沫。。👍老公食果個紅燒牛肉麵，佢話幾入味，d麵都幾彈。。整體黎講，不過不失。。不過d服務態度就差ｄ,有個男侍應放低d野食果時又勁太聲，跟住撞到我地張枱櫈又若冇其事，我諗佢要再培訓。。…查看更多

看電影後去墾丁茶房吃下午茶，但原來這兒沒有下午茶餐，只有午餐和墾丁常餐。我們選了後者，兩款都試一試。我們吃了~ 香菇肉燥湯新竹米粉：賣相和平時在大ＸＸ吃的下午茶湯米粉相差不遠，但半透明的新竹米粉的質感較爽。 火腿芝士奄列拼鹽酥雞扒及牛油厚多士：值得推介！ 火腿芝士奄列不但香滑，奄列內除了有數量足夠的火腿外，更有洋蔥，正！ 至於鹽酥雞扒皮脆肉嫩，好！ 多士不算很厚，烘得尚可，塗上牛油後味道也不壞。 火腿芝士奄列配特色雞肉腸及牛油厚多士：奄列、多士的評價同上，而面條特色雞肉腸有香草味，令我想起德國菜。 菜肉餛飩：餛飩飽滿，味道不錯，最驚喜的是那看似啡色的湯底竟然是肉骨茶的味道，好！ 沙茶牛肉新竹米粉：感覺與茶餐廳的沙嗲牛肉米差不多，牛肉軟而入味。 珍珠奶茶：我們都很喜歡這杯奶茶，份量十足外，甜度可隨意添加，茶味足夠，珍珠又多又有嚼勁，好味道！ 整體而言，我們滿意墾丁茶房的食物。星期六的下午茶時段，顧客不多，坐得自在又舒適，環境不錯，可以靜靜地聊聊天。…查看更多

「墾丁茶房」位於Megabox 11樓，location非常好，靠窗既一排坐位更加可以望到溜冰場，非常開揚舒服！可能因為waiter嚴重不足既關係（成間舖頭得兩個staff），基本上大部份既野都要DIY，自己搵位，自己搵餐具，甚至佢杯水都要等差唔多十五分鐘先至黎到。價錢方面同附近既餐廳差唔多，都係$50幾$60一個餐，以商場既價位黎講算係叫做勉強可以接受。「是日小食」方面係「鮮檸黃瓜」，坦白講非常一般，有D似傳統中式「上海舖」果D酸瓜，但醃既時間略嫌不足，所以味道好似「口淡淡」咁，到喉唔到肺感覺唔係太過良好。香酥豬小排湯麵︰份量細得驚人，坦白講比一個下午茶餐既份量重要細，我相信就算最細食既女士都未必飽。麵方面非常爽口，麵身亦都十分煙韌，湯底亦都非常入味，只係份量實在太細喇，比一個營多撈麵重要細，完全食唔飽！豬扒方面更加只係得三小舊，雖然炸得好鬆脆，但係咁既份量都夠膽比個客真係好過份！珍珠奶茶︰非常特別亦都最喜出望外既飲品。我係第一次飲到完全一粒冰都冇既奶茶，而茶方面亦都飲得出唔係淨係就咁用茶粉沖出黎，茶上面仲有少少泡，睇得出用左心機去炮製。糖水方面更加係自己落，要幾甜有幾甜，咁就唔會好似坊間既奶茶咁甜到嘔！蜂蜜豬小排配珍珠飯︰豬扒方面炸得相當鬆脆，份量方面亦都冇上面個餐咁姑寒，不過味道有少少過甜既感覺。由於罐頭蜜桃本身已經有甜味，所以當再落蜂蜜落去既時候令到個味道over左，再加上倒蜂蜜落去既時候唔均勻，所以導致一部份豬扒甜到嘔、另一部份卻唔夠味既情況出現。另外，飯方面絕對唔係珍珠米，只係一般「頹飯」質素既大陸甚至係越南米，有D欺騙觀眾，比較失望！沙茶豬頸肉石鍋飯︰有少少失望，豬頸肉既份量就夠多，但係一片片薄如紙同埋淡而無味，只係求其用豆粉撈左D沙茶醬，整個汁淋上去就算，一味得個鹹字！飯方面由於用左石鍋既關係，飯底有一部份都燒焦晒，入口口感認真麻麻，食完個飯成口油不特止，味精過份重手更加令到我成個下晝都好口渴！Overall整體質素只可以勉強叫做比acceptable好少少。唯一要讚下既係侍應既服務態度。雖然嚴重understaffed，但佢地都盡量快快手手，幫D客搞掂晒所有能力範圍可以做到既野。希望佢地老闆可以睇到佢地用心工作既態度，快D加返D人手比佢地，唔駛做到嘔啦！…查看更多

估不到megabox現在如此受歡迎記得它最初剛剛時,遊人疏落今日,大排長龍去等接駁巴可是,我們很趕看電影最後選擇搭的士去到還夠時間去吃個tea呢選擇了墾丁茶房還記得我們去年三月去過了墾丁畢竟得這陽光海灘的地方不太適合我們呢!看過雜誌知道墾丁茶房是大快活開的應該不會太差呢tea set都有大約十多款選擇由貢湯到肉燥飯都有鹽酥雞排迷你肉燥飯雞排不似豪大大般的炸,似是煎的,味道可以,但雞不夠滑迷你肉燥飯值得一試,肉燥很惹味花生醬吐司+貢丸湯麵上面的花生醬與超市無異,麵包一般鬆軟不太值得試吐司貢丸湯麵反而有驚喜麵質有彈性貢丸亦爽口彈牙珍珠奶茶珍珠彈牙奶茶算可以,但略偏甜…查看更多

新開張都未試過的墾丁茶房,以前係星馬餐廳.今次同個超鍾意去台灣旅行既同事去試試好彩早去到(12:30), 等了5分鐘到有位,坐旁邊位.望到溜冰場...環境幾好lunch set都有幾多選擇...好多人食蜜味芥末豬頸肉焗飯..由於不想食得咁heavy, 都係要左個菜肉餛飩貢丸湯麵,同事點了紅燒牛肉湯麵, 大家都轉了凍珍珠奶茶 菜肉餛飩貢丸湯麵 - 貢丸一般, 反而餛飩幾有口感,湯底略淡, 不過比預期中好, 因為我太愛食菜肉餛飩了..要求相對提高 紅燒牛肉湯麵- 食了一小件, 味道不錯, 同事覺得不過不失 珍珠奶茶 - 同事讚好,我覺得一般, 不過值得讚的糖水是自己落..你想甜d又得...淡d又得 整體幾好, 環境ok...lunch 時間黎講都上菜都算快…查看更多