花花世界.

今日同女朋友拍拖記念日,女朋友很喜歡花,所以特登帶佢黎這間咖啡店,這間咖啡店就在旺角港鐵站附近,好方便。這間咖啡店是樓上鋪,和女朋友搭完lift 上樓後,一出lift ,女友已經好開心,因為門面已經佈置得很靚,有好多花圍住門邊,仲有個香薰機點著,好舒服的感覺。推門進去,女朋友更加開心,因為有塊很大的花花牆，有個花花鞦韆，仲有兩張圍住花的卡位櫈，女友當然選擇坐在這兒。地下又有玫瑰花瓣，甚為浪漫。真係可以謀殺不少菲林,女友就影了很多相。因大家不是太肚餓，所以只是每人叫了個主菜和飲品。我就叫了美國安格斯肉眼配紅酒燒汁 ,女朋友就叫了香煎比目魚配香檳玫瑰汁 巨峰提子梳打和玫瑰鐵觀音青烏龍茶 主菜會送個餐湯.今日是粟米忌廉湯,餐廳用了好靚嘅碗載著個餐湯,令到食慾增加。忌廉湯,甜甜地,有粟米粒,濃度適中,份量剛好。飲完個湯,主菜好快就到,安格斯肉眼都幾大件,一掀開塊扒,原來下面鋪滿著薯菜,有薯仔,翠肉瓜,薯仔焗得生,熟程度啱啱好,牛扒都大件，煎得好靚,食落去好有肉味,紅酒燒汁感覺到經過時間煮成,有好香紅酒味,牛扒配埋紅酒汁好味。女朋友叫嘅香煎比目魚配香檳玫瑰汁,買相好靚,伴碟係玫瑰花瓣,比目魚煎得很金黃,魚皮脆脆，魚肉很嫩,一樣都有好多薯菜,個醬汁就好特別,有淡淡玫瑰花味,甜甜地,好得意。飲品女朋友叫了花茶,餐廳用了好靚嘅茶壺和茶杯,玫瑰花味好濃,鐵觀音味則較淡,配合個咁靚茶壺,飲得特別怡神。我就揀了巨峰提子梳打,味道較甜,啱晒我口味。依餐女朋友食得好開心因為佢好鐘意個環境,要下次再嚟，哈哈。…查看更多

呢日約咗好耐冇見嘅中同，諗咗好耐去邊度食好，搵搵下見到呢間花花世界，見到啲圖都好靚，岩晒我地女仔去，所以就book咗喇～花花世界.玫瑰咖啡室位於朗晴坊，就喺朗豪坊隔離，好易搵～部𨋢一開門，見到門口，已經覺得好靚～入面就更加靚，好多好多好多花，未坐低已經想影相！店員帶咗我哋坐呢個位，好似坐喺鳥籠入面咁叫完嘢食就出咗去影相喇！呢個千秋岩晒打卡！而且餐廳仲提供咗好多道具比客人影相！另外店員都會好樂意幫你影相，仲會影到滿意為止添！影完之後都差唔多食得嘢喇～我哋呢晚都唔係好肚餓，所以只係叫咗一個小食、一個主菜同一個甜品，加三杯嘢飲～廚師精選餐湯（羅宋湯）首先上嘅係呢個羅宋湯。每個主菜都配一個湯嘅，但店員見到我哋有三個人都比咗三碗我哋入面嘅料好多，不過個味就有啲太辣水牛城雞翼（$68）小食我哋嗌咗buffalo wings~個汁都幾好味，而且雞翼好入味。煮得啱啱好，好好咬。香煎比目魚配玫瑰香檳汁（$188）呢個魚好好味！如果有得食多啲就好喇魚煎得啱啱好，魚皮脆脆地，啲肉又淋又入味！個汁都好好味！入面仲有啲洋蔥碎～ 雖然食唔出咩玫瑰味，但係好襯同啲魚一齊食～另外伴碟仲有啲薯角，都整得好好味～Rose cake with ice cream （$88）我哋想呢晚叫嘅嘢都關玫瑰事，所以就揀咗呢個rose cake裝飾好靚～ 用果醬畫左朵玫瑰花喺個plate度～個蛋糕可以揀白朱古力／士多啤梨味，我哋就揀咗白朱古力～本身個蛋糕個形已經好靚，係玫瑰形嚟嘅～蛋糕嘅上層係白朱古力味嘅奶凍咁嘅嘢，下面就有一層蛋糕，幾特別同埋好味！另外仲配咗曲奇味嘅雪糕添！至於飲品，我哋都叫咗有玫瑰味嘅嘢飲玫瑰朱古力呢杯玫瑰朱古力既朱古力味好濃，但係又唔會蓋咗玫瑰嘅香味。每一啖都係先飲到朱古力味，落到喉嚨就taste到玫瑰味，好正玫瑰鐵觀音青烏龍茶本身已經好鍾意飲茶，佢咁靚嘅茶具就更加令人既飲欲大增～除咗有茶香之外，都有好香嘅玫瑰味～玫瑰鮮奶伯爵茶呢個就係我最想推薦嘅玫瑰鮮奶伯爵茶喇！本身order嘅時候以為係熱嘅，掂到隻杯先知道原來係凍嘅。冇乜抱特別嘅期望去飲，但一試就令我喜出望外～本身好鍾意伯爵茶嘅香味，但呢個唔止有伯爵茶味，仲有玫瑰嘅香味，另外仲有甜甜嘅奶泡！忍唔住飲得好快，但又怕好快會飲曬，要慢慢咁飲！總括嚟講，我真係好鍾意呢間餐廳！環境超級靚不特止，食物同飲品都冇令我失望！除此之外，亦都見到餐廳擺咗好多心機去佈置成間嘢同購買餐具！女仔嚟到一定會好開心，但我見有啲男仔嚟到都好興奮，哈哈不過可以改進嘅地方可能係侍應嘅人數。我哋果晚去嘅時候得一個侍應，但間餐廳都幾大同幾多客人，所以未必好快咁應到客人，如果可以多啲員工就好喇～不過我見呢間餐廳係新開，可能未必咁快請到咁多人，做到咁已經好好！一定會再嚟過！下面擺返menu：…查看更多