串燒咖啡 (已結業)

上來之前，沒有太大期望。只想在炎夏 hea 一陣。想到不幾位年輕人整食品及飲料都品質不錯!自家製脆薯皇$24外脆厚身薯餅，有煙肉、少許紅蘿蔔、西蘭花等混入薯餅。我1個人就吃掉四分三了。不是一般雪藏貨色，是自家製的。價錢也不貴，必試。煙三文魚沙津$46有1大片煙三文魚在頂。沙津菜也新鮮，混入了日式芝麻醬。份量是2-3人食剛好。海鮮Pizza$38當天Pizza 沒有貨，變了酥皮焗。但海鮮有蟹柳及蝦仁等，略為不足。菠菜汁煙三文魚焗天使麵$78煙三文魚也是1大片在頂。天使麵比較幼嫩。混入大量菠菜汁加焗芝士食，剛好。菠菜汁已夠味道，不需加其他調味。玫瑰朱古力咖啡$32有玫瑰花瓣及玫瑰花味的咖啡。玫瑰、朱古力、咖啡3者混合得很好。非常易入口。日本宇治鮮奶抹茶$35抹茶在頂部，好多奶呢!飲時加1包糖混在一起喝，剛好。不會太苦。士多啤梨混優酩乳$42士多啤梨混優酩乳也足料、好味。奶味很濃，也大大杯。飲料都品質很不錯!!!…查看更多

當晚，有位姊妹好朋友請我去朗豪坊睇戲 "Party 無限耆"！通常她請睇戲，我就會請食飯！ 今次我們先食飯後睇戲！ :) 旺角區，我不太熟悉這裡的餐廳，  於是，先上 Openrice 找找餐廳！恰巧！找到這裡一帶的樓上 cafe！我見到一間 <串燒咖啡>，簡單的店名，令人一目了然！  串燒與咖啡的結合，我從來都未試過！問她有無興趣，她也 OK！ :)  那太好嘞！ 餐廳位置認真隱蔽，這座商業大廈不易找，  並非家樂商場那邊！沿彌敦道雅蘭那邊向前行到高氏大廈，中間小巷行入去，便會見到！大廈門面陰暗！ :( 我在 6:45 入座！上到 7 樓，餐廳範圍比預期細小！只有大約 7 張枱；昏暗的環境幾有氣氛！  見到牆上的掛畫，不禁令我會心微笑：特別會吃苦！我只做到前四個字！ 原來還供應遊戲給食客玩，認真週到！ 打開餐牌，好像打開一本書，有目錄顯示第幾頁是什麼，非常清晰！  加上圖文並茂，令人更加胃口大開啦！ 食物方面，供應：小食、沙律、Pizza、意粉、飯、全日早餐...還有店子主打的串燒！ 單是飲品足以令人花多眼亂！  奶昔、咖啡、花茶、梳打…等，我還是選擇店名提及的咖啡！ 另有甜品只收現金及加一服務費！玫瑰朱古力咖啡 $32簡單放上好幾塊玫瑰花花瓣，賣相瑰麗吸引！  加上水溫夠熱，散發的香氣很誘人！ 入口帶出玫瑰糖漿的清香及朱古力的甜美，兩者混合一起，恰到好處！ :)  還有咖啡的甘香及甘味，口味層次豐富起來！十分討好！ 法國玫瑰花茶 $38味道清然淡雅！食濃味的食物後，喝一杯花茶，最適合不過！ :) 店方可為食客加水 1次！服務貼心！ 串燒：由於串燒新鮮燒製，要耐心等候！  蔬菜類燒原隻茄子 $32/ 條配上秘製醬汁，惹味帶辣！  燒過的茄子一點也不乾身，反而保留多汁，食起來口感濕潤又開胃！  肉類燒豬頸肉 $15/ 串豬頸肉爽口又鮮味，醬汁的確提味不少！ 燒雞軟骨雞軟骨尚有肉味中帶嚼勁！口感過癮！  海鮮類燒魷魚鬚 $18/ 串燒魷魚鬚口感爽彈無得彈！ 燒帶子 $38/ 2粒略嫌未夠火候，半生熟狀態，難以咬開！  而且味道偏淡！ :( 燒帆立貝 $38/ 2粒鮮美厚身，每人一隻似乎不太夠喉呢！ 燒 7吋海蝦 $18/ 串橙紅色的海蝦，香口惹味！新鮮的蝦肉鮮甜，令人回味！ 蒜蓉牛油青口 $28/ 3隻簡單以蒜蓉及牛油作調味，足以提升青口的鮮味！燒秋刀魚 $28/ 條味道濃郁鮮美又香口！一點腥味卻沒有！:)大致上以同一款醬汁，夠百搭！  店方用上的食材夠新鮮，簡單的調味，已帶出鮮味來！朱古力香蕉鬆餅配雪糕 $58即叫即製！鬆軟的朱古力鬆餅，滿載朱古力香，加上朱古力雪糕，真是無敵的組合！  香蕉的確有助解膩，兩者配合剛好！ 我們都覺得幾抵食，串燒與咖啡的相遇，可擦出不俗的火花！ …查看更多

中學大學時代，去旺角除了流連信和、潮特，去得最多就係樓上cafe!!! :) 但就如眾多漸漸褪色的本地文化一樣，不知從何時起，樓上Cafe亦逐漸式微，又或是因為我這一代人年紀漸大，聚會都轉去了高一檔次的餐廳去了~~(?!) 今次與在旺角認識的舊同事久別重逄，一於就約在最具旺角特色的地方，記得那些年，亦曾經以同一組合去過樓上cafe吹水食飯，滿載歡樂回憶 黎到cafe，首先要叫返杯野，朋友的玫瑰朱古力咖啡($28)確是賣相不錯 試過味道，玫瑰味都夠濃，算不錯~我自己就揀左水果鮮檸紅茶($36)，因為我唔太好酸野，所以故意不叫通常用橙汁做base的水果茶而叫了紅茶 生果粒都頗多，等緊野食到果時勁肚餓係咁食生果充飢 紅茶base是普通貨色，不過這個價錢的飲品你仲想點XDD個CAFE名用得串燒兩個字，梗係要試下佢D串燒類 燒帆立貝($38)、燒雞肉串($15)、燒冬菇($15)，火喉剛好，鎖得住汁不會乾身~不過即叫即燒，都要等一下先上菜~~ 燒雞中翼($18)燒烤定番的燒雞翼我鍾意食~~算係不過不失~~燒原隻茄子($38)茄子都係近年興起的BBQ定番食品，因為無論點燒都仍然水汪汪唔會乾，加少少調味帶出茄子鮮味已經足夠。健康得黎又好味，串燒咖啡呢度處理得好好，都算必食之一~自家制雜菜薯皇漢堡 ($40)其實我係睇中左個自家制雜菜薯皇 漢堡包......對我來說只是配襯...... 不過，漢堡包其實比想像中好食，塊肉雖然薄了一點點，但勝在自家制而肉汁都算多。而雜菜薯皇方面，其實就是日式炸薯餅一樣，中間包了一些雜菜興薯仔混成的餡料，幾香口架 方塊翠翠 ($22)order時4人都有興趣的一道菜，但正所謂希望越大失望越大 :( 結果只是一開四的多士上鋪了一些粟米粒和煙肉，無甚特別~~菠菜汁芝士焗雞扒意粉 ($68)嘩嘩嘩，不愧為旺角樓上cafe，份量很大的一碟~~焗出來熱辣辣，菠菜汁綠到咁就知真材實料落左好多菠菜XDD雞扒煎得表皮香脆鋪上芝士焗之後更加惹味，是港式西餐常有的味道~~意粉不粗不幼，不過菠菜汁有點飽滯，4個人share加上其他食物，都好飽呀~燒內蒙羊架 ($38)話咁快~~就去到最後一道菜~~燒羊架!!唔好睇串燒咖啡呢度廚房細，有D野食真係幾有水準，呢個羊架都算係其中之一~~香料落足，羊肉亦嫰滑騷味不大~~都可以為呢一餐劃上完美記號!!雖然cafe有少量board game，不過我地當晚集中吹水~~XDD我相信樓上cafe即使沒有米芝蓮美食吸引人，以它們的環境還是能滿足到不同食客的需要~~!!最後送上menu的一部分供大家參考~~真係好多選擇~!!我都唔知而家樓上cafe已經進化到呢個地步~~~…查看更多

約好了在旺角串燒咖啡相聚入口的位置比較隱蔽在日船對面金太郎隔離的一條巷子進入大廈搵左一段時間先搵到店面雖小，但內𥚃都可以坐30人倒有好多board game供應不知不覺，跟友人坐了差不多3小時來到串燒咖啡，當然是先試試串燒啦點左燒雞軟骨$15,，燒雞肉串$15，燒豬肉串$15，燒雞腎$15，燒冬菇$15，燒雞翼$18/2同燒茄子$32未開始食已經聞到好香串燒好好味，咬落好juicy 個醬汁好惹味，少少辣估唔到喺cafe都可以食到BBQ風味我比較喜歡燒雞肉，食落啖啖肉，肉汁豐富雞翼就比較普通，可以不試最正係茄子 ，好入味，香口蒜味入口軟綿綿鮮奶油野菌煙三文魚意粉$68煙三文魚好大塊，足料奶油香味同意粉好相稱菠菜味香濃班尼迪克蛋拼煙三文魚$68流心蛋做得滿意蛋黃醬味道濃郁，再配少許酸味做到英式的效果叫返杯野飲先，玫瑰朱古力咖啡$32賣相已經好靚圍住一片片玫瑰花瓣甜甜地好好飲，咖啡配玫瑰好夾宇治鮮奶抹茶$32呢杯失望少少，因為冇乜抹茶味唔夠甜最後來一個甜品抹茶oreo 鬆餅$58鬆餅有抹茶香氣，配上冰凍雪糕球啱啱好唔會大甜賣相都幾靚cafe都有咁多食物種類，令人有驚喜下次再黎會食多d串燒…查看更多

香港人多車多，想在週末中揾一間舒適cafe傾下計的真比較難。朋友話近期有一間Cafe有串燒食@@嘩...咁正聽到都想試~~Cafe係一幢大廈的後街比較隱蔽，小妹都係第一次去!不過該幢大廈都幾多野食，不怪得入Lift都咁多人。終於來到『串燒Cafe』，地方不算大但感覺不錯。如果三五知己前來，真的最好不過。話明串燒Cafe，我地叫左一堆串燒試下!包括 :( 燒雞腎 x2 , 燒雞軟骨x 2, 燒雞中翼 x2 , 燒雞串x 2及原隻燒茄子x 1及燒鮮冬菇x 1)燒雞腎($15):雞腎最怕太硬但這個完全無這個感覺燒得剛剛好又入味燒雞軟骨($15):雞軟骨係最難燒因為細細粒好易燒膿，但這個又無幾好燒雞中翼($18/2隻):雞中翼本身已經好入味經過燒左之後配上調味粉，變得分外美味燒雞肉 ($15):雞肉串能夠鎖住肉汁又不太油膩，正原隻燒茄子($32):燒茄子是本人最Like，原隻茄子燒需時比其他還要長，可見此店落足心機經營。特別燒好的茄子加上蒜蓉醬分外惹味。這個茄子我朋友從來不吃茄子都話美味，可想真的值得一試呵燒鮮冬菇 ($15):燒冬菇好容易會燒乾及扁，但這店做得非常好, 咬一口冬菇還有水份出來可見用心。主菜我地點了2款:鮮奶油野菌煙三文魚意粉($68)及班尼迪克拼煙三文魚 ($68)鮮奶油野菌煙三文魚意粉:如果喜歡不太濃味及素食的你，我大力推薦這個意粉。別以為鮮奶油會好肥，但是沒有這個感覺。配上煙三文魚立即變得非常健康!班尼迪克拼煙三文魚非常因此包底係烘焗過來很鬆脆，蛋係我最愛的流心蛋真係不得了。這個價錢食出有質素食物真係要推介一下，早餐及下午茶必選。飲品方面:宇治鮮奶抹茶 ($32) 及玫瑰朱古力咖啡 ($32)宇治鮮奶抹茶:雖然抹茶不算太濃郁但不甜，不過我欣賞此店細心。因為現在很多人追求健康飲食，此店這杯綠茶是自己落糖都幾好呵~玫瑰朱古力咖啡:超濃郁朱古力味加上微微咖啡粉還有玫瑰點綴，女生大愛之選。我同朋友都係9月份生日, 雖然已經食得好飽但甜品女生一定有第2個胃既。我地少少地叫左一個OERO 抹茶格餅, 抹茶格餅即叫即整, 又脆又有抹茶味配上少少Cream +士多啤梨頓時立即滿足了。喜歡抹茶的朋友必試呵~總括而言:在鬧市中能夠找到舒適又悠閑地真的少之有少，食物及價錢都價廉物美!推介~Waiter都非常禮貌服務也殷勤。…查看更多