甘味讚岐手打烏冬

早排，約咗朋友行沙田，沙田貫穿多個商場，實在好大！ 我最記得係連城廣場及沙田新城市廣場以前噴水池位置，其餘地方我都唔係好認得.....行到大約 7:00 ，快啲搵嘢食，大家又唔想食咁貴，建議嚟甘味食烏冬。雞扒蕃茄湯烏冬蕃茄湯烏冬總令人回味！係我必然之選！ 雞扒 - 尚算 juicy，蕃茄湯 cover 到雪藏味；蕃茄湯 - 賣相吸引、令人醒胃！唔太油，夠味，酸得嚟咸咸地略帶甜味。烏冬 - 用上讚岐手打烏冬，煙韌彈牙！最緊要無酸味！ 配菜 - 荷蘭豆，又脆又青綠！豬軟骨烏冬 ( 朋友的選擇 )豬軟骨份量不少！總算夠腍又入味！OK 呀！以椰菜作點綴！ 湯底比較蕃茄湯遜色，咸味中略帶甜，驟眼看好似牛腩湯。 蟹籽沙律蟹籽算多！有幾條蟹柳絲，大部分係青瓜絲，呢個沙律比較淡口！牡丹蝦 ( 朋友的選擇 )因為，我腸胃差唔多食生嘢，朋友話牡丹蝦 OK 喎！…查看更多

之前星期日經過, 見到人山人海, 都唔想再迫埋去, 於是搵咗平日晚上試試, 好彩未夠六點半去到, 所以都唔駛等位, 但到差不多6:45, 已經開始要排隊................由於佢招牌係烏冬, 所以都係叫咗2個烏冬試試先.............無骨雞翼烏冬 ($38)有4隻已起骨的雞翼, 真係方便............. 但可疑沾上一層厚厚的炸粉................ 即時扣哂分, d粉又厚又冇味, 仲衰過家鄉果d雞.............個湯底係麵豉湯, 味道唔錯, 幾濃味, 再配埋d好彈牙的烏冬..............正...........配菜就有鳴門卷, 肉豆, 粟米等.............豬軟骨烏冬 ($38)豬軟骨太瘦, 所以好鞋口........... 而且炆到散哂, 我淨係食到肉, 食唔到軟骨lor~~ 呢個湯唔係麵豉湯, 我覺得似鹵水汁, 唔知係咪炆豬軟骨果d汁呢?? 好似食緊牛腩麵的感覺..............配菜只有椰菜...............炸雞皮 ($18)原本非常期待, 但最後都係失望................因為雞皮又沾咗層厚厚的炸粉, 一啖咬落去, 似食炸粉多過似炸雞皮, 再點埋個酸到爆的汁(都唔知係豉油+檸檬定係醋), 即刻唔想食, 我預期係將d雞皮直接拎去炸, 好似茶記下午茶的炸比咁...............而家d粉又厚, d雞皮又唔脆(因為比d粉包圍, 完全炸唔到)...............原本落單時話無骨雞翼烏冬要等15分鐘, 但唔駛5分鐘已經送上, 豬軟骨烏冬更家一落單就即嚟, 都唔知係咪整定, 然後加湯就上得..................我老公話d炸嘢食落唔似新鮮炸, 似番炸多d wor~~~ 唔知係咪我地坐近水吧, 所以好多時都有待應斟水, 一餐飯入面斟到3-4次, 但只係半個小時內, 真係招呼周到.....................不過到後來人開始多, 待應見我地食完, 即刻埋嚟收嘢, 好似想吹我地走咁....................…查看更多

同食家又來吃烏冬，甘味的烏冬在沙田是最好吃的﹗佢要了豬軟骨烏冬，我就試新野要個燒牛肉二十穀飯，再加多幾個小食﹗先來小食，鐵板黑椒牛肉粒，牛肉尚算軟熟，有牛味，咬開仲有肉汁大約七成熟，黑椒亦夠風味，送飯很好﹗另外一個是什麼烏賊軟骨，味道有如食齋的麵粉方粒，本身無味之餘仲要口感鬆散，我相信齋鋪出品的齋雞粒一定好吃過牠十倍﹗墨魚餅吃落無咩墨魚味，似魚餅多一點，麻麻地﹗呢度0的小食做得沒有和民般仔細，下次還是不要貪心叫咁多了﹗食家的豬軟骨烏冬，烏冬滑溜彈牙，入口柔順有麵條香﹔醬油湯底味道濃郁，豬軟骨軟熟腍香，很好的一個配搭﹗我的二十穀飯，由多種米穀類組成，粒粒分明，我愛佢有o趙口，睇佢既餐牌話係超健康滑腸又有營養，燒牛肉做得醬汁惹味濃香，送飯很不錯﹗來呢度都係食烏冬同埋二十穀飯好了，其他小食暫不作推介﹗…查看更多