金東大小廚

第一次咁嬲，嬲到要寫食評~真係不吐不快~~ig 睇到人地share呢間餐廳，好似幾好食咁~~於是就bk左生日前夕諗住同屋企人慶祝下~~我係早一個月bk既，5個人~~去到比個帶位點離點去~佢間餐廳好大，有幾個舖位, 咁都唔緊要啦~坐底見佢比我嗰張5人枱，隔左塊板，變左4個，1個咁~我問佢係咪要隔塊板喺度,佢話係！我問佢乜原來你係B類餐廳？佢話另外啲位full哂...(但係我早一個月book，而佢book位嗰陣無咁講)咁遠去到，都唯有食啦。。。咁去之前都有做research, 叫嘅都係大路野。佢出名嗰啲都有叫豬潤炒蜆 -> 係幾香，有d酒味招牌手撕雞-> 真係唔覺得特別好食，仲有d咸其他既都不過不失啦小炒皇反而幾好食~最嬲最嬲係佢個炒飯我係叫海膽炒飯，跟住食咗2啖，發覺冇乜海膽味，又見唔到有海膽，咁我就問嗰個姐姐呢個係咪海膽炒飯，佢話係，我問左幾次佢都確定話係。咁我雖然半信半疑，但佢咁講我唯有信啦~我帶住佢係海膽炒飯嘅信念去食。佢個炒飯係幾好食嘅。點知到埋單嘅時候，我見到佢落嗰個炒飯係’蝦膏海蝦炒飯’ 我就問個姐姐啦，頭先你又話係海膽炒飯？ ？ ？？？咁佢無理我，而我哋都食晒啦，價錢又一樣，咁又無辦法啦~~成餐飯來講都麻麻哋，佢哋真係好多人去食，我地坐喺收銀旁，近門口，沿途都好多人入離食，都有幾多人投訴~~不外乎係野食等得耐~~book左都要等~~咁總括成餐飯我就覺得佢無野話係好好食~好食到值得受氣都要食~~而佢又唔係平，香港選擇又多~~大家去之前真係可以諗清楚~~~…查看更多

屹立筲箕灣東大街已久嘅小廚～menu真係超級厚📖超級多野食，以蜑家菜為主，多水上人家嘅菜餚，所以海鮮做得特別出色，偏重口味啱曬我😍😍不過呢幾年出左名之後貴左💰豬潤炒蜆 $208 蜆唔算好大隻，但勝在夠多、鮮味同冇沙，同豬潤意外地夾，仲加左少少薑一齊炒中和豬潤，一定要+5⃣️8⃣️要個米粉！用剩餘嘅汁炒米粉，索曬啲豬潤香救命🆘招牌手撕鴛鴦髀 $188 手撕雞同埋鵝髀，用勁多蔥芝麻同秘製醬汁調味，皮仍然好脆，值得一試但未至於令人驚艷，如果少少辣🤏可能會更加香❓麻辣吊桶仔 $98作為前菜極開胃，有咬口，連旁邊嘅青瓜絲都清埋，不過略顯有d鹹🧂仲有好多野想食🤤🤤…查看更多