段純貞牛肉麵 (MONTEREY Place)

餐廳名講明係牛肉麵店，咁就當然要試吓佢嘅牛肉麵。犇牛四寶麵（$108）非常足料，個湯係紅燒牛肉麵嗰種比較濃味嘅湯，食完略嫌有少少鹹。麵方面，可以選擇幼面或者手工麵（ 粗麵 ）。想食清淡啲，就可以試佢嘅燉濃湯雞麵（$88）。 湯頭清淡好多，而且味道豐富。雞肉有一隻雞上髀，一隻雞下髀，都算係啖啖肉。男士去食如果驚唔夠飽，可以叫多個小食。滷水拼盤（$78）有牛肚、牛𦟌、滷水蛋、豆腐同菇，一次過滿足你幾個願望，不過部份食物味道都係略嫌偏鹹。總括而言，今次試呢間餐廳，主要係有信用卡優惠。如果唔係有優惠，正價就應該唔會幫襯，因為未到好好食嘅程度。…查看更多

段純貞喺灣仔新開已經想試，但奈何lunch time太多人。放工約開同事就一齊去將軍澳分店試。店內裝修光猛，好乾淨企理，座位都唔算逼👍🏻。🔅犇牛四寶麵 ($108)麵底揀左手工麵，係闊麵黎，個人幾鍾意🥰，食落有口感啲又掛湯。湯底微辣夠香濃，好正🤤。四寶有齊牛腱、牛筋、牛肚同嫩五花，特別一讚牛筋好腍👍🏻。🔅麻辣蒜味腱心半筋半肉麵 ($88)湯底都係偏濃味，帶有少少麻辣。牛腱同牛筋都係一樣入味夠腍😋。🔅鹽酥雞 ($48)鹽酥雞超好大粒😍，食落同台灣食到既鹽酥雞一樣。雖然粉漿較厚，但炸得好香，整體都好滿足👌🏻。🔅傳統滷豬腳蘿蔔 ($78)豬腳有滿滿既骨膠原，滷得都入味👍🏻。🔅柑桔檸檬愛玉 ($30)甜品menu好似將軍澳舖先有，梗係要試下特別啲既口味😝。呢款味道似咸柑桔，加埋檸檬愛玉食落幾特別。🔅牛乳剉冰 ($68)呢款剉冰超好味！有芋泥、芋圓、草莓、豆乳雪糕等等，超足料！煉奶撈埋冰，夠甜又好味😋。底層仲有oreo餅碎，連埋牛奶冰食好夾，大推！💬湯底同麵都幾用心，難怪灣仔分店人龍不斷🥺，但無諗過剉冰係最出色🤣，相當有驚喜。…查看更多

星期四晚飯時間去食，冇乜人，唔洗等位。環境：2個人坐卡位， 十分寬敞，環境乾淨衛生。價錢：性價比唔高，要用特定信用卡，有折，先抵食。食物質素：中規中矩，唔係特別突出。服務：侍應有禮貌，可惜唔太夠人手。叫咗兩個面， +1個小食，食到好飽，仲外賣左一碗糖水添！慢煮口水雞拌麵呢個幾好食，拌邊面唔會太乾，唔會太濕，口水雞都唔會太辣，但又好惹味，好滑，整體來講都算唔錯。犇牛四寶麵湯汁唔夠濃，牛肉尚算滑，整體來講一般。豚肉餃子正常餃子味，冇乜肉汁，都係一般。段純貞芋圓4號甜品份量超級少，一打開蓋，半碗都唔夠，味道都唔錯，芋泥同紫薯泥都好味，但食得多會覺得口乾，因為佢啲椰汁唔夠。…查看更多

犇牛四寶麵 $108 (牛腱、牛筋、牛肚、嫩五花)新鮮肥牛熬煮的湯很香醇好易入口，不會有過份油膩負擔感，清澈卻濃厚。湯頭好喝，帶點微辣的紅燒口味。牛筋燉超軟，牛肉也很嫩。一口湯一口麵，會想不斷的吃下去燉濃湯雞麵 $88湯底清甜 配上嫩滑雞脾，配上掛湯力十足既手工麵條，食落更滋味。
滷水鴨腎 $98古早台灣腸 $48
小菜也都表現不錯滷水鴨腎很好咬之外也滷的夠入味
純貞芋圓4號 (冷) $45到台灣店怎可缺少了芋圓甜點。甜品餐單配搭有十多款，任勻選擇。仙草、椰汁、黑糖珍珠、紫薯泥、芋泥、芋圓，款式足料，芋圓煙韌，只是芋頭味不足，紫薯泥及芋泥口感綿密。…查看更多

🙋🏻‍♂️餓底探員今日去咗將軍澳調查呢間台灣過江龍牛肉麵專門店，佢主打食牛肉麵，仲有其他小食，滷味，甜品等等，全部充滿地道嘅台灣味道🍜犇牛四寶麵 $108📸表示個四寶麵有牛腱，牛筋，牛肚同嫩五花，配料多到覆蓋住碗麵，麵底可選細麵或手工麵，餓底就㨂咗手工麵，佢嘅形狀獨特，睇見都流口水🙋🏻‍♂️表示個牛腱鬆軟重牛味，牛筋好軟腍，牛肚食落爽口彈牙，五花肉夠嫩滑，個手工麵軟硬適中，食落好有咬口，獨特嘅形狀令佢掛湯力好強，湯頭用咗二十三款中藥材同香料熬製而成，飲落好香濃帶微辣，好味到連湯都飲埋🍚台式肉燥飯 $78📸表示個飯成碗鋪滿肉燥，好大碗，仲有隻半熟滷蛋，睇見都吸睛🙋🏻‍♂️表示個肉燥肥瘦適中，入口軟腍，每啖飯都充滿香濃嘅滷汁，味道好正，拍得住喺台灣食嘅🦆鴨翅 $78📸表示個滷鴨翅好大隻，餐廳細心將佢開半骨，仲有兩件滷豆腐🙋🏻‍♂️表示個滷鴨翅好多肉，食落好香好有咬口，滷豆腐吸收晒啲滷汁，食落好入味🌮三星蔥肉鍋餅 $48📸表示個蔥肉鍋餅一碟有4件，表面煎到金黃色，面頭滿佈香蔥，賣相好吸引🙋🏻‍♂️表示個鍋餅食落好酥脆，入面夾住好多蔥粒，好香口juicy，點埋個醬食更加惹味🍨桂花冰糖黑糖珍珠豆花 $35📸表示個豆花面頭有一半係黑糖珍珠，一黑一白形成強烈對比🙋🏻‍♂️表示個豆花食落唔同港式嘅豆腐花咁滑，口感好地道，黑糖珍珠Q彈，個豆花底有清甜嘅桂花冰糖，甜度指數有全糖，好sweet🥰🍧抹茶剉冰 $35📸表示個剉冰好大碗，有抹茶冰淇淋，抹茶寒天，抹茶糖漿同紅豆勁多配料，仲有煉奶可以倒落去個剉冰一齊食，睇見到興奮🙋🏻‍♂️表示個剉冰口感綿密，食落充滿香濃嘅抺茶味，食到中間仲有oreo喺入面，加埋煉奶撈勻一齊食仲好味📈吃貨指數😋好味度 8/10🔙返啅度 8/10…查看更多

呢間台灣牛肉麵喺將軍澳海旁Donki 商場最底層～ 原來係台灣過江龍 嚟香港開舖🤣 雖然台灣開咗關 但係未有假期可以去 所以決定食台灣嘢過吓癮😼 係懷念嘅台灣味道😍 犇牛四寶麵 $94呢度最出名嘅麵係以牛腱、牛筋、嫩五花和牛肚四種牛肉為主要食材，佢個牛肉湯超級香濃，有少許藥材味，湯底係新鮮肥牛嘅油脂熬製而成，再加入香蔥薑同埋中藥慢炒之後再加入牛骨湯熬製 湯汁濃郁鮮味👏 佢嘅細麵超級入味而且好彈牙！ 我最鍾意係食佢嘅牛筋 好大條骨膠原放入口🫣 另外牛肚口感爽脆、牛腱好厚身，肉質韌而不膩，口感十分嚼勁十足。牛腱肉質相對牛肉麵中的牛肉更為緊實，且較少油脂，牛腱充分吸收湯汁的味道😋 麻辣蒜味腱心半筋半肉刀削麵 $88 先講佢嘅湯底 估唔到都幾辣 如果係鍾意食麻辣同埋蒜味嘅 應該會好鍾意 我自己就覺得太辣 都係鍾意前面嗰四寶麵湯底多d🤣 半筋半肉主要食材是腱心肉，這種部位的肉質比較緊實，半筋半肉，口感豐富。而且腱心肉通常比較瘦，熬煮後不會油膩，相對健康👍🏻 另外牛筋就唔使多講，一大舊骨膠原放入口👍🏻 今次揀咗刀削麵，比一般的麵條更加彈牙有嚼勁，配上麻辣蒜味的湯汁，好入味！甜不辣 $58甜不辣係有蘿蔔糕同埋魚漿組成～ 炸得好香脆 好鍾意魚糕配甜辣醬❤️滷水豬耳$78 仲加入咗滷水豆腐 醃得非常入味 成舊豆腐都沾滿左滷水味 豬耳都好爽口 煙韌！芒果剉冰 🍧$78 面頭有新鮮芒果，令味道更清新加埋芒果爆珠，撈埋落剉冰度甜味岩岩好！食到入邊如果冇咁甜仲可以加入煉奶，令到成個冰無時無刻都係有甜味😚 個人都好鍾意食台灣嘅剉冰，因為冰沙比較細嫩，好輕鬆就可以用喺口入邊芋圓4號 $45有芋泥、紫薯泥、黑糖珍珠、仙草、芋圓等等， 佢個芋泥竟然係鹹味，幾特別，泥好綿滑🤣 芋圓彈牙，有咬口，如果可以多啲奶/椰汁就更好😋…查看更多

去DON DON DONKI購物前找地方吃飯，位於同一商場地庫的段純貞是不錯的選擇。餐廳環境光猛乾淨，平日晚市食客不少。去段純貞不得不吃牛肉麵，點了犇牛四寶麵($108)，可以一次過吃到牛腱、牛筋、牛肚和嫩五花，窩夫最喜歡牛肚，軟硬適中，口感非常好。手工麵的口感亦很合窩夫的口味，煙煙韌韌。牛肉湯底帶微辣，味道濃郁。另外點了一碗完全不辣的燉濃湯雞麵($88)，雞湯依舊香濃美味，一隻雞髀切開兩大件，肉質超嫩滑，窩夫每次光顧都一定要吃。小食方面，在多款滷味中選了平日較少吃到的雞心($68)，份量不少，較重口味。還點了三星蔥肉鍋餅($48)，鍋餅煎得香脆，三星蔥肉餡很多汁，三星蔥特別香。值得一試。窩夫與蝦子餅抵受不住「甜蜜誘惑」，點了兩碗糖水。雙芋紅豆湯($30)的雙芋即是芋泥和芋圓，紅豆湯滲出陣陣果皮香味，而且不算太甜，比起雙芋反而更有驚喜。黑白豆花($35)有杏仁糊、芝麻糊、芋圓和豆花，十分豐富，芝麻味較突出，豆花滑滑的，充滿豆香。…查看更多

放工去將軍澳join丫姨食晚飯, 情人節正日避過了大型商場同埋西餐, 去咗食台灣麵---段純貞牛肉麵。餐廳乾淨企理, 很有台灣格調。Menu簡介餐廳嘅湯底用上23種中藥淆製, 所以其中點咗碗湯麵食。犇牛四寶麵 (牛腱、牛筋、牛肚、牛五)湯頭馥郁芳香, 有少少藥材味帶點微辣, 麵餅自選手工麵, 麵條粗身彈牙有嚼口,因為手工制, 所以每條麵厚薄不一, 更能吸入更多湯汁, 掛湯能力不俗。食材方面包括有牛肚、牛筋、五花肉同埋牛腱, 牛肚: 即係金錢肚, 軟稔入味。牛筋: 炆得好腍身, 軟腍帶骨膠原。牛腱: 呈花紋, 肉香醇厚。嫩五花: 軟嫩多汁。配上一小碟酸菜, 酸甜爽口。蒜香手撕雞乾拌麵:拌麵選用了幼麵, 容易吸汁, 個汁有少少鹹甜味, 面層有少少手撕雞、花生碎、小棠菜同埋開邊嘅糖心蛋, 撈埋一齊食, 整體味道唔會太重口味, 不過蒜味唔太出。鴨腎: 鹵得入味又唔會過鹹, 鴨腎有點咀勁, 特別係軟筋位, 滿足口感。三星蔥肉窩餅: 窩餅煎得金黃而不油, 夾咗些少蔥粒, 非常香口。女人有兩個胃, 更係ORDER埋甜品滿足第二個胃。牛乳剉冰: 呢款甜品很豐富, 配料幾乎佈滿表面, 包括有芋泥、什錦芋圓、士多啤梨粒、豆乳雪糕、yogurt爆珠, 另有一少杯練奶自行加入。芋泥綿密鹹鹹地, 芋圓有少少煙韌, 豆乳雪糕豆腐味重, 剉冰唔係綿密果重, 而係有dd口感, 中層有少少oreo粉, 令食冰時唔會味道太寡, 連埋yogurt爆珠入口咬, 酸尾尾yogurt在口中爆開, 同時冰溶於口中, 冰爽, 正!熊牛乳剉冰: 賣相cutie, 配有練奶、朱古力餅、泡芙、藍莓。剉冰面上加入朱古力餅碎同抹茶糖漿, 因應個人喜好甜度加入練奶, 不過嫌配料同調味太少, 食到一半只有冰食。…查看更多

將軍澳海邊美食眾多，今晚決定吃台式餐廳。餐廳是中式古色古香的裝潢，餐廳座位多，可以坐得舒服。⭐️犇牛四寶麵可以選擇粗麵或幼麵。有牛腱、牛筋、牛肚、嫩五花。湯底有濃郁的牛肉味，麵條是粗麵，入口彈牙。加上牛筋煮得很香軟，牛肉也很嫩，味道不俗。⭐️燉濃湯雞麵我吃的是燉濃湯雞麵。我最喜歡湯底，呈奶黃色，入口有濃郁的雞湯味，味道香醇。另外有雞胸和雞腿，同樣很嫩滑，很好吃。⭐️麻辣鴨舌這裡連少見的鴨舌都有，一邊啃一邊吃麵，有風味。⭐️鹽酥雞一塊塊鹽酥雞很酥脆，外脆內嫩軟。⭐️台式綜合豆花最後還吃了台式甜品。有綠豆泥、薏仁、紅豆、黑糖珍珠、芋圓和花奶，入口豆花很嫩，加上配料，很香甜。⭐️古早黑糖剉冰有芋泥、黑蜜、芋頭、薏仁、綠豆、珍珠和花生粉。入口有香濃的花生味，加上芋頭泥，入口冰爽。…查看更多