梅丘壽司の美登利総本店 (雅蘭中心) (已結業)

日本過江龍既壽司第二次食 質素好似差左叫左兩個壽司盛合特選手握壽司盛合都多款 但海膽有臭味 唔新鮮吞拿魚同帶子就新鮮三文魚盛合呢個就稍為滿意 三文魚籽卷係有三文魚蓉係入邊 親子壽司咁 有驚喜！…查看更多

旺角日本人氣過江龍高質壽司店🍣梅丘壽司の美登利総本店(旺角)📍旺角彌敦道639號雅蘭中心2樓202號舖「愛意似心裹鬱結，然而重遊舊地又怕遇見，是你嗎」猶記得好多年前第一次去日本旅行，就已經有朋友推薦依間係日本性價比極高嘅壽司店，仲有佢嘅蟹膏沙律，咸鮮濃香嘅蟹膏鮮味仲係歷歷在目，仲有佢嘅超長原條穴子壽司可謂令人記憶猶新，所以佢當初佢開咗係香港之後，都立即再去一戰，當然嚟到香港嘅定價已經唔可以再好似係日本咁高性價比形容，近排中午有時間，就再去一試午餐。餐廳定價頗為進取，裝修格局中高檔居酒屋設計，適合一家大細或者親朋好友一齊享用。-蟹肉蟹膏沙律(半份) $55 4.2/5⭐️一場嚟到，一定要叫返依個朝思暮想嘅蟹肉蟹膏沙律，蟹肉已經混哂入蟹膏入面，面頭再以沙律醬增添風味，食落仲係日本嘅水準，鮮甜咸香，仲有絲絲蟹肉，好多層次，前菜非常滿足。-特選手握壽司盛合 $275 3.7/5⭐️壽司盛合定價一定無日本嘅吸引，但用料都豐富，最吸引當然係大吞拿魚壽司同原條穴子壽司，前者肥美鮮甜，入口即溶，後者入口原條穴子，非常滿足，三文魚子壽司同帆立貝都非常新鮮。可惜成個壽司盛合最失敗係海膽壽司，估唔到依個價位嘅壽司店嘅海膽竟然係臭嘅🤢，令今餐體驗大大扣分。-特選美登利刺身丼 $268 3.8/5⭐️朋友就叫左美登利刺身丼，依個刺身丼其實同壽司盛合嘅選料大同小異，只係擺盤更加澎湃，穴子更加長但係上碟果陣有少少鬆散，而朋友依份嘅海膽就稍為正常，至少無臭味，但都唔係特別鮮甜，其他刺身都正常發揮。-極上大吞魚腩壽司 $48 4/5⭐️朋友覺得唔夠喉，再追加單點一件極上大吞魚腩壽司，大腩油脂豐滿，入口即溶，非常唔錯。–總結:餐廳嚟到香港憑住日本集團嘅名聲同高人氣仍吸引大批食客追棒，但對比其他日式壽司店定價頗為進取，只能係一分錢一分貨，大部分壽司刺身品質都唔錯，但餐廳嘅選料品質亦有偏差，雖然唔排除只係單一事件，但都希望餐廳可以維持到日本店嘅高質。====#梅丘壽司の美登利総本店#MongKokfood#旺角美食#hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger #食好西 #相機食先 #香港美食#壽司#日本過江龍#原條穴子壽司有興趣睇更多好西推介，或者大家有好西Share，請大家Follow下我IG，比D支持✨：@healoop.foodie…查看更多

⭐️幾年前係日本食過，當時覺得好好食，唔貴又抵食，係日本經常都排長龍，見到黎左香港都一段時間了，點都要回味下嘅，好彩當日Dinner 早去唔使排👻食材都算幾新鮮，手握嘅壽司係唔同d, 鰻魚好大條呀，冇骨又好味，松葉蟹腳，海膽，拖羅同玉子都好好味，岩曬咩都想食下嘅朋友😂呢個有驚喜，好新鮮，又抵食，鐘意食池魚嘅必食呀❗️好正呢個燒到個皮好脆，咬落去滿口油脂，好香好正呀🤩🔸吞拿魚蓉幾creamy, 可惜紫菜唔脆🔸蟹肉鮮甜加埋蟹膏一齊食，幾好味𥚃面有蝦，冬菇等等，蛋蒸得幾香滑，值唔太鐘意冬菇個陣味🙈💫整體都有日本嘅味道，食材真係好新鮮，環境都幾舒服，職員都幾好，上菜都好快下，如果冇咩人排隊真係要食下😋…查看更多

以前喺日本好鐘意食既一間平民壽司店～係香港成日都好多人排隊，次次經過都食唔到（哭）今晚大約八點到店，好彩只係排咗三張就有位！店員安排咗我哋兩人坐四人位，座位好寬敞舒適座位格板仲係磨砂～私隱度高，讚！仲有提供口罩袋，基本防疫措施都做得唔錯用QR code落單好方便，如果有更多盛合組合選擇會更好～大概10分鐘就上菜～整體全部食物都算好新鮮玉子唔算太甜，啱我口味～鰻魚醬汁偏甜，魚肉好嫩夠淋身，不錯！吞拿魚赤身同魚腩都好鮮甜同肥美，入口即溶海膽中規中矩；甜蝦蝦頭多汁，唔會好腥，蝦身非常新鮮，一咬落去好爽口！整體來講～服務同食物都非常滿意，店員會不時加茶同有禮貌，係中價位壽司之中算出色！但如果盛合會好似日本咁配埋茶碗蒸、味噌湯、蟹膏沙拉會更完美⋯（笑）…查看更多

發生了不開心的事情之後，剛巧朋友臨時約食飯，兩人浪蕩於旺角卻不知道該吃什麼好，於是我便提議吃這間一直很想試的店來慰藉心靈去到攞飛時見前面仲有成三十張檯都已經打定輸數，心諗應該等不到了，再加上當時已經十分肚餓但不知那裡來的堅持還是等下去，幸好有堅持，等了大概半個多小時已經有位置，可能是很多人攞完飛之後又走了我o地前一檯入去剛剛好可以坐到卡位，我便知道我們要在拍埋既四人檯坐一邊了，因為實在同隔離坐得太近...如果一個唔覺意遇上一D講o野較大聲既客人..咁果餐飯都真心難捱啦..好不幸..我又遇上呢類客人算啦，食好東西先係我o地最主要既目的一坐低同朋友都目標清晰，我o地揀o左特選手握壽司盛合，因為o係日本都曾經食過美登利，知道佢D set係平靚正，所以o係香港都要叫番set先...同埋目測佢單點既壽司都比較貴，所以我o地ORDER o左兩set特選手握壽司盛合果然係無令我o地失望，壽司好高質，真心每一件都好好味，而且食得出食材好新鮮，朋友仲特別稱讚佢既饅魚，因為連D細骨都幫客人挑埋出黎，好細心！！！而且上檯之前待應有特別提醒我們先食手卷，唔係紫菜會淋招牌蟹肉蟹膏沙律真係不得之了，食第一啖既時候，我同朋友同時露出終極幸福既表情，口中同時夾雜住蟹肉同蟹膏既感覺實在係太幸福了我o地誇張到連塊生菜都KO埋，呢個係必點ga！！大家一家要叫阿！！…查看更多

今日罕有食左一餐聲稱CP值高之壽司店去到現場時發現要攞飛等超過100張飛😭由7點半鐘一直等 - 幸好沒有放棄直到9點半先有位😊整體食物質素唔錯，特別係三文魚壽司，多油冇根，超值；但手握壽司盛合則一般但服務員質素有待改善 - 一入場等左一陣都未有人給茶，要催先有侍應奉茶；另外可能因為試業關係，有部份壽司 (如貝類) 暫時未能提供總括而言性價比還可接受，可以值得再去不過最好要預等位時間，先攞籌後係附近行陣先可消化等侯時間 - 佢好在還可以網上睇到最新籌號，方便差不多時間回現場…查看更多