麵屋一平安

营业中

休息中

特製雞白湯拉麵賣相：🐧🐧🐧🐧🐧味道：🐧🐧🐧🐧🐧拉麵麵條超彈牙又煙韌，煮得非常入味，盡吸雞白湯的精華，雞味濃厚鹹香，湯底濃而不膩，十分高質。隨拉麵附有多片豚肉和溏心蛋，非常豐盛滋味滿分。鐵板大阪風炒麵賣相：🐧🐧🐧🐧🐧味道：🐧🐧🐧🐧🐧炒麵以熱騰騰的鐵板盛載，上枱時依然冒著煙，散發著誘人的焦香，非常邪惡吸引。炒麵麵條較拉麵粗身，食落夠堅挺超爽滑，配上地道的大阪醬燒汁，當中獨有的甜味提升了整體的口感滋味，令人回味無窮。自製餃子賣相：🐧🐧🐧🐧味道：🐧🐧🐧🐧🐧餃子大小合適方便食用，外皮煎得香口薄脆，不會過油，內餡肉感滿滿，鹹香可口，再沾上鹹酸滲半的醬油調味，味道更鮮更出眾。明太子玉子燒賣相：🐧🐧🐧🐧🐧味道：🐧🐧🐧🐧🐧厚身滑嫩的玉子燒中間，填滿辛香惹味的明太子，食落滿滿的蛋香中，蘊含著明太子的鮮辣，味道層次十分豐富，誠意推薦。一平安炸雞賣相：🐧🐧🐧🐧味道：🐧🐧🐧🐧炸雞新鮮炸起，外皮酥脆油香，內裡雞肉嫩滑厚實，肉味滿滿，加上檸檬汁提味，更添鮮美。環境：🐧🐧🐧🐧🐧餐廳仿效傳統日式拉麵屋設計，採用大量木系裝橫，配搭豔紅的屏風和皮製座椅，彌漫著滿滿的和式風情。🐧❤️結語：明太子玉子燒嫩滑又入味，衷心推薦👍

唔講唔知 原來呢間餐廳係香港第一間嘅拉麵店🤩餐廳近門口位置有個漫畫書架，咁啱我哋坐喺隔離，四眼仔一坐低就拎住漫畫係咁睇😂·二人餐 （$298）·.🔹特製雞白湯拉麵 魚介湯底夠晒濃，而且肉又多，有三塊大叉燒同雞胸🥰雞胸係低溫慢煮，所以煮出嚟都唔會柴，一咬即開👍🏻👍🏻🔹日本和牛壽喜燒鍋上到枱真係熱辣辣出哂煙，冬天食完暖笠笠👍🏻牛肉唔會鞋，油脂分布都幾平均🥩鍋入面仲有豆腐、大蔥、菜、日本夢王蛋、鳴門卷🍥湯汁好夠味，但又唔會咸👍🏻🔹蔥花牛舌薄切牛舌食落爽口，但一定要襯熱食🤣因為凍咗會冇咗嗰種爽口感😚🔹明太子煎蛋厚實煎蛋，中間再加明太子，蛋香味同明太子嘅咸 一啖一個，成口都係滿足感🥳🔹黑加侖子梳打 （$38）甜度剛剛好，唔係成杯糖水倒落去，再加埋有氣，中和咗個甜度👍🏻👍🏻仲有檸檬增加酸度，解渴一流🥳我一嚟就飲唔停 飲咗半杯😂.🔹梅酒梳打 （$48）杯入面有一粒梅子，篤爛佢之後梅子嘅甜味出晒嚟，加埋梳打一齊飲好fresh👍🏻啱晒平時唔鍾意飲酒嘅女仔，酒味唔會好濃🥳飲到一半，店員仲好貼心咁問我使唔使加冰👍🏻

除左美麗華店，尖沙咀仲有另一間麵屋一平安，位於尖東幸福中心地庫嘅分店裝修比較平民，好有日本小居酒屋感覺。入口有少少難搵，建議大家可以搭lift落去。🍜特製雞白湯拉麵 $98雞白湯泡沫輕型，湯底濃厚雞肉香味，連湯飲都唔會覺得膩。分別有雞肉同叉燒，兩款肉都好嫩滑。麵質適中，彈牙煙韌。🍜特製熊本蒜油豬骨湯拉麵 $95湯底帶有豬骨甘香甜味同蒜香味好配合，濃郁但不會死咸，配料除左糖心蛋，紫菜等，仲有一隻鵪鶉蛋，好特別。呢碗麵質比較淋除左麵之外，呢到有好多小食，我地揀左幾款。🐚廣島県產炸蠔 $48炸粉不厚，食到蠔新鮮嘅味道，juicy又大隻。🥢酒煮蜆 $68賣相平平無奇但食同聞都好香清酒味，連埋少少湯食好清甜，蜆新鮮無沙，份量都好多🫓蒜香汁海老帶子 $85一上枱傳來好香好惹味嘅蒜味。有兩隻巨型帶子，周邊有不少菇，沾滿超香濃蒜香汁，蒜香汁較咸，要配埋麵包食。不過如果麵包會烘番脆同熱就更好作為居酒居，點可以唔飲酒，呢到嘅酒真係好抵，生啤買一送一，但今次飲左燒酎🍺檸檬燒酎梳打 $38燒酒味道好夠 唔會成杯冰 檸檬味清新解渴呢到睇落相信大多數係舊客，食物質素值得多d人認識