啖啖燕窩 (駿運工業大廈)

工廈永遠都好多臥虎藏龍，呢間店主打係滋補湯品同甜品。3.6牛奶紅棗杞子燉桃膠桃膠勁多，又大大粒，養生之選。冰糖木瓜燉雪燕清甜，雪燕密密麻麻，滋補之選。特濃4.3牛乳燉蛋一打開個盒，聞到好香既蛋味。燉蛋燉得好靚同好滑身，食落口啖啖蛋香。特濃3.6鮮奶凍質感好滑同Creamy，奶味重，正🥰椰皇竹笙烏雞燉花膠湯（碗）250ML一打開個碗，好大舊花膠😍，好足料，有鮮椰肉、竹笙、烏雞同瑤柱，勁清甜。蒜香花膠裡面爆多蒜蓉，花膠都好大塊，除左就咁食，都可以順便加d材料當一道菜，好方便。佢會送埋保溫袋，安心拎番屋企。…查看更多

之前同事散水餅買咗「啖啖燕窩」嘅出品，大家一致讚好，所以呢日去開觀塘就特意上門市睇吓，因為母親大人生日，買啲嘢送畀佢嘛💕。小店門市地址位於觀塘工廈，不過位置都易搵，而且指示好清晰，唔使搭𨋢，行一層樓梯就到👍，走廊沿途都貼滿佢嘅宣傳介紹。估唔到入到店內，環境更係哇一聲😳，裝修好靚，少女味極濃，四周圍都係打卡位。雖然呢度係零售店，但都有幾張枱供堂食。我揀好買乜之後，店員好快就幫我Pack入袋，個袋設計好靚，而且又保溫🥡。麻辣鮮鮑魚($188/樽)，鮑魚醃咗喺麻辣汁之中🌶，醬汁辣得嚟唔過火，麻味顯著，我哋食晒啲鮑魚之後，呀媽仲留低咗個汁自己再整多次嘢食。一樽鮑魚有六隻，尺寸都唔細，而且炆得好軟稔，一啲都唔韌，老人家都啱食。衰仔雞翼尖($48/包)，雞翼尖大大包，🍗一包有成三四十隻，一次過食唔晒，送飯或宵夜食都得。雞翼尖滷得好入味，蒜香突出之餘，仲帶啲酒香同微微辣，好惹味。鹽焗味慢煮雞胸肉($28/包)，🐔我學人減肥試吓食雞胸，大啖肉係爽嘅，而且放熱水浸一陣就食得，好方便。雖然話係雞胸，不過肉質完全唔嚡，但鹽焗味較淡，可能黑椒味會好啲。冰糖紅棗杞子雪燕飲($58/枝)，本身有諗過買燕窩，但係比較貴🙈，所以轉戰咗平民版嘅雪燕飲。雪燕飲有多款口味揀，我揀咗紅棗杞子❤️，絕對係女士滋補恩物。糖水清潤唔太甜，而且雪燕份量激多，每啖都飲得到。特濃4.3牛乳燉蛋($38碗/$18樽)，🥚燉蛋看似平平無奇，不過味道同樣出色。燉蛋凍食或熱食都得，蛋味非常濃郁，再加埋牛乳🥛，質感杰得嚟仍能保持細滑，甜度亦適中。燉蛋有兩個Size，樽仔嗰個我即刻食，碗裝就拎返去同屋企人分享。總括嚟講，啖啖燕窩嘅出品好正😋，鹹嘅食物惹味，而甜品就好滋潤，連呀媽都表示滿意。商户另外其實仲有燉湯同花膠等，全部都係養生食品。我一定會再幫襯，下次約埋朋友夾單買夠錢，就可以網上買免運費。…查看更多

呢間網店喺觀塘開咗間樓上舖，喺駿業街熟食街市對面，有得堂食/外賣，仲可以網上落單，堂食嘅座位好舒服，仲有少女粉裝飾🌷主打滋補養身燉品，每日新鮮製作，包括燕窩、桃膠、雪燕、花膠、奶凍、小食…🌼蜂蜜菊花杞子燉雪燕- 雪燕分量幾多，晶瑩剔透，口感爽滑- 味道清甜，帶淡淡菊花香- 雪燕能增強免疫力，潤腸通便，女士減肥恩物🥥椰皇竹笙烏雞燉花膠- 湯底好香濃，清甜不膩，帶椰子清香- 豐富足料，有大大嚿花膠同竹笙- 竹笙口感爽口，花膠肥美有咬口- 花膠含有豐富膠原蛋白，滋陰養顏🍼特濃3.6鮮奶凍- 口感香滑creamy，入口即溶- 超香濃奶香味🧄蒜香花膠- 估唔到花膠都可以做涼伴- 配上香蒜，醬汁香濃好惹味🥚北海道3.6牛奶燉蛋白- 口感滑lulu - 蛋白同奶味嘅平衡做得唔錯🌕肥燕奔月「流心奶黃月餅」🥮- 就快中秋節當然要買月餅應吓節- 切開見到流心蛋黃😍- 鹹蛋黃味香濃好邪惡🤩- 甜度適中，吉士餡口感細滑💛特濃4.3牛乳燉蛋- 香濃蛋味- 香甜又唔會太膩…查看更多