Rakuraku 樂拉麵 (利東街)

去婚展前食個飽飽的午餐，因為一個打完波，一個好肚餓... 所以兩條友3碗野XD特濃櫻花蝦蝦湯叉燒拉麵 $89我就覺得唔夠濃，呢個個麵要左“適中”叉燒要左“豚腩叉燒”，一食我又已經講，近期都係緣屋好食. 佢平均咁囉... 個豚腩應該有炙燒過既，以豚腩黎講算係肥瘦適中，我唔鍾意肥既就會嫌棄佢XD辛辣豚骨叉燒拉麵 $79我其實想話我真係好鍾意食別府既地獄拉麵，因為個辣同香都好好食，但呢個辣又係另一隻辣油既香味，食落都幾特別. 我叫左麵“較軟”同叉燒. 麵其實唔比“適中”差好遠，但就如果耐左... 呢隻反而無適中咁林... 叉燒就正正常常咁啦.迷你石鍋特濃龍蝦海鮮湯飯 $48我地其實係想試呢個而入去既，結果呢個係好失望既，因為無龍蝦味，入唔到味... 就算落七味粉都唔得，所以係失望既個蛋呢... 男人覺得好好食，我個就可能俾個辣油味cover左，但都幾好食既...同有個小插曲，佢放左碗唔岩既野，千都話，我好似無叫呢個喎，可能我剔錯，但唔係喎(因為佢手上有另一枱既野)，但最後發現係姐姐落錯單. 佢好補禮貌咁換完唔好意思前唔好意思後，收錢個時都仲有輕輕講左句頭先唔好意思，呢樣真係要加分架!…查看更多

特濃櫻花蝦蝦湯叉燒拉麵 🍜💰$88 另+1同friends上完wheel yoga🧘‍♀️ 便搖搖晃晃地走到了利東街這間拉麵店已經是第二次光顧了🙆🏻‍♀️🙆🏻‍♀️這裡的湯底是絕對要大讚👍🏻味道很濃烈☺️有超濃的櫻花蝦味好味可以飲清光 哈哈（不過會太咸）😂😂拉麵可自選軟硬度我選了適中的硬度叉燒我選了豬腩肉🤤肥肉同瘦肉比例剛剛好👌🏻因為那天實在太肚餓我另外加了一碟豬肩肉🤤🤤🤤吃得好滿足！…查看更多

已半年了....一等再等，等什麼？咪等肥哥，終於等到今晚和他吃飯。跟肥哥吃飯最少有兩個條件，一是要夜食；二是要在灣仔。兩個條件都不合我心水，但為了一聚，唔緊要啦！來到灣仔，當然由肥哥決定食乜。他帶我來到紅燈籠下的拉麵店，原來整條利東街都掛上大大個紅燈籠，已滿有過年的氣氛。一入門就見到一排吧枱座，站起便看到師傅們的製作過程。另一邊就有張六人枱，走入一點還有幾多二至四人枱。而最吸引我就是牆上的設計，幾隻勤力的貓貓，每隻都有名字，色彩繽紛，很搶眼啊!店子除供應拉麵外，還有飯類、小食、追加配料、沙律、甜品和飲品，算多選擇。******************************拉麵有六款，我點了特濃櫻花蝦蝦湯叉燒拉麵 Sakura Shrimp and Broth Ramen w/BBQ Pork ($88)，揀選適中軟硬度和要蔥花。熱辣辣上枱，香氣四溢，仲放滿配料，有溏心蛋、爽口的海帶和木耳絲、清香的京蔥和香脆可口的炸蓮藕片，挺豐富。湯底是拉麵的靈魂，馬上趁熱呷一口，啖啖鮮香蝦味，味道相當濃郁，加上有大量櫻花蝦，更添鹹鮮。講明食拉麵，麵條當然是另一重點，幼身麵條索湯汁力強，很入味，每吃一口都掛有香濃的湯汁和夾雜着一些鹹鮮的櫻花蝦，配搭更美味。叉燒共有兩薄片，肥瘦比例平均，肉質相當腍嫩入味，吃落不覺油膩，正! 溏心蛋睇落算不上流心狀，雖有點失望，但吃落都幾黏滑和富蛋香，喜歡! ******************************肥哥就揀了黑麻油豚骨叉燒拉麵 Black Sesame Tonkotsu Ramen w/BBQ Pork ($88)+上等豚腩叉燒 BBQ Pork 2 Slices ($28)，麵料相同，但就散發陣陣芝麻香，同樣吸引！湯身泛油光，試呷一口，味道非常香濃，帶有芝麻香，不錯！不過，我還是喜歡我碗櫻花蝦蝦湯。上等豚腩叉燒 BBQ Pork 2 Slices ($28)一客兩件，挺厚身，肥膏和瘦肉雙間，咬出絲絲的肉絲，加上經稍稍火炙，迫出油份，吃起來更甘香油潤，亦帶些焦香，味道香濃。******************************叫得肥哥，單單一碗麵又點會夠？再加些小食吧！枝豆 Edamame ($28)一客份量幾足，豆身飽滿，簡簡單單灑上一些幼鹽調味，更能嚐出啖啖豆香，煮至偏腍身，好吃！******************************還有炸芝士蝦球 Deep-fried Shrimp Cheese Balls ($42)一客五粒，一粒一口，粒粒金黃，香脆可口，沒有油淋淋之感，加上伴了大量菜絲，可清新一下。咬一口，滿載鹹香的芝士溶，芝味滿分，味道香濃，可惜蝦球不夠厚身，蝦味就變得有點失色......******************************而我當然不會錯過抹茶雪糕 Green Tea Ice Cream ($22)，大大球，好滿足！雪糕入口冰凍，內存碎冰，慢慢滲出抹茶的甘香，味道雖不算很濃，但亦不甜膩。------------------------------本以為肥哥帶我來到樂拉麵可一起快樂吃拉麵，但....看着哥哥一臉疲態，還不時說「很累」、「很眼瞓」.....其實工作做得如此辛苦，你快樂嗎？…查看更多

鍾意食拉麵的我, 早前係灣仔上完堂後, 便係附近覓食, 最後去了樂拉麵食嘢. 小食本身想點豆腐, 可惜無, 所以就選了枝豆. 拉麵我選了特濃櫻花蝦蝦湯叉燒拉麵. 客人可以因應自己的喜愛選擇, 麵質的軟硬程度和要唔要蒽花. 枝豆的份量也不少. 主角上枱. 賣相精緻. 除了义燒外, 當然有我最愛食的溏心蛋. 配料有蓮藕, 木耳和海帶. 第一時間試了個湯底. 湯底夠濃郁, 入口有蝦的味道, 加上伴有櫻花蝦, 多一份口感. 溏心蛋整得剛剛好, 啱我口味. 义燒偏向瘦身, 但又唔會覺得乾和硬. 而我選了軟身麵質, 所以合我心意. 最後, 點多了一杯抹茶雪糕. 雪糕質感幾幼滑, 而且抹茶味道幾香濃.…查看更多

當晚，為了走到灣仔利東街影天使聖誕燈飾裝飾！ 所以，我們便走到這條街找找餐廳醫肚！ 找到一間新餐廳 <樂拉麵>！食拉麵預計一小時便食完，食完可以慢慢行慢慢影相啦！這裡以木色系裝潢，舒適自然， 亮點是貓貓圖案牆身！ 另外，店方相當週到！由於地方淺窄的關係，木椅子設計可放雜物！餐牌以中、英、日文對照，並附有食物相片！和風沙律 $35新鮮爽脆的沙律菜，配上日式芝麻醬，既開胃又充滿和風口味！香煎鮮蝦餃子5隻 $42薄薄的餃子皮，內裡滿載餡料，有豬肉、白菜，加入鮮蝦，令整體口味豐富起來！日式炸豆腐3件 $36金黃色的外層，入口外層微脆內裡嫩滑！蘸上似是味醂的日式醬汁添風味！特濃櫻花蝦蝦湯叉燒拉麵 $88我一眼便愛上這款招牌拉麵嘞！蝦湯底濃厚，並非重口味！鮮香無比，拉麵吸收湯底精華，有咬口之餘又夠入味！櫻花蝦的蝦殼含豐富鈣質，我更加不容錯過呢！溫泉蛋火候恰到好處！兩塊薄薄的叉燒香煎，既香口又鮮美！迷你石鍋特濃龍蝦湯叉燒飯 $42在餐牌的相片見到算幾大個，實物真是幾的骰！對比碗拉麵可見！ 小朋友食應該夠，男朋友食完未夠飽，最終要點多碗拉麵！勝在熱辣辣又肉質鬆化！飯粒盡吸龍蝦湯精華，不用一會兒，已被他食清光！濃厚龍蝦湯麵及熱辣辣迷你石鍋飯，最適合現時轉涼及寒冷的天氣！ 這拉麵店價錢幾合理！…查看更多

約咗我馬來西亞個表妹去大館，係咁辛苦嘅路途上，我決定食飽咗個肚先，行過利東街見到呢間好多人排隊，我諗多人排得隊應該係好食嘅指標，所以就去排咗陣，哈! 原來一個人係會快啲有位架! 我望住個menu 有一個諗法係.... 其實我真係好少見拉麵點會俾塊炸蓮藕，但望落去又覺得算係幾賞心悅目嘅。一場嚟到我梗係食啲有推介嘅食物啦，所以就點咗呢度推介嘅特濃櫻花蝦拉麵 $88 ，因為我比較鍾意比較硬嘅麵，好彩呢度有得較硬度啫~ 好勒~ 入正題。其實我真係好怕蝦湯會聞到啲腥味，好彩呢碗係無~ 而且啲櫻花蝦好似放題咁，真心每啖入口都係櫻花蝦。我先前講到嗰兩塊特別嘅炸蓮藕，即使係放入少少湯度，都仲係好脆。 個湯底係重點，因為真係好濃郁嘅蝦湯味，非常鮮甜 !!! 而且麵條亦不錯，真的有按我的要求，保持硬度。佢呢隻香煎鮮蝦餃子，比一般拉麵店大隻，而且我唔知道係唔係燈光問題，感覺佢好黃色。 不過入口啲蝦啊肉啊都仲係有肉汁流出嚟，前到咁香口仍然保持到肉汁，真係唔錯。估唔到而家嚟到利東街偶遇一下拉麵店都有驚喜，唔怪得排咁長龍啦。…查看更多

好快就到聖誕節，港九多個地臨已掛起聖誕裝飾，灣仔「利東街」自從經歷蛻變後，不時都有啲大型裝置，之前就曾經有「月球」、「巨兔」，今回就喺「天使」。其實，小弟就唔喺嚟睇燈飾，只喺順路影張相，目的喺約咗剛去完青森返嚟嘅夏總同夏太一齊食飯。短短一條「利東街」堆滿人，人人都為個「天使」嚟打卡，因而帶動附近嘅餐廳都好多客人。是夜就揀咗佢哋好喜歡食嘅拉麵，選址新開無耐嘅「樂拉麵」，因為見Openrice個版面喺咁介紹：「特意請來日本隱世拉麵店主擔任顧問，確保不論湯底、麵條及配菜都能保持日本傳統做法」。剛踏入店內，以為地方唔大，原來，屈個彎仲有另一邊用餐區。最搶眼喺啲牆畫，近門口將整幅牆畫有一隻貓將軍「鼻鼻」，畫風甚具日本特色。而裡面亦有，仲喺好多隻貓貓添，「溫子」、「牛奶」……，喜歡貓嘅客人一定打晒卡。此外，部份牆上又掛起一啲舊式啤酒海報。廚房採用半開放式，睇到師傅煮麵，但又唔喺乜都睇晒。而廚房前就設置一列吧位，適合一、兩個人嘅組合。其實，裝修都算幾骨子，簡約式嘅和風。而最貼心喺櫈下可以放袋、放背囊，唔使擺晌地下，或櫈背阻住坐。枱上已經放有湯匙、筷子、紙巾及少少調味料，自由取用，唔使下下煩店員嘛。既然叫「樂拉麵」，拉麵喺主打啦，翻一轉餐牌，拉麵一共有6款，正所謂有辣、有唔辣，定價由$68-$88，以拉麵而言，定價親民。而麵條有軟硬度選擇，可揀要唔要蔥花，更可追加額外配菜，彈性大。而拉麵以外，竟然仲有飯類，不過，喺迷你版本，只有3款，估計志在俾啲人試吓。小食就必然預咗會有供應，因為，喺好多拉麵店嘅指定動作，但喺，佢哋嘅小食都算多，唔喺淨得餃子咁單一。不過，沙律及甜品就只喺各得1款，飲品就有多少少選擇，唯可惜店員話未有酒牌，飲品中嘅果汁汽酒就暫時未有供應。波子汽水 $22未有機會試啲果汁汽酒，退而求其次就要支元袓波子汽水，純粹貪佢有股汽，哈哈！順帶一提，店家都有支持「走塑」行動，唔會主動提供飲管，但如有需要，都可以向店員索取。日式炸豆腐 $36一客有三小件，件件都炸得金黃，色澤均勻，咬落老套啲講句都喺咁話架喇，外脆內嫩，裡面嘅豆腐仲喺好嫩滑，而且好有豆香。海老餃子 $42平常餃子都喺豬肉餡多，但呢度就多加一款鮮蝦餡。一客有5隻，隻隻包得飽滿又煎得靚仔，入口皮薄而香脆，餡料鮮且富肉汁，水準不賴。黑麻油豚骨叉燒拉麵 $78小弟對拉麵嘅口味未特色心水，但就有少少偏向黑蒜呀，黑麻油啲重口味類，而麵條就較喜歡硬麵，因為咬口啲。每碗拉麵都配有兩三片叉燒、溏心蛋、蔥花、黑木耳、海苔、高麗菜、炸藕片，所以，外觀睇落非常豐富。先呷口湯，夠晒濃郁且富麻油香；啲叉燒好鬆化，有油香卻唔覺得膩，而且，更火炙過而添多一份焦香味；溏心蛋睇樣你就知對辦啦，而配菜都好好食，有特色；講到麵條，雖然唔算好掛湯，但柔韌有咬口，瀡瀡聲啜入口，且夠耐浸，食到尾都唔會出現過腍嘅情況。特濃櫻花蝦蝦湯叉燒拉麵 $88夏太晌門口見到大大個介紹牌，就話已經選定好喺呢一款拉麵，其實喺鍾意櫻海老就真。基本上，叉燒及配料跟我碗「黑麻油豚骨」無咩分別，主要喺個湯底用上特濃蝦湯，更撒上大量櫻花蝦。小弟亦好奇有幾特濃，瀡咗一口，堅濃喎，陣蝦味真喺幾突出，亦都幾鮮，無豬骨湯嗰種咁杰、咁漿口嘅感覺。秘製香蔥塩味叉燒拉麵 $78夏總成日話自己乜都食，其實就好多嘢都唔食，佢個人就喜歡原味多啲，所以，就簡單揀「香蔥塩味」。佢讚個湯底好正，唔會太濃，帶陣陣鹹鮮味，好對佢嘅口胃，而麵條、叉燒，佢都覺得具水準，加上份量十足，只賣七十幾蚊，抵食。迷你石鍋特濃龍蝦湯海鮮泡飯 $42見隔離枱點咗呢個泡飯，細細鍋，覺得大家幫吓手一定食得晒，所以，追加一客一齊「些牙」。唔講得笑，送到嚟已感受到嗰份熱氣騰騰，色澤深沉橙紅，入口勁蝦味，極之濃郁，飯粒煙糯，並且吸收晒啲湯汁味，感覺有少少似食意大利飯咁；而海鮮料都喺啲鮮蝦、帶子、魷魚圈、蜆肉，都算鮮甜，但就喺迷你版本。因為我哋坐近門口嘅枱，睇住越食越多人等位，「利東街」有一定嘅號召力架，加上有啲巨型燈飾。其實，「樂拉麵」嘅拉麵本身都做得有水準，定價相宜，喺食得過嘅拉麵店。…查看更多