夜櫻 • 居 (已結業)

由呢間日本餐廳個鋪名就知道係以櫻做主題，由門口到內裡嘅佈置都見得到，氣氛唔錯😄除左實體MENU可以睇之外，呢到自助用QR CODE電話落單，今次就同朋友叫左 LUNCH SET 特上刺身定食($168)、海膽三色丼($148)、吉列豬扒烏冬($78)、鹽燒雞皮($16)、鹽燒雞腎($16)、汁燒雞翼($26)餐具都有櫻花圖案，夠晒精緻🌸海膽三色丼：丼飯有2款海膽、吞拿魚蓉、三文魚籽，放到滿一滿非常足料同吸引😍食嘅話當然極之滿足🤤海膽淺色D嗰款就比較鮮甜，而深色嗰款就比較濃烈，水準唔錯😋吞拿魚蓉啖啖魚香，仲有點蔥花令到味道更加香口，三文魚籽夠爽脆有口感，味道唔腥👍🏻玉子印有店鋪名，食落幾甜唔會過硬😉而丼飯係用壽司醋飯，基本上唔使加豉油，就咁連埋D配料食已經好惹味🤤特上刺身定食：刺身7點，真係好豐富，有劍魚腩、三文魚、油甘魚、帶子、赤貝、北寄貝、牡丹蝦、每款2片，夠新鮮冇雪藏味👍🏻北寄貝、赤貝爽口彈牙；牡丹蝦、帶子鮮甜無比；三文魚、油甘魚、劍魚腩肥美又嫩滑🤩吉列豬扒烏冬：烏冬份量都唔少，食落夠彈牙，唔係普通街市料，至於湯底味道鹹度適中，唔會過鹹或太淡，而吉列豬扒就炸得香脆😁定食方面會跟配 沙律菜 / 麵豉湯 / 漬物，不過跟配組合視乎定食類別而定，沙律菜食落都幾清新😄定食套餐亦有跟配罐裝飲品鹽燒雞皮、鹽燒雞腎、汁燒雞翼：叫左幾串串燒同朋友SHARE黎食，燒得唔錯食落香口，雞皮夠脆好邪惡，雞腎幾爽口，雞翼如果稍微燒短返D時間，JUICY D就更加正😉食物水準唔錯，而且種類選擇都好多，串燒、揚物、爐端燒、鍋物、壽司、刺身等等，基本上總會有你想食嘅野食😁而且每一日都會有一款做午市優惠，想食得豐富又得，或者食得經濟又得，豐儉由人😎補MENU…查看更多

呢日攞咗假休息，出旺角睇戲前先食個午餐。本身想食日本過江龍牛肉飯專門店，但門口打哂蛇餅😅，唯有轉場。恰巧接過姐姐派嘅傳單後，我哋就上咗去一樓嘅「夜櫻 • 居」食晏。呢度環境闊落，居酒屋嘅設計🏮配合埋花花主題🌸，頗具特色的。另一邊廂，近廚房位置放咗幾個水缸，入面養住大大隻龍蝦。餐廳每日有一款特惠午市套餐🍱，不過其實正價都唔貴，而且刺身同熟食類均有好多選擇，難怪有咁多上班族嚟幫襯😄。我哋不約而同都對魚生丼有興趣，其中一份係餐送埋飲品。火炙海鮮壽司丼($108)，丼飯非常大碗，無論魚生定壽司飯都係份量十足🍚。丼飯面頭鋪滿各式各款嘅魚生，包括三文魚、帶子、呑拿魚、魷魚、蟹棒蟹籽同北寄貝等，經炙燒後嘅魚生油脂特別香🔥，而且帶少少醬油味，食落更惹味，配飯一流。另外，套餐跟麵豉湯同沙律菜，前者難得唔會太鹹，而後者就用沙律醬取代醋汁。特上刺身定食($168)，刺身定食有幾個級別，愈貴就有愈多款刺身。🍣碟中嘅七款刺身包括三文魚、八爪魚、北寄貝、甜蝦、赤身、劍魚同𩶘魚，呢款係朋友食，佢話味道都幾鮮，而且每款有兩片，每片均係厚切。碟中唔知點解會有一粒粟子，可能作裝飾之用，食落好甜好得意😛。我哋額外仲嗌咗啲小食同串燒，🍢串燒包括鹽燒雞腎($16)、鹽燒五花腩($28)、黑椒牛舌($38)以及煙肉車厘茄($48)，每款各一串。串燒味道其實都唔差，調味夠，又唔會燒到太乾，但就相對無主食咁抵食🙈。不過抵讚嘅地方係午市時段冇乜人嗌串燒，但廚房上菜嘅速度都幾快。唐揚雞軟骨($48)，🐔🦴雞軟骨粒超酥脆，勁啱做佐酒小食，而且好大兜，幾乎食唔哂。雖然係油炸，但都唔會太油，軟骨好爽口、唔硬，沾埋沙律醬食，好味道🤤。總括嚟講，呢餐居酒屋午餐幾好，主食嘅質素令人滿意😋，而且價格都算合理。店員服務態度唔錯，會主動加茶，又會同客人傾計，佢樂天嘅性格能夠感染埋身邊嘅人哦💕。…查看更多