安安燒 (染布房街) (已結業)

旺角簡直喺我第二個屋企，成日喺度搵好西。加上我好鐘意食串燒，今次終於可以試到呢間好多人介紹的串燒店。安安燒位於染布房街，距離地鐵站E2出口大概步行6-8分鐘，平日晚上去仍有不少人排隊，店內氣氛非常熱鬧。<惹味蒜蓉生燒茄子> $48茄子幾大條，蒜香十足。<惹味黑松露墨魚滑> $60呢個有驚喜喎!墨魚滑帶有黑松露香味，食落彈牙。<蜜糖燒粟米> $25超級鐘意食粟米，呢個粟米就喺水準之內喇。粟米表面搽上蜜糖，香甜可口，唔會乾哂冇水分。<燒雞軟骨串> $32唔會好明顯咁食到軟骨，可以一試。<蒜蓉蒸扇貝四隻> $60見到好多客人都有點呢個，相信喺因為非常抵食。扇貝食落勁香，$60有4隻性價比甚高。<安格斯肉眼牛柳串> $58牛柳肉味比想像中濃，咬落肉質鮮嫩，不錯。<燒韮菜> $25<燒娃娃菜> $21<燒四季豆> $21燒韮菜粉調味適中，唔會話無乜味;至於燒娃娃菜口感爽脆，唔會一pat pat。燒四季豆入味得來又有咬口。…查看更多

旺角「安安燒」大家應該都唔陌生🤓喺染布房街屹立多年，每次行過都聞到勁香串燒味♨️令人勁有衝動即刻入去整兩串😝.好多年前食過一次，多年後已經由以前紙仔進化成QR code落單📱價錢都係同以前一樣主打性價比，每串都係$20-40左右，經濟實惠🤟🏻.🍴安安秘製三重芝士撈丁💰$54芝士撈丁係呢度名物之一🌟好多時出面嘅都係用車打芝士，但餐廳混合咗車打芝士、藍芝士、巴馬臣芝士🧀趁熱將芝士撈勻，每條麵都沾滿芝士，好重芝士嘅鹹香味，勁正😍.🍴蒜蓉燒扇貝💰$60（四隻）蒜蓉、辣椒佈滿扇貝，扇貝彈牙鮮甜，好惹味😚.🍴美國牛小排💰$63啖啖肉之選🥩牛小排燒到七成熟左右，好重肉味又有肉汁，一啲都唔韌👍🏻加少少辣椒粉、孜然粉，增添香氣😋.🍴惹味沙茶燒金菇💰$35沙煲滾住上🔥一打開個已經好香沙茶味、金菇吸晒沙茶醬汁好惹味🤪.🍴燒韮菜💰$25韮菜依然保持水份，燒得啱啱好👍🏻孜然粉、辣椒粉配上韮菜嘅鮮甜，好好味😋.🍴正正麻吉年糕燒💰$22魚糕包裹著年糕，食落去先係魚糕嘅彈牙然後年糕嘅堅韌，幾過癮😆.🍴燒鹿兒島豚肉串💰$32豚肉肥瘦適中，肉質爽口，油脂部份燒完特別香口🤤.🍴火辣牛丸💰$25辣辣地幾過癮，唔食得辣可以叫佢走辣.🍴燒甜美菠蘿💰$25超甜超多汁，咬落去啲汁係咁咇出嚟💦絕對無誇張🤣.餐廳無收加一，兩個人食都係人均$200都唔洗，性價比好高🤓好有港風味道嘅串燒店，推薦大家試吓😎…查看更多

找一間專食串燒的食店不是太多好選擇, 今天選擇位於旺角"安安燒". 由於時間尚早, 所以不用等位便可入座😬 如果店舖坐滿人客, 座位都比較迫夾首先要稱讚店舖在每一枱都有一本精美食物相片提供, 可以先看相片, 再自行剔紙落單📝燒韮菜 👍👍燒四季豆👍👍燒一口甜薯👍👍麻吉年糕燒(一般)👍惹味蒜蓉燒原條茄子🍆 👍👍👍皇牌燒牛舌👍👍烤雞腎(一般)👍燒雞軟骨👍👍香辣醬燒雞中翼(一般)👍蒜蓉蒸扇貝👍👍燒原條黃立倉🐟 👍👍👍甜美地捫菠蘿🍍👍👍冬瓜檸檬沙冰🧊👍👍👍總共13款食物連飲品, 埋單都係$4xx. 極力推介, 惹味蒜蓉燒原條茄子🍆& 燒原條黃立倉🐟, 這兩款食物燒得非常好👍👍 🍆非常惹味, 少少辣🌶️, 🧄蒜蓉是甜的🐟 外脆內軟, 魚肉又滑, 近魚骨位非常香口食完串燒, 飲杯冰凍沙冰, 非常爽😃😃下次可以再去試其他的串燒😅…查看更多

因為朋友心情唔好想岀來食個宵夜而佢比較喜歡食串燒，所以就黎左依間[安安燒]。之前已經聽聞過但無食過因為串燒都比較熱氣咁。haha附近都比較多餐廳🍴有吾同菜式選擇，岀面好多人排隊，大概等左1幾分鐘就有位坐。1️⃣惹味沙菜燒金菇依個好特別既裝法而且味道吾錯👍🏻👍🏻👍🏻2️⃣燒韮菜無咩特別，正常既串燒做法3️⃣惹味蒜蓉生燒茄子🍆依個本人覺得吾好食，太生了！完全分吾開啲皮同夾吾開啲茄子❌❌❌4️⃣皇牌燒牛舌牛舌都算大块，但吾爽口既感覺5️⃣超美味玉子燒玉子燒熱辣辣食🙆🏻‍♀️本人最愛玉子燒6️⃣正正蘇吉年糕燒都係普普通通7️⃣推介燒雞肉軟骨棒❌❌❌吾好食8️⃣燒雞腎串一般般9️⃣香濆芝士燒扇貝扇貝不算細隻加左芝士上去，味道更加濃厚👍🏻🔟頂級鹽燒多春魚燒得剛剛好，吾會太燶1️⃣1️⃣香辣醬燒雞中翼不過不失1️⃣2️⃣燒鹿兒島豚肉串食落口都仲有肉汁👌🏻兩個女仔食左11樣野😂連我自己都覺得大食。依到上菜既速度好快，基本上傾陣計就全部野食到齊👀我成日都覺得食串燒應該係慢慢食同享受同朋友傾計既地方，可能太多人既關係。食左半個鐘職員不停咁望[感覺一直吹你走，食快啲啦]岀面食飯最討厭事兒☹️食物方面我覺得麻麻，吾係樣樣野都好食，每人大概$230都ok。⭐⭐⭐⭐⭐⭐⭐⭐⭐⭐⭐⭐⭐味道 : 6.4/10價錢 : 7.6/10環境 : 7.4/10回頭度 : 7.0/10人均消費：$200-250⭐⭐⭐⭐⭐⭐⭐⭐⭐⭐⭐⭐⭐安安燒旺角染布房街6號地鋪…查看更多

放左工, 我約左朋友去旺角食野, 而家天氣涼涼地, 食串燒就最岩架喇我地上網見到安安燒好似評價幾好, 於是就去左食!去到都有幾多人食, 好彩岩岩有位!我地坐低職員就介紹今日有咩時令海鮮, 我地聽左職員介紹就叫左個鮑魚仔試下! 我地再點下其他野食, 都有幾多食物種類, 而且佢有個餐牌係show哂所有食物既樣出黎, 可以容易知道知道鍾意食d咩只係食串燒? 緊係唔係啦! 點都要點多杯飲品先得! 我點左杯凍菊花露, 可以清熱一下。菊花露一大杯, 飲落去好清涼, 而且又唔會好甜, 幾好飲!串燒好快就送到!蜜糖響鈴卷有微微燒過, 上面搽滿蜜糖同灑上芝麻, 食落好香口好酥脆!燒韮菜一大碟, 幾惹味! 成串我食哂!墨魚滑好鮮味彈牙, 裡面仲有墨魚粒粒, 口感豐富! 鮑魚上面有少少辣椒粒, 食落有少少辣, 但都遮蓋唔到鮑魚既鮮味, 彈牙又可口!食串燒點可以唔叫茄子呢~ 茄子原條上, 幾大份, 上面都有少少辣椒粒同蔥粒, 落左椒鹽調味, 微微地辣, 茄子好林, 可以一條條拉出黎食, 好正!燒芝心丸都幾彈牙, 中間會爆芝士汁。燒雞中翼好juicy入味, 岩岩好一唔會好咸, 而且外皮仲幾脆口!豚肉串每粒都係骰仔形, 口感豐富, 豚肉好嫩, 咬落仲有好多肉汁, 回味無窮。最後我最鍾意既係沙爹豬頸肉, 就咁食已經好好味, 燒得好香, 厚度適中, 好有咬口。點左沙爹醬, 美味昇華! 沙爹醬唔會好辣, 有好香花生味!秋天食串燒都幾正, 不得不提呢度d職員都好nice同好有效率, 食物好快就送到, 食完又會幫手收碟, 食物唔夠位放又會幫你執下d位!…查看更多

最近寶壓力爆登，呢晚要陪佢食下想食既野，睇下減唔減到佢壓。返返下工無啦啦whatsapp我話今晚想食串燒，腦裡面梗係即刻閃過呢間長期長龍既安安燒啦。又咁岩，時間尚早仲見到無乜人係舖內，所以諗都唔使諗立即入座。原來我地兩個都從來冇食過呢間，今日係第一次試平日係要自己主動問d海鮮價係幾錢架嘛，但我地一坐低老細就主動介紹返今日時價要幾錢，呢個服務都幾貼心點完冇耐d野食就旋風式咁黎哂，店員仲好搞笑話一次過影開心d蟶子又真係幾大條，啖啖肉無沙，食得好開心，但39蚊又好似貴左d喎扇貝，大小適中啦，又唔會話好細舊；調味ok，燒得又岩岩好唔會un呢間好似出名三重芝士撈，但可惜d麵凍左d，龍蝦汁冇龍蝦味，又得兩粒龍蝦:(沙茶醬配雞脾菇又幾好喎，汁又燒到入哂去，啖啖肉啖啖汁內臟唔係我果範，但寶話呢個雞腎都好爽口，好食！呢個新既冬蔭公丸又幾surprise我，我鐘意佢好似芝士丸咁爆汁出黎，入面d冬蔭公湧出黎果下好治癒，重點係佢唔會太辣！但可能因為唔夠辣寶又覺得唔夠過癮（？）牛好似係例牌串燒必叫既野食，呢個普普通通，幾好味啦燒得岩岩好唔會食到痴哂牙最後呢個燒墨魚滑都係冇乜驚喜，要形容既都係佢幾彈牙好彩寶都滿意今餐，不過d野食黎得太快都好快凍哂，建議食完兩三碟先加單，咁又可以坐耐d又可以熱住食，係會相機冇食得咁開心姐…查看更多

有時候選擇餐廳也令人感到煩惱，朋友A說不吃辣，朋友B說不吃海鮮，朋友C又不吃牛。找間餐廳能夠照顧每個人的喜好實在不易。今晚跟這班朋友食飯，眾人決定去食串燒，自己叫自己吃的就最prefect喇旺角區串燒店不多，個人認為最出名莫過於安安燒。甫坐下立即開始點食物。前菜先來一客麻辣豬耳。喜歡吃辣的朋友不要錯過，豬耳爽口，辣度十足，麻辣味後至，食到停唔到口燒雞泡魚干也是my favourite之一，煙煙韌韌又香口，絕對是送酒皆品蒜蓉燒扇貝 $454隻價錢只需$45, 真心平到震扇貝肉爽彈無比，配上蒜蓉來燒最惹味！燒焦糖蕃茄，外層燒至脆卜卜，想不能蕃茄與焦糖的結合能夠為味蕾帶來驚喜:)蒜香燒白鱔，鱔肉肥美甘香，外焦內嫩，香噴噴，有水準之作燒韮菜是我每次吃串燒必點之物。再加勁多辣粉就prefect喇秘製醬燒雞翼，重口味之選，雞翼夠入味，佐酒一流。燒一口甜薯，蕃薯仔咬下清甜，細細粒易入口最後點了燒棉花糖夾餅作完美句號，棉花糖燒至半熔狀態，非常吸引，與餅乾一起吃可減少膩感，外層的朱古力醬更是精華，yummy!!…查看更多

係旺角附近打完波肚餓去搵野食一直見到附近有間串燒想試好耐 就行左去染布房街都睇下有無位未行到已經聞到串燒香味 未食都肚餓呀入到去 都已經好多食客 好彩 7點幾 2位都唔洗等超多款串燒比你間 我覺得最好食都係燒韮菜 一食食左三碟韮菜唔會燒到過熟 燒剛剛好 夠香夠多汁 好惹味！另外蒜蓉牛油焗金菇同牛柳串都好推介其次去到必試係三重芝士撈丁芝士味夠濃 加埋公仔面 一齊真係充滿罪惡感食串燒如果怕唔飽 加埋依個三重芝士撈丁 一定包你飽到訓唔著…查看更多

今晚同久違了的同學食個串燒吹下水，得知道有一間近旺東的燒烤頗有名氣，幾個朋友都吃過，特意來一趟!由旺角東走來在天橋樓梯間已見到一幅易拉架做宣傳。到達店門，人頭湧湧，等的人不少，幸好朋友早已入座，位置也不錯，他的格局是半開放式，得3面牆，向街那1邊是開放的，我們的餐桌也是放在一半店內一半街外。空氣比較流通。桌面上已擺放各款調味粉，鹽，胡椒粒等等，裝備好齊全。餐紙的選擇也多，淨看名字已經lamlam脷嘩!!有芝士撈麵一定必食，仲要前後加埋5款咁多，滿足哂我呢啲芝士怪!圖文並茂，有啲款式真係睇個名好難想像到，呢個膠書仔就幫到手，睇相食飯嘛👀👀講真叫哂咁多款真係食5到，今次同朋友叫左2款先，3重芝士是用了3種截然不同的高檔芝士：藍芝士、巴馬臣芝士、車打芝士，再加上秘製調味以人手方法逐少量混合而成，令到食落口的芝士麵不會好膩，好香濃且口感非常柔滑的醬汁。👅👅兩款之中更高層次是那個黑松露醬版本，吃下去菇香味好鮮，帶動了芝士味更出，整件事已經5似食緊芝公仔麵，而像意粉般享受。面頭被火槍燒過帶陣陣燒香味，應返安安燒個招牌。另外熱愛雞翼的友人叫了一份餃子雞翼，外面雞皮燒到好脆薄，油麵逼出了，不太肥。裡面脹鼓鼓的，釀滿了餃子肉即係調味過的豬肉，咬下去非常juicy,肉味混埋雞香味，肉味香濃，燒開的餃子好滋味😍😍呢個燒雞脾菇簡直估5到咁出色!味道好重，粉落得多，咬入口仲保留左菇汁，而裡面先食得出那是雞脾菇而不是，咁出色的做法岩哂素食朋友。食串燒必食的當然仲有韮菜，其實本人極度鍾意內地燒個種，因為真的好惹味水份好足。這裡燒了一樣的水準，每一條麵不是乾巴巴而是充滿水份，燒韮菜真的好講技巧，一1路燒一路搽水，先可以做到多汁軟腍的口感與辣香草味。食串燒一係就配涼茶，一係就啤酒，咁耐無見!當然釀啤啤佢🍻🍻一pint hogaadren,盛惠65蚊，泡不多，名碼實價夠冰凍!我們坐了近2小時有多，人流不絕，證明這裡受歡迎，位置又方便哂各區的朋友，下次暢談再來!…查看更多

位於旺角染布房街一處，俏俏的開了好幾間有特色的餐廳，例如以腐乳芝士鍋聞名的酒吧餐廳Wolf。 這晚想麻甩一翻，於是便就到了吃川式風味小食，串燒的安安燒了。餐廳半開放式，坐最岀或是坐最入，基本上都唔會覺得有好大嘅冷氣吹著透心涼嘅感覺。 不過餐內設了很多的風扇，所以食完頭髮同衫都唔會吸曬燒烤味，用餐嘅時候都唔會熱到留曬汗，用餐環境尚算舒適。餐廳門口掛了幾個寫住安安燒的紅燈籠，有種港版深夜食堂的感覺。餐廳四周掛了橫壓，貼了餐牌，介紹店家的招牌食物。客人枱上放了點餐紙，主餐牌有2頁，大至是丸類，肉類，主食類，海鮮類，秘製麻辣類，蔬菜類，甜品類及飲品類。 另外餐紙就有店家掛曬 banner 大推的芝士撈丁，及一些特式小食。全部價錢一般$1x-$3x，部分海鮮是時價的，但值得一讚的是，我們一坐底就有店員明碼實價講明當日時價的海鮮價格為多少，所以孩子不用怕埋單先知食左嘅海鮮係幾錢。當日一共點了10款串燒左右，及一支酒精飲品。 食物基本上迅速送桌，未開始食，大部分食物已經奉上了。每桌都有孜然粉，梅粉及香辣粉，比重口味ge孩子自己加。Punk果味手工啤$36: 先來啤酒，入口帶少少果甜，但就無平時嘅啤酒咁重麥味，汽都無平時嘅多。三重芝士撈丁$44: 黎到見每枱都有一碗芝士撈丁，就知道要叫一碗試試。 三重芝士即巴馬臣芝士，車打芝士及藍芝士，大量半溶芝士在岀前一丁上，再用火搶灼成半焦色。拌著，奶白的芝士滲到每束岀前一丁去。一口吃下，岀前一丁軟身，芝士並未有所想的濃味，只帶淡淡的奶芝香。吃到尾段，岀前一丁略感到有些乾身，建議店家可放少量的麻油或橄欖油在碗底，拌勻後可能無咁易變得乾身。惹味蒜蓉生燒茄子$38: 一客茄子開半，面頭放上大量蒜落辣椒吃下茄子濕潤綿腍，口中滲著濃濃蒜香，椒香，十分惹味，難怪這麼愛歡迎。燒韮菜$18: 這是我每次吃串燒必點的，每條韮菜翠綠，唔會參差不齊，食落有辣椒香及孜然粉的濃味，最後有韮菜本身嘅多汁，只係略嫌有少少過油。玉子燒$24: 一客有6塊，面頭有些兒焦色。 吃下，玉子燒軟熟香甜。食落有少少在吃海綿蛋糕的感覺呢，此款較岩女孩子食，男仔可能覺得太淡。燒蟶子皇$38: 面頭有大量蒜蓉，蟶子燒得岩岩好肉質不會太老變韌，食落仲係脆口爽口的，而且蟶子新鮮無沙，推介愛吃海鮮的孩子點這款。推介燒雞肉軟骨棒$20: 這是我到居酒屋必點的燒物，在日本餐廳，雞肉軟骨棒另會配上新鮮雞蛋或鵪鶉蛋，想起也流口水。港式食法，加上大量孜然粉，食落一樣唔輸蝕。雞肉棒中含大量軟骨，食落脆脆的，推介。燒一口午餐肉$16(右)及燒手打魚皮餃$26(左) 燒一口午餐肉$16: 午餐肉是一樣十分邪惡的食品，油脂含量很多，但又偏偏難令人抗拒。午餐肉是厚切的，配著青椒同燒，午餐肉外表帶些兒脆身，內裏的脂肪因燒過些兒的溶化，變得軟身油潤，加上辣椒的惹味，推介！燒手打魚皮餃$26(左): 燒魚皮餃也是第一次，外皮燒至脆脆的，帶些兒煙韌入面的豬肉餡豐盛，是頗特別的吃法，不過3粒$26，有些兒貴。美國牛小排$36: 入面還帶些兒粉紅，入口幾惹味，只遺肉質略嫌有些乾柴，有些失望。燒頂級墨魚丸$18: 一客5粒，但全部都切半了，所以是2粒半。 食落彈牙也入味，食味正常，沒有甚麼驚喜就是了。炙燒雙重芝心丸$18: 值得留意，店還有一款普通芝心丸版($15)，作為芝士迷的當然要點double的！ 一串三粒，一口咬下，魚丸部分比平時的較挺身，入面的芝士溢岀，很香濃，加埋辣粉呀之類的，十分惹味。甜蜜脆脆燒棉花糖夾餅$13: 最後吃些甜的！ 棉花糖夾餅，威化餅夾著棉花糖及朱古力醬按一下，朱古力醬係啲窿窿到溢岀。 吃下，威化餅微脆，帶些兒像麥芽糖的煙韌感，棉花糖半溶著，黏到滿咀也是，若然店家用有餡嘅棉花糖，效果必然更澎湃。整體而言，食物中上，串燒來說，定價不算是很平，但也屬於合理。當晚見到很多人一大班的來吃，大杯酒大口肉，每人的表情都是放鬆的，不是早上搭地鐵時看到的崩緊表情，間時放鬆下也應該吧，也許大家也要找過屬於你同朋友們，伴侶的深夜食堂。______________________________安安燒 On On BBQ旺角染布房街6號地舖…查看更多

我是十分喜歡串燒的。串燒者，多樣化也。我最心醉的，除了是日式居酒屋的串燒外，我另外一個喜歡的就是那些滿有風味的重慶燒。佐敦渡船街那邊的兵家必爭地，早已試過了，之前試過這裡的串燒，也不錯的，是故知道這裡有試食，毫不考慮便Go go go。當晚與另一位食友來到，大家都係為食之人，來到都不用怎樣想，叫大家喜歡的就是，加上之前做功課也知道有不少必吃推薦，有食友吃就是好，加上這些類似居酒屋的地方，把酒言歡，很快便會渡過快樂一夜。坐下嘩啦嘩啦兩三下手就選定了吃什麼，這裡晚上環境不錯，幽暗燈光加上外面橙色的燈籠。真的以為自己在大阪街頭咁。飲品種類多元化，健康如王老吉，啤酒hoegaarden，再到半甜白酒都有，不過最可愛的是有菠蘿啤，低酒精偏甜，是我最喜歡的兒時飲品，高興在這裡見到這飲品，是驚喜一遇。食品方面，最喜歡的主食是這個麻辣錫紙紅薯粉$36,味道濃郁無比，每條紅薯粉都很辣，沾上惹味的麻辣感，是開胃到不行的一個主食。芥辣蝦($38),特別的前菜，算是開胃，蝦冰涼無比，配合芥辣，味道很夾配，蝦肉亦算新鮮及爽。燒韮菜($16),坦白說，這個應是全晚最差的一個菜，不知是韮菜本身老還是質素不好，就是很韌，咬到很久還不可以𡁻碎，質素認真麻麻，不過配合燒汁味道還算可以的，可能只能怪其韮菜不好罷。川式麻辣燒扇貝($43/4隻)，麻辣汁完全帶出扇貝的鮮味，肉質新鮮，不過略嫌較細隻，大隻如元貝應該會更好吃。芝士煙肉通心粉焗蟹蓋($33),這個賣相一流，味道有點特別，在芝士煙肉通心粉的味道之間帶了點蟹味，口感和層次也很特別。不過份量很少，基本上只有兩三啖的通心粉，不過，驚喜的是有一些蟹羔配合其通心粉的味道是出奇地塔，很不錯。燒惹味鴨舌 ($28/2串)，我個人本身不太喜歡這個食品，不過就如其名，味道很惹味，但鴨舌的肉不多，好像燒得乾了一點。麻吉年糕燒($18串)，這個煙韌無比的年糕燒，裡面的年糕咬口感很強烈，簡單便容易俘虜別人的芳心。必食芝士蒜蓉燒生蠔 ($76/4隻)，這個是較為貴的一個菜，不過名為必食，就看看是否如其各一樣咁堅。容易不過連不知如何下廚的人也知道的道理，芝士和蒜蓉去燒生蠔。生蠔很肥美，用的是濃烈的車打芝士，香氣迫人，入口味道濃郁，是我喜歡的一個菜式。安安首創朱古力燒生蠔($52/3隻)，這個是我們的最終目標，非常期待的一個菜式，我實在想不到肥美的生蠔配朱古力有什麼化學作用。我想，我覺得最好的是其味道很特別，不太濃烈的朱古力味，淡淡的滲入生蠔中，吃完後連口也有淡淡的幽香，不過我覺得味道普通，Gimmick 取勝，剛剛吃的芝士蒜蓉焗才是皇道。吃了這麼多東西還是四百多，較平常我喜歡的重慶燒一類的串燒店是平一點的，而且地方方便，情調夠，就如異境一樣，我就是很喜歡這裡的特點，就是那種異地風味令食物也沾了一些特別的氣質，就像在日本可以吃到中國式的敄然粉串燒一樣。離開一刻，我方才發覺我不是在重慶…查看更多

離港外遊了個多星期，遺下了數篇食評在百忙中令我第一家想起的就是“安安燒”想起這家店子當然是因為食物，但還有其他原因就是店子的名稱有交過台灣朋友的食友應該知道“安安” ﹣其實是台灣其中一種問好的方式就像我們的早安／午安一樣這個名字令我對這裡有更親切的感覺＊＊這只是我個人對這店名的感覺，名主取名的原因其實我是不清楚的＊＊先看裝潢串燒店一般裝修都不會太講究簡約的木枱木椅，配以半開放式的廚房吃串燒就應該是簡簡單單的吧烤獨家超滋味高級吊片 （超長的說～）超長的名字不無道理，吊片濃郁的魷魚味絕對不是一般烤魷魚能比擬！厚肉，味濃，彈牙，有理由不吃嗎？烤雞泡魚乾同是烤制的乾海鮮，本來其實是不俗的但如果跟前一道吊片相比，就不見突出不過如果愛吃鮮甜味多於咸鮮的，這也是很不錯的選擇芝士煙肉通心粉釀蟹蓋眾食友的感覺都是跟期望有點出入，可能期望太大吃過後又想不到問題在那！？前思後想，發覺可能是白汁太重粉如果忌廉芝士味可以濃一點就滿分了！芝士蒜蓉燒生蠔單是生蠔新鮮已經有80分，配上蒜蓉芝士，既香口，亦鮮甜！燒牛舌牛舌大大件，鬆軟可口不過作為牛舌發燒友的我，更喜愛舌芯的爽口彈牙～果占釀牛丸除了特別，就只有特別牛丸挖空，配上果占，既是甜點，又是咸點秘製醬燒雞中翼雞翼燒得很香脆，亦頗入味，個人更喜愛加點孜然粉，味道更佳～火灸海膽墨魚串又是一道創意菜式，醃製過的海膽咸鮮配上彈牙的墨魚，完美配合論外型，論食味，也絕對值得一試！燒美味一口甜薯日本產的小甜薯，簡單燒熟味道已經滿分以我所知，如果蕃薯在烤焗時塗上糖水，味道會更佳～可能老闆亦洞悉這個秘訣～燒菠蘿菠蘿簡直是燒烤必備佳品！簡簡單單的新鮮菠蘿，水份蒸發過後，甜味更濃～燒蒜蓉海蜆用錫紙包著焗熟，鮮味的蜆汁完全保留在錫紙內雖然蜆不算大隻，但剛熟的蜆肉鮮嫩多汁，就算沒有蒜蓉襯拓也成絕品燒鮮味海螺串海螺爽口鮮甜，當然相比之下，連殼的蜆會更有海鮮鮮味！鹽燒多春魚不吃多春魚的我，一直都很怕多春魚的腥味今次試食活動，我就再試一口又出奇地沒有感到半點魚腥味我相信喜愛多春魚的朋友一定會愛不惜手！安安爆爽豬頸肉不就是豬頸肉吧...正常的豬頸肉吧惹味蒜蓉生燒茄子肥大的茄子，淋上大量蒜蓉及幾顆辣椒慢慢烤熟賣相已經滿分外皮還有燒焦，可以大口大口的連皮享用～ 爽！燒韮菜其實很喜歡這道菜，清香的韮菜味，濃郁的調味粉只要韮菜鮮嫩的話就足夠完美那問題是什麼呢？ 就是很快就會放涼總是未吃到最後一梳就已經完全涼了...惹味醬燒金菇超濃郁的醬汁被金菇完全吸收，超滿足的說～燒一口午餐肉近年火鍋，燒烤也興起吃午餐肉的熱潮難怪，午餐肉人人都會吃過，而且又跟燒烤出奇的配合～蒜蓉燒扇貝扇貝不算太大隻，畢竟新鮮貨就是這樣要大隻就要說日本的急凍貨那我寧可以要這種較細少的真正“海鮮”沙茶醬燒墨魚咀串墨魚咀略欠爽口，不知是時令問題還是火候問題味道是不錯，如果口感可以更爽就好了 甜蜜脆脆燒棉花糖夾餅這道甜點一般只會在BBQ場出現想不到在串燒店會嘗到，驚喜萬分BBQ情意結，有時不在於味道說真的，味道不是什麼特別，吃的就是感覺作為簡單的一家串燒店以創意口味，從前菜，主食，甜品，水果也準備周到還有批評的空間嗎？與其找什麼出來挑剔，倒不如約齊三五知己，來這裡高呼一聲“安安”吧～…查看更多