S2 鐵板燒 (已結業)

鐵板燒在香港向來都不算是主流的日本菜式，但疚其原因並不是因其味道有所遜色，而是高檔的收費令一般大眾有所卻步，但其實食好西又有誰會抗拒呢？！ 所以亦有部份小店微調後以較親民的價錢將鐵板燒文化普及起來。早前筆者就造訪了一間位於佐敦的人氣小店，以鐵板燒為主打，但價錢只是4百多元已有一人前的套餐，而且菜式亦頗豐富，十分吸引；加上店主樂師傅滿有創意，單是一道18層海膽杯已叫人要來打卡朝聖一番，所以雖位處不是傳統旺區，仍是客似雲來，座無虛席。店內面積不算大，約有6-7張枱左右，距隔雖不算寬闊但還算可以，中央位置設有開放式鐵板燒吧枱，讓客人能坐近爐邊欣賞師傅大顯身手，同時亦可以選擇坐卡座一邊暢聚一邊等店員將美食奉上。甫入座店員即奉上一盅「茶」，裡邊浸住一粒青橄欖，入口清香味道微甘，開胃減膩。餐牌內除了載有不同的店家名物之外，還有提供多款優惠鐵板燒套餐選擇，當中包有多款美食，價錢由$480 - $780不等，豐儉由人，筆者當晚就點了澳洲薄燒牛肉北海道二本蟹爪和日本十勝黑豚肉北海道松葉蟹一人前套餐，當然亦亦不會錯過師傅精選的幾款創作美食。先登場的是樂師傅的首本名菜十八層海膽杯，每層都是鮮美海產，燒白飯魚脆片、海葡萄、帆立貝、牡丹蝦、吞拿魚腩蓉、海膽、磯煮鮑魚、花膠、粒貝、三文魚籽、松葉蟹肉、櫻花魷魚和明太子一層曡一層，層次分明豐富，就像是海鮮芭菲杯一般，賣相精緻重量級之餘亦啖啖矜貴鮮味，屬心思之作。接著是櫻花蝦海膽焗花膠扒，又是樂師傅最近推出的另一道創意料理，花膠在日本菜中並不常見，樂師傅以之入饌，口感滑溜偏爽口，加上海膽甘香和櫻花蝦香，三重滋味盡集於此，可以盡情的大大啖享用花膠扒，濃郁中感受到淡淡的海洋氣息，骨膠原滿滿，品嚐美味之餘還可滋補養顏，一舉兩得。兩款套餐都包有相同的沙律、刺身，主菜才是主要的分別。煙燻鴨胸胡麻沙律，爽脆中帶點煙燻和胡麻香，清新開胃。北海道3點刺身盛盒，三文魚刺身肉質偏瘦但魚味香濃、北寄貝爽脆甜美；牡丹蝦多膏肉彈，滑嫩鮮甜，全都鮮味到位。------------------------------澳洲薄燒牛肉北海道二本蟹爪套餐的主菜：西京醬煎煮銀雪魚，銀鱈魚本身魚油豐盛，師傅將魚皮煎得焦香脆口，肉質甘香嫩滑，配上甜香的西京麵豉醬汁，鮮香濃厚，完全提升了銀鱈魚的滋味，十分出色。北海道二本蟹爪，蟹鉗巳預先去殼，肉質飽滿結實，一梳梳的鮮味甜美。芝士流心和牛漢堡扒，煎得面層焦香的漢堡扒，內裏肉汁豐富，牛味香濃，還帶有半溶拉絲的芝士，驚喜地細細件卻層次異常豐富。澳州薄燒牛肉，薄薄的半熟牛肉包著香葱和炸蒜片，豐富了味道變化，一啖一件食得痛快，肉香滿瀉，幼嫩惹味，齒頰留香。------------------------------日本十勝黑豚肉北海道松葉蟹一人前套餐的主菜：北海道松葉蟹腳，肉質依舊鮮甜，唯蟹肉偏少略嫌不夠盡興。日本櫻花煎廣島蠔，廣島蠔脹卜卜肉厚多汁，裹上樂師傅特調的醬汁煎香，配上煙肉和櫻花蝦的鹹香，入口軟滑多汁帶微脆，鮮甜中充滿蠔香。日本十勝黑豚肉厚切配意大利黑醋，以醬汁煎香了黑豚肉，上碟時已切粒並伴上黑醋，最特別師傅大膽的配上茶香珠珠，起初覺得有點奇怪，但跟黑豚肉一同入口卻原來也很搭配，先甜後鹹，茶香肉香混和在一起，很有特色，像是茶香豬肉的分子料理版本。------------------------------以下是兩款套餐都同樣包有的食事、吸物和甜品菜式S2特色蟹膏黃金炒飯，黃金炒飯可從8款配料中任擇其一，筆者選擇配上蟹膏，飯粒炒得乾爽，粒粒分明富蛋香，細細碗份量剛好，吃完也不會過飽。燒野菜，菜蔬爽脆鮮甜，味道偏清淡，食完那麽多濃膩食物，正好來一碟炒什菜清清味蕾減減油膩。S2特色紙包花膠蜆湯，以透明膠包起盛著湯品並放在鐵板上烹煮，概念十分創新。店員呈上來後即席在客人面前剪開，蜆湯的香氣即徐徐飄來。湯汁偏深褐色，用料頗足，除了大蜆之外還有香菇、豆腐和秋葵，味道清甜滋潤，有點在家靚湯的感覺。最後的甜品是迷你忌廉泡芙，酥皮偏軟入口滿有奶香，不會過甜，不是很有特色但亦為整餐的鐵板燒畫上了完美句號。整晚的出品質素不俗，創意更是十足，尤其是那18層的海膽杯，令人留下深刻的印象，深深感受到師傅對菜式創作的追求；部份菜式的味道雖不算十分突出，但從鐵板燒的角度來說，以價比貨性價比實算頗高，難怪造訪當晚全場滿座，可見人氣高企，以懂吃出名的香港人也這樣支持小店，相信食味水準一定不會太差了！大家有興趣的話不妨也來探究一下。…查看更多

又是忙碌過後，因為覺得自己有辛苦到，所以決定與朋友M 吃一頓滿足的日本餐補償一下這個消失的十月。*其實主要是想要吃這個十八層海膽杯，見到的時候是嘩了一聲，也太邪惡了真的。最頂層就是北海道紫海膽和黑魚子，一口就被我吃掉了。吃完立刻下一層是海葡萄，換一換清爽的口感。我們沒認真數到底有多少層，但每一層也很有誠意。朋友特別喜歡明太子沙律，口感有點像希靈魚那種爽彈，三文魚子也是很出色。我呢就喜歡海膽加蟹肉那種極邪惡的味道。*主食方面我們點了兩個不同的套餐分著吃，分別是黑豚肉松葉蟹套餐，和A5和牛原粒貝套餐。*時令沙律和三點刺身盛都是一樣的，我不吃鴨，但朋友M 說鴨胸很出色，我最欣賞它們的牡丹蝦，又新鮮又爽口，而且很大一隻。*北海道松葉蟹腳這道北海道松葉蟹腳真的很有誠意，份量算是很多，而且蟹腳烤過之後那種味道真的很討好，我跟朋友M 都覺得很不錯。*日本櫻花煎廣島蠔是我最愛的蠔呀，煎完之後竟然也沒太縮水，裡面還是漲卜卜的很多汁，配著櫻花蝦吃鮮味更突出，口感也更豐富。*日本十勝黑豚肉厚切配意大利黑醋這道是很驚喜的，本以為豚肉都是那個味道不會太特別，這種豚肉是油脂比較豐富的，但因為切了一口的大小，配著意大利黑醋，重點是那些有點提子味的爆珠，整體油膩的感覺變得更清爽。*A5和牛薄燒這道A5和牛薄燒是簡單又好吃，薄牛裡面卷著的是一些蔥和乾蒜片，所以吃的時候先感覺到和牛的油脂和軟綿綿的口感，再者感覺到蔥和乾蒜片脆脆口感，不錯呢。*北海道原粒貝這是朋友M最喜歡的貝類，這貝切粒配著青瓜和魚子一起炒，整體的感覺都是清爽的，那貝是十分的新鮮，彈牙易咬。*法式煎鵝肝配水果這道是我跟朋友都大愛的，本以為是平平無奇，那塊鵝肝質素好是其次（笑），重點是那藍莓味爆珠，真的有畫龍點晴的效果，配著多士吃也是很開心。*S2特色黃金炒飯炒飯是選了邪惡的黑松露，份量不大不小的剛剛好*燒野菜想不到燒野菜有驚喜呢，雖然是炒的但不油膩，重點是野菜非常非常鮮甜*S2特色紙包花膠蜆湯雖然是很飽了但還是很欣賞這個湯，是濃濃的海帶味道，很清爽，裡面也有蜆肉和花膠，不錯呢。*最後甜品是以泡芙作結，吃太快了所以是此了拍照。*這頓邪惡的晚餐是吃到棒著肚子走，滿足到不得了，我覺得這價錢吃到這個份量和質素，真的是很物有所值。*…查看更多

佐敦柯士甸，美食林立，STARSHK浩楠帶大家嚐盡天下美食，咁岩今日浩楠牛一，點可以失禮架。今日就去到有「海膽達人」之稱樂師傅主理的S2鐵板燒，品嚐S級Teppanyaki 鐵板燒。樂師傅來頭一啲的唔細，餐飲界幾十年經驗。最近仲攞左2019年度『最佳僱主』。樂師傅以幾十年日本菜經驗，加上不斷創新菜式，吸引不少食客光顧，「海膽杯」就是他其中一樣得意創作。不知是否浩楠腳頭好，每次光顧都坐滿滿的客人，建議大家記得訂位。今次我地選擇坐在吧枱位置，因為可以一邊欣賞樂師傅下廚，一邊品嚐美食。有一本睇到都流晒口水既餐牌，方便大家親自點餐，牆上有黑板寫上時令推介，今次我地就等樂師傅發板，睇下佢今日有咩驚喜比我先。先上了煙鴨胸沙律及北海道3點刺身盛盒，熱熱身。睇住樂師傅下廚，不經不覺過左幾分鐘，最期待的畫面出現了。這個是必點推介，由「海膽達人」樂師傅創作的《十八層海膽杯》，愛吃海膽的不容錯過，重點打卡菜式。十八層包括有：多層北海道紫海膽、燒白飯魚脆片、黑魚子、沖繩海葡萄、帆立貝、明太子沙律、牡丹蝦、櫻花魷魚、鮑魚、北歐花膠、藍鯺吞拿魚拖羅容、北海道粒貝、三文魚子、北海道松葉蟹肉、鮮海帶碎等配料豐富，多重口感，一杯就可以一次過品嘗10幾樣新鮮魚生，超級推介。《火焔海膽甲羅燒》，滿滿的蟹肉上放滿三文魚子，加上海膽，上菜時還點上火焔，極具視覺同味覺既享受。樂師傅問了一句，吃不吃鵝肝，就回答了吃，我沒有東西不吃的。所以今次就試鵝肝多士，鵝肝非常美味，肥而不膩，很好吃，旁邊還放了哈密瓜很貼心。《海膽焗原條海參》，記住連海膽汁一起吃。海鮮 - 主菜來了《海膽醬芝士焗龍蝦》，放滿滿的芝士，再用火槍燒到有點焦焦，非常香和野味。肉類 - 《A5薄切和牛》，滑滑的A5薄切和牛加上脆脆蒜片和香蔥，完全沒有油膩既感覺。《黑松露海膽炒飯》，美味得黎又夠香。燒野菜湯非常清甜，湯中有冬菇、豆腐、秋葵、昆布和蜆，10幾袋湯一同在鐡皮上煮場面很壯觀。雪糕都是海膽雪糕，《樂師傅海膽雪糕》 仲有芝士生日蛋糕，加上3支彩色醬比你畫畫，仲會幫你拍張即影即有紀念這個美好時刻。吃完超級豐富的晚餐後，同樂師傅傾計，原來剛剛吃完的是他們的招牌盛宴，很多客人都會點這個餐，他還說跟我的喜好，改動了一點點。我發現很多菜色都用上「海膽」，他說因為很多女性顧客都喜歡「海膽」所以特別照顧她們喜好，所以被很多媒體改了外號「海膽達人」。還有樂師傅知道女仕愛健康，所以基本上菜色都不會落油。現場見到很多一對對的情侶客人，女仔看到精美的美食都不停拍照打卡，樂師傅還說客人越來越多跟客人吃完覺得好吃，再介紹其他朋友光顧很有關係。…查看更多

上個月中放了足足兩星期的年假去了一轉日本深度游，返香港除了掛住日本蟹宴同火鍋外，亦都非常掛住火光熊熊的鐵板燒，於是為了一解千愁就同老公去了位於佐敦的S2鐵板燒大刷一餐。這裏地點好方便，佐敦地鐵站行過去又得，西鐵線柯士甸站行過去又得，東涌線九龍站行過去都得。店舖設計是典型鐵板燒格局，有一張鐵板燒枱及數張餐桌，抽風好好，絕對唔會煙霧瀰漫。坐下不久店員便送上青檸檬花旗參茶，在用餐途中也不時添加，服務實在太貼心。餐點選擇多樣化，有套餐亦有單點，今日我們叫了一個日本十勝黑豚肉北海道松葉蟹套餐及一個A5和牛北海道原隻粒貝套餐，貪可以樣樣都試下。套餐的沙律、刺身、食事和甜品基本上都一樣，分別在於主菜。沙律、刺身首先店員送上沙律及刺身。沙律是煙燻鴨胸沙律盛合杯，鴨胸入口爽脆帶煙韌，煙燻過後的鴨胸味道香濃，食落不會過鹹，配上清新脆綠的沙律菜，開胃美味。三點刺身新鮮，有厚切肥美的三文魚、有爽彈的北寄貝及大大隻入口滑嫩的牡丹蝦。主菜 (A5和牛北海道原隻粒貝套餐)北海道原隻粒貝粒貝即是螺貝，之前試過粒貝酒煮、粒貝刺身都認真唔錯，今次終於有機會試下粒貝鐵板燒，相比起其他兩款食法，鐵板燒的做法比較惹味，有鑊氣，粒貝食落相較爽彈中帶軟滑，粒貝味道同樣好鮮甜，配上蟹籽及青瓜，令味道更有層次。A5和牛薄燒A5和牛用上日本和牛，和牛薄燒內包住蒜片及蔥花，裏面藏著大量的和牛肉汁，入口非常嫩滑，咬一口濃郁的和牛肉汁就流出來，和牛味道在口腔中迴轉。法式煎鵝肝燒板鵝肝煎得外脆內軟，香而不膩，入口即溶，配上清新的哈蜜瓜及酸咪咪的藍莓粒更可中和鵝肝的油膩感。主菜 (日本十勝黑豚肉北海道松葉蟹套餐)北海道松葉蟹腳北海道松葉蟹腳隻隻腳都好厚肉，師傅用上黑椒牛油以鐵板燒方式烹調這道菜，令這道菜入口鮮甜之餘仲好惹味。日本櫻花廣島蠔廣島蠔整得外邊脆口，內裏好多汁，配上煙肉、櫻花蝦和蔥花一起以鐵板燒形式烹調倍添滋味。日本十勝黑豚肉厚切配意大利黑醋師傅將整塊厚切黑豚肉以鐵板燒方式配上意大利黑醋烹調，鐵板燒好後，將黑豚肉切成一粒粒上枱，每一粒大小均勻，口感外脆內嫩。食事S2特色黃金炒飯鐵板鵝肝炒飯炒得粒粒分明，色澤均勻，配上豐富油香的鵝肝粒，好邪惡。燒野菜野菜吸了主菜在鐵板上的味道，好惹味。焗雜菌雜菌以焗的方式烹調，一打開錫紙香味四溢，好惹味。S2鐵板紙包蜆湯蜆湯就像一個百寶袋，有新鮮香菇、健康的秋葵、豆腐，還有大隻的蜆，味道好清好鮮，鐵板燒後喝一碗實在非常滿足。甜品甜品為雪糕泡芺，為這頓豐富的鐵板燒餐劃上完美的句號。…查看更多

朋友話佐敦有間鐵板燒好正，見老婆最近做野辛苦，就帶佢去食好野，放鬆下！雖然話係佐敦，但如果搭地鐵既話，柯士甸站近d，佐敦站大約行10分鐘左右！環境係好日系既感覺！有方檯，但都有bar檯可以一路食一路睇住大廚烹調食物！我地今次就坐左方檯食物方面，有好多唔同既set，我今次揀左薄燒牛肉北海道二本蟹爪呢個set，$450，價錢唔算平，但勝在食物夠高質！第一次見到既設計！每張檯有一個黑色既套，入面有兩塊木，原來用黎駁係筷子到，應該係方便清潔吧！一開始唔習慣筷子長左，但用用下又ok！前菜有沙律同刺身！刺身新鮮，尤其欣賞隻大蝦，真係好大隻！主菜之一，西京醬煎銀雪魚！真係十分十分有驚喜！原來西京醬係由麵豉醬、糖、酒煮成，味道甜甜地，又有d酒味，同銀雪魚超夾！真心正！主菜二之北海道蟹爪原汁原味，食到蟹既鮮味！仲有牛脷，真係好厚，燒得岩岩好，唔會太熟！主菜重點之一！薄燒牛肉！侍應會預先問幾多成熟，我揀左6成！真係剛剛好六成熟！或者係鐵板燒既原因，容易掌握火喉！牛肉肥瘦適中，中間捲住蔥花，可以中和一下肉類既肥膩！之後仲有一碗特色黃金炒飯我選擇左和牛炒，除此之外，仲可以選擇蟹膏或者係黑松露等，好多選擇！炒飯粒粒分明，又足料，又夠鑊氣！食左咁多肉，炒菜可以中和下，健康d！仲有特色既紙包湯！好特別，店員會係面紙剪開特製既膠袋！咁樣既設計係貫徹鐵板燒既原則！因為特製既袋可以放係鐵板燒熱d湯！湯好鮮甜，稍為淡左少少，可能我重口味吧最後仲有甜品食，完全滿足味蕾，老婆都十分滿意！店員全程服務都好好，快靚正…查看更多

今日整日都落住毛毛細雨，但係都無影響我去享受美食既雅興！因為我早早都book左係佐敦既S2鐵板燒，同老公二人世界！S2鐵板燒人氣頗高，拎唔少美食獎，穩陣起見記得記得bk定位我放左工大約6點令鐘到，人流未算好多，7點左右就開始爆場了我地仲好幸運，遇到老闆樂師傅親自為我地烹調今晚決定豪一豪佢，叫左一個價值$780既北海道原隻毛蟹紐西蘭羊架套餐中高價錢，果然有返咁上下質素，先可以keep住人氣首次我要先講下呢杯 花旗參青檸茶！呢幾日天氣keep住唔好，時冷時熱，仲要落雨，本身都病病地！一入到去，飲左淡茶，好有驚喜！苦中帶點甘，但又唔會太苦，甘甘甜甜咁，飲完喉嚨好舒服！前菜沙律同三色刺身！沙律夠凍同多沙律醬，仲有煙鴨胸，口感豐富！刺身新鮮、肥美，象拔蚌好甜，蝦勁大隻！重點1:北海道原隻毛蟹見到都心心眼先比like 黑松露蒸蛋蟹蓋，入面勁多膏！意外位係有黑松露，my favourite 黑松露蒸蛋超夾！係我老公好努力拆蟹蓋時，我唔經唔覺咁就快食哂！S2鐵板燒最特別係全部菜餚都用鐵板烹調出黎，勁有鑊氣！包括毛蟹都係，食到毛蟹最原汁原味既蟹肉味，但又有少少鐵板燒既香味，係新鮮既蟹肉先做到！之後係大大隻既元貝，最原始既蒜蓉燒，好香！重點2:紐西蘭羊扒配香煎雞扒羊扒真係超級香，但一d都唔會膻，肥瘦適中，入口即融！雞扒都好滑，醬汁甜甜地，好特別，但稍為熟左小小！野菜炒麵，但老公將辛苦拆既蟹肉一齊食，別有一番風味！炒麵同係日本食既無分別，無論係醬汁定鑊氣，都十分足夠！之後係好特別既紙包蛽湯第一次飲用袋裝住既湯，原來咁樣做既原因係連湯都要用鐵扒燒！店員話袋係特製的！唔知係咪因爲鐵扒燒既原因，d湯特別甜係清甜，有d菇味！食到呢到，都已經飽！不過食左咁多肉，個set好細心咁準備埋炒菜，同樣地色香味俱全！最後最後，仲有女士們最愛既甜品，泡芙簡直係完美既享受，食完野感覺recharge左好多！心情靚靚…查看更多

上星期在中環食完S2 Kitchen，知道佐敦有鐵板燒分店，今日揸車剛好經過佐敦S2鐵板燒，正好一試。美國薄燒牛肉北海道二本蟹爪 $450/一人前青檸花旗參熱茶沙律-煙燻鴨胸沙律成合杯鴨胸煙霧味濃柔軟嫩滑，沙律菜新鮮清凉冰爽。刺身-三點刺身，有蝦、北寄貝、三文魚，蝦大隻鮮甜；北寄貝爽口彈牙；三文魚刺身厚切。主菜西京醬煎煮銀鱈魚 - 醬汁濃稠帶微甜很開胃，魚熱度好足夠，香甜嫩滑，配上西京醬十分夾。北海道二本蟹爪-已預先去好殼的蟹鉗好方便食用，蟹鉗肉完整，一啖一個很瀟灑。香煎牛脷-超厚身好腍軟，肉味香濃，材料一流火喉一流。美國薄燒牛肉-牛肉包著滿滿的炸蒜香蔥，愛蒜蔥的我非常對口食事黑松露炒飯-夠乾身，飯粒粒分明，口感煙韌豐富，有黑松露香，份量剛剛好，食完一碗好滿足。S2鐵板紙包蜆湯 - 湯清淡鮮味，有秋葵、冬菇、豆腐和大蜆，蜆肉大隻鮮甜。燒野菜-最後來一道蔬菜，十分平衡。甜品- 精選季節性甜品…查看更多

2018年12月12日。晴。佐敦。臨近聖誕，呢晚諗住同朋友食豪啲，所以就揀咗佐敦呢間鐵板燒食啦～餐廳位置雖然位處內街，但門口掛住大大個紅色燈籠，街頭行入來就會見到～坐低見到呢個海膽盛宴menu，咁多道菜，睇名道道菜都好吸引！唔諗咁多啦，就食佢啦！決定好食咩之後留意到面前杯茶好得意喎～入面有粒的骰嘅泰國青檸，青檸味清新潤喉～原本以為啲茶係普通清茶，飲飲下發現內有乾坤！店員整晚不停幫我哋加茶，飲下飲下見到茶入面有啲蔘鬚個茶原來係花旗蔘茶，唔怪得飲落清香得來又有甘味，好養生啊～餐廳入面有吧枱，有其他枱坐吧枱會睇到師傅嘅手藝，但相對可能會熱啲但係全部食物都係師傅即席喺鐵板度製作，所以坐邊其實都一樣嘅～首先出場嘅係左邊嘅蟹肉黑醋沙律杯同埋右邊嘅北海道3點盛盒蟹肉黑醋沙律杯入面嘅蟹肉都唔少，仲有好多蔬菜，加埋酸酸甜甜嘅黑醋，開胃又健康～北海道3點盛盒有厚切三文魚、北寄貝同埋大大隻嘅蝦刺身全部都好鮮甜～～食完真係意猶未盡～～樂師傅十層海膽杯，呢個係其中一款招牌菜式雖然叫mini版，但係個杯塞到滿晒，都好足料！插喺杯上面嘅係造型好有趣嘅魚仔烤餅，食落以為係烤魷魚，之後望真啲先見到係好多條細魚仔食落香脆惹味～海膽杯果然名乎其實，每隔一層就鋪咗一層海膽，其他材料食得出有魷魚、蟹肉、吞拿魚蓉、昆布仲有超級鍾意嘅海葡萄（即係喺面綠色一串串嗰啲）！！見到佢好驚喜！因為喺香港嘅餐廳幾乎未見過～蟹粉甲羅燒海膽杯，又係海葡萄啊～～可以一晚食返夠本！普通甲羅燒都只有蟹膏，但呢個就係好高級底有好多蟹膏，面有海膽，中間有三文魚籽～不同嘅鮮味撈埋一齊食，真係好滿足啊！海膽焗原條海蔘，呢道菜令我驚豔嘅地方在於師傅喺入面加咗辣椒海蔘同辣味呢個組合好少見，但係出奇地夾！返屋企即係同媽媽講以後可以試下煮海蔘加辣椒～A5和牛松茸海膽卷，睇落呢道菜唔係好平衡上面嘅食材樣樣矜貴：和牛唔洗講啦；松茸就算未食過，睇過小丸子嘅都知，係貴價食材；仲有海膽～全部材料都包咗喺和牛入面，和牛入面即融，嫩滑多汁松茸同海膽雖然見唔到佢哋嘅身影，但係味道濃郁，鮮味十足！墊底嘅方包千祈唔好睇少！食一啖就發現神奇嘅事！方包有香濃嘅酒味～好有驚喜！未有機會細問師傅或者店員，唔酒味係來自發酵過程定係烹調過程，總之就好味啦！燒野菜，呢個燒野菜亦係不得了師傅最厲害嘅係可以將唔起眼嘅簡單食材或者配菜整得非常出色！我可以講呢碟菜係我人生中食過最好味嘅一碟菜！菜煮得好入味，但係同時依然爽脆，完全唔明點樣可以做到汁料都好正，食落似係鮑汁，所以好鮮甜，必點！！S2特色松茸蜆湯，造型好得意，上枱之後店員會攞鉸剪幫手剪開入面有一隻大蜆、有菇、秋葵，仲有昆布，湯味道較清淡可以沖刷下味蕾，準備食最後嘅甜品～海膽雪糕，鹹味雪糕好似第一次食～感覺好得意，帶來味覺衝擊！但諗諗下，其實海膽本身嘅質感都好creamy，所以製作成呢啲奶類製品都好夾～餐廳食物質素好高，絶對值得推介～～～…查看更多

經朋友介紹來到這間吃海膽宴！餐廳雖不太大，但勝在有日式的裝修及鐵板位。進店時十分多人，幸好我們訂了檯。餐廳有各種套餐，我們點了這個海膽杯盛宴二人餐，很豐富的食物，沒想到海膽可以有這麼多的配搭！蟹肉黑醋沙律杯蟹肉的份量比我想像中多！而且真的有鮮蟹肉味！再配上酸酸的黑醋汁及新鮮的蔬菜，十分開胃！北海道三點盛盒是大蝦、三文魚及北寄貝！全都是十分新鮮的食材！十分喜歡他的大蝦、爽口彈牙、厚切三文魚及北寄貝也不錯！樂師傅十層海膽杯這個是我第一次見的！十分有gimmick!黑魚子、海膽、沖繩海蘿蔔、拖羅、三文魚籽、白蝦、蟹肉、海帶，每一口都不同口感，每一口都十分滿足！蟹粉甲羅燒海膽杯這道菜十分吸引！有我們喜歡的蟹膏！蟹膏加上海膽、蟹肉、三文魚籽、沖繩海蘿蔔真是不得了！值得一讚的是加入了乾蔥，令口感更爽脆！北海道海膽流沙松茸大蝦多士大蝦的是大蝦！被燒過的大蝦十分香口、鮮甜，再配上海膽流沙松茸及脆口多士，十分搭配！海膽焗原條海參沒想到在這裡也可以吃到海參！這個海參配上了海膽上湯，帶有微辣的味道，十分醒胃，而且海參很彈牙海膽醬芝士焗龍蝦我們被這份量嚇呆了！沒想到原隻龍蝦份量頗多！再加上這海膽芝士醬，十分邪惡！龍蝦也是新鮮的，多肉彈牙，這個要趁熱吃！A5和牛松茸海膽卷我們點了5成熟。這個A5和牛並不是浪得虛名！入口即溶，再加上新鮮松茸海膽，每一口都很滿足！蟹粉海膽黑松露炒飯份量頗多的！十分欣賞這個炒飯！粒粒分明，不會太乾／濕，而且海膽及黑松露味十分搭配，再加上蔥花，令人吃不停！燒野菜師傅在鐵板即炒的！熱哄哄，十分入味S2特色松茸蜆湯這個湯很特別，是用了膠袋包著，上菜時店員幫我們剪開膠袋，這是我喜歡的蜆湯！有原隻大蜆！再加上大菇及海帶，十分清甜海膽雪糕沒想到就連雪糕也有很重的海膽味！而且海膽與雪糕的質量及味道十分搭配，不會太甜整體來說，食物的質量不錯，而且份量十分多！可以3個人吃！喜歡吃海膽的要來試試！…查看更多

海膽杯盛宴 二人份 / $1888沙律蟹肉黑醋沙律杯蟹肉帶海水鹹香。黑醋沙律汁酸 “May May”，非常開胃。刺身北海道3點盛合北寄貝、三文魚、赤蝦，全部都好新鮮。招牌菜式樂師傅十層海膽杯 (Mini 版)燒白飯魚脆片、黑魚子、北海道海膽、沖繩海葡萄、拖羅蓉、三文魚子、白蝦、松葉蟹、海帶…海膽色澤金黃、表面乾身、顆粒明顯、味濃、肉厚肥大、甘甜、零腥味，好味到心心眼。蟹肉非常鮮甜，還帶一點點海水味。三文魚子大大粒 + 脆爆。新鮮海帶，微微鹹香。基本上完全唔需要任何調味，直接食已經非常出色。雖然每樣食材味道都不盡相同，但配合得宜，全部都係 Perfect Match…蟹粉甲羅燒海膽杯蟹肉撈埋底部蟹膏同食… Wow北海道海膽流沙松茸大蝦多士大蝦爽口彈牙，松茸香味濃郁。海膽焗原條海參海參口感富有彈性，泡發很好。與海膽味道相當匹配。海鮮海膽醬芝士焗龍蝦龍蝦肉爽口彈牙。略嫌芝士份量過多，蓋過了海膽的味道。肉類 A5 和牛松茸海膽卷牛肉油香爆棚。食事蟹粉海膽黑松露炒飯炒飯粒粒分明燒野菜椰菜爽口清甜吸物 S2 特色松茸蜆湯清清的，但帶有蜆的鮮味。甜品海膽雪糕牛奶味極端濃郁。可惜我唔喜歡牛奶… …查看更多

今天下班以後約了和朋友一起吃探店，在網上看見這家小店的菜單十分吸引，但是看到價錢時的確有猶豫了一下，最後還是決定去馬。從店門口就看到十分濃厚的日本風裝修，店鋪距離地鐵站大概8分鐘路程，但是並不難找。蟹肉黑醋沙律杯因為加了黑醋的關係，吃起來酸酸的，配上蟹肉和蔬菜，十分清爽，裡面的豆腐小小的一塊，但是超級香的豆味。北海道3點盛合刺身的整體素質都很高，北寄貝和三文魚口感都很好，甜蝦很清甜，入口即化，不錯。樂師傅十層海膽杯mini口感很豐富，一口吃下去有脆脆的昆布、入口即化的拖羅魚蓉、蟹肉的鮮味、海膽的甜味，還有海葡萄的魚子爆開的有趣口感和鹹味，整體來說非常驚喜。蟹粉甲羅燒海膽杯甲羅燒我也吃過不少，最怕就是死鹹的味道，但是這個不會，海膽的甜味剛好綜合了蟹粉的鹹，咬下去還有脆脆甜甜的洋蔥，整體口感和香味都得到了提升。師傅烹調的過程十分仔細，就像看表演一樣，轉不開眼睛。北海道海膽流沙松茸大蝦的多士大蝦的爽脆口感是不用說得了，海膽流沙的味道也很驚喜，鹹鹹香香的，配上剛熟彈牙的大蝦，很想再來一個啊！海膽焗原條海參海參的份量給的毫不手軟，海參的口感有兩層，外層是比較像海綿體的，比較軟而且吸附湯汁，但是裡面一層則是十分爽脆，有點像脆骨，大愛！海膽醬芝士焗龍蝦芝士焗龍蝦的經典配搭味道是不容置疑的，看見師傅在煮的過程中放了兩種（或者更多？）的芝士，所以芝士的奶香味很足。鐵板的燈光是做得極好的，手機都能拍到冒煙的龍蝦。看著師傅料理也是十分療癒的～A5和牛松茸海膽卷和牛做成了一個小口袋的外型，把松茸和海膽都包在裡面了。一咬下去是先嚐到和牛的嫩和油箱，然後松茸獨有的香氣和海膽的鮮甜再慢慢地滲透出來。蟹粉海膽黑松露炒飯就這麼看是不是想問海膽在哪呢？剛開始我也有這個疑問，但是當我手多把上面的蛋切開就看到了滿滿的海膽跑出來。新鮮的海膽和剛炒好的熱飯混合到一起，好好吃啊！燒野菜用鐵板做的炒菜有中式小炒的鍋氣，吃起來特別的香。S2特色松茸蜆湯吃完那麼多美食以後，喝上一碗熱熱的，清淡的湯也是不錯，雖然清淡，但是昆布的香味卻是很濃。海膽雪糕海膽雪糕小小的一球，每一口都充滿著海膽的鹹甜味，很獨特的味道，吃起來冰感比較重，像雪芭，很清爽。柑橘茶從一坐下店員就會奉上一杯，吃完每一道菜喝幾口剛好可以清洗一下嘴裡的味道，好好的品嚐下一道菜的美味喔～…查看更多

今天又是blue Monday，所以，經過一天的忙碌之後必須要美食來安慰一下自己。之前在中環吃過s2 Kitchen，覺得味道不錯，現在開了家分店s2鐵板燒在佐敦，價位比中環分店高，但是菜色看起來也十分吸引，所以就來試試看啦！店鋪在佐敦站A出口出來右轉直走大概7分鐘，看見偉晴街右轉走1分鐘就到，門口有一個紅色的大燈籠，十分好找。店面不是很大，除了鐵板前的八個座位以外，還有幾張桌子。坐下以後店員會奉上一杯柑橘茶，喝起來有十分濃郁的柑橘和柑橘皮的香氣。一開始可能會喝不習慣，但是這個茶有很好的解膩作用，喝著喝著也就上癮了。沙律：是蟹肉黑醋沙律杯杯（兩份）除了沙律菜以外，還有豆腐、番茄和主角蟹肉等等，當然啦蟹肉都是真的，不是蟹柳，看到一絲絲的蟹肉拆得十分仔細，完全沒有蟹碎殼。刺身：北海道3點盛合（兩份）熟悉我的朋友都會知道，雖然我很常吃日本菜，但是我對魚生卻是不特別喜愛，因為不喜歡那腥味和滑潺潺的口感。但是，這家店的三文魚生我覺得很可以，吃起來幾乎沒有腥味，而且嚼起來口感結實。北寄貝更是不用說，完全沒有腥味，而且十分爽脆，很喜歡～裡面還有一隻甜蝦，個頭也不小。招牌菜式：樂師傅十層海膽杯mini（兩杯）一上桌馬上驚艷，實在是太小巧，太可愛，太精緻了！隨是mini杯，但是該有的材料一樣都不少。海膽、昆布、蟹肉、拖羅蓉、魚子、帶子、海葡萄、小白魚等等，吃起來口感非常豐富！招牌菜式：蟹粉甲羅燒海膽杯（一隻）師傅會把甲羅燒燒好，上桌時材料是沒有混合的，方便我們拍照。之後可以自己拌勻來吃，海膽十分creamy，又很甜，很棒。招牌菜式：北海道海膽流沙松茸大蝦多士（兩份）大蝦是真！的！很！大！沒煮之前比我的手掌還要大，煮完以後也不小。口感十分彈牙，能把蝦肉的口感做到能跟龍蝦肉媲美也是不容易。招牌菜式：海膽焗原條海參（兩份）海參的口感很爽脆，我很喜歡，配上鹹甜的海膽醬，我一個人就能吃完兩份了坐在鐵板旁可以清楚地看到師傅如何烹調食物，看見師傅瘋狂撒芝士，忍不住拍下來了～海鮮：海膽醬芝士焗龍蝦（原隻）龍蝦砍開了以後肉很容易就能取出來，濃濃的芝士，龍蝦鉗還是我的最愛啊肉類：A5和牛松茸海膽卷（100g）上桌時我還想，欸，松茸呢，海膽呢？結果一咬開，濃濃的松茸味就在嘴巴裡散開來了。食事：蟹粉海膽黑松露炒飯炒飯粒粒分明，乾身，黑松露的份量很多，飯的份量也很多，由差不多三碗飯啊。看見師傅做菜總是忍不住要拍照，因為畫面感太強，太好看了！食事：燒野菜（兩份）菜不會炒的太老，還有淡淡的野菜獨有的味道，我覺得跟上面的炒飯很搭。吸物：S2特色松茸蜆湯（兩份）加熱的時候是用了類似pansaver的可加熱塑料袋一份份的熱，湯料有昆布、秋葵、蜆和松茸，清淡但是很香。甜品：海膽雪糕（兩份）一頓完美的晚餐怎麼燒得了甜品呢，雪糕的冰感比較重，海膽鹹鹹甜甜的味道也很特別，是會上癮的味道。整體來說呢，這個價錢的晚餐是有點貴的，但是偶爾一次來享受一下極致的美味也是很不錯的～而且菜單裡充滿了海膽、松茸、黑松露和海鮮等，都是貴價的食材，我自己煮也肯定做不出這個味道，所以就是一分價錢，一分貨咯。服務方面還是不錯的，服務生加茶上菜的速度也很快，坐在鐵板前還可以和師傅聊聊天。環境方面，店鋪雖然不大，裝修卻很有日式風格。…查看更多

S2 鐵板燒老婆今天想吃日式鐵板燒，想起上次在中環S2日式餐廳的海膽宴甚為抵食，於是便到同一集團的S2 鐵板燒訂枱吃飯。店舖在西鐵柯士甸站附近，遠遠見到大紅燈籠，就知道是這家了。店舖陳設較簡約，乾淨舒適，有大量色彩鮮豔掛畫作點綴。我們分別點了 - 美國薄燒牛肉北海道二本蟹爪餐（$450）及海膽焗原隻龍蝦北海道帆立貝海鮮套餐（$780）頭盤沙律 - 煙燻鴨胸沙律盛合杯煙鴨胸配沙律菜及豆腐，配芝蔴沙律醬，甚為清新。頭盤刺身 - 三點刺身新鮮刺身作頭盤，有北寄貝，三文魚及牡丹蝦，很好的配搭。美國薄燒牛肉將爽脆的配菜卷在薄切牛肉中間成為牛肉卷，再以麵包多士托底；牛肉竟然入口即溶，肉香及油脂甘香撲鼻，多士的及配菜的脆口配合軟滑牛肉，絕配，驚喜之作。鐵板海膽醬芝士焗原隻龍蝦原隻龍蝦表面蓋滿了熱騰騰的芝士，賣相已極之吸引；龍蝦鮮甜啖啖肉，加上香濃的芝士和海膽醬，極度刺激味蕾。北海道黑松露帆立貝帆立貝鮮甜，黑松露超香。北海道二本蟹瓜配香煎牛脷牛脷煮得很軟熟，連一向不喜歡吃牛脷的老婆都讚好。西京醬煎煮銀雪魚銀鱈魚煮得火候剛剛好，十分香滑，西京醬乾身之餘味道極之甜美，出符意料的美味。招牌脆皮煎鰻魚鰻魚皮脆彈牙，足證用料新鮮。燒野菜吃了那麼多肉類，確實需要蔬菜中和一下。特色黃金炒飯其實已經不太吃得下了，但見飯炒得甚為香口乾身，頓覺難以抗拒。鐵板紙包蜆湯湯以膠袋分開包裹，甚有燉湯風味，湯汁清甜，解油膩。甜品：忌廉泡芺…查看更多

📍佐敦區,對我這個新界人來說其實是還可以的但要到接近渡船街一帶的話，說實在是比較遠。而佐敦接近渡船街沒有一間留給我最大的深刻印象。但如果說到是在日本料理界的樂師傅開設主打鐵板燒嘅分店【S2 Teppanyaki】，那我真的會認為是比較值得專程去試一試。因為他另外兩間都食過又真的很不錯。此店質素我相信是有保證的！所以約了愛吃鐵板燒的朋友來這裡gathering。上次中環嘅【S2 Kitchen】除了海膽杯外，其他的已經令我驚喜不斷，今次真的滿心期待啊！離遠已經望到兩個搶眼的紅燈籠，離遠已能望見餐廳的位置。入到去，日本居酒屋規模，餐廳地方不大，好像可以坐到15人內似的！除了圍著鐵板枱的座位外，還能容納幾枱桌椅。佈置除了在牆上掛上菜式的木牌外，另一邊牆掛滿日式十幡，加重日本風的感覺。但今次吃鐵板燒，未能欣賞大廚的表演，因為應該再有人比我更早預約坐師傅吧附近，畢竟，會更有感覺呢！餐牌簡單已明...主要是套餐為主...雖然都可以單點鐵板燒和爐端燒菜式..那當然，一分錢一分貨，如果樂師傅以套餐為主為中心，我相信，吃套餐更為化算及好吃！價錢由$450起，應是以中階市場定位。一行二人最終選定「日本薄燒牛肉北海道二本蟹爪套餐」($450) 及「A5和牛北海道原隻粒貝套餐」($780) 一齊Share。主要提供套餐，有沙律、刺身、三道主菜、炒飯、野菜、湯及甜品。🔹🌟較划算的$450套餐，質素也不錯啊真係〖日本薄燒牛肉北海道二本蟹爪套餐〗「煙燻鴨胸沙律盛合杯」「三點刺身」「西京醬煎煮銀鱈魚」「北海道二本蟹爪」「美國薄燒牛肉配香煎牛脷」「S2特色黃金炒飯－黑松露」「S2鐵板紙包蜆湯」「燒野菜」「精選季節性甜品」🔹🌟$780套餐亦更為豐富...〖A5和牛北海道原隻粒貝套餐〗「煙燻鴨胸沙律盛合杯」「三點刺身」「A5和牛薄燒」「北海道原隻粒貝」「慢煮法國凍鵝肝伴時令水果」「S2特色黃金炒飯－黑松露」「S2鐵板紙包蜆湯」「燒野菜」「精選季節性甜品」✨「煙燻鴨胸沙律盛合杯」先到沙律前菜既一款，以高身塑膠酒杯盛載，望落特別高級正正常常的開端，驚喜就一般般但係胡麻醬調味就一定係好食既！哈哈！✨「三點刺身」以八爪魚、三文魚及牡丹蝦組合而成，都是一點時令刺身，應該每次去都會不相同，三文魚鮮甜鮮的味道令人回味。刺身不錯，夠新鮮！✨「西京醬煎煮銀鱈魚」西京醬煎煮銀鱈魚呢款真係幾深刻因為西京醬在外面很難吃得到，有一點甜味，做醬類或醃東西也不錯！鱈魚油分多，雖然魚味薄，但相對易處理，只要用醬汁配搭，西京白味噌、味醂、等等做成一個醃料，就會煮到這個特吃的銀鱈魚！師傅還用火槍噴盛器上的汁好吸睛，銀鱈魚好香滑，皮又夠脆皮，煎得香吃完一口又一口，很好吃！✨「北海道二本蟹爪」不時推出新菜...這個蟹爪能夠保持最新鮮的口感...肉厚，但味道不算濃郁但望落二本蟹爪超迷你的！沿着蟹爪中間咬，就可以輕易將蟹肉取出。✨「美國薄燒牛肉配香煎牛脷」美國薄燒牛肉、香煎牛脷真的很好吃，伴隨海膽他他汁...牛舌值得一讚！厚薄適中又夠腍身！不過大舊左一點 切細小小會方便一小口一小口咬呢！美國薄燒牛肉裡頭，是蔥花和炸蒜片！沒有油膩感，好好食！蔥花和炸蒜片這個是最佳配搭呀！嫰煎A5和牛片，油分充足正！✨「北海道原隻粒貝」食元貝緊係要食北海道岀產既元貝先至係食家，元貝比較大隻而且爽口，咬開會有一絲絲既感覺，原隻粒貝加入黑松露，鮮味更加提升，記得一定要飲埋貝款上面既湯汁，超鮮甜，真係想再食多隻✨「芝士龍蝦」波士頓龍蝦啊，正！鐵板上淋上芝士醬，焗熟再火炙師傅在鐵板上製作食物時，發出的聲音和散發出來的香氣，令人食慾大增。黎到既時候呢個龍蝦好似我地係最快食晒既一樣呢！不得了！齒頰留香！✨「慢煮法國凍鵝肝伴時令水果」鵝肝香口，凍凍的配上時令水果又不錯呢，因為吃了這麼多濃味的來一個這個做中間，好像給矛一點休息的時間呢！✨「S2特色黃金炒飯－黑松露」功夫果然夠紮實，離遠睇到師傅一次為多位客人炒這個飯，十分大陣仗！炒完一樣又一樣，菜熟後撈入白飯、雞蛋等等最後堆了一個蔥花和黑松露山在上面，炒炒炒，香氣一直飄埋黎。雖然已經真係好飽，但吃一口又當真黑松露好香，飯粒也粒粒分明，是如何做到的？真係好乾身又入味，功架十足！✨「S2鐵板紙包蜆湯」主意多多，這一客湯印象都深刻的！因為做法夠特別，在外從未見過的！特製高溫紙袋煮製嘅紙包蜆湯，視覺、味覺也不錯，燒至個高溫紙袋脹身，呈一個球狀，看著湯在紙袋內外冒出氣泡好像煲水一樣！！入面有大蜆、海帶等等，好清甜又夠鮮；剪開袋口便可飲用，挺方面架！其實是個可供加熱的食用膠袋，以「紙包」為名，好像怪怪的！哈哈不過好清簡健康！正！✨「燒野菜」燒野菜及焗雜菌是二擇一的項目。想了一想便點了「燒野菜」，特別沒有太多，但好清甜。醬油調味沒有過於重手剛剛好。✨「精選季節性甜品」兩粒泡芺為這餐做一個落幕，雖然有點失望，但老實說...好好好好味....有舉足輕重的影響，心思這個位是不太覺有，但味道又成正比！算是完美地結束吧！因為真的太太太太飽了！位於人流不多的內街，而店子面積也不大，但都會滿座的，可想言之質素確是叫人垂涎回顧整頓晚飯，菜單鋪排十分不錯，但唯一挑剔的是呢個價位，吃不足一種舒適感，因為餐廳很細小所以比較唔夠闊落，而我的隨身物品較多，所以能添置收納空間就好了！:)如果想到來試試真的要敬請預先訂座，因為方便得多而且有得揀位呢！由前菜吃到甜品以多樣手法，處理每一種食材的滋味確是不易！但我真的飽到反艇！！！對「S2」，一點也不陌生了，謝謝師傅，真的很好吃！！…查看更多

同老友幾個月冇見, 原本約左星期日出黎食返餐聚聚, 不過新聞話星期日好有機會打風, 所以今日whatsapp老友打算改期, 老友話擇日不如撞日, 結果我地約實放工係佐敦等, 兩個老友鬼鬼撐枱腳。😁老友係佐敦返工, 對附近美食可以如數家珍咁逐一介紹俾我聽, 佢知我鐘意食龍蝦, 帶左我去位於偉晴街呢間S2鐵板燒, 原來呢間S2鐵板燒同中環專賣海膽料理嘅S2 Kitchen係同一集團, 而且係老闆兼主廚樂師傅親自主理, 質素肯定有保證唔怪得老友會咁極力推介啦。😙我地6點半已經到餐廳, 不過已經有其他客人比我地更早到, 7點之後就相當多人, 餐廳唔大間, 鐵板燒廚房採用開放式設計, 主廚亦非常主動同客人溝通, 店內氣氛都幾熱鬧。我地點左一客龍蝦北海道帆立貝海鮮套餐, 另外加左幾款食物, 老友話呢度嘅一人前套餐份量超豐富, 一人一份一定食唔哂。😆海膽焗原隻龍蝦北海道帆立貝海鮮套餐 $ 780/一人前煙燻鴨胸沙律盛合杯套餐前菜除左有刺身之外, 仲有呢個沙律盛合杯, 新鮮爽脆嘅沙律菜配上味道濃郁嘅煙燻鴨胸, 加上酸酸甜甜嘅醬汁, 非常醒胃。😊三點刺身刺身有三款, 三文魚幾肥美, 赤蝦好大隻, 蝦肉爽滑彈牙, 加上八爪魚刺身, 呢款前菜份量都唔少。鐵板海膽醬芝士焗原隻龍蝦用海膽醬炮製嘅焗龍蝦我都係第一次食, 師傅燒製龍蝦時已經火焰沖天, 濃濃嘅芝士味芳香撲鼻, 海膽, 芝士混上沙律醬呢個醬汁既鮮甜又帶有咸香, 配上鮮嫩爽口嘅龍蝦肉, 味道層次十分豐富, 而且足足用上一隻原隻龍蝦, 份量超多, 唔怪得老友話要share食呢個一人前嘅龍蝦餐。😆北海道黑松露帆立貝用鐵板燒香嘅北海道帆立貝本身鮮味已經好濃, 再加上黑松露, 一放入口, 整個口腔都充滿鮮味。😋招牌脆皮煎鰻魚熟嘅魚我唔太喜歡食, 不過老友大讚呢款煎鰻魚皮脆肉嫩, 所以我都試左少少, 魚肉果然非常嫩滑, 唔錯。👍S2特色黑松露黃金炒飯師傅非常大方, 呢個黃金炒飯加左超多黑松露, 基本上每啖都可以食到黑松露, 炒飯炒至顆粒分明, 帶有蛋香。👍S2鐵板紙包蜆湯用高溫紙包裹放上鐵板燒製嘅蜆湯非常清甜, 加上秋葵同菇, 味道好夾。燒野菜食埋呢個野菜同甜品我已經好飽, 另加嘅食物老友好努力食, 之後都仲要打包, 呢個一人前嘅龍蝦餐份量果然相當豐富。👍😆精選季節性甜品…查看更多