一喜日本料理

今夜有朋友請我食咗一餐高質嘅日本菜😋，包沙律、生蠔、刺身、燒物、天婦羅、手卷、鰻魚飯、銀鱈魚西京燒 ...。如果打算食日本生蠔、秋刀魚刺身等時令食材，最好預先打電話預留合適嘅份量，食材相當新鮮，由於食物太味美嘅關係，往往未能相機先食，好彩有我超凡嘅攝影技巧，總算還原到四至5成嘅原貌😁，員工服務態度相當友善，係一間好適合朋友或一家大細聚腳吹水嘅好地方👍喺依家嘅經營環境下，依然能提供如此優質嘅食物真係買少見少，食物嘅質素真係無得呃人一食就知，呢間一定係其中一間值得香港人支持嘅小店…Read More

與外地回港的親戚聚餐，呢度新開幾個月，午飯試過唔錯好抵食，雖然係小店但坐得舒服（店不大但裝修幾靚），而且睇過晚飯餐牌都唔太貴，所以就來試吓晚飯。鮮貨用一個個木牌寫住有埋價錢在枱上的小籐籮中可以慢慢睇，幾好玩，而且唔使吓吓問價錢咁煩。基本上刺身、燒物等食物都甚有水準，除了照片中個人推介的海膽、秋刀魚、粒貝刺身、燒牛舌，仲點咗龍蝦沙律、金目鯛刺身、燒雞尾同炸芝士波，都好味，但唔記得影相。最後仲用我哋點咗做刺身嘅金目鯛魚骨煮咗個豆腐魚湯，好鮮味。老板娘好親切，我哋點菜會俾意見，又驚我哋食唔晒阻止我哋叫再點菜。無限時交枱，可以慢慢食同傾吓偈唔使趕。整體而言食物水準很高，有驚喜，環境舒服得來氣氛唔拘謹，連唔食魚生的都食得好開心，大家對這餐都很滿意。…Read More