熨烤達人 (已結業)

猩星沙律 $78醬汁酸中帶點甜，確實搭配得啱啱好！只可惜越食越滯，可能太多主食嘅關係燒牛肋骨 $88第一啖確實好味，但食耐左會好膩，可能係醬汁調配得過濃(個人口味，因人而異)但都值得一試，試過一次就夠啦！知道係咩味道，都係好嘅！🌝巨卵鰻魚飯 $158真心無得頂👍鰻魚嘅分量足足可以夠我食一年，燒得野味之餘，配上絲滑柔軟嘅玉玉子，簡直係絕配😋原本二人分量，變左我一人食左大半🙈下次有機會我要再去食過🚩…查看更多

身邊好多朋友都好鍾意食韓國嘢，咁就同佢地一齊聚舊啦！一去到見到已經見到有個類似熨斗嘅物體好得意😎真係名副其實「熨」烤達人xD不過呢個都係可以令到燒肉更加貼服燒得快啲同埋平均啲，都唔錯，既得意又實用，good ah!之後有芽菜泡菜同埋醃左嘅小黃瓜。個人最鍾意食芽菜，呢到三碟都係芽菜最好食。有啲麻油香亦都唔會太喧賓奪主。作為頭盤一流～之後食個沙律先啦。呢個沙律🥗都幾得意，有別於一般個d。有一啲我諗係水牛芝士粒，水牛芝士冇特別但係水牛芝士粒就好少見。芝士濃度適中，配埋一啲好酸酸甜甜嘅士多啤梨同埋藍梅令到成件事好開胃。另外店員介紹咗個牛仔骨都真係幾好味。首先牛肉好鬆軟，味道係我最鍾意嘅辣味，辣得來好惹味所以真係一個好推介。依家去食呢啲韓燒都好興食豬肉或者。咁我哋都唔輸蝕啦。呢個肉類得好入味同埋其實薄薄地都算燒得快。之後好似韓劇走唔甩嘅芝士炸雞。就一定要食啦！都幾大碟，同埋原來要用燒肉🕳️嗰個盤上面d火整容芝士，好有氣氛呀！炸雞面都幾香脆，但都係略嫌油膩。芝士入邊仲陪埋啲番茄醬，不過我個人鍾意淨芝士多啲😋想獨享芝士。提外話啲芝士真係可以拉到好長嘅絲😂😂好啱我哋呢啲芝士控😂😍最後就食埋呢個啤酒雞扒啦，清清地唔會太咸有小小調味同埋略略食到啲淡淡的啤酒清香。當喺唔同嘅選擇啦，食完啲重味嘅嘢食返啲清淡D嘅嘢。咁都總結完成左呢個韓式晚餐🤣而餐廳門口個個大大隻嘅時3D公仔真係好吸睛呀！…查看更多

鑽石山地鐵站🚉上蓋的商場中🛍，有一家蠻有特色的韓式燒烤食店🔥，門口更放了一個穿上了美國隊長制服的模型😲，雖然經過多次🛒，但一直都未有機會嚐過😢。這晚難得與老公🍋都比平常早了點下班💼，就一於來試試吧🎉。在韓國，熨斗其實是韓國🇰🇷古法烤肉工具🔥，當地的舊式烤肉店都會這樣做😏。而這家店，就從韓國引入一斤重的鐵板🛡，一於將傳統做法變成綽頭✨。整間店的裝潢以工業風為主🏭，亦加入了不少Ironman和美國隊長的英雄元素💪🏼，玩味十足😂！一坐下店員👧🏻馬上端上前菜等，更為我們於鐵板上倒上蛋漿🍳，另外生菜是用於包著烤肉進食的🥩，以減低烤肉的油膩感😋。水牛城雞翼🐣：老公🍋的至愛！雞翼🐥肉質細嫩多汁，加上微辣的口感🌶，醒胃非常👍🏻。金仔炸雞飯🍲：堆得高高的炸雞🐔，雞皮炸至酥脆，炸漿不會太厚🤩，雞肉嫰滑多汁，配上酸甜醬汁，好吃😋。燒牛肋骨🐮：店員大力的極力推薦🌟，牛味濃郁😍，肉質不會太靭，但又不失嚼勁🤤。調味五花肉🐷：店員說豬肉比較適合用鐵板燒🔥，肥肉與瘦肉相間，口感軟嫩多汁💘。特級雪花牛❄️：先請店員為我們換了一個網燒🔥，牛肉脂肪分佈均勻😲，油花分佈猶如下雪一樣☃️，輕輕的一燒馬上吃用😋，入口油脂豐富，肉質爽滑👍🏻。雞腎🐔：口感爽爽脆脆的，加了點韓式辣醬🌶，更為惹味😋。總結：雖然要換來換去真的很麻煩😅，但為了以最適合的燒烤工具去烹調食材🔥，店家特意提供了網燒及鐵板燒😲，這份對烹調的執著😎，真的是真心拜服🙇🏽‍♀️。…查看更多

從openrice得知有間好得意的韓燒料理店「熨烤達人」, 又有很多好評, 特意去試吓見識吓。  時間約2:00pm, 已過了午餐時段, 店裏已沒有太多客人, 不用等位, 入座後點了網上好評的「燒牛肋骨 」和「 石鍋韓牛粒飯」。 店舖的裝修好得意, 好韓風, 好細心的每枱都裝有似「金仔」樣的usb手機充電器 。  :)「안녕하세요」(你好),   牆上掛有「對比色彩」的韓風海報掛畫, 讓我在等餐時, 眼睛也目不暇給的欣賞特式又玩味的裝修。 「燒牛肋骨」     ~     好大份的牛肋骨, 肉質非常腍, 又好入味, 醃料調味得好好味, 超正!「石鍋韓牛粒飯」    ~    外觀好正, 料頭烤得好香, 飯裝得滿滿的, 醬汁也好香濃好味, 可惜牛肉粒雖然大粒, 味道較淡, 但真係好靭, 咬極也咬不開, 只好放棄唔食, 。餐飲是「凍柚子汁」   ,    很清新, 大大杯, 剛食過肉類食物後可消消滯。午餐也包有甜品, 是「MELONA」韓國雪條     , 我們選了芒果味。是次消費 : 約 $205這間店舖值得推薦的, 唯希望上述的「石鍋韓牛粒飯 」的牛肉粒選材有所改善吧!本人亦會再來, 下次試吓晚餐燒烤餐。…查看更多

今日下午要和同事2個去牛池灣開會, 原本打算係彩虹站附近搵地方食個Lunch, 不過同事話果邊食店唔多, 最後我地決定搭多一個站去鑽石山食。😁我地12點到荷里活廣場, 好多食店都係剛剛開, 我地係3樓見到呢間韓式燒肉店熨烤達人, 見佢午市Lunch Set價錢唔貴, $40至$100左右, 裝修又幾特別, 就入去試下。熨烤達人裝修以美國隊長打扮嘅金先生為主題, 餐廳無間斷播放K Pop嘅Mtv, 座位寬闊, 環境唔錯。Luncb Set分2款, 精選同商務, 我地揀左2款商務午市套餐, 雖然價錢比精選貴d, 不過可以無限添飲同任食乳酪雪條。😋同事加左$12點左1枝韓國Cider, 佢話味道好普通, 不過我覺得個樽幾靚。😆我就飲凍檸茶, 味道正常, 唔太甜, 飲完都添飲左1杯。我揀嘅燒牛肋骨份量都幾多, 肉質都幾軟腍, 調味微甜同微辣, 味道都唔錯。👍同事揀嘅石鍋韓牛粒飯, 牛肉都唔錯, 肉質鬆軟多汁, 肉味濃, 可惜個飯底太腍而且醬汁高多, 所以就算石鍋上都唔香口。😔乳酪雪條任食, 有3款口味, 我地只係每人食左1款已經飽到食唔落, 埋單每人$110, 性價比都唔錯。…查看更多

之前見過食店comment 不錯，就約家人一齊試下。好彩有得book 位，5大2小不用呆等。星期日晚 book 檯有2個時段 : 6pm or 8pm。我book 6pm，限時2小時要交檯。當晚我地5點9到達，得好少人。但到6點半就 full house。檯與檯距離ok，油煙比想像中少 (我好怕韓燒後全身勁大味)。之前睇過食評知道有咩推介，所以我都好快落柯打，然後食前菜。前菜、蛋漿、包肉生菜全部可以 refill。員工勤快又有禮，真抵讚!!!!我 order 咗。。。。(1) 1份2人set 肉盤 : 有牛有豬。牛有3款，係雪花牛、牛胛肉、小牛粒。豬有1嚿黑毛豚肉、2塊豬皮(2) 1份雪花牛(3) 1份牛胛肉(4) 1份燒牛肋骨 : 係熟食，幾大塊，味道幾好(5) 1份流心芝士墨魚球 : 我覺得似巨型蟹籽包心丸豚肉同豬皮要用熨斗壓燒，員工會出手幫忙。味道呢。。。當然係韓國好味d，我覺得佢既豚肉有少少實及5夠 juicy。豬皮我要脆d，所以就會有d 燒焦，咁膠質就無乜了。。。。。牛肉就自己動手燒，雪花牛真係正!!!! 小牛粒就一般。牛胛肉還可以~~個個都食到捧住肚子走，埋單都係1063，幾抵食!!!! 仲有2小時內一定食完，我地都係食咗1小時鬆d~~…查看更多

鑽石山嗰度睇戲，所以順便食埋野，依間熨烤達人一到食飯時間就好多人，出面啲人都係咁排隊。好彩我哋等咗大概20分鐘就到我哋間鋪頭入邊係幾整齊，空間都好似幾夠睇到呢個公仔覺得好搞笑黑松露明太子蛋捲$78呢個蛋卷係好吸引，裏面有好多芝士，我個人呢就比較鍾意食明太子，黑松露呢始終唔係太食得慣。猩星沙律$78呢個沙律係幾得意嘅，嗰啲係焗酥皮, 有啲士多啤梨香蕉，加埋啲沙拉汁，食得多其他沙律可以試吓呢個嘅，不過不失啦！金仔炸雞飯$78呢個飯啊影相一流，食落去嘅感覺都唔差，如果可以多一啲汁就好啦，因為呢就太少汁識落有少少乾。申利：個人比較喜歡食多汁燒牛肋骨$88呢個係超級推介架，因為真係燒得好好食，果然係人哋燒係好食啲。…查看更多

都市人生活繁忙，離不開行街，睇戲，食飯。集三個願望於一齊的最佳地點莫過於各式大型商場。荷里活廣場就是我其中一個熱門地點。貪其交通方便，正正是地鐡上蓋，地牢有多層停車場，而且有消費免費泊車。不論乘搭公共交通還是自駕前往，都非常方便。商場各層都有不同美食，中國、日本、越南、法國……世界各國的餐廳都名列在此，最後還是被Mr.IRON吸引過來，餐廳門口就見金先生拿住熨斗，威武地站立，成為餐廳的立體標誌，相信吸引不少食客的目光，今晚我就是其中之一，與Mr.IRON合照後，入到餐廳，只見餐廳內裝潢簡單明潔，燈光明亮，坐位非常整齊清潔，感覺舒服。餐廳提供燒烤或熟食兩種，翻查一下餐牌發現熟食也選擇多多，於是決定今餐以熟食為主。很快，第一道餸就隆重的登場，震撼的畫面，成駕大貨車咁開上枱，食物就裝在車後，還未開始食，剛是場面已經贏晒。貨車盛載的正是韓國拉麵為主，還加上芝士、芝士腸、煎蛋、和沙律菜等，芝士麵的芝士味道適中，麵有少許辣味，兩種味道混合非常好味。聽餐廳負責人推介說這是「招牌菜」，當然不可不試試，燒好的牛肋骨，外表很juicing，晶瑩透亮，侍應細心地將牛肋骨剪成各小塊，令其變得容易入口，燈光下的燒牛肋骨有看得出的美味，一入口經已驚喜無比，肉質很淋很嫩，味道咸得來又帶點香，香得來又有點甜，不知怎麼形容，但卻配合得宜，非常好吃。金黃的墨魚肉丸比拳頭還大，上枱後侍應幫忙把它剪開，揭開神秘面紗之後，金黃的芝士夾心擁住出來，令人心動，果然是「招牌菜」，墨魚肉仍帶有粒粒墨魚粒，口感極好，肉質爽口彈牙。番薯加芝士夾心，俾人感覺新鮮特別，外脆內軟，給人留下深刻印象。芒果味加鮮橙味與乳酪和沙冰混合，想不到出來的效果那麼理想，口感清新，橙味剛好沒有搶去芒果的甜，非常好喝。草莓透露了它的粉紅，很美觀，疏打水插在上面徐徐而下，與沙冰混合，特別清新脫俗。今次主要係食熟食為主，感覺還不錯，留下了好印像，希望下次可以來試下燒烤。…查看更多

今晚同男朋友去荷李活廣場睇戲，時間尚早，先食晚餐。行左一圈，決定試下熨烤達人門口望入去，已經覺得佢既裝修好靚，雖然食韓燒，但抽煙做得幾好，無乜油煙味。兩個人安排坐一張大圓枱，好闊落。枱隔離仲有個神秘USB插位，夠細心。一坐低，店長會主動講解有乜食，乜嘢係主打，最多客人叫邊樣等等，貴到平都會介紹下，唔會hardsell淨係叫你試貴嘢同一時間，送上一碟碟前菜。全部任食，抵。泡菜好食，微辣，蘿蔔爽口。蛋漿佢地會幫手倒落去，之後自己按個人喜好，加粟米，芝士。芝士係一碗滿晒，好正。兩個人先叫左一份濟州黑毛豬五花腩，店長介紹正宗既黑毛豬係會喺皮上面見到黑色毛髮和毛囊，咁先叫正貨。所以佢地會留番啲皮比客人睇，學到嘢。店員之後會全程幫我地烤，翻，剪。一大嚿五花腩先兩邊烤，再剪開一塊塊，最後每塊剪成三小件，再點佢特製既醬汁食。怕油既，可以夾住生菜食。貴嘢姐係貴嘢。一路烤，一路聞到佢既肉香味。一入口，個種肉味真係齒頰留香，好另外，再叫左份燒牛肋骨。廚房已經燒好，店員攞出黎，剪好就食得。雖然無五花腩咁香，但肉嫩且滑，都推介，$88抵食最後，仲叫左個勁勁勁邪惡既芝士炸雞。佢地會先收走個烤盤，再成盤芝士炸雞放上去，等佢啲芝士慢慢溶。啲芝士多到呢，成盤都係，浸住啲炸雞如果係芝士迷，會勁鐘意。佢個拉絲勁到拉唔斷，要剪兩個人食，真係飽到呢。雞係有十幾件，件件都嫩滑。芝士中間有啲蕃茄，中和番芝士味，唔會太漏。飲品，叫左店長推介既Cider special(blueberry favour)，好大杯呀。配埋啲芝士烤雞，感覺唔錯。呢度既服務真係好好，會主動問你要唔要加前菜，又會全程幫你烤，教你點食最好價錢都合理，值得再幫襯。…查看更多

荷里活廣場終於開左間韓國烤肉餐廳喇!! 當晚係平日晚8點左右, 經過見到入面已經坐滿哂人, 門口仲有唔少人等位, 似乎呢間餐廳幾受歡迎, 所以我地唔執輸拎籌等位都要一試!呢度除左有主打既烤肉外, 仲有多款免烤韓國熟食提供。雖然入面既九成九食客都係點烤肉, 但朋友話熱氣, 所以最後決定點熟食罷。店內抽煙算係幾好, 唔會煙霧離漫, 而且有好香既燒肉味~ 唔食烤肉, 其實熟食都幾多選擇, order左幾款試試...【自暴自棄速食麵】 HK$78以一架玩具車造型送上速食麵, 造型很受小朋友歡迎。入面放左好邪惡既芝士速食麵、脆皮腸、太陽蛋。呢個為芝士撈麵, 芝士醬幾杰身, 麵質軟硬岩岩好, 芝士味唔算好濃, 但入口好creamy【芝士炸雞】 HK$168當晚最終極邪惡既芝士炸雞終於出場, 店員先開爐, 以鐵剷裝住大量既芝士同埋炸雞, 放上爐面, 之後店員再淋上忌廉, 待鐵剷上既芝士熱溶後, 就將芝士卷起包住炸雞, 拉絲效果極為明顯!!!每件炸雞上更有脆皮沾上, 所以炸雞既脆口度更加高, 厚厚既芝士包住炸雞, 入口先感覺到芝士既軟棉口感, 再食到皮脆內嫩既juicy雞肉, 炸雞被芝士包住, 依然食到脆口感。【Cider Special - strawberry】 HK$43食炸雞唔一定配啤酒, 我就order左杯份量幾大既士多啤梨沙冰, 特別之處就係有支汽水斜插入沙冰中, 當我慢慢飲既同時, 汽水就會慢慢流出。有汽既士多啤梨沙冰, 不過士多啤梨味較淡, 但都算係解渴之選!【流心墨魚球】 HK$98掌心般大既墨魚球, 剪開見到有流心既芝士醬同蟹子, 墨魚球外皮略脆, 而墨魚肉彈牙鮮甜, 沾上入面既流心芝士同蟹子, 惹味之餘, 口感亦很特別【燒牛肋骨】 HK$88超級juicy!! 比預期中更林, 除左食到好出既牛味, 配上表面既燒汁, 甜甜地, 又夠入味, 不錯!【大隊腸支支】 HK$88唔好睇佢好似好細碟, 原來豬腸既份量都唔少。豬腸沒有肥油層, 而且很林很入味, 個汁辣辣地幾開胃, 而且夾住大豆牙菜、芝麻、香蔥既配料一齊食, 更加爽脆香口~估唔到非主打既韓國熟食味道都咁出眾, 而且每碟份量都幾大!! 入到黎可以選擇一面食烤肉,一面order熟食慢慢食, 選擇夠哂多, 係一間唔錯既韓國餐廳!…查看更多