Amici

同好耐無見嘅朋友食飯，專登Book咗間喺中環都幾出名嘅Fine Dining嚟試下。見到個Menu有Lobster Set，我同朋友都即刻揀呢個Set嚟試。落咗單之後，先上個餐包，啲包非常軟熟，食完已經都跟住落黎嘅Set 好有期待。前菜叫哂藍水晶蝦薄片同鵝肝焦糖布甸去試。藍水晶蝦薄片第一次食藍水晶蝦，蝦身好爽，有少少脆，好清新嘅感覺。鵝肝焦糖布甸同藍水晶蝦薄片唔同，呢個前菜非常濃味，廚師將鵝肝Blend入喺布甸入面，食落去啖啖都有鵝肝，暖暖地，令人食欲大增，係一道滿分嘅前菜。龍蝦濃湯名副其實，龍蝦鮮味非常足嘅龍蝦湯。烤龍蝦拼海斑魚 （請原諒咁迷幻嘅相，實在喺太心急，一心想快啲食到個主菜，完全唔為意張相Blur哂）半隻龍蝦同魚嘅份量相當足夠，火候掌握到好好，龍蝦非常彈牙，魚肉好滑，唔會好乾。燒焦糖班戟配蜜糖脆脆雪糕唔會好死甜嘅甜品，食落去清清地，中和番成餐龍蝦嘅濃味，完美收尾。…查看更多

有時看到精美的食物，心情真的會不自覺的變好。前陣子在openrice發現這間精緻四道菜法國餐廳，價錢在中環這個location來說算是非常合理，就和同事放工去了。餐廳環境非常舒適，佈置也好有高級西餐廳的感覺。雖然他們有散叫的款式，但一場來到，當然想吃得精緻點，就點了$428位的4course menu4 course menu最驚喜的是前菜配搭的心思，高質素+用心製作，絕對值得一試。🥖就算是餐包，也絕不馬虎，用上Parmesan cheese配pesto醬，為味蕾感覺展開序幕。1️⃣appetizer 和朋友一人點了一款appetizer，2款都各有特色先說個人比較喜歡的鰻魚鵝肝凍批，是非常有層次感的配搭！菜式是由一層鵝肝再配上一層鰻魚層層疊而成，而且鵝肝層也厚厚的，非常滑香。而旁邊的醬料不單是deco之用，而是必點來吃的，是青蘋果西芹溶，好香西芹味，可以中和一下鵝肝油膩 ，每一口都好滋味。另外一款appetizer是黑松露焗蛋配36個月黑毛豬火腿，是超滑texture的蛋配上片片黑松露，上面還有薯仔打成的foam、足見心思。2️⃣soup湯是薯仔湯，比較重creamy忌廉香味，口感幾好。3️⃣main course和朋友一人點了一款main來一起吃，個人覺得煎香辣劍魚腩配粟米沙沙真的是超水準之作，絕對值得去食！從側面看來厚厚的第二層是煎了的劍魚腩🤤，食落去好肥美，是有點入口即溶的感覺，肉質滑香。老闆跟我們說他們用上的是日本刺身級劍魚腩，加了調味再煎再焗，把油份去走，才能做到如此水準。而旁邊的伴菜是薯仔，還有配上herbs的粟米，味道好refreshing！焙燒法國春雞伴香橙檸檬忌廉汁比較重的是citrus 和青檸、herbs的味道，雞肉嫩香，配上紫薯蓉，味道調得幾好！4️⃣dessert甜品-燒焦糖班戟配蜜糖脆脆雪糕亦是特色之一，他們用了3-4小時去將pancake上的煉奶焗成焦糖，甜度適中之餘好脆脆的，還有非常出色、香口的腰果！最後和朋友各自嘆了杯玫瑰茉莉和即磨咖啡，再慢慢聊多一會，真的夠寫意。…查看更多

/𝐴𝑚𝑖𝑐𝑖 🇭🇰/#sa中環篇 ➖➖➖<高質創意fine -dining 🍽🥂>➖➖➖餐廳位於中環士丹利街嘅一幢商業大廈呢個位都隱藏左唔少食店～ 呢間意式餐廳/扒房 環境都偏昏暗 不過都幾有情調 去到7點幾都算幾full 但又唔會太嘈吵～ 食物方面都有幾個唔同嘅set 連大閘蟹都有🙆🏻‍♀️ 有興趣可以試下整體來講係一個唔錯嘅用餐體驗🍽食物質素同服務都不錯👍🏻店員都好詳盡介紹每一道菜式➖➖➖Dinner set $428/pp 🔹appetisers 🔹1️⃣鰻魚鵝肝凍批呢道fusion 菜幾特別 凍批其實就係件鵝肝 中間會夾雜住鰻魚肥瘦適中 無骨 中間都會食到層鰻魚啫哩有啲似洛神花🤣鵝肝幾creamy 可以連法包一齊食如果塊包大塊啲就好啦 因為就咁食鵝肝又會有啲滯 另外側邊嘅汁係青蘋果西芹蓉 幾清新、容易入口➖➖➖2️⃣黑松露焗蛋配36個月黑毛豬火腿🌟個人幾鍾意呢個前菜✨會食到幾多黑松露片 黑松露味都幾香！另外焗蛋都幾嫩滑 仲有隻蛋黃～不過就無左流心效果🤣隔離嘅Parma ham 唔太咸 調味適中➖➖➖🔹soup🔹3️⃣粟米忌廉湯 🌟是日餐湯 飲落係真係幾好飲～加左新鮮粟米粒更鮮甜✨忌廉幾重奶香 睇落細份但其實份量都幾多 ➖➖➖🔹mains🔹(3選1）▪️煎香辣劍魚腩配粟米沙沙👈🏻▫️焙燒法國春雞伴香橙青檸忌廉汁👈🏻▪️香烤阿根廷安格斯伴英式牛肉布丁.4️⃣ 煎香辣劍魚腩配粟米沙沙平時比較少食劍魚腩 所以又想試下🙆🏻‍♀️用左美國調味辣粉 煎至邊位黑色✨仲有popcorn 、粟米番茄莎莎同薯粒伴碟可以連魚肉一齊食 會有種酸酸嘅味道劍魚腩唔會太鞋口 帶少少油脂 頗香口.5️⃣焙燒法國春雞伴香橙青檸忌廉汁燒春雞主要係雞胸同脾肉～啲肉唔會乾柴 加左青檸同橙 感覺更開胃 如果青檸橙嘅味再酸啲就更好另外仲有紫薯蓉伴碟 幾綿👍🏻➖➖➖🔹dessert 🔹上甜品嘅時候仲會送上餐茶👍🏻6️⃣燒焦糖班戟配蜜糖脆脆雪糕🌟雖然加左焦糖 會甜少少 但整體不錯班戟皮都夠軟熟 入面塗上煉奶焗三個鐘至黃金色 雪糕都帶焦糖味 幾鍾意伴碟嘅果仁脆脆好香口🙆🏻‍♀️🙆🏻‍♀️➖➖➖…查看更多

好好食呀 😋 好耐之前lunch time 黎過都覺得啲嘢食唔錯，估唔到dinner 仲要高質好多倍！佢地呢個Lobster set 真係碟碟都好食！每食完一碟我地即刻好期待下一碟有啲咩驚喜 😍 (明明一早睇咗餐牌知道有咩食，但佢上枱之後每碟都好有驚喜）整體黎講我覺得呢個餐 $1388 真係超值藍水晶蝦薄片 📍賣相好靚！最底層係高質新鮮嘅蝦，做到真正嘅晶瑩剔透 🥰🥰 加咗魚子醬同三文魚籽做，同埋白酒啫喱做點綴，食落好清甜，好唔捨得將佢吞落肚🤣鵝肝焦糖布甸 📍首先呢杯唔係一杯普通嘅焦糖布甸，大廚係用咗打溶咗啲鵝肝再攞去燉2個鐘頭，好有心機架 😍 所以佢入口每一啖都充滿住鵝肝香，中間仲燒咗一層薄薄地嘅焦糖，再係上面放一塊香煎鵝肝，真係好好食！一定要食呀！我食完一啖簡直停唔到口呀 龍蝦濃湯 📍送餐上嚟嘅時候中間有一粒龍蝦肉丸，咬落啖啖都係肉 🦞而龍蝦湯就當然係可以俾你自己倒，慢慢影相啦 👍🏻龍蝦味好濃郁，又唔會過咸，推薦呀 ❤️烤龍蝦拼美國頂級西冷 📍嚟到主菜啦！有半隻燒過嘅龍蝦，燒得啱啱好，肉質亦都好鮮甜，仲有好多龍蝦膏 🥰 牛扒係medium rare，切開之後嘅肉帶有少少粉紅色，好嫩，side dish都超級多選擇，有粟米，蘆筍，紫薯和蘿蔔，仲要經過悉心處理架烤龍蝦拼海斑魚📍話明龍蝦餐，就算揀魚都同樣有半邊燒龍蝦 👏🏻 大廚將魚嘅皮燒脆，肉質順滑亦有口感，夾埋一齊食真係無得輸燒焦糖班戟配蜜糖脆脆雪糕 📍呢到嘅甜品都好好食呀 🍮 班戟外層燒過焦糖，本身已經有少少甜味，原來入面係充滿住蒸咗2個鐘練奶，唔會話超甜，所以食食吓就食鬼哂 😅 上面嘅蜜糖脆脆雪糕都同個班戟好夾，為呢餐飯畫上完美嘅句號…查看更多

很久沒來到中環附近，熟知港島的朋友告訴我有一間不錯的Fine Dining，由星級酒店出身的大廚主理，食物很用心及有創意，當然要和太太去慕名而試位置（9/10）：位於士丹利街的Stanley11大廈8樓，由中環站D2出口步行約需3分鐘，附近有迪卡濃及知名的蘭桂坊，地點算是方便環境（9/10）：餐廳以英倫古典式裝修，用上正規座椅，餐桌寛闊，環境相當舒適，店家應該喜愛動物，掛畫擺設都有鹿及其他動物的影子，為餐廳點綴不少服務（9/10）：餐廳有提供口罩套及清水，上菜時經理會細心介紹套餐的每一道菜，更會分享一些人生經驗，受益良多，用餐後亦會細心詢問及安排餐飲，服務優質食物（9/10）：據經理說餐廳主廚及老闆出身主星級酒店，其實從食物的色香味，以及創意及對細節的注重，都能看出不同凡響之處我選了一份晚市套餐，而太太則選了時令的大閘蟹套餐未送餐前，會先上兩款麵包，一款是鬆軟的香草麵包， 另一款是用上巴馬芝士及乳酪製成很香口的披薩餅，可配合預先準備的意大利黑醋配橄欖油食用，味道更香更軟滑晚市套餐 ~ $428黑松露焗蛋配36個月黑毛豬火腿第一道菜是蛋味十足、非常香滑的蒸蛋，蛋上蓋上不少的黑松露增添香氣。另外有用上36個月風乾的黑毛豬火腿，味道濃郁細膩，配合蒸蛋及麵包食可中和其偏鹹及油膩感精選餐湯是日餐湯是帶子薯蓉湯，不像一般西餐廳般用上平凡的忌廉或羅宋湯，反而帶子薯蓉均相當鮮甜香濃，配合湯內的煎煙肉及餅乾碎，口感味覺同時提升煎香辣劍魚腩配粟米沙沙主菜選了這道菜，經理說用上刺身級別的劍魚腩，先煎後焗，形成結實口感同時鎖住油脂，因此味道香甜嫩滑至於粟米沙沙用上美式香料，做到酸甜帶點微辣，相當開胃。大廚同時放入炸香的玉米餅及焦糖爆谷，增加了多重的口感燒焦糖班戟配蜜糖脆脆雪糕傅統的阿根廷甜品，大廚含煉奶味的焦糖燒至焦黑，既香亦甜，配合香甜幼滑的蜜糖脆脆雪糕及焦糖腰果，令人垂涎欲滴特製大閘蟹套餐~ $528大閘蟹餅配子薑檸檬泡沫此套餐的第一道菜，首先是釀入大閘蟹肉、蝦肉及香料做的大閘蟹餅，味道鮮甜香口。另外有在半隻檸檬上放入焦糖、泡沫及子薑，香甜之餘有點薑的辣，相當有新意。最後有一些魚子醬，感覺高貴龍蝦濃湯餐湯是香濃至有點苦的龍蝦濃湯，這是我們第一次喝到如此香濃的龍蝦湯，湯上放有大量忌廉增加香滑感，而湯內當然少不了龍蝦肉，味覺視覺同樣不錯大閘蟹意大利飯主菜是大閘蟹意大利飯，大廚把大閘蟹拆肉放在濕潤的意大利飯上，而飯是正宗有點生及硬的口感。由於蟹味較重，大廚參考中式大閘蟹的食法，放上薑片、香草，以及意大利黑醋做reduction，減低出現腥味的可能性法式焦糖薑汁燉蛋白甜品是簡單的法式焦糖燉蛋白，香甜軟滑，同時加入了薑汁及薑片，增加了辣味而有點奇怪最後，兩份套餐都可選咖啡或茶，人大了要注意身體，便選了熱檸茶去緩和一下腸胃整體來說，這間Fine Dining真的各方面都很不錯，最欣賞是餐廳對美味的堅持及用心，才能創出與別不同而高質的食物，確實值得一試🌺Amici 🌺地址：中環士丹利街11號Stanley11大廈8樓…查看更多

星期六晚同男朋友食一頓高級又美味既西餐，好推薦。我地叫左一個Dinner Set $428+1同一個Special Mitten Crab Set $528+1。餐前麵包有兩款，我鍾意左邊既蒜茸包，好香口。前菜係鰻魚鵝肝凍批同大閘蟹餅配子薑檸檬泡沫。鰻魚鵝肝凍批好好食，鵝肝醬同鰻魚各佔一層，兩者好夾又濃味，仲有一舊超好食既多士。大閘蟹餅配子薑檸檬泡沫香脆又飽滿，子薑檸檬泡沫味道唔錯。餐湯係大蒜薯仔湯同龍蝦濃湯。大蒜薯仔湯係是日精選餐湯，每星期會轉一次，加左啲煙肉碎，唔粉又夠綿。龍蝦濃湯夠濃味，加左啲蟹粉，加埋胡椒味道更出。主菜係香烤阿根廷安格斯肉眼拼英式牛肉布甸同大閘蟹意大利飯。香烤阿根廷安格斯肉眼拼英式牛肉布甸肉眼扒叫左五成熟，調味落左黑椒同鹽，好入味，肉質唔韌。英式牛肉布甸類似無甜味既麵包布甸殼包住燒汁牛肉，好特別又好食。大閘蟹意大利飯鋪滿蟹粉，用上正宗既意大利米，大粒啲又有咬口啲，同子薑撈埋食幾好。甜品係燒焦糖班戟配蜜糖脆脆雪糕同法式焦糖薑汁燉蛋白。燒焦糖班戟配蜜糖脆脆雪糕好精緻，班㦸皮軟熟，鋪左層焦糖，搽左自家製既煉奶，加上甜甜既雪糕，好出色。法式焦糖薑汁燉蛋白絕對係薑味愛好者所愛，只用蛋白，無落蛋黃，口感綿滑水潤。餐飲叫左咖啡同玫瑰茉莉花茶。…查看更多

早幾日同朋友喺中環食咗餐好嘅西餐，覺得食物質素、服務同環境都唔錯，所以想同大家分享一下。我同朋友都享用咗$428 Dinner Set，Dinner Set有齊前菜、餐湯、主菜、甜品同埋餐茶。兩個人去食嘅好處，就係可以點唔同嘅嘢食share食，咁就可以試到好多嘢食喇。前菜：鰻魚鵝肝凍批賣相十分精緻。一層鰻魚一層鵝肝，鵝肝入口即化，加上鰻魚嘅香同軟滑，再配合旁邊同青蘋果製成嘅泡泡汁、味道非常有層次。黑松露焗蛋配36個月黑毛豬火腿黑松露焗蛋見到一片片嘅黑松露，雖然有支細匙羹，不過我就好貪心地拎起大湯羹，一次過食哂焗蛋、黑松露同埋薯蓉。入口蛋香味濃、再加埋香味撲鼻嘅黑松露，確實無法抵檔。黑毛豬火腿油花多，甘甜可口，而且具有堅果味同喺口中融化嘅質感。餐湯：忌廉蘑菇湯餐湯雖然只係普通嘅忌廉蘑菇湯，但都不失水準。忌廉夠厚身，而且蘑菇味濃，配埋香草麵包同蒜蓉法包。主菜：焙燒法國春雞伴香燈青檸忌廉汁春雞好鮮嫩，但我覺得最正嘅係佢嘅香燈青檸忌廉汁。汁醬味道相當有層次感，而且非常折清新，配合焙燒法國春雞真係好perfect。香烤阿根廷安格斯肉眼拼英式牛肉布甸牛扒靚固然重要，但好嘅煎扒技巧，絕對影響到牛扒嘅味道。廚師處理得好好，牛扒完美呈現褐色外衣，鎖住肉汁，肉質軟嫩，具牛扒香氣同口感。英式牛肉布甸內餡充滿牛肉汁，千萬唔好切開，要拎上手一口咬落去，吸埋啲美味嘅肉汁。甜品：燒焦糖班戟配蜜糖脆脆雪糕Crepe裏面搽咗一層薄薄嘅焦糖化煉奶，一啲都唔覺得過甜。配確埋蜜糖脆脆雪糕，雪糕中混有蜜糖脆脆粒，好味道。…查看更多