洋食商店 (利奧坊)

行行下大角咀搵到間隱世日式居酒屋「洋食商店」 ！推開木趟門即刻好似穿越咗去東京下町！成間舖頭掛滿昭和風霓虹燈同復古街機，打卡位多到停唔到，店員亦都好歡迎我哋不停影相。見到壽喜燒套餐非常吸引，可以一次過食到唔同口味嘅食物款式。⋫ 1. 招牌壽喜燒二人餐壽喜燒套餐我哋就揀咗澳洲和牛肩胛同美國牛頸脊雙拼，兩款牛肉嘅雪花紋非常之靚！店員會協助烹調整個過程，先煎香洋蔥，再落壽喜燒汁嗞嗞聲煎牛肉，店員建議蘸埋日本雞蛋漿入口，牛肉非常香濃滑嫩。最驚喜係個黑松露燉飯 ，餐廳會用返壽喜燒汁，再將忌廉黑松露飯煮上約10分鐘，讓飯粒吸盡牛肉精華，最後味道濃郁到極致！⋫ 2. 關東煮隨餐附上的關東煮湯底唔係普通昆布水咁簡單，飲落有淡淡柴魚甜味，蘿蔔煮到透明仲keep住脆口。獅子狗卷 同年糕福袋 ，咬開啲湯汁爆出嚟，暖笠笠好治癒！⋫ 3. 明太子玉子燒厚切玉子燒上面鋪上一層明太子醬，面頭仲撒咗啲飛魚籽，非常滿足。⋫ 4. 燒和牛牛舌厚切牛舌燒到邊位焦脆，咬落「索索聲」彈牙，加少少檸檬汁特別醒神，⋫ 5. 柚子乳酪烏龍柚子乳酪嘅非常香甜，尾韻先帶出烏龍茶回甘，食完壽喜燒牛肉飲一口就最爽快。提提大家，賣單走人個陣，可以影多幾張相先走！…ดูเพิ่มเติม

難得有舖頭以昭和年代做裝修主題，好似穿越翻去以前咁，結合左日本經典屋台既設計同埋摩登居酒屋風格，亦有唔少霓虹燈💡、唔同牌子既招紙、傳統日式卡通畫，亦有各款零食、扭蛋機、汽水機🥤擺設、真實絕版的街頭霸王遊戲機🎮，幾有氣氛～ 同埋呢到主打創意洋風料理，有新意啲，味道都唔錯ga~(5 😍 係滿分，🤩係半分）招牌壽喜燒二人餐 - $548岩手縣和牛 & 澳洲和牛西冷 🐮🥩 - +$30 (好味指數：😍😍😍😍)加左30蚊要兩款特別啲牛🐮 岩手縣既短角和牛🐮幾出名，有適度既脂肪分布，肉質嫩滑有彈性同埋鮮味啲～ 澳洲和牛西冷🥩 有一股甜香既牛油🧈味道，肉味香濃醇厚，口感嫩滑，肥瘦相間，入口即化～ 配埋香甜既壽喜燒汁🔥同埋香口既蛋漿🥚，有豐腴既油香又多汁，入口甘甜幾正🤤店員會即場喺你面前煮，慢慢加入糖同壽喜燒汁🔥，跟住再逐塊牛🐮去煮，煮好之後卷埋再點蛋漿🥚，放入你既碗入面～ 煮完牛🐮之後就煮熟蔬菜🥬，包括有芳香軟腍既冬菇🍄‍🟫、清香爽口既秀珍菇🍄‍🟫、清甜多汁既娃娃菜🥬、焦糖化左香甜既洋蔥🧅、清新香口既大蔥，全部都唔錯👍🏻壽喜燒黑松露燉飯 🔥⚫️🍚 (好味指數：😍😍😍😍🤩)呢個飯🍚真係重點之一，原本見店員倒個飯🍚落去煮既時候賣相麻麻地，但味道有驚喜🤩 味道香甜醇厚既壽喜燒汁🔥配埋芳香馥郁既黑松露⚫️同埋清香creamy既白汁，有層次得黎又夾～ 有埋清甜既粟米粒🌽同埋芳香既蘑菇片🍄‍🟫，唔會覺得漏關東煮🍢 (好味指數：😍😍😍😍)個湯底🥣用左偏向由關東傳去關西既風味，用昆布同薄口醬油去煮，會比較清澈，清淡甘甜～ 亦有超多料，包括有清甜軟腍既蘿蔔⚪️🥕、鮮味彈牙既獅子狗、爽口滑溜既蒟蒻、軟滑清香既豆腐魚餅🍥、鮮甜既魚糕🍥、爽口既芋絲同埋軟糯Q彈既年糕，全部都幾好食😋甲羅燒多士 🦀🔥🍞 - +$22 (好味指數：😍😍😍😍🤩)加22蚊就可以揀呢個小食，甲羅燒係日本傳統既濱燒美食，濱燒係指喺海岸邊用爐火🔥將海產燒熟，即捉即煮既味道會特別鮮甜～ 而甲羅燒係將蟹膏、蟹肉、蟹籽🟠放喺蟹蓋🦀️上燒嚟吃，真係有超多蟹膏🦀️，甘香豐腴，creamy又惹味，蟹味🦀濃郁鮮甜，配埋香脆可口既麵包薄片🍞一齊食，口感更加豐富🤩燒和牛牛舌 🔥🐮👅 - +$50 (好味指數：😍😍😍🤩)加50蚊就可以揀牛舌🐮👅呢個小食，全部牛舌粒🐮👅都係厚切，質感爽彈唔會韌，牛味🐮幾濃郁，燒過🔥有啲焦香會香口啲～ 想清爽啲可以擠啲檸檬汁🍋，想刺激啲就可以點辣醬🌶️菠蘿百香果乳酪烏龍 🍍☕️ - +$40 (好味指數：😍😍😍😍)有幾自然既果味🍍，酸酸甜甜咁，有酸酸地既乳酪同有溫潤茶香既烏龍☕️，清爽開胃，而且食完熱辣辣既壽喜燒🔥之後整翻杯凍冰冰既野飲🍹幾正🤤好味指數：😍😍😍😍推介指數：😍😍😍😍…ดูเพิ่มเติม

上次係長沙灣食完呢間餐廳 ，就覺得係高Cᴘ值，嗰日喺大角咀，知道佢哋喺呢度都有分店，即刻二話不說沖去食，因為有樣嘢食上次食完就念念不忘了🤪招牌鍋料理二人餐 $548呢個套餐比起上次食嘅仲升級咗，仲可以加錢升級食岩手縣和牛同澳洲和牛西冷😙關東煮關東煮成敗都係靠個湯，而呢度個湯就恰到好處，鰹魚味道都幾突出，而食材方面都幾齊全，有蘿蔔，竹輪，魚腐，蒟蒻等等雞皮餃子雞皮餃子屬於正常發揮，外面微脆，入面嘅餡料都幾多嘅燒和牛牛舌 +$50牛舌我哋不嬲都食厚切，見到呢度有薄切，又好奇想試吓，結果都幾驚喜，炭燒味好香，肉質都好嫩滑，建議加錢都要食👍🏻岩手縣和牛&澳洲和牛西冷 +$30岩手縣和牛有極誇張嘅霜降，而澳洲和牛西冷嘅霜降就比較均勻，澳洲和牛西冷肉味比較重，無咁油膩，而岩手縣和牛就入口即溶，油脂大爆發🤩壽喜燒黑松露燉飯而呢個餐嘅重點就係最尾嘅黑松露燉飯😍 用壽喜燒汁再加埋黑松露一齊煮嘅燉飯，真係超級惹味，黑松露味超濃郁，食完都唔算好膩🫶🏻全程都有店員幫手烹調，又會細心詢問客人牛肉嘅生熟程度，性價比高，質素又相當唔錯👍🏻…ดูเพิ่มเติม

🙋🏻‍♂️餓底探員去大角咀調查呢間西日居酒屋，餐廳走昭和風格，店內有大量昭和時代元素，傳統品牌商標，懷舊街機遊戲，經典日文歌曲等，設計相當有心思，彷彿穿越到昭和時代用餐，好有驚喜🥰🥘招牌鍋料理二人餐 $548🙋🏻‍♂️表示套餐包咗壽喜燒，關東煮同兩款小食，壽喜燒可自選肉類，配壽喜燒黑松露燉飯，小食可自選兩款，套裝非常豐富🥩岩手縣和牛&澳洲和牛西冷 +$30🙋🏻‍♂️表示肉類㨂咗岩手縣和牛拼澳洲和牛西冷，兩款和牛嘅油花都好豐富，店員會幫忙烹煮，和牛肉質鬆軟，充滿脂香，和牛西冷肉味濃郁，點埋生蛋液，食落更香滑，店員之後會將菇菌，豆腐，洋蔥等蔬菜放入鍋，加入壽喜燒汁煮熱，蔬菜吸收咗壽喜燒汁，味道鮮甜又香濃🍚壽喜燒黑松露燉飯🙋🏻‍♂️表示煮完蔬菜後餘下嘅洋蔥同壽喜燒汁唔會浪費，店員會將黑松露忌廉飯倒入鍋煮，將飯慢慢攪拌至燒汁被完全吸收，燉飯口感creamy，黑松露香味加上煮過和牛同蔬菜嘅壽喜燒汁，味道鮮甜又香濃🍲關東煮🙋🏻‍♂️表示關東煮有竹輪，魚餅，鱈寶，牛蒡卷，大根，蒟蒻等配料，配上鮮味嘅高湯，所有配料都吸收咗高湯精華，食落好入味🦀甲羅燒多士 +$22🙋🏻‍♂️表示甲羅燒入面有甘香嘅蟹膏，鮮甜嘅蟹肉同爆汁嘅蟹籽，將所有配料放上香脆多士一齊食，食落層次感豐富，甘香又鮮甜👅燒和牛牛舌 +$50🙋🏻‍♂️表示和牛牛舌燒到外脆內軟，口感有唄勁，牛味香濃，配上自家製辣醬，辣味會慢慢滲出，越食越辣，越辣又越想食，非常惹味👍🏻🥛柚子乳酪烏龍 $40🍨雪糕梳打 $38🙋🏻‍♂️表示杯柚子乳酪用上烏龍茶底，飲落清甜柚子味加上乳酸味，兩種味道都好突出又好夾，好特別嘅一杯特飲，另一杯雪糕梳打正正係昭和時代喫茶店嘅經典飲品，蜜瓜梳打配上雪糕同櫻桃，蜜瓜梳打嘅清甜加上雪糕嘅奶香，飲落非常香滑，簡直完美復刻👍🏻📈吃貨指數😋好味度 9.5/10🔙返啅度 9.5/10…ดูเพิ่มเติม

之前同朋友去過長沙灣分店，餐廳主打洋日居酒屋復古風，上次覺得洋食商店嘅壽喜燒套餐又抵又豐富又好食😋有見大角咀開咗新分店，趁星期日晚未諗到食咩就去食壽喜燒啦✌🏻新店開張，推出嘅招牌壽喜燒2人套餐簡直抵到癲👀招牌關西風壽喜燒一次過食晒三款肉，仲有日式蔬菜拼盤、黑松露燉飯、勁豐富嘅串燒拼盤，仲有自選小食兩款，咁多嘢食先$548🥹招牌關西風壽喜燒————————————一次過食晒三款肉，包括來自鹿兒島嘅茶美豚、岩手縣和牛同美國極黑牛頸脊，每款肉都有三大片，勁抵食！店員貼心地為客人煮壽喜燒，每片肉都吸晒壽喜燒汁，再根據個人口味點上順滑嘅蛋漿🥚煮完肉之後就汁煮日式蔬菜🧅有菇、菜、豆腐等等，索晒精華嘅素菜好入味。最後剪碎洋蔥🧅加入黑松露Risotto，再用壽喜燒汁燉飯，勁creamy，黑松露味道同壽喜燒汁好夾，入口熱辣辣。串燒拼盤————————————依個串燒拼盤超有誠意🍢我最鍾意兩隻新鮮大蝦🦐仲有燒雞翼，點埋辣椒醬真係好惹味！燒菠蘿勁多汁🍍味噌芝士鮮蠔鍋 +$70————————————數隻肥美鮮蠔🦪味增芝士湯鍋非常濃郁，同肥蠔好夾，湯頭充滿鮮味！燒和牛牛舌 +$30————————————個芯有少少軟綿綿感覺，勁多肉汁，燒得口感脆彈、有嚼勁！菠蘿氣泡酒 $98————————————買一送一好抵飲！氣泡酒加埋生果甜甜地，又清爽，非常解渴！海鹽忌廉法式焦糖布甸 $48————————————意猶未盡仲想食埋甜品🍮超香滑嘅焦糖布甸，口感綿密細膩，奶香十足！食咗好多嘢好滿足！捧住個肚走🤰🏾…ดูเพิ่มเติม