又隔左好耐先有時間寫下食評，今次要寫既就係一個充滿童真既餐廳----查理布朗咖啡專門店平時行街既時候都會經過見到，不過都係冇入去一試。今次就終於去左試一試呢間餐廳。一入去就要行幾層既樓梯，沿住樓梯行都有唔同既史路比擺設，好特別。上到去，周圍都係史路比同查理布朗既公仔擺設，真係好似走入左佢地既世界。而且，個環境比你既感覺好舒服。令人既心情都會好D。而且，佢仲有一個投射既螢幕，會不停播放史路比既卡通片，連我自己都掛住睇卡通片睇到唔願走。呢度真係好岩一家大細黎開開心心食餐飯。好啦，都係入返正題，講返D野食先。我同我女朋友首先搵左個地方坐低，之後就揀左幾樣野食同一杯野飲。佢係好似平時既快餐廳咁出去買野食再攞個牌返黎等佢地拎D食物同飲品。等左一陣就好快有得食LU，等我慢慢一個個介紹下先煙肉洋蔥忌廉蛋汁扁意粉呢個扁意粉既味道真係唔錯，味道適中。雖然有忌廉同蛋汁，但係完全唔會覺得膩，再配其他既材料，整個既感覺唔錯，不過就覺得份量比較少，如果多一點會比較好。查理布朗至尊三文治呢個三文治應該係我平時食過以來最豐富既三文治，睇落個三文治好似好少材料咁，原來係好多既。佢包括有雞肉、煙肉、火腿、蛋、生菜、芝士、青瓜同蕃茄，再配埋沙律醬，食落口既感覺好豐富。同平時食到既好唔同，而且佢既材料好新鮮，用既蔬菜咬落口都好甜，仲有佢既雞肉係有另外調味過，所以食落口都係有唔同。另外佢既薯角都好好食，可能係即炸的關係，食起上黎特別香。史路比雞翼呢個雞翼一定同平時食到既唔同，因為佢應該自己用香料調味過之後再炸。而且佢食起黎非常方便，因為佢會將雞翼拆開，我諗應該係想方便小朋友用手拎起黎食。一食落口，好香脆既聲音。味道好好，唔會太咸。再配埋個凍既蛋沙律，少少既甜味，可以幫你中和返炸雞翼既油膩感。而且佢既份量都算多，值得一食。草莓菲巴冰呢杯飲品既草莓味好夠，唔會太淡味。因為呢種既飲品最怕係味道太過淡，即係冰太過多。而呢杯就冇呢個既問題，冰既份量岩岩好，飲落好舒服，因為佢酸酸甜甜，可能解一解油膩既感覺。整體黎講，我幾鍾意呢間餐廳。因為食物好之餘環境都好，所以下次都會再黎食，再試下其他唔同既野食。…查看更多
一進去, 一個又一個的角色歡迎你, 裝潢漂亮, 有梳化位或桌椅位:食物是自己到cashier 點的, cashier 的角落還有很多精品可供選購二人點了主菜各一, 以及一杯大裝的朱古力share芝士味濃郁的螺絲粉, 其實就是肉醬意粉似的味, 襯螺絲粉感覺新鮮 
其實是Carbonara 的意粉, 賣相簡單, 味道也和一向的卡邦尼意粉沒太大分別 
本以為是要點特定的咖啡飲品才有圖案的, 原來我的也有Lucy 啊 
另外還有賣主題蛋糕的, 十分十分十分精美, 也價值不菲哩, 不知味道如何? 總結:真的很喜歡來這裡, 可能因為我很喜歡Snoopy 和Charlie Brown吧.Cafe 的環境很好, 而且價錢合理, 又不收加一, 誠意推介!
