Fish & Chick (新海旁街)

比英國的炸魚薯條好吃的，沒想到在香港也能找得到。FISH & CHICK 提供多款魚類選擇，還包括本地新鮮魚類。如果不知道選哪款好，可以和店員說喜歡魚什麼口感再幫你選。我這次去的這間位於堅尼地城，店面正對著海景，那氛圍感滿分💯店內的霓虹燈招牌亦增添了一點復古酒吧的感覺，不知道大家有沒有發現水泥風吧台上印著魚類名稱？🐟MONK FISH 石頭魚 (HKD 150)來自紐西蘭的石頭魚口感扎實有彈性，吃落會有比較飽滿的嚼勁。輕盈不過厚的炸粉看起來金黃酥脆，外酥內彈的口感更加突出。只是加檸檬汁來提升鮮味就已經很足夠，配外酥內綿的粗身暑條。🐔原味烤雞 (HKD 100/半隻)雖然這間主打炸魚薯條，但法式炸雞都很值得試的喔。低溫慢烤讓外皮烤至金黃酥脆且有微微的焦香感，肉汁都被鎖住。特別是雞髀部位更是嫩而不柴，其他也不會過於乾澀。搭配帶少許顆粒、奶香濃郁的薯蓉與烤雞一起享用口感層次更豐富。🥗煙三文魚沙律配蜜糖刁草汁 (HKD 85)口感軟嫩的三文魚帶淡淡煙燻香，配上清甜微酸的蜜糖刁草汁，再加上爽脆的生菜非常平衡且清爽，作為輕食享用都幾適合。🥕自家製紅蘿蔔蛋糕 (HKD 45)吃落很有濕潤感的蛋糕，面層糖霜不算太厚，讓整體不會很膩口。另外撒上可可粉讓蛋糕的甜度更平衡，還有叉子的粉末裝飾，擺盤💯…查看更多

FISH AND CHICKS假期間為隻貓貓撲有得照腹腔超聲波嘅獸醫太少，由城大VMC撲到嚟堅尼地城，等候貓貓照超聲波結果期間，喺呢個陌生環境自然地往海邊打算亂逛放鬆一下心情，見有情侶喺海邊長櫈食Fish and chips，好奇下搵咗吓，原來呢間英國料理近在眼前，二話不說就入去試試。坐位不多，當時接近4時約有7-8張枱已半滿，由於係公眾假期，所有食物都A-la-cart。餐牌上有多種fish選擇，我哋揀咗個女友話最好食嘅石頭魚，佢係資深fish and chips食家，由冰島食到英國，返嚟兩年冇得去歐洲食，喺呢度望一望向海嘅面面，加上室內裝潢，的確有令人去咗旅行嘅味道—除咗餐廳內嘅都係黑髮黃皮膚。另外仲試咗炸洋蔥圈、煙三文魚沙律、1664、薑汁檸檬梳打～一瞬間有瘦版Abercrombie & Fitch的待應端上fish and chips，外觀如英國食嘅90%相似，第一口最吸引嘅反而係薯條，default係扁平嘅闊薯條，可以轉幼薯條，以為會好淋，食落十分脆口不油膩，頗驚喜。另炸洋蔥圈都十分推薦，份量可供四人食，每條同樣香脆唔會好油淋淋，我哋兩個都食飽晒都仍可繼續清晒啲炸洋蔥圈～至於煙三文魚沙律雖然係普通嘢，但因為佢只會加少量醋，主力用檸檬汁，令食油炸食物後食個沙律後油膩感盡消。飲品方面都不錯，薑汁檸檬梳打味道並冇隨住冰融化而變得好淡口，唔鐘意飲凍飲嘅我都因為佢啲薑味同檸檬味幫助消油膩感而飲晒咁滯～總結而言，呢間海邊小店所賣嘅食物、飲品、環境都很好，冇去旅行想透吓氣嘅好地方不二之選。…查看更多

收工平日跟幾位同事走到清靜的小店chill下也不錯，環境亦幾舒適，服務生經常會為我們添水，適合朋友輕鬆食飯聊天。食物上菜速度較慢，有時間願意等一等的個人認為仍可接受。食物份量亦挺多。整體上如果在附近想找食店，都會推薦的。同行幾位都叫了二人餐（$298）兩道前菜，兩個主菜，兩份飲品飲品-粟米湯攪拌後味道creamy，能品嘗到甜甜的粟米蓉，相當開胃。不過有點飽腹感。前菜- 煙三文魚味道不俗，大概有3-5塊薄片。清新的沙律能為稍候的炸物及烤雞帶來新鮮味道。前菜-炸蘑菇能保留了蘑菇的鮮味，咬上口亦都juicy，外層脆卜卜，絲毫沒有因為其炸後而缺失水份。前菜-炸魚手指有點乾身，肉質有點鞋，共四條。個人喜愛大大條的薯條，份量亦多，屬佐酒的小食之選。主菜-烤雞半隻x2，皮脆香口，烤炸後仍能鎖住肉汁，值得稱讚。肉質就不過不失。份量非常多，同行的男生都無法全部清空，相當抵食。主菜-炸魚（Newzeland) 上面白色的鹽撒得不太平均，肉質可以，夾上手不會太鬆散而咬上口魚香味道仍能保留。不過魚塊尺吋不大，可能因為二人餐的關係，唯前菜豐富，這個大小仍可接受。只係味道有點偏咸，相近英國人口味，或者配啤酒食味道更佳。…查看更多

放工時間，地鐵故障，九龍綫多人到不得知了，返屋企嘅時間亦都長了。約左我HONEY去食晚飯，由於唔知我幾點會返到，於是佢搵左個地方邊嘆啤酒邊等住我，佢揀左FISH & CHICK 邊嘆啤酒，邊望海景。到我黎到都8點，順便食埋個晚飯，我哋叫咗個二人套餐。 二人套餐都有幾款選擇架，我地揀左煙三文魚沙律配蜜糖刁草汁、是日餐湯、傳統英式炸魚配薯條、烤雞半隻配甜粟米、同埋凍檸茶。煙三文魚沙律配蜜糖刁草汁：菜新鮮嫩口，配上煙三文魚同酸尾尾嘅醬汁，清新開胃。是日餐湯：是日餐湯係粟米湯，此粟米湯並非一般我哋飲嘅罐頭粟米湯。粟米嘅甜味配上忌廉嘅滑溜，加埋有少少粟米嘅渣宰，有口感又唔覺得膩。傳統英式炸魚配薯條：有趣在於個炸魚表層好脆，內裡魚肉好腍，口感外脆內軟，不錯。喜愛食鬼佬薯條既我只感到脆口。燒春雞配粟米：半隻燒春雞，雞肉好滑，用香草醃製過，肉質滑而不"鞋"，雞皮唔係乾爭爭果隻。粟米既牛油味好重，十分甜。凍檸茶：唔係我哋飲開茶餐廳既凍檸茶，係鬼佬紅茶加左類似蜜糖的糖槳，好好飲。…查看更多

在上環隨意上了一架電車，漫無目的地到了堅尼地城。往海旁方向走，看見沿岸拍起很高的浪花，走近看，浪花便退了下來。想轉身離開，卻差點被濺了一身。人生許多的進進退退，如果能掌握屬於自己的節奏，多好。一直不明白為何堅尼地城站要用Tiffany blue，望着眼前這片海，開始有點懂了。海旁附近有很多人溜狗，也有各色各樣的餐廳，我們選了Fish & Chick。門口的一檯客人帶同寵物狗和鸚鵡用餐，很難想像兩者能和諧相處，卻又真的乖乖地坐上一小時。我們被安排坐在吧檯，感覺有點擠迫。點了煙三文魚沙律作為前菜，賣相挺不錯，三文魚份量也挺多。除了生菜、沙律菜，甜甜的蜜糖刁草汁可以減低煙三文魚的鹹味，不過再配水瓜欖的話，似乎還是過鹹了點。小店名物之一要算是法式烤雞，全隻$180，可選兩款配菜; 半隻$90，只可選一款配菜，配菜有蘑菇、雜菜、薯蓉、青豆、甜粟米、青豆等六款，我們點了半隻配人氣的粟米粒。店內設有專業烤雞爐，燒出來金黃色的外皮非常誘人。半邊雞已經被預先切成四件，然後又再砌回去，同樣金黃色的還有粟米粒，只是兩者並排在一起，令人覺得很單調。平時的西式烤雞，肉質比較乾鞋，眼前這個明顯比較討好。晚飯後，在海旁散步了一圈，看看夜景，吹吹海風，這種寧靜跟白天看到的風景完全不一樣，攝人的浪花彷彿不曾存在過一樣。…查看更多