凱悅海南雞專門店 (已結業)

元朗出名好多好味嘅小店。最近就去咗呢間位於教育路，食海南雞飯嘅店舖，凱悅美食坊。呢間係海南雞專門店，佢哋自設農場，D雞係每日新鮮運到。今次我同朋友每人都叫咗一人餐。食物包括有：⭐️主食： 招牌無骨海南雞/鹽水加積鴨 配 海南雞油黃薑飯/絲苗白飯⭐️上湯時菜1份：菜心/唐生菜⭐️小食 ：蜜糖雞翼2隻/瓣醬豆腐3件⭐️奉送 冷熱飲品1杯海南雞同鴨肉嘅肉質都好嫩，好爽滑，皮薄，唔會好肥，好味👍瓣醬豆腐外皮炸得好脆，剛剛好，外脆內軟，好味👍一人餐價錢係$78。呢個價錢有咁多嘢食，真係超抵！性價比好高！下次都會再去幫襯。…查看更多

諗住開心星期五食好少少點知落暴雨唯有係附近食🫠去咗同事平時幫襯開嘅雞飯小店餐廳主打雞鴨 店家亦有自家農場另有牛腩豬扒小食等不少選擇兩個人手應付堂食外賣 要有少少耐性等🐓▸ 無骨海南雞飯 $𝟔𝟎雞明顯有用鹽醃過 雞皮偏咸少肥(沒關係 我食海南雞都唔食皮😂)雞肉咸淡度剛好 嫩滑無肥膏即使雞胸都唔乾 如想食雞髀+$𝟐𝟓油飯粒粒分明唔太硬有蒜香味重點油膩感少 🦆▸ 無骨鹽水加積鴨飯 $𝟔𝟎鴨鴨好受歡迎 同事食過一次就愛上見識少以為加積係製作方法一種原來係海南加積鎮養殖而叫加積鴨鴨肉幾醇香 好軟嫩一點都唔柴👍🏻少少皮 脂香不肥膩無乜膻臭靈魂醬汁酸梅醬 色同味比食開的淡 提鮮但不搶鴨香 唔抗拒鴨的值得一試🤘🏻海帶肉碎湯 飲完唔口渴🍹凍/熱+$𝟓 某幾款特飲+$𝟏𝟎/$𝟏𝟐 ▸ 椰汁紅豆冰 一到夏天就有紅豆冰嘅出現紅豆軟且少少起沙 椰香唔太甜 飲得出無加水沖淡▸ 夠薑大話七話梅打爛加七喜 解渴又夠啹一開始薑味是有的 冰溶後淡了但話梅的酸甜一直在線…查看更多

那日較平日早下班，常途經的路上見到一間陌生餐廳，原來每次經過都已經接近關門，當晚7:30pm入座，8:30pm已經掛上關門牌，如下次光顧應要趁早～海南雞飯奉送紫菜湯，可惜黃薑飯已售罄，只能選擇白飯，雞為例牌份量約5件，肉好嫩滑滑入口，雞皮不太厚帶少許脂肪，不過非泰式食法，因為提供薑蓉&及白醋式酸汁，是fusion 的泰式白切雞飯。紫菜絲幼細煮後滑溜易入口，帶有少許免治豬肉粒，味道偏鹹，作用應該如食雲吞撈麵總有一碗鹹湯作濕口之用，整個用餐體驗有濃厚地道感。…查看更多

記得第一次食海南雞嗰陣都係朋友推薦我食，呢間一樣唔例外🫣 不過我就覺得呢間夠哂特別啦🤔 因為佢哋有自家嘅農場係龍崗，啲雞仲要係每日新鮮到港，質素有保證唔洗擔心✨ 要食一定要襯早🥹 因為招牌嘅海南雞係限量嫁，賣哂就要等第二日嫁啦😆1️⃣ 無骨海南雞飯🐔主打海南雞飯點可以唔試吓🫣 佢哋除咗有”無骨海南雞”之外，更加有” 有骨海南雞” ，問過老細話係因為有客仔中意食有骨喎😂😂主食可以揀白飯或者黃薑飯，我就揀咗要黃薑飯，望落係粒粒分明嘅金黃色，用嚟襯我揀嘅無骨海南雞飯簡直無得頂😆而雞肉係又嫩又滑，更加無多餘嘅脂肪，好食得不得了😍2️⃣ 無骨鹽水加積鴨飯🦆又一招牌都要嗌，無骨啖啖肉真係好吸引🤩 一份有咁多片鴨肉得唔得嫁😆鹽水鴨無騷味，都唔會話好咸，就咁食都好好味😋 但係我會強烈建議一定要蘸佢哋秘製嘅酸辣汁，因為係另一種更升級嘅味道👅3️⃣ 紫菜湯🥄呢個好有懷舊嘅味道🥹 因為細細個姨媽都會煲呢隻湯俾我飲🥰 味道好相似，又有好多紫菜🫣 唯一唔同嘅係呢到仲有埋肉碎‼️4️⃣ 瓣醬豆腐🥢即叫即炸嘅豆腐熱辣辣好好味🤤 外脆內嫩，平時食椒鹽豆腐粒覺得太細粒唔夠過癮嘅絕對可以試下呢個🙈另外用嚟蘸嘅醬汁雖然有啲似泰式辣醬，但食多幾啖就會食得出係有陣陣嘅蒜香味🧄5️⃣ 生薑柑桔梳打🫚聽聞係得兩間餐廳先有整呢杯特飲🫣 完全唔洗怕會中伏，飲過先知夠哂特別🫣 薑味唔會搶咗柑桔味，兩者嘅出現係啱啱好🤘🏻6️⃣ 椰汁紅豆冰🫘飲到超多紅豆嘅紅豆冰好開心😍 仲要好重椰汁味🥥 而紅豆仲要係原粒唔係煮到爛咗嘅紅豆，ʟɪᴋᴇ 👍🏻…查看更多

店細細，位置唔算好顯眼，如果唔係元朗朋友介紹都唔知元朗有一間咁好食嘅家庭式小店。無骨海南雞飯 $58肉質嫩滑，雞皮薄薄，皮下冇乜肥膏，仲幾有雞味，原來餐廳喺龍崗有自家農場，雞仲係用粟米飼養嘅，餐廳有供應酸汁點雞，不過就算唔點汁都已經夠晒味。無骨鹽水加積鴨飯 $58鴨肉好滑，一啲都唔嚡，好夠味，點埋酸汁仲好夾。飯係配黃薑飯，配埋冇味精嘅肉碎紫菜湯。瓣醬豆腐 $33豆腐好新鮮，炸到外脆內軟，點埋唔係好咸嘅豆瓣醬，好味…查看更多

平實街坊小店，價錢親民，味道不錯，以食物質素取勝，星期日中午見一家大細坐滿店面。呢度除左有海南雞，仲有鹽水鴨，醉雞，牛腩，咖哩，粉麵，總有一款啱你。餐牌有個名好有趣，叫張飛牛腩，問店員原來係咖哩。但點解叫張飛，佢話唔同一般咖哩咁椰香，啲辣好似張飛塊面咁，即係點？！下次試下先🤣，今日就食海南雞同鹽水鴨先。無骨海南雞飯 $58可選白飯或黃薑飯跟紫菜湯+$5冷熱飲品雞滑，件數多，雞好夠味，沾蔥油已經OK，黃飯唔油，份量好夠。紫菜冇沙，有肉碎，湯清淡但夠味。佢地有自家供應農場，啲雞品質有保證。無骨鹽水加積鴨飯 $58比起雞我更鐘意鴨，肉嫩，一啲都唔酥，一啲都唔咸，夠味，沾自家製酸辣汁，酸酸地好開胃。另外叫左個小食香茅豬扒 $30成個碟咁大塊😳，厚切，唔肥，啖啖肉，香茅味不濃。飲品叫左熱奶茶和熱檸蜜，飲品就好一般，可能凍飲好啲，因為見其他人都係點凍飲😅🌟店員友善，有問有答，果然係做街坊生意。食物質素不錯，不過離大街有啲遠，係康樂路站行8-10分鐘。…查看更多

其實成日行過呢間嘢，但總係未有機會入去食，今次扚起心肝要去食佢嘅海南雞飯，睇吓係咪真係做到專門店嘅級數！環境小店一家，衛生程度合理。餐牌我以為剩係得海南雞食，原來仲有其他嘢食😂 無骨海南雞飯 $58緊係要嗌招牌海南雞飯，仲分無骨同有骨，我哋揀無骨，咁啱黃薑得返一個，講緊係晏晝兩點黃薑飯就賣晒😳可想言之呢間小店幾受歡迎。奉送紫菜湯，係用雞骨熬製。雞件雞皮薄身，油脂剛好，雞肉超嫩滑無渣，黃飯香又粒粒分明，原來小店仲有自己嘅農場，唔怪得！ 無骨口水雞飯 $60 無哂黃薑飯，咁就揀一款配白飯都咁惹味嘅口水雞。呢度嘅口水雞同平時食嘅都幾大分別，唔係麻，亦唔覺辣，反而甜味為主，雞件唔使講都係咁亂畫，相對上就比較接近香港人口味。 香茅豬扒 $30$30都幾大塊，豬扒香口，質感都唔錯，唔會有雪藏豬腥味。…查看更多

這家是身邊有位海南雞飯愛好者一直向我大力推薦今晚剛好沒事做就去試一試吧其實平時不太會特別去找海南雞吃的，因為加錢指定要雞腿實在太奢侈，所以每次靠運氣，真的很怕會抽到雞腿以外的位置還真的是那海南雞真心有驚喜肉很嫩滑，而且皮下脂肪不多，帶皮吃也不會有很大罪惡感後來聽到老闆跟其他食客提起才知道，原來這家用的雞是用玉米養的而且飼養時間比正常多了幾十天，所以雞肉口感更嫩，脂肪也會更少。長知識了老闆說雖然用的雞比較貴，但食材品質很重要。單看這質素再看定價真的是很良心了紫菜湯是例湯，只要點海南雞飯都會送一碗。湯底是用雞骨頭熬的，吃得出來沒有味精，一碗下去不會口乾舌燥的，而且有雞肉碎加在裡面就更香了重點是豆瓣醬呀一吃就知道明顯是特調過的！跟外面買到的完全不一樣，有蒜香味又不會死鹹～這細節真的是誠意十足呀配豆腐或是直接拌飯吃也很棒豆腐炸得也很好，外層酥脆內層軟滑，再點那豆瓣醬真的很好吃…查看更多

今次想早點吃午餐，於是來到這間以海南雞飯為招牌菜的小店，嚐嚐海南雞。紫菜湯 隨飯附送紫菜湯用雞骨熬製，沒有味精，帶點肉碎，鮮甜可口，有住家的味道。無骨海南雞飯 $58雞去骨徹底且份量多，肉質嫩滑，肥瘦適中，除了烹調的方法外，食材本身的質素也很重要。這裏的雞是來自位於龍崗的自家農場，用粟米來飼養，比平時的計養多四十天，所以會較大隻。無骨口水雞飯 $60無骨海南雞配合自家製口水醬，雞肉香滑，醬汁辣帶點酸，與眾不同，香辣惹味。飯我們選擇了黃薑飯，以黃薑、香茅、雞湯及少量椰子來烹製，粒粒分明由嚼勁。瓣醬豆腐 $33豆腐外脆內軟，內裏型保持水份，可見用心製作，蘸上豆瓣醬，更加滋味。夠薑大話七 跟餐加$10味道甜甜酸酸，開胃消滯，適合吃飯後飲用。生薑柑桔蜜（熱飲） 跟餐加$5柑桔味濃，甜度恰宜，能抗寒防感冒，化痰止咳，舒緩喉嚨痛，秋冬時節最適合飲用。這裡除了雞，還有鴨肉和豬扒等，任君選擇，喜愛吃雞的不要錯過。…查看更多

👦🏻👧🏻上網見到附近有間自家農場飼養既雞做無骨海南雞，所以想試吓係唔係真係好食啲🤔 我地平日夜晚8點去到，老闆話油飯通常7點已經賣哂，真係好搶手阿！唯有下次再嚟試油飯啦，大家如果想食油飯要早啲嚟啊～無骨海南雞飯 $58 呢度既海南雞同出面食法有啲唔一樣，就係無醬汁沾，老闆話佢地既雞肉夠鮮味，配葱油已經好好味。雞肉真係超級滑嫩鮮味🤩，雞皮爽彈而且無多餘既肥膏！原來海南雞係自家農場飼養，雞用粟米餵飼🌽，所以唔會好多脂肪。而且選用130日養大嘅雞，所以雞肉咁嫩滑💕！佢地葱油撈飯真係一流！怕肥既👧🏻都食咗大半葱油😋。無骨鹽水加積鴨飯 $58餐廳用嘅鴨肉真係高質🦆！平時好少會食鴨肉，因為驚煮耐咗肉質會嚡熠熠。呢度既鴨肉好嫩滑多汁，配埋自家製既酸汁，帶出鴨肉既鮮味出嚟😍！紫菜肉碎湯老闆話佢地既紫菜肉碎湯底喺用雞殼熬煮🐤，無添加味精。果然飲完真係唔會口渴，而且紫菜營養豐富，高蛋白質同高鈣，可以補鈣👍🏻椰汁紅豆冰 跟餐加$12紅豆煮得剛好🫘，唔會好淋，保留咬口。椰汁🥥同紅豆🫘都唔會太甜，比起出面嘅椰汁紅豆冰甜度低少少🤏🏻。📍 凱悅海南雞專門店 (元朗)元朗教育路130號安樂樓地舖…查看更多

係近朗屏站條教育路有間隱世海南雞專門店🐔我朋友住係附近話好多街坊幫襯，上星期就帶埋我入去食🤣一入去就見到滿座咁濟，好彩店員安排到張廚房前嘅二人枱，可以一路望住師傅斬雞🐔一路食嘢👅🐔無骨海南雞飯 ($58) 4.5/5食落去真係完全超出期望😍本身聽老闆講餐廳嘅海南雞係自家農場飼養嘅，使用粟米餵飼，佢哋係嚴格採取冰鮮送港嘅方式🙋🏿‍♀️完全唔洗雪藏，最重要係完全無添加激素🥶他們揀用130日養大嘅雞，以確保雞肉嘅質量同口感～再配上秘方調配嘅質感，味道鮮美嫩滑又豐滿🤤雞肉鮮嫩多汁，冇乜多餘嘅肥膏，仲要去埋骨～每一啖都感受到佢嘅鮮味！醬料餐廳唔同出面食海南雞嘅用三格醬料，反而用平時食白切雞嘅葱油，老闆話餐廳啲雞嘅鮮味配葱油食已經好正，根本唔使用三格嘅味嚟cover雞味😎黃薑飯嘅香氣扑鼻，質地綿密，同海南雞配搭直情天衣無縫🥰🪿無骨鹽水加積鴨飯 ($58) 4/5餐廳所用嘅鴨肉絕對係新鮮同高質😳同出面好多店嘅鴨肉唔同，餐廳啲鹽水加積鴨帶有獨特嘅風味，鴨肉帶有微妙嘅香氣，但並無太重嘅腥味～而且鮮嫩多汁，配上餐廳自家製嘅酸汁，每一啖都品嚐到佢獨特嘅滋味🤤🐷香茅豬扒 ($30) 4/5上枱外觀金黃酥脆😳勁香，添加咗豐富嘅香茅和其他調味料～保持咗多汁度，亦同時保持咗咬口🤩除咗主菜，餐廳提供嘅湯品亦都相當出色！佢哋用雞殼熬煮而成嘅紫菜肉碎湯，完全冇添加味精😗味道清爽純正。呢個湯品唔單止營養豐富，仲帶有一絲海鮮嘅風味，令餐飯更加完美😌凍香滑奶茶 / 凍檸檬茶 ($17) 4/5奶茶濃郁順滑，香氣撲鼻，令人陶醉🥰而凍檸檬茶就帶有清新酸甜嘅口感，非常解渴😋💦💕餐廳堅持使用新鮮、優質嘅食材，而且用秘方烹煮得恰到好處😌餐廳仲有個好好嘅宣傳品：一包紙巾🧻！紙巾上有個QR code係方便同同區嘅客人手機落單，外賣送貨🛵如果唔想特登出嚟食，喺屋企落力掃都可以試到咁正宗嘅海南雞飯啦！😋- 🔎 凱悅海南雞專門店📍元朗教育路130號安樂樓地舖…查看更多

又發掘到間隱世高質小店了～ 餐廳以海南雞為招牌菜，除此之外亦提供多款特色主菜☺️ 當中包括香港人喜愛嘅豬手飯🐷 口水雞🐔 鹽水鴨🦆等等！價錢親民而且真材實料，經過元朗嘅一定要過嚟試吓啦🥰！🐔 無骨海南雞飯 $55 聽老闆話呢度啲雞係源於自家農場所以無激素無添加防腐劑😋 每隻雞都係用粟米飼養，130日後先出嚟，新鮮運港，包保健康天然好味道👍🏻 雞肉超級厚身，嫩滑彈牙😉 雞皮亦唔會太肥，配上帶有雞油香味嘅黃薑飯真係冇得頂😌 超級無敵推介呀😍🦆 無骨鹽水加積鴨飯 $55賣相平凡但食落有驚喜🤪 鴨肉味夠香濃，新鮮嫩滑，鹹鹹地咁配飯一流，絕對值得一試😛🥬 紫菜湯 （跟餐）雖然只係碗例湯但真材實料一啲都唔馬虎！紫菜湯用雞殼煲成，充滿著雞湯嘅鮮甜味而且完全無味精，飲完後滋潤暖胃，完全唔會覺得口渴😙🐷 香茅豬扒 $30豬扒香脆可口，肉質嫩滑juicy，香茅味亦都夠突出👍 唔錯！🍫 凍柯華田 $17甜度啱啱好，係童年嘅味道呀💕🥥 熱杏仁霜 $15 杏仁味濃郁，香滑易入口☺️…查看更多

海南雞好多地方都有得食，不過唔係間間都可以做到自設農場🐥住元朗嘅朋友就介紹我試吓呢間小店，雖然佢唔係喺大街，但我哋食緊嘅時候聽到原來好多都係熟客，證明品質真係唔錯。海南雞我都係鍾意食無骨嘅🦴識落啖啖肉特別正😆佢哋嘅海南雞飯我份量幾足，雞皮又滑又夠鹹香，雞肉肉質鮮嫩，薑黃飯又唔會好鹹，真心唔錯。跟餐附送嘅紫菜湯絕對唔係一般嘅餐湯，老闆話係用大量雞殼熬製嘅湯底，之後再加紫菜滾湯，所以味道特別鮮😋瓣醬豆腐即係炸普寧豆腐都好正，外面好鬆脆，點埋鹹鹹少辣嘅瓣醬真係食唔停口🤤天氣咁熱梗係要飲嘢啦～招牌紅豆冰嘅紅豆唔會太甜亦都唔會爛蓉蓉，very nice👍🏻…查看更多

[#元朗海南雞] || 平民價高質嫩滑海南雞 - 凱悅海南雞專門店 // 講女搵食團  = = = = = = = = = = = = = = =總括💬：平民價錢，CP值高有驚喜海南雞。環境：★★★★☆ | 味道：★★★★★ 服務：★★★★★ | 抵食：★★★★☆ ———————————————— 開番晚市堂食，晚飯又可以偷下懶XD 今次同親愛的去了教育路中後段搵野食，入咗間其貌不揚小店，但估唔到餐廳有驚喜。 ————————————————睇睇餐牌一碟飯跟湯都係$50另蚊起，價錢平民化。餐廳名叫得凱悅無骨海南雞，海南雞當然係招牌，同親愛的一人叫咗一碟飯，叫咗無骨海南雞飯 & 無骨鹽水加積鴨飯，配薑黃飯跟紫菜湯。 先黎一碗足料紫菜湯，店員姐姐介紹個湯，唔同一般餐廳送既例湯，佢地既湯每日用雞殼加上紫菜熬，無加味精，所以就算只有紫菜+雞肉碎，充滿雞湯鮮甜味。 無骨海南雞飯：海南雞份量多，冇將貨就價。肉質唔嚡口，啖啖雞味濃嫩滑雞肉，值得一讚，雞肉一點碎骨都冇。而且雞皮無乜脂肪爽滑，入口唔會成口油，就算連埋雞皮食都冇乜罪惡感XD。老闆見我地生面口，主動介紹佢地既雞，有別於坊間雞。專屬自家農場，無激素外，每隻雞用粟米飼養，養足130日先出黎，而且每日都新鮮運港烹整，所以肉質、脂肪比例都係特別D。 無骨鹽水加積鴨飯：鴨肉本身夠味，配酸汁食有另一個層次。驚喜在於鴨肉無臊味， 而且同樣要讚，起骨好好無碎骨，啖啖肉食得好開心。 2個Set 都係配薑黃飯，暫時係我食到最好既薑黃飯，啱我口感，飯粒分明唔會太冧太黏。 無論雞定鴨，本身都好夠味，鍾意重口味既搭面仲有薑蓉、酸汁、甜豉油調味，味道又有另一種層次。————————————————─ 𝑀𝑜𝑟𝑒 𝐼𝑛𝑓𝑜𝑟𝑚𝑎𝑡𝑖𝑜𝑛 ─📍 凱悅海南雞專門店    地址: 元朗教育路130號安樂樓地舖電話: 27898328————————————————…查看更多