前晚(6-2-2015 Fri) 同男友,女友人VL食完晚飯後想食甜品,就由VL帶我o地o黎呢邊搵甜品食.由於我唔想食傳統甜品,於是就食呢間,VL要$40.00o既熱椰皇鮮奶燉蛋白,男友要$48.00o既宇治金時綠茶心太軟配雪糕,男友要士多啤梨雪糕,我要$35.00o既焗蘋果卷.等o左好耐,成8分鐘,熱椰皇鮮奶燉蛋白至到,其實o係等o既時候,我嗅到椰子味,唔通呢個係即叫即整?我幫VL打開蓋,見到好熱,亦好香椰子味.冇耐,焗蘋果卷到o黎,個皮好脆,內裡o既蘋果好甜,當中都有少少蛋糕仔,成個都OK.又好耐,9分鐘後,男友o既宇治金時綠茶心太軟配士多啤梨雪糕終於到o黎,心太軟係心形造型,我試吓先,綠茶蛋糕一啲都唔甜偏甘苦,內裡o既綠茶漿唔多,但真係要夾埋雪糕食至好食.至於VL o既,我o地完全冇試過,所以唔知好唔好食.…查看更多
