小野人 (MONTEREY Place)

🏝️將軍澳開發咗咁耐，成條澳南海岸打造成悠閑海繽地區，咁舒服嘅海濱走廊都未同阿豬媽去行過，今日熊妹趁放假就過去海邊走走。📌將軍澳地鐵站A出口一直向海的方向一直走🚶🏻‍♀️，就係澳南海岸🌊。原來開咗好多食肆，有對海有對住宅區園內，絕對方便返呢一帶嘅高尚住宅人士🏢。📌逐間舖行吓睇吓有咩好食，發現咗呢間食串燒的《小野人》，價錢便宜，可以一試。📌真係好多款串燒揀，肉類、海鮮、蔬菜類等等，仲有炊飯同湯麵。小野人重慶酸辣粉，$39.9係原始圓轆轆條裝嘅酸辣粉呀，簡簡單單放入榨菜同花生，𠽌一聲索入口的酸辣粉，軟糯有咬口，係想當初全城興起瘋摩一時嘅味道啊！加$9.9轉套餐包一份宮廷小茄子及飲品午市加$9.9可以轉套餐，跟一件涼拌小茄子，茄子肉溶化軟淋。燒土豆片串，跟餐價，$12.8套餐2串起跳，土包子係鍾意食土豆片，灑滿調味粉薄薄地一片。燒牛舌芯串，跟餐價，$25.6套餐2串起跳，薄切的牛舌有驚喜！好重牛味！食後味好強烈！強烈推薦💥！元氣森林水果茶，跟餐價，$18招牌水果茶果然有啲料到，比啤酒杯更大杯嘅玻璃杯，入邊放咗檸檬百香果調製嘅水果茶，杯面仲有一大片新鮮菠蘿覆蓋住，簡直係水果感爆燈。大漠燒羊肉串，$695串起跳，好大一串喎，串串羊肉粒大大粒，加入調味料，有羊味但唔係羶味，最驚喜係粒粒啖啖肉，一般羊肉串係一粒羊肉一粒肥肉，呢度係粒粒都係肉，果然真材實料！燒牛肉串，$695串起跳，牛肉粒都好大粒，燒得夠熟沒有過老，唔韌。蒜蓉烤新鮮生蠔，$53.62隻起跳，燒蠔鎖住蠔汁，連帶蒜蓉味道鮮甜肥美。烤新鮮海中蝦，$55.24串起跳，烤海蝦最出海燒味，又有燒烤香味，海蝦大大雙燒到蝦肉好彈牙。墨西哥燒粟米，$48粟米滿怖沙律醬汁，非常滋味。烤新鮮臭豆腐，$39.24串起跳，細細粒臭豆腐，食落帶少少臭豆腐獨特嘅味道，外脆燒到夠乾脆。小野人蒜蓉燒茄子，$29.8一條茄子燒到茄子肉完全熟透，一絲絲茄子肉夾起，連埋面頭嘅辣椒蒜蓉調味料一併食，滋味無窮。菠蘿波板糖（一份），$16食咗咁多熱氣嘅燒烤，可以食返串菠蘿解下膩。估唔到係原塊菠蘿燒，難怪叫波板糖菠蘿。鮮甜多汁真係好解渴。小野人草莓沙冰，$28啤酒杯裝嘅沙冰都好大杯，沙冰打到綿綿一啲碎冰都無。食咁多濃味串燒就梗係要飲返杯大大杯嘅特飲先夠大解渴啦。咁大杯真係好抵飲。📌香港串燒店好少做到可以咁便宜嘅價錢，仲要喺咁高質嘅地段，風景怡人，味道夠大眾化，絕對吸引好多街坊生意💰，食完就可以去海繽長廊走走消消濟喇。…查看更多

麻吉年糕燒最出色最有驚喜！！食落竟然令我聯想到韓國食過既韓式烤年糕😱😱😍😍年糕燒到煙煙韌韌，燒到脆卜卜既外層有微微既煙熏味，蘸上煉奶同埋砂糖，味道又甜又鹹，口感又韌又脆，正烤洋芋片非常特別，無係第二間餐廳食過。一開頭見到賣相有點失望，以為係烤到乾身脆卜卜，點知係軟林林。但因為落左孜然粉同埋辣粉，都好惹味烤新鮮臭豆腐超級好食😍😍😍脆卜卜！因為餐廳有個爐仔一路烘熱住d串燒幫串燒保溫，所以就算隔左10幾分鐘先食，咬落都仲係熱辣辣冒出熱氣墨西哥烤玉米個醬甜甜地，不錯👍蒜蓉烤生蠔、芝土烤生蠔、蒜蓉烤鮮蟶子好食👍但都係平時一般餐廳既整法，所以無驚喜蒜蓉粉絲烤扇貝都係好食，但都係冇驚喜黑松露芝士撈丁勁邪惡🤤🤤麻辣烤蛤蜊我就埋埋地，太多辣油……查看更多

🥰 話說早前行過 “小野人”, 已經発現人山人海, 甚有氣氛. 今日神推鬼㧬, 約埋老友 “大舊” 嚟飯聚.🥢 餐廳屬 “澳南” 屋苑商場地舖, 落地玻璃, 以四人方枱為主. “小野人” 主攻串燒, 唔係日式居酒屋, 聽講係台式串燒, 我反而諗起 “木屋燒烤”! 提供多款肉類及海鮮, 調味走新疆四川路線.🤗 整體食物OK, 味道不俗, 每台設火爐保溫, 十分讚! 上菜速度合理, 性價比優勝, 值得一試. 推介: 黑豚五花, 牛舌, 金菇牛五花卷, 雞脆骨, 魷魚.🐐 大漠烤羊肉串 x5, $48. 調味取勝, 老友 “大舊” 心思思想要多5串.🐖 烤黑豚五花, $28, 肥瘦適中, 驚喜之一.🤗 烤雞腎 x2, $28. 發揮出色.🐂 烤小牛肉 x5, $48. “大舊” 十分欣賞.🐂 烤牛舌 x2, $28. 必點!🤗 烤雞脆骨 x2, $26. 必點.🤗 金針菇牛五花卷, $28. 又係必點.🧀 烤新鮮臭豆腐, $26, 臭味出色, 可惜欠缺了甜醬.🐚 蒜蓉烤鮮蟶子, $48. 啱啱熟, 調味不俗.🦑 Q彈烤魷魚 x6, $48. 爽脆, 掂!🍜 酸辣粉, $42, “大舊” 讚不絕口, 我就麻麻哋.…查看更多

上次同朋友去左將軍澳狗公園放狗先知道原來個度附近有好多餐廳😳，今次就特登約朋友黎搵食😬行完donki行到攰攰地食野就啱啱好😁。就donki入口個度轉入去，成條食街咁呀😆選擇困難症又發作，最後尾因為好耐冇去旅行，好掛住台灣d串燒，跟住見到呢間KOKA門口有d串燒poster係門口，咁就揀左呢間😜呢間都係掃code order非常好，我都幾鍾意咁，唔使人等可以慢慢睇，又唔使麻煩人😌，不過佢都有大menu,問佢就會比。既然佢門口擺串燒poster, 咁即係出名串燒，就緊係要叫啦。串燒羊原本唔係好點食羊既我，食落又ok喎，唔會好騷，都幾香鴨血串等我仲以為好醒，但入口又接受到喎😲。呢兩樣我自己唔會叫（純粹朋友想食😜）但又估唔到我都接受到喎🤓雞軟骨串平時成日去餐廳食個d雞軟骨串都好乾淨淨，但呢度既雞軟骨串，係彈牙既，唔乾，仲有肉汁係度，又係好難得😌到期待以久既燒韭菜、茄子啦，自去內地嚴左就冇返過去，勁掛住佢地呢兩樣野😭好在呢兩樣都冇失望，夠“野”味，燒得剛好，冇太燶，又冇生😙同埋佢呢度係每枱都有個“座”，有野係下面“慶”住，將d串燒放係上面就唔怕同人吹水令到d串燒凍同硬晒，呢樣值得一讚👍跟著係menu見到臭豆腐 （我唸應該係台式個隻🤔）又係好掛住既臭豆腐呀😭，我香港個隻聞到就唔敢食，但台式個款就旅行一試上隱😋。好在黎到，一食，係台式個款呀😍感動😢由於驚串燒食唔飽，朋友叫左個酸辣粉，原本都冇乜期望，但食落又同專食粉麵既店質素比美喎，酸辣度剛好，湯又夠濃😋，粉既軟硬度煮得剛好，還有上面有我最鍾意既一大堆莞茜😆。其他串燒就唔講晒啦，但都係水準之作，係可以encore既😉食到旅行先食到既野已經夠我開心😆…查看更多

行完將軍澳海濱長廊，攰攰地，去MONTEREY Place 降下溫。 商場多咗好多種類的食肆，傳來一陣陣燒烤味—小野人串燒🥰門面不起眼，但內部裝修光線充足，裝修有種說不出的放鬆感。 適合三五知己聚餐，愈夜愈多人。💕店內手機落單，一不小心點得太多🫣。最好不要一次過點完，一次過來得太快。串燒是燒好的，枱上有個小烤爐，是用來保溫的，一不小心傾談久了也不用怕串燒凍了，還能吃熱騰騰的串燒。朋友怕辣，但又要配合我，只好點草莓奶昔，奶味比較重，飲品方面較少選擇。我們不飲酒，只能飲其他。我飲四季茶，沒有冰，但夠凍。重慶酸辣粉🍜🌶辣度和酸度都可以自己選擇。我選小辣，一開始少少辣，但吃到最後好像是中辣，但放久了也Q 彈。烤新鮮臭豆腐🫢台灣串燒有臭豆腐，但香港真未試過串燒店有臭豆腐，香味沒小食店濃，只有兩件，但味道似台灣吃的，炸得外脆內軟，裡面還是多汁的。蒜蓉烤茄子🍆&Q彈烤魷魚🦑蒜蓉超多，茄子連皮都可以吃👍👍雖然有辣椒，但辣味不多。想不到烤魷魚可以這樣彈牙，不柴，一片片厚厚的，香料十足。烤珍寶蟹柳王。BB 蘆筍。牛舌。小牛肉。羊肉串蟹柳王口感不錯，BB蘆筍在烤久了都不乾，依然有水份。羊肉和牛肉串每條都烤了一會兒，比一放低的更好味。總結：沒有等位時可以慢慢點餐，不要一次過，難受的是自己，好彩的是有保溫爐，吃到最後也熱騰騰。…查看更多

今晚在將軍澳吃飯，這家餐廳晚上六時多已有不少客人。以QR code自行下單，串燒選擇多，蔬菜、肉類和海鮮一應俱全。⭐️烤牛舌(2串) $28燒完之後已經卷起，入口有點韌度。⭐️金針菇牛五花卷(1串)$28無花肉燒完很香，包裹著金針菇，入口又香又爽脆。⭐️酸辣粉$42這碗酸辣粉味道不俗，辣味夠，配料有酸菜、花生等，味道正宗。⭐️奶油烤小饅頭$26烤得半焦，入口香脆。⭐️大漠烤羊肉串$48招牌羊肉串，羊肉又香又有肉汁。⭐️烤新鮮臭豆腐$26聞起來跟臭豆腐很相似，又香又滑。⭐️麻吉年糕燒$22燒完之後QQ軟軟，口感獨特。⭐️烤BB露筍$32⭐️烤韭菜$18⭐️烤秋葵$20⭐️烤一口菠蘿$28烤蔬果整體都不錯，新鮮好味。⭐️清酒煮蛤蜊$58煮蛤蜊有意外驚喜，全部都沒有沙，隻隻蛤蜊飽滿清甜。⭐️烤脆雞皮$26雞皮十分香脆。⭐️香蔥豚肉卷$28香蔥豚肉卷也肉汁充沛，配上蔬菜很解膩。⭐️烤嫩鴨血$28一塊塊鴨血，口感結實了一些。⭐️蒜蓉金針菇$38一小盤金針菇，蒜蓉味道重，很美味。▫️這家風味十足，平時少吃串燒的我也很喜歡，每一款串燒都值得一試。…查看更多

週末去咗將軍澳南嗰邊湊下熱鬧。好多特色西餐廳，這間「KOKA 小野人」暫時係唯一一間主打食川式，台式串燒🍢🍢環境相當舒服，柔和嘅燈光加木系色調感覺很chill 很relax 🌿✨以QRCode點餐，選擇好多，有海鮮，肉類，蔬菜，小食等等。食物好快就上枱。會先放在每枱都設有的小鐵板上保溫，Keep住食都係熱辣辣感覺唔錯。🍢串燒大致上都係同一款調味，帶點椒鹽和辣味。落單嘅時候可以註明走辣或者走調味都可以。我們點了很多唔同款式的串燒和小食😋🌟海鮮類有以下🌟🦑🐙🐟Q彈小鮮肉（$48 6串）：鐵板上。豬勁肉爽口彈牙。Q彈烤魷魚（$48 6串）：一啲都唔韌，魷魚鮮味。😋👍🏻烤多春魚（$28 3條）：唔算好肥美多春，燒得夠乾身外皮夠脆口。烤花枝墨魚丸：好大粒好彈牙仲有墨魚肉👍🏻🌟肉類🌟🍖🍗🥩烤台灣小香腸: 甜甜地有台灣風味。大漠烤羊肉串（$485串）：灑上孜然粉果然有大漠嘅風味。羊肉好吃不柴～烤脆雞皮（$26 2串）：超邪惡但好香口好脆👍🏻烤小牛肉（$48 5串）：牛肉味又幾濃。烤雞翼（$26串）：推介！order 咗唔辣，簡單用鹽調味，雞翼Juice 夠嫩！👍🏻🌟蔬菜類🌟🥗🥬🍆蒜蓉烤茄子🍆$42: 味道唔錯唔會做得太鹹，蒜蓉好香令茄子非常惹味！烤秋葵：秋葵好適合烤熟，口感唔錯。烤杏鮑菇（$23,2串）：非常推介，烤過嘅杏鮑菇菇味更濃，入口仲keep 到juicy 😋烤一口菠蘿:同樣美味，鮮菠蘿烤過特別甜美，超juicy !🌟澱粉質類有以下🌟🍞🧀奶油烤小饅頭（$26 2個）：有點硬入口不鬆軟。原味芝士撈丁 $48: 芝士份量絕不手軟，撈滿整份一丁麵，建議還是開心share，如果唔係太滯！下次可以試吓蒜蓉芝士撈丁。糖烤牛奶方包🍞$15 ：就只有糖和黑芝麻喺表面，簡單美味，多士鬆軟😋👍🏻🌟飲品🌟🧃🥤🍹蜜桃綠茶$32: 同樣可以order少冰，茶味較淡。草莓🍓乳酪奶昔$42：非常清新，即叫即打。👍🏻烤嫩鴨血（$28 2串）:本身好入味好辣，但感覺太細粒。其他款式：烤新鮮臭豆腐： 十分推介👍🏻最啱鍾意食臭豆腐嘅朋友。蘆筍牛五花卷$28：五花牛肥美配bb蘆筍👍🏻烤珍實蟹柳王$23：講真蟹柳唔太適合烤，但不妨一試過下口癮😋蒜蓉烤雞蛋$28: 都係意想不到嘅菜式，蒜蓉和烤雞蛋出奇地夾😀食吓傾吓又一個晚上😋，非常適合聚會傾偈。經飲食平台訂位會有折扣，放工happy去🍺🍻適合不過！…查看更多

我真係好鍾意食臭豆腐！莫講話餐廳，而家好多街頭小食都唔會做臭豆腐今日隨機嚟到將軍澳嘅呢一間台式餐廳冇諗過呢度有多個一款嘅臭豆腐食品目測應該有兩款😋所以我兩樣都叫晒！⭐️烤新鮮臭豆腐即叫即烤！外脆內QQ，因為佢豆腐個texture唔係一般林身嘅豆腐係帶有少少QQ嘅。好正啊！👍🏽⭐️台灣熱鍋：沙茶臭豆腐牛肉鍋臭豆腐除咗烤之外，仲可以試埋佢配落牛肉鍋度同樣好味！因為本身佢個豆腐個質感就好特別！真係好難用文字去形容，強烈建議你親身嚟試吓！😆不過我覺得係重點係，佢嘅「臭」味，唔會令到整個餐廳都充斥着呢一浸味！空調做得唔錯唔錯！⭐️…查看更多

夜晚去咗將軍澳搵朋友食飯，天氣咁凍，自不然想食啲熱野，朋友就提出試吓新開嘅「小野人」，係食台灣串燒🍢。小店環境幾清新🌿，燈光明亮，而且非常難得嘅係食燒烤嘅地方竟然無好大浸油煙味👍，整體感覺乾淨衛生。以燒烤或者串燒店而言，餐廳上菜速度算好快，而且每樣都係即叫即燒，熱辣辣送上🔥。串燒全部均已調味，帶點孜然香同微微辣，非常惹味；同時亦點到即止，唔會搶過食材原先嘅味道。由於我哋太肚餓加唔知要燒幾耐，所以一次過落單。不過我強烈建議可以分批嗌⚠️，因為餐枱唔大，而且爐面面積更係的骰，根本一次過放唔到太多串🙈。串燒定價唔貴，嗌吓嗌吓就成枱都係😁，大部份食物味道都唔錯，我重點介紹幾樣吧。首先，佢有幾款串燒係一客五串，包括大漠烤羊肉串($48)、烤小牛肉($48)以及Q彈小豬頸肉($28)。🐐羊肉羶香唔烈，🐷豬頸肉爽口唔肥，但小牛肉就差啲，比較似牛肉乾。台灣🇹🇼嘅代表有烤台灣小香腸($18)同埋烤新鮮臭豆腐($26)，兩者風味十足，特別係臭豆腐，佢真材實料，離遠已經聞到陣「香」味，哈哈。另外，烤台灣香菇貢丸($25)同烤洋芋片($18/2串)都係推介嘅項目。🍡貢丸自身美味，加上外層塗上蜜糖🍯，甜甜的，好有BBQ嘅感覺。薯仔片薄脆可口，叫多多都食得晒🥔！菜類同菇類讓人喜出望外，估唔到啲菇🍄烤完都仲咁多汁，唔會乾噌噌。💚以下蔬菜款式亦值得一試，包括烤杏鮑菇($18/2串)、烤白蘑菇($28/2串)、烤娃娃菜($18)同埋烤BB露筍($32)。墨西哥烤玉米($28)，🌽粟米有啲貴，不過物有所值，佢真係做得到墨西哥風情🇲🇽，皆因粟米灑上芝士粉、辣粉、沙律醬同牛油焗製，滋味無窮。蒜蓉芝士撈丁($52)，始終要食啲澱粉質先飽肚嘛🍜，呢碗撈丁超邪惡，厚厚嘅芝士層將公仔麵覆蓋，記得要襯熱食啊🧀。蒜蓉成為不可或缺嘅一員，蒜粒香味撲鼻，撈麵食令人聯想起細個時食嘅街頭冷麵。糖烤牛奶方包($15)，🍞估唔到呢度有麵包嗌，味道正正常常，似茶記食到嘅奶油多。原味乳酪奶昔($40)，🥛奶昔同串燒好搭調，微酸嘅乳酪能夠清新味蕾。佢係喺香港好難搵到嚟飲嘅酸奶，必點之選！題外話，每枱均放有一個燒烤保暖爐，但分為兩種。我張枱嗰個係用兩個蠟燭仔㷫熱塊板🕯️，火力同熱力唔太夠…。如果有得揀，請選擇另一款吧。總括嚟講，呢餐小野人晚餐令人滿足🚶‍♀️🚶，每串串燒嘅食材味道突出，所以會知道自己食緊啲乜。最後，串燒燒烤火喉得宜，唔會燒到燶晒😉，高質！…查看更多

今晚和家人在將軍澳海旁吃飯。這家餐廳裝潢簡單光潔，座位很多。主要吃串燒，自然串燒自然不是日式，但我更喜歡這種孜然香味。⭐️大漠烤羊肉串(5串)$48點了兩份羊肉串，餐廳都飄著香濃的羊肉燒烤香味。上桌時羊肉串已經烤好，不過可以放在烤盤上烤，不過烤久了連肉汁也會烤乾。入口羊肉細嫩，伴著孜然味十分可口。⭐️烤牛舌(2串)$28牛舌入口又香又爽脆，口感很好。⭐️烤花枝墨魚丸$25台式花枝墨魚丸外面微焦，入口彈牙。⭐️蒜蓉粉絲烤扇貝(1隻)$38加了不少蒜蓉粉絲，配搭扇貝，把扇貝的味道也提了上來。⭐️烤魷魚(1串)$32烤魷魚鬚，沒有什麼魷魚肉吃，只是過過口癮。⭐️蒜蓉金針菇(1份)$38蒜蓉金針菇的調味也很好，味道很濃郁，重口味之人一定喜歡。⭐️酸辣粉(1份)$42足料的酸辣粉，有蔬菜、花生等配料，我喜歡酸辣粉煙韌的口感，入口頗辣，適合吃得辣的朋友。⭐️烤新鮮臭豆腐(1串)26台式臭豆腐，外脆內嫩，很香。⭐️韓式醃大白菜$38份量不少，味道辣得過癮。⭐️烤小黃花魚$38尺寸適中，魚肉香嫩，烤過以後，外皮微焦，很香。⭐️烤海蝦串(3串)$38入口彈牙，但不要烤太久，以免失去水分。⭐️烤台灣小香腸$18迷你小香腸，很台灣的味道。⭐️烤雞翼$26外皮很脆，咬下去很嫩，很美味。⭐️冷泡茶$33茶味不會很濃，淡淡的，很爽口。⭐️蘇打水$28▫️餐廳的食物有特色，台式串燒在將軍澳算是獨市生意，難怪生意那麼好！…查看更多