葡匯咪走雞葡國餐廳

疫情之下連澳門都去唔到，今日便去「咪走雞」葡國餐廳，想食非洲雞。之前未去過，都係見尖沙咀地點方便。下午三點幾去到，餐廳只有一枱四人客。我哋坐咗一張合併的四人枱。個侍應都好nice,，話随便坐，晚餐時段前還枱便可以。那時未夠四點，我哋一定唔會坐到六點，一定冇問題。坐低叫左兩杯house wine、炸馬介休球、鹽燒沙甸魚、同埋非洲雞。House wine 紅酒兩杯好快上檯，果位侍應好醒目咁話：「我特登開咗支全新嘅酒比你哋，如果啱飲，可以成支上，因為兩杯都$100, 成支也$200而已。」我哋其實飲唔到一支，但見佢咁熱誠又開咗支新酒，就叫佢成支攞上嚟，大家開心咪好囉！個侍應又呈上一張折扣coupon, 「咪走雞」對面間酒舖都係佢哋嘅，話買葡萄牙酒有九折云云。食物來了，不過不失，但非洲雞是「乾」的，唔係澳門「木偶」或「亨利美心」有醬汁的「濕」非洲雞，有啲失望。但唔緊要，心情好食物便好吃。就在快要食完之際，突然冒出另一個女侍應（可能高级啲）同我哋講，話要移走我哋右邊半張枱（因二合一），當時果「半」張枱仲放住支紅酒、水、碟。當時還未到五點，仲差五分鐘左右！老實講，從來未試過食食吓，會冇咗半張枱囉！我同佢講，我哋都未食完，你唔可以收其他枱咩？根本未到五點冇客！佢堅持，仲話移走右邊嗰半將枱後，可以在左邊併另外半張比我哋！我哋真係O哂嘴！結果佢都冇落手收右邊半張枱，因為我哋已經失去興趣，木槺布甸都唔想食，埋單走人。這時侯剛剛過五點，有一組walk in 客入嚟。呢個女侍應大大聲同客人講：「今晚dinner 已經full 咗，但如果你哋現在入坐，5:45 pm 還枱是可以的！」我哋二人你眼望我眼：「咁點解要喺我哋未食完就拎走半張枱！」其實食嘢、買嘢都真係講心情，任你食物識飛，這樣趕客的態度，也不會再幫襯。何況食物也只是一般不過不失。第一位侍應都真係幾好，十分親切，可惜前功盡廢，莫非果位似supervisor 嘅侍應是「卧底」，專門趕客等冇repeated customers幫襯？…查看更多

今日同幾個朋友黎咗呢間食葡國菜餐廳，自己唔多食葡國菜，但朋友介紹下，再加上Openrice 好評如潮，決定一於黎試下。一入去間餐廳，環境清潔，地方闊落。我地四個人個張枱都算幾大，坐得幾舒服。我地一共叫咗八樣嘢，店員好Nice，大部分菜式都係店員推薦里斯本沙律份量足夠四個人分。蔬菜配風乾火腿片、咸芝士粒、橄欖粒，加上沙律醋，清新開胃。食葡國菜又點可以唔食馬介休呢？薯香味重，加上濃郁嘅鱈魚，非常好食！ 白砵燴雞嘅雞肉係剪完先焗，D汁鎖住係雞肉裏面，好嫩滑。加上白酒煮忌廉汁、紅蘿蔔同洋蔥，配埋白飯一流。蝦又新鮮又大隻，個汁仲要超好食！抵贊嘅係蝦已經預先開邊，食起上黎好方便。葡式燒乳豬要D時間出，因為即叫即做。乳豬香脆，肥瘦均勻。配埋佢地嘅肥仔炒飯，茄汁、提子乾、葡式香腸同埋炒蛋，味道好豐富！第一次食葡式西多士，最唔同嘅地方係佢個玉桂味非常突出。形狀就四四方方咁，但就比較大粒，要切先食到。咖啡、白砵酒、紅砵酒雪糕  個人覺得三個雪榚都好食，咖啡個個比較突出。每杯雪榚下面都會有干冰，一路食一路出煙，想唔打卡都幾難。 最後飲杯Expresso 作結，成間店食物質素同環境都好好，值得一試！  …查看更多

身為澳門人的同事 ，今日突然思鄉深切 ，說想回味家鄉地道菜 ，我唯有充當義氣仔女 ，陪佢會一會澳門葡國菜。身為正宗澳門人的她， 二話不說就提議這間位於尖沙咀的葡國餐廳， 我心諗今次應該食到正宗澳門的味道！翻開menu， 同事旋風式點了數道菜， 例如炸馬介休球，里斯本沙律， 葡式多士， 葡式胡椒蝦， 白汁燴雞和乳豬。炸馬介休球熱辣辣，香噴噴， 口感外脆內軟並帶有一陣不知名香料味。葡式多士用芝士鋪面再加以烘焙而成， 每啖都是濃濃芝士味。葡式胡椒蝦以胡椒和白汁配上洋蔥製作而成， 店舖選用了海中蝦， 每一隻蝦都非常入味。最驚喜是雪糕， 裝著雪糕的玻璃器皿下放置了乾冰， 店員把水倒在乾冰， 之後一場乾冰匯演盛放而出！價錢並不算貴 ，但卻食到 澳門葡菜的正宗味道， 可謂物有所值。…查看更多

早兩天到the mira傾談活動場地會議，偶然發現連接商場那邊的葡國餐廳，聽說大廚是葡萄牙人，食品都是正宗葡萄牙菜式哩！說起葡菜，怎能少了馬介休球呢！葡萄牙的鹽魚製成的炸薯球，香口且完全不覺得油膩。白砵燴雞用上白砵酒配上忌廉汁烹調而成，雞肉嫩滑，就連伴菜的洋蔥及紅蘿蔔都滿滿吸收了忌廉汁，非常好吃！碰巧遇上大廚，好客又健談，更送上我喜愛的配菜給我品嚐，是經長時間烹煮的砵酒燴牛尾而成的蘿蔔及芹菜等配菜，用來配白飯一絕啊！甜點我點了梳乎厘，大廚說要讓我耳目一新，果真令我驚喜！是用上薑而製成的梳乎厘哩！除了薑汁味道外，還有小顆粒的薑塊，一點也不覺辣反帶一點甜哩，好吃好吃！最後來一杯Expresso作結尾。用上DeltaQ出品的capsule, 香濃且充滿咖啡脂；怕喝咖啡後睡不著的可選decaf～…查看更多

男友媽咪生日想食葡菜，醒起美麗華有間靚靚葡國菜餐廳就嚟咗試喇！我哋訂位時，都有詢問乳豬洗唔洗預訂，咁既然推介，一試無妨😛😝嚟到都幾full，差不多9成！啲service都唔錯，我哋見到想坐另一張枱，佢哋都好welcome(平時有啲會截住你，又話有人訂咗，又話已經安排咗😑)，所以感覺都幾好！我地一行6人叫咗個4人餐，包括咗個乳豬，入面仲包好多嘢，有沙律，餐湯，葡式4人拼盤等，我哋仲額外叫多個炸馬介休球(男友媽咪鍾意食😛)，同砵酒燴牛尾(牛尾可以配飯或豬仔包)! 我就講講我有食到嗰啲，因為實在份量都幾多😂1.番石榴沙律番石榴鮮甜👍🏻同個餐湯一齊嚟到，佢完全幫我哋清清個口，因為個湯實在太咸😦😦😦2.餐湯唔知乜湯，但真係好咸😵😵😵😵我接受唔到🤦🏼‍♀️🤷🏻‍♀️3.葡式拼盤、炸馬介休球入面有炸雞、炸馬介休球、腸仔，炸魷魚、仲有個麵包😂款式好多，不過個炸馬介休球堅咸🙄🙄🙄🙄果然係咸魚做...其他我覺得還好，正常炸嘢味道！4.乳豬配肥仔炒飯外皮香而脆，肉都好juicy!!👍🏻唔乾身！肥仔炒飯我覺得未必人人啱食，有提子乾係入面，酸酸甜甜咁，我就一般般😂5. 砵酒燴牛尾超好食🤓😋果然係推介菜式！👍🏻燴得好香好淋，啲汁配飯好開胃！我個人最喜歡𠵱度嘅菜式😛😛😛6. 非洲雞雞胸唔鞋，嫩口，juicy，唔錯！不過好飽喇😂😂😂😂食唔真佢個味😂7. 甜品4人set包咗！有4款蛋糕，tiramisu、檸檬🍋蛋糕、木糠蛋糕同椰奶蛋糕(應該係，我食到有啲椰奶味)！我個人認為甜品一般般😅我𠵱個甜品控都唔係好食到...…查看更多

今年父親節，父親大人指定要吃葡國菜，於是選了這裡。訂座時已經預訂了乳豬，職員建議4人的話就點1/4隻乳豬，每人會有1件。首先吃了炸馬介休球，和送贈的餐包。馬介休球外脆內軟，很香口。餐包很鬆軟，帶有蒜蓉香，好吃！接著來的白酒煮刀貝蜆，是我最愛的一道菜。蜆非常新鮮，肉質彈牙，配上咸香的白酒湯底，完全帶出蜆的鮮甜大蝦意粉就有點失望，炸蝦的炸漿太厚，而意粉等味道很普通...非洲雞有不同辣度選擇，我們選了辣度最低的一級。雞肉肉質很嫩很juicy，連雞胸都不會太乾，配上辣醬，香口好吃～壓軸出場的乳豬非常好吃，外皮又香又脆，而內裡仍然肉質很嫩，很juicy等待果然是值得的！職員的建議是正確的，乳豬雖然好吃，但亦很油膩，每人吃一件就剛剛好，小吃多滋味！甜品味道都很好，但份量太少了...餐廳環境很舒適，到處都有葡萄牙的裝飾品，氣氛很好；職員都很有禮貌，又細心。這餐飯，父親大人非常滿意！…查看更多

同阿姨去尖沙咀購物，不過無收獲。。。唯有食餐好，開心一下。放假前夕，周圍都迫滿人，本來想試的日本餐廳排長龍，最後轉戰這間收藏已久的葡國餐廳。坐在較外面的沙發位，感覺使人放鬆。食物很好，而且服務不錯，印象良好。* 炸馬介休球 *很香口的前菜，看似炸得有點過了，不過食落很美味。* 烤沙甸魚 *沒有切頭，亦沒有起鱗肚，是很地道的做法。不錯。* 紅沙律 *有士多啤梨、車厘茄、葡萄、紅椒、紅洋蔥… 甜甜的，很清新。* 葡式烤焗黑毛豬 *很喜歡這個。豬肉腍身，肉味濃，不太肥。下次會再叫！* Banana ginger wrap *香蕉加上Glazed ginger，味道很有趣。卷的兩頭只有皮沒有餡，口感差了點。…查看更多

想搵間好味嘅葡國菜，梗係要嚟間有名氣啲嘅葡國餐廳啦！之但係又唔駛吓吓走到去澳門嘅，咩小飛象、公雞，大家都係動物姐，今晚就同去到尖沙咀嘅葡匯咪走雞葡國餐廳試吓我哋第一次嘅葡國菜啦！炸馬介休球馬介休，來自葡語Bacalhau，係經鹽醃製嘅鱈魚，所以食落咸咸地。加入馬鈴薯泥、洋蔥等材料製，新鮮炸起，好香口。葡式燒乳豬 (1/4隻)1/4隻有四大件，真係好大份，兩個人真係夠晒。乳豬用秘製香料醃製，外皮燒到脆卜卜。半肥瘦，肉質嫩滑，肉汁豐富。仲跟埋葡式肥仔炒飯同沙律，真係好滿足。馬介休炒椰菜A姐話馬介休真係好好味，所以我哋要叫咗馬介休炒椰菜。終於見到馬介休嘅真身啦，咸咸地嘅馬介休吊起椰菜嘅鮮味，正！（記住Like同Share畀朋友）…查看更多

上次食葡國菜，應該都有六年了，仲要係澳門食。在我心目中，葡國菜屬於偏府的新菜式，香港也鮮有有特色的葡國菜。話說回來，今次友人話想試試呢間係美麗華的葡國餐廳，我地就來試一試！ 列出的地址與地圖導航有少許出入，地圖導航都顯示餐廳位於美麗華商場那邊，但原來是對面酒店商場一樓才對！ 搵了一陣先找到餐廳正確的位置！ 怪就怪我們無睇清楚地址吧😅夜晚7時到達，人吾多，坐得闊落。我好鐘意門外的座椅，有我最鍾意的花花圖案，另外有好葡萄牙的特色擺設，感覺活潑開朗。餐廳也有一些自成一角的檯椅，等客人可以同朋友暢談一番。點菜後，侍應先拿來一人一個豬仔包。豬仔包外脆內暖，可以配牛油和檻欖一齊食。小食當然吾少得馬介休，我覺得大小份量剛好，等我可留肚食主菜。另外我們點了葡式滋味多士，嘩！好香芝士味！多士煙煙靭靭，堅好味！之後主角今首出場了！分別有1/4乳豬和招牌燒春雞。 因為乳豬的準備功夫較長，所以要預訂的，要吃的朋友留意了！ 救命，呢個乳豬真係好食到不得了。乳豬皮脆卜卜，中間那層脂肪入口即溶，乳豬肉厚汁多！ 試過呢碟乳豬後我覺得我吾會再鍾意食去飲的那些乳豬囉😅😝餐廳名字叫咪走雞，當然要試一試Mike's chicken 啦！ 選材用了900gm 的原隻燒春雞隻去骨再焗製。上菜時蒜香撲鼻，令人食指大動。雞胸部份一點都吾「鞋」身，連我咁怕食雞胸的人都吃了兩大舊！ 不錯不錯！一餐飯吾可以冇左甜品呢，特別係女仔一向都有兩個胃麻。葡式西多士原來是葡萄牙聖誕節獨有的甜品。有別於港式西多，在於佢冇咁油淋淋，咬口有點像「嗅豆腐」的煙靭，加埋草莓和藍莓，食落吾覺「漏」。牛油果法式燉蛋味道清新，原來加了青檸，中和一下頭先濃味的主菜最好不過！ 最後一道banana ginger roll , 外相真係好吸睛，因為外型整到好似一粒巨型的糖果。我最鐘意呢個甜品，原條香蕉加上薑蜜，配搭好特別都好夾。外層薄薄一層酥皮好有咬口，兩端的「糖紙紐紋」一點都吾有太多麵粉的感覺，可見廚師的功夫非同小可！ 總括來說，呢道的菜色無論在視覺，嗅覺和味覺都好有驚喜，從此令我對葡國菜有所改觀！ 值得一試！…查看更多