養心殿台式養生鍋

吃完第一次養心殿一直念念不忘，原來旺角女人街都開左分店！今次原班人馬再食這個高質台式火鍋！麻辣鍋+養生鍋 |識食一定揀鴛鴦鍋，可以試多點不同的湯嘛～麻辣鍋強烈的辣椒味，完全刺激味覺同嗅覺，食落好有麻香，入面本身已經有鴨血和凍豆腐，索曬啲湯汁真係好好食！另外仲會送多份鴨血添！叫咗個辣的鍋就叫一個清淡健康點的養生鍋。湯底非常重本，除了有多種藥材（紅棗杞子雲耳等），仲見到有大大條人蔘做湯底，飲落覺得好補丫！（送）鴨血 |送的份量都很多，而且每塊都很厚身（厚得像午餐肉），滾過湯後又爽又滑又有點黏口，很好吃！涮鍋小羔羊肉片 |羊肉片非常驚喜，初時怕羊肉會好羶，但這個沒有郤又有羊肉味。而且涮一涮就吃，肉質又鮮又嫩又滑！吃過今次已變成我每次必叫Item！厚脂黑毛豬梅花豬 |每片都係厚肉，而且好有豬味，食落肉質鮮嫩，完全唔會鞋口，而且仲有鮮豬肉個陣甜味。推介！炸午餐肉 |這個也是會每次必叫的。本身已經炸到小小燶，個皮微脆，可以就咁食～但浸落湯又另一個層次。蟹籽墨魚丸/黑松露蝦丸 |墨魚丸非常爽口彈牙！而且不會很淡味～黑松露蝦丸就更驚喜，除了口感同樣彈牙，黑松露味非常重，而且沒有想過兩者的味道會咁夾！推介！寛粉 |雖然會很飽，但如果叫麵類的話一定要叫它！索曬湯汁後，爽口彈牙！比其他麵更配合火鍋！杞子菊花圓肉露 |這個飲品養生又好味～因為有好多龍眼杞子，飲落甜而不漏，而且好解辣又解渴！而且入面有菊花，食完火鍋可以下火呀～…查看更多

一向都係火鍋控，平時又無辣不歡，好鐘意重慶麻辣火鍋，但自從早幾個月食過一次台式火鍋就迷上了。雖然整體質素比唔上台灣人氣火鍋店，但都總算可以過口癮。期後都試多左幾間台式火鍋，今次襯生日前夕，朋友就提議同我黎呢度慶祝。旺角最方便大家，朋友推薦呢間佢黎過嘅新店，話比較闊落。一早預訂左位置，準時到達平日晚飯時間，客人就唔算多，我地人多，被安排到自成一角嘅一邊，座位唔算闊落，但由於前後左右都冇其他客人，可以暢所欲言，唔洗怕嘈親人。裝潢方面同一般火鍋店差唔多，燈光偏暗啲，最正係全晚播住耳熟能詳嘅國語歌。餐牌選擇多，跟大部份台式火鍋一樣，有麻辣鍋、酸菜白肉鍋、美人鍋、養生鍋，還有薑母鴨湯底，定價$128-188，可以雙拼。除了台式地道小吃，配料方面有海鮮、肉類、丸餃、蔬菜等，少部份由台灣直送。茶芥、醬油 $20/位招牌鹵味拼盤 $118餐廳供應不少台式小食，包括鹵拼、鹽酥蚵仔、甜不辣。鹵味拼盤有牛肚、豬腸、牛等，鹵水味香，豬腸鹵得頗腍身入味份量就唔多，定價稍高。甜不辣 $48台灣地道小吃，魚漿即炸，新鮮熱辣。鹽酥雞 $58份量不少，口感酥脆，可惜太鹹了炸午餐肉 $58喜歡吃午餐肉嘅朋友真係要點，餐肉厚切，炸到十分香脆，即食或者下鍋淥一淥都很正老油條 $58油炸鬼炸到極乾身，口感硬脆，冇油膉味。麻辣鍋拼酸菜白肉鍋 $128以香料、藥材例如大紅袍、花椒、龍眼肉等配製，加上台灣直送鴨血、凍豆腐，點了少辣，湯頭完全唔麻，亦都唔夠辣，唔會太鹹，成餐火鍋食完都有喉乾。嗜辣嘅朋友建議中辣以上，因為期後加了湯底，會愈食愈淡。鴨血滑溜鮮嫩，凍豆腐浸入湯汁，好吃點選麻辣鍋底可免費追加一份鴨血，當然份量唔會很多(所以我地都另外再追加左)。至於酸菜白肉鍋以大白菜、豬腩肉製作，湯底仲有蕃茄及寬粉條，飲落微酸，好開胃，不過裡面嘅白肉唔多。手切牛肉 $338/大除了手切牛，仲有雪花肥牛、肉眼肥牛、肥牛粒，人比較多，所以點了大份手切牛肉。牛肉質素上乘，手切雙飛，厚薄適中，入口滑嫩，完全唔韌。蟹籽墨魚滑 $88墨魚滑尚算彈牙。芝士牛肉丸 $92魚皮餃 $68牛肉丸紮實彈牙，可是裡面嘅芝士太少；魚皮餃正常水平。潮洲白魚蛋 $48/12粒自家製麻辣牛肉餃 $42/半份自家製極品水餃 $42/半份餃類自家製，可選半份/一份，牛肉餃唔算特別，跟牛肉丸嘅整體感覺太相近。鴨血 $48鴨血太好食，所以另外追加左一份，好大塊，厚身完整即炸脆響鈴 $68推薦響鈴，即炸香脆有機粟米 $48萵荀 $48唐生菜 $58本來想點台灣A菜，可是當日售罄。炸芋頭 $58芋頭要一早落鍋，口感軟糯入味。紫淮山麵 $38麵條爽滑。自家製杞子菊花圓玉露 (到餐廳專頁打卡，免費)自家製沖繩黑糖烏梅汁 菊花玉露清潤，後者稍為甜左啲。沙冰店員送上自製檸檬沙冰，冰涼解膩，略甜。成餐飯都算幾滿意，如果湯底揀中辣，應該會更加啱口味；配料整體都好食、新鮮，正價時段黎講，埋單比想像中冇咁貴，人均二百七，食到好飽，有下次。…查看更多

豬同事:好耐冇去食養心殿喇🤤俾佢講一講，又黎個邊爐之夜🤣旺角女人街呢間分店環境唔錯，裝修佈置以中國風為主，四周乾淨衛生。之前有試過美人鍋， 酸菜白肉鍋同養生鍋，今次老公想試寧神養生鍋，裏面有川芎，白芷，天麻 ，當歸，鮮雞，鮮魚同豬肉精餚而成，淨係睇材料都覺得好豐富。好快就黎左個鍋，材料充足，陣陣嘅酒香味，然後有啖啖嘅當歸味同鮮魚味，一d腥味都冇。我地order左個手工丸類拼盤，有六款丸，每款兩粒，粒粒彈牙，芝心牛丸咬落係去流d芝士汁，小心辣親咀。黑松露蝦丸嘅黑松露味濃，未食都聞到香味。鵝肝墨魚丸配合起黎味道非常夾。蝦丸加左粒粒嘅蟹籽，成個口感更為彈牙！鮮蝦滑，夠彈牙又滑滑的，富質感又有肉汁。什錦蔬菜盤，份量亦算多，一次過可吃多種菜，夠抵食。招牌滷味拼盤幾好食, 牛腍身入味。 牛肚好香麻油味，有嚼頭。 極上雪花肥牛，口感軟腍，有濃郁的牛味，就算滾得耐左，亦唔會有嚡口和同韌嘅感覺。吸曬D 湯底嘅味道，豉油都可以推埋一邊唔洗用。餃子拼盤，一共六款12粒，可以食晒唔同種類嘅餃子，粒粒都皮薄饀靚，又大大粒。當中有極品水餃，鮮蝦雲吞，水蓮餃，韮菜餃，麻辣牛肉餃和魚皮餃。豬食左韭菜餃，十分香口，而且加入了木耳，食起黎好爽口。另外的水蓮餃都錯，味道濃。炸午餐肉件件都非常厚身，岩岩炸起好香口，外皮香脆加，內裡軟熟。涮鍋小羔羊肉片，肉質軟滑唔肥，無羶味。台灣炸豆皮，比炸枝竹更香，但又冇響鈴咁油, 放入湯裏面，吸盡湯嘅精華。雖然已經飽飽，但忍唔住要食稻庭烏龍麵，因為佢吸晒湯嘅精華，甜甜的，味道濃郁，好味道。Facebook讚好仲有菊花蜜添🤗…查看更多