Potluck Eatery

鄰近佐敦MTR的文青西餐廳，木系裝潢加上柔和微暗的燈光帶來悠閑舒適的感覺。平日Dinner Time也差不多8成Full，但空間充足，座位尚算舒適，食物質素也很不錯。脆炸魷魚伴墨魚汁沙律醬 $98Fried Calamari w/ Squid Ink Mayo即叫即炸，熱辣辣很燙口。炸皮薄脆，也不太油膩。墨黑色的墨魚汁沙律醬很有驚喜，除了顏色特別，還帶一點點鹹香，比起一般的沙律醬的味道更有層次。炭燒美國安格斯肉眼 $368Char-Grilled US Angus Rib Eye大大件Rib Eye，比預期中份量更多，需要2人Share！炭烤味和Medium熟度都交足貨，肉眼本身就很高質，軟嫩、牛味濃郁，加上肋骨間的小脂肪所帶來的油香，食肉獸表示歡喜滿足。伴碟的烤薯和蔬菜吸盡牛扒的肉汁和油香也不能錯過。羅勒青醬野菌粗管意粉 $148Rigatoni w/ Wild Mushrooms in Basil Pesto Sauce吃完Meaty的Rib Eye，來個無肉Menu試試青醬意粉。粗管意粉比想像中厚實、有口感，羅勒青醬Creamy掛汁，加上有酸酸甜甜的小蕃茄，整體簡單而不失美味。自家製巴斯克芝士蛋糕 $78Homemade Basque Burnt Cheese Cake (Whole Cake)倆口子分享原個小型Basque Cheese Cake，必須一提，比坊間的Cheese Cake專門店值得更高分！蛋糕裡面軟滑Creamy，紮實度和軟心度是近期吃過數一數二的剛好，芝士味濃郁、不膩，大推！…查看更多

今日同澳洲返嚟嘅朋友敘舊，揀咗呢間餐廳，覺得環境幾舒服，食物睇落吸引，餐廳門口仲有聖誕裝飾可以一齊影相。我哋見到有個二人晚餐（$688），於是唔想煩就叫咗。首先上咗南瓜忌廉湯同埋蒜蓉包，佢個南瓜忌廉湯非常濃郁，淡淡南瓜嘅清甜，而且打得好滑溜，會覺得飲落好舒服好Fresh🥰 另外個蒜蓉包，就非常香脆，微熱，而且聞到香噴噴嘅蒜蓉味，可以點上南瓜濃湯一齊食😋 黑松露芝士薯條 估唔到佢個份量幾大，兩個人食都有啲飽，好似食極唔到底，薯條炸得香脆，黑松露散佈晒全部薯條😌 我哋叫咗兩個主食，兩個都係肉🤣 炭燒法式豬鞍架伴紅桑子汁先講伴菜，薯仔烤得非常入味，再配上甜甜的紅桑子汁，更開胃，豬鞍架外層烤到微微金黃色，肉質口感彈牙鮮嫩，特別配上甜甜嘅紅桑子汁，真係好開胃！佢呢個份量都夠食，朋友話飽！我哋加咗錢 $148 ，因為想食埋炭燒美國安格斯肉眼 （10安士）！真心推薦大家食，係近期食過比較好食嘅肉眼扒🥰 我哋叫咗五成熟，牛肉整體半肥瘦，結實嘅肉質夾雜着半肥肉，令成個安格斯肉眼充滿油脂感，而且肉質非常軟腍，唔使經過過多咀嚼，就已經食左落肚，而且口腔總會徘徊一陣陣牛香，牛肉嘅肉汁停留喺口腔。大力推薦🙈 之後有兩個甜品，分別係雲呢拿雪糕同埋藍莓芝士蛋糕。佢個雲呢拿雪糕都好好食，應該係自家製，香草味濃郁同埋整體軟滑、綿密！ 藍莓芝士蛋糕混合左藍莓嘅酸，同埋芝士嘅香濃，令蛋糕更加濕潤，都好食！飲品方面，我哋就叫咗兩杯英式奶茶～奶嘅份量就自己調節🤣…查看更多

《Potluck Eatery (尖沙咀)》西餐控今日又出動一波食牛扒同羊扒，叫左兩個set meal食到好飽好滿足😊🐑烤焗香草保雲蘇紐西蘭西冷羊扒羊架羊扒平日就食得多，指定食羊西冷就真係好少有！擔粗粗叫左個五成熟嘅羊扒，以為會好多血水，點知比我預期中出色粉嫩嘅肉切開流出嚟嘅係濃濃嘅肉汁😋經廚師介紹知道原來羊扒面頭嘅麵包槺係連埋件羊一齊入焗爐烤，所以脆脆嘅麵包槺緊緊咁痴實羊扒有雙重口感👍🏻🐮炭燒美國安格斯肉眼炭燒肉眼同羊扒唔同，係厚厚一塊肉感滿滿😋牛扒五成熟燒得剛剛好，我自己就喜歡佢牛扒邊有少少筋而且無乜油脂令到成件事無哂罪惡感🍨綠茶雪糕🍰藍梅芝士蛋糕Set dinner嘅兩款甜品真係小孩才選擇，雪糕同蛋糕嘅味道都夠哂濃郁，幫餐飯劃上左完美句號😀如果你都想試下呢間環境靚食物出色嘅餐廳，記得bookmark定呢間餐廳，約埋三五知己一齊嚟試下👨‍👨‍👧‍👦 地址: 尖沙咀柯士甸道136-138號金門商業大廈地舖#potluckeatery #tst #steak #lamb #icecream #cheesecake #wine #alcohol #drinksanddine #hkfood #drinks #hkfoodblogger #hkfoodie #foodblogger #hk #hkig #hkigers #hkfoodblog #hkfoodstagram…查看更多

餐廳門外已經見到裝潢特色，餐廳走日式洋食feel，木系質感同時保留cafe chill嘅感覺。外面都有兩張枱，帶埋寵物去食都可以呀～我哋今次每人叫咗Set Dinner，食西餐都係會忍唔住食海鮮同牛～Dinner Set: － 芝士菠菜龍蝦蟹肉意粉卷 $298－ 炭燒美國安格斯肉眼 $358🥦西蘭花忌廉濃湯配蒜蓉包是日餐湯每日都會轉，入座時店員會先告知你一聲。店員捧餐過嚟個陣，唔洗擰轉頭就聞到好香蒜蓉包味。蒜蓉包好香好脆，仲可以掂啲湯咁食。濃湯係將西蘭花打碎，保留晒原汁原味，再加忌廉令啖湯又滑又香。🦞🦀芝士菠菜龍蝦蟹肉意粉卷 呢個係餐廳其中一道招牌菜，賣相吸引，打卡able🥰。建議先食上面炸龍蝦，外脆內軟，蝦肉爽彈好好食🤤跟住食意粉卷，切開會見到入要包住蟹肉同龍蝦肉，肉味鮮甜，意粉卷提升口感層次，絕對值得一試！🥩炭燒美國安格斯肉眼牛扒上炭燒嘅網紋好靚，大大塊都有啲厚度，配菜仲有燒薯仔、燒青瓜黃瓜，仲有秋葵。牛扒肉味都幾好食，又唔會有牛騷味，肉質都腍。配菜都好有心機調味，有啲蔬菜平衡下口感同油膩感。🍰藍莓芝士蛋糕份量真係剛剛好，食完正餐真係唔算好多位俾甜品，但又會想過吓口癮。口感軟滑，藍莓又會平衡一下芝士少少嘅膩感。餐廳位置係山林道隔離一條街，好容易去但同時又比較靜。Set Dinner都幾抵食，包埋湯、甜品同野飲，一次過滿足多個願望。✨…查看更多

門外的半露天位置好有歐陸悠閑fu 還pet friendly喔甫進店內更有果樹壁畫文青打卡位⸝⸝⸝♡︎店內以水泥牆搭配簡約木系感 環境舒適寬敞主打多國菜料理 更有多款igable的飲品!食物質素都不錯 特別推薦酒鬼們order啤酒set喔.▫德國腸拼盤小食 + 啤酒 x2 $128frd見到依個set即刻鎖定左要嗌(ฅ•.•ฅ)有5款啤酒可以揀 生啤直程有500ml 真係好抵.ᐟ‪‪.ᐟ三款脆皮腸都外脆內嫩很Q彈 ho juicy薯條都好香脆帶薯香 配酒剛剛好🙆🏼‍♀️.▫白酒忌廉汁大蜆 $128份量都幾多 味道鮮美爽口 creamy多汁😚.▫炭燒美國安格斯肉眼 $358Set dinner包左薯仔洋葱忌廉餐湯&蒜蓉餐包!可以揀西冷/肉眼 後者雖油花豐富但肉質嫩滑味道香濃 充滿肉感之餘帶牛的甘香 好吃(ᯅ̈ )伴碟的焗薯都好吃 香脆內軟薯香十足還有綿密軟滑cheesecake作飯後甜品～.▫espresso soda +$20可以加配特飲 把espresso混合sodaSoda的酸甜剛好平衡返espresso的苦澀氣泡感的清爽夾雜點咖啡香…查看更多

呢間cafe 裝修風格比較偏向大自然，係木系既顏色底下我地幾個朋友都坐得好舒服。 地方仲要幾寬敞，食起野上黎唔會唔夠位或者感覺好有壓迫感水牛城雞翼（🌟🌟🌟🌟🌟） 呢個雞翼配上水牛城醬酸酸辣辣咁，完全令人感覺開胃，d 雞翼重要大大隻，作為喜歡食煎炸野既我覺得呢個雞翼值好高分炭燒安格斯牛扒 （🌟🌟🌟） 我地本身落話想要medium 既牛扒，雖然上菜的時候略嫌熟左小小，但係都不失為一個好味道既mains，塊扒既配菜有秋葵、薯仔、青瓜同埋甜椒多款蔬菜，口感夠曬新鮮但係我自己就唔係特別喜歡個醬汁，所以點左一舊肉就無再點呢個汁。 牛扒單食唔點汁都好夠味芝士菠菜龍蝦意粉卷 （🌟🌟🌟🌟） 呢個mains 既口感好豐富，意粉卷住菠菜芝士蟹肉，係配合埋濃濃既番茄醬底下，又真係幾好食頂個舊龍蝦脆bok bok，點綴左下面比較偏淋既意粉卷 蒜蓉包 南瓜餐湯PS： 我覺得餐廳職員幾好服務態度，全部員工都好好笑容，令我地感覺好舒服🌸🌸🌸仲會推薦唔同野食比我地如果同朋友聚餐我推薦大家揀呢度…查看更多

之前有去開pom's kitchen，知道佢地係附近再重新開業，裝修以木系為主，最適合文青一族既我。餐廳都幾多人，最好book 定位，我地叫左兩個set dinner，set dinner 包餐湯，蒜蓉包，主菜，飲品同埋甜品，幾抵食。菠菜忌廉湯菠菜味濃郁，好甜好creamy。鵝肝牛肝菌扁意大利粉鵝肝煎到好香，同牛肝菌好夾，醬汁好惹味。炭燒美國安格斯肉眼或西冷揀左肉眼扒，五成熟剛剛好，肉質仲有少少粉紅色，牛味濃郁，蜜桃紅茶蜜桃味好清新，好岩夏天既飲品。New York Cheese Cake芝士蛋糕唔會太甜，口感幼滑，芝士味好香。…查看更多

📍Potluck Eatery📮尖沙咀柯士甸道136-138號金門商業大廈地舖.返工咁辛苦, 收工一定要對自己好啲, 所以搵左間好chill好relax既餐廳兩小口撐下枱腳💕.唔知係咪收工太攰既關係, 竟然睇錯左柯士甸道係柯士甸站, 好彩打一打俾🙎🏽‍♂️先發現係自己搞錯, 大家千祈唔好好似我咁懵盛盛落錯車😩記著最近餐廳既地鐵站係佐敦先至岩呀.晚市既時候餐廳既有A la Carte亦有set menu選擇, 而且款式都幾多添🙃選擇困難症嘅我當然叫set dinner啦, 淨係揀個main就有齊是日餐湯, 甜品同飲品.Soup of the day with bread·ᴥ·大蒜薯仔忌廉湯好特別既combination🧄大蒜味唔會好濃, 薯仔平衡返蒜既味道, 唔怕滿口都充斥着蒜頭味, 而且個湯打到好綿滑, 加埋忌廉更香更滑, 用蒜蓉包點埋呢個湯食超夾👏🏻火辣水牛城雞翼 （4隻）HKD69身為雞翼控既我地見餐廳有half portion既水牛城雞翼, 二話不說就決定要叫黎試下🤭同出面既餐廳比較, 呢度既版本相對比較多汁, 無咁濕既話會更加好Main course ·ᴥ·牛油香煎帶子鮮蠔汁意大利飯 HKD248龍蝦汁, 蕃茄汁, 蘑菇汁既意大利飯就食得多, 蠔汁真係第一次見, 一定要試下啦😙飯上面有好多蕃紅花, 令成個賣相好colourful, 意大利飯除左有蠔味之外, 仲真係有蠔肉添, 配埋煎香左既帶子, 好似食緊海鮮意大利飯咁炭燒美國安格斯肉眼 HKD358·ᴥ·叫左medium rare既肉眼, 時間火候控制得唔錯, 表面既格紋分明, 切出黎入面仲係粉紅色好juicy, 肉質好嫩唔韌, 連旁邊既薯仔焗完之後都好香口🤤Dessert of the day·ᴥ·藍梅芝士蛋糕小三角形份量岩岩好, 芝士好rich, 唔會太甜, 加埋🫐藍梅醬點綴下, 完美作結飲品 ·ᴥ·蜜桃梳打 +HKD20味道清新, 甜度剛好, 食完咁多肉飲梳打balance返絕對係一個唔錯既選擇😗.餐廳裝修俾人一種好舒服既感覺, 好似鬧市中既小綠洲, 岩晒情侶拍拖/閨蜜聚餐, 食物水準亦都唔錯, 門口牆壁仲有打卡位添📸.整體環境：👍🏻👍🏻👍🏻👍🏻食物味道：🤤🤤🤤🤤服務態度：🕺🏼🕺🏼🕺🏼🕺🏼物超所值：💰💰💰💰回頭基率：💨💨💨💨…查看更多

位於柯士甸道嘅呢一間Cafe裝修間約，充滿空間感，一入去已經好期待啲嘢食！首先叫咗個他他，非常清新好適合做頭盤！底部有一嚿嚿嘅牛油果肉，充滿口感唔係得牛油果醬，中間嘅蕃茄碎增加咬感但唔搶味，增添新爽感覺，而頂層嘅蟹肉香甜，份量都好足，加埋脆包粒為呢一餐開咗個好頭！再嚟係期待已久嘅鵝肝多士，厚切鵝肝超大塊！上枱已經望到充滿光澤，入口juicy充滿油香，多士香脆，再加蜜桃幫手消除油膩，本餐最佳，真心大推薦！最後就係肉眼牛扒，眼見份量十足，兩個女仔都可以share 一份。火喉剛好完全唔會煎到好老好乾，加埋肉汁真係好香阿！至於飲品嘅柚子紅顏茶味比較出而蘋果柚子飲落重柚子味多啲，兩款都唔甜，適合去除餐點油膩感，係清新之選！呢間價錢小貴但嘢食樣樣出色，絕對值得再訪！…查看更多

餐廳係尖沙咀同佐敦中間，位置唔算好方便，但係餐廳外觀已經好吸引！感覺好cozy，餐廳入面都幾闊落，環境唔錯👍🏻/芝士菠菜龍蝦蟹肉意粉卷 $288/黎個意粉卷又係值得一試！好似未試過食黎款意粉😂入面包左好多龍蝦肉、蟹肉、菠菜😍 個番茄醬甜酸度啱啱好👌🏻/香煎法式鵝肝多士 $98/鵝肝大大件😳煎得好香口，有入口即溶嘅感覺，加埋多士同埋黑醋解膩，好食👍🏻/牛油香煎北海道帶子鮮蠔汁意大利飯 $198/黎個意大利飯就正常，食落creamy 得黎d 飯仲係粒粒分明嘅，唯一係好似唔係好食到有帶子，可能有不過份量真係好少😅/炭燒美國安格斯肉眼 $308/牛扒都係正常發揮，不過個人覺得可以食多d 佢嘅小食/ 意粉類🤔/Lady yuzu $58/ Apple Yuko $53/ Cucumber mojito $58/特飲賣相好靚🥰 我今次印左杯lady yuzu，佢係柚子同埋橙嘅果茶黎，唔會太甜，感覺幾清新！友人覺得其他特飲都唔錯👌🏻整體黎講，餐廳環境同埋食物都唔錯！夜晚去記得要book 定位！…查看更多

從門面到內裡都佈置得幾靚，好多花草樹木點綴，幾岩打卡!𝑺𝒆𝒕 𝒅𝒊𝒏𝒏𝒆𝒓𝑼𝑺 𝑨𝒏𝒈𝒖𝒔 𝒓𝒊𝒃 𝒆𝒚𝒆$338肉眼扒好有驚喜，5成熟拿捏得很好，牛扒肉質結實味道濃郁，加上有豐富肉汁，唔洗額外蘸燒汁已經好美味，配菜焗薯及翠肉瓜都烤得很熟軟腍，肉眼扒必點啊❤️𝑳𝒂𝒔𝒂𝒈𝒏𝒆 𝒘/ 𝒕𝒓𝒖𝒇𝒇𝒍𝒆 𝒎𝒖𝒔𝒉𝒓𝒐𝒐𝒎𝒔 𝒏 𝒆𝒈𝒈𝒑𝒍𝒂𝒏𝒕𝒔 $268呢到的野菌千層麵特別之處係超多菇菌，而且鋪滿芝士～醬汁方面松露醬味道突出，適合喜歡松露的人，跟餐有蒜蓉包、雜菜湯、甜品及飲品，幾抵食👍🏻~𝑵𝒆𝒘 𝒀𝒐𝒓𝒌 𝒄𝒉𝒆𝒆𝒔𝒆𝒄𝒂𝒌𝒆 賣相靚靚仔仔，用的忌廉芝士都唔錯～~𝑯𝒐𝒏𝒆𝒚 𝒚𝒖𝒛𝒖~𝑯𝒐𝒏𝒆𝒚 𝒈𝒊𝒏𝒆𝒓飲品有淡淡蜂蜜味，加$12/杯📍𝑷𝒐𝒕𝒍𝒖𝒄𝒌 𝑬𝒂𝒕𝒆𝒓𝒚 (𝑻𝒔𝒊𝒎 𝑺𝒉𝒂 𝑻𝒖𝒔𝒊)…查看更多

【尖沙咀】Potluck Eatery.炭燒美國安格斯肉眼食剩指數 0/100肉眼叫左5成熟肉質好軟腍好juicy肉眼食到有炭燒香味一開始唔點個汁都有少少鹽邊位脂肪油香好夠仲要脆脆地好邪惡配菜既薯仔都好正焗過好香既牛油味表面仲有少少脆.菠菜龍蝦蟹肉意粉卷食剩指數 0/100意粉卷就係用一片意粉包住菠菜龍蝦蟹肉切開發現龍蝦同蟹肉好足料肉質好結實好鮮龍蝦既彈牙同蟹肉一絲絲既口感反而菠菜就好配角唔會好大浸菜味汁就有蕃茄蓉唔會太酸食落都唔覺太heavy仲有差啲唔記得佢仲有兩隻炸蟹鉗係真係原隻炸.今次我地兩個都係Set DinnerSet係包左餐湯，蒜蓉包，甜品同飲品餐湯係羅宋湯蒜蓉包好脆甜品今次就係芝士蛋糕.芝士蛋糕食剩指數 0/100芝士蛋糕同平時唔同係無餅底的整舊芝士味好濃郁口感較軟身甜度正常唔會太甜…查看更多

呢日約咗個friend陪我嚟食晚餐，由佐敦站行過嚟只係5分鐘左右，好方便餐廳環境好舒適，忍唔住即刻影咗d相由於好早就到嘅關係，當時餐廳未係好多人晚餐價錢由200零蚊起，有齊湯、主菜、甜品同飲品，相當豐富我哋點咗2個晚餐share, 好快餐湯就到了餐湯係南瓜湯，湯夠熱之餘又甜又綿，充滿南瓜嘅香味。飲完湯，好快就上我最期待嘅肉眼扒5成熟嘅牛扒煮得啱啱好，唔會太生，又能保留鮮嫩嘅口感，加上豐富嘅肉汁，就算唔點醬汁都非常美味，係我呢餐最愛食完牛扒等咗陣，就到另一主菜出場：松露野菌烤茄子意大利千層麵我本身覺得千層麵好”漏”, 所以向來興趣不大，但今次呢個幾特別，一來已經有一股黑松露嘅香氣，但估唔到切開竟然有咁多野菌食落唔”漏”而且好美味，值得一試飯後甜品係紐約芝士蛋糕，食完仲想再食餐飲我選咗熱薑蜜茶，蜜茶好清甜滋潤，茶入面有好多薑條但唔會覺得好辣，我食咗少少薑條仲覺得好美味。呢餐我哋2個人食到飽飽，夾埋唔洗700蚊，我哋都非常滿意，值得推介…查看更多

今日係拍拖五周年紀念，同老婆嚟咗呢間喺佐敦新開嘅餐廳食晚餐，可能新開冇耐未有太多人知道，人唔算多唔駛等位。餐廳嘅裝修佈置好精緻，亦好闊落空間感十足，一入門口仲有啱晒女仔嘅打咭位！我哋叫咗兩份晚餐，跟餐有湯、飲品同甜品。首先上菜係湯同蒜蓉包，湯嘅材料好豐富，有洋蔥、蘿蔔、薯仔，仲有啲薏米，配搭幾特別幾好飲！【脆炸魷魚伴墨魚汁沙律醬】另外叫咗份小食，炸魷魚個粉醬炸到脆卜卜，點埋個墨魚汁沙律醬好夾。但大家食呢個就要小心啲，好易食到成嘴黑晒，哈哈！【牛油香煎帶子鮮蠔汁意大利飯 】帶子用牛油煎到微焦，意大利飯嘅濕度同軟硬度啱啱好。睇佢個名以為得「蠔汁」，原來入面都有唔少蠔仔肉喎，啖啖都充滿蠔味好鮮味！【炭燒美國安格斯肉眼】肉眼扒叫咗七成熟，入面仲好粉紅亦唔會太生，火候控制得好好！牛肉味濃肉好淋唔韌，係食到最後兩舊有啲根位。配菜嘅BB薯仔同脆肉瓜都好好食。跟餐嘅甜品一啲都唔馬虎，係千層蛋糕版嘅Tiramisu，相賣勁精緻，食落唔會太甜亦唔膩，戒甜嘅我今晚破戒食咗，好好味，哈哈！…查看更多