安南小館 (形點)

今日三姨媽同四姨媽話想約埋我們一齊見面同食晚飯，所以我們就約咗去元朗形點嘅「安南小館」食晚飯！我們叫咗個越式晚市套餐有：炭燒豬頸肉沙律嘅肉質好爽滑，而且炭燒過，所以味道更加芳香，再加埋啲爽脆嘅青瓜絲、洋蔥絲等等等等⋯⋯一齊食，酸酸辣辣感覺好醒胃！椒鹽大頭蝦嘅肉質好爽甜彈牙，而且都幾大隻，椒鹽嘅味道相當惹味，最好係唔會好鹹！明爐香茅青檸桂花魚都幾大條肥美，肉質好鮮味嫩滑，而且吸收晒香濃嘅香茅味同清新嘅青檸汁，真係好正呀！越式咖哩肉鬆炒飯炒得都幾乾身同粒粒分明，材料除咗有肉鬆之外，仲有切成細細片嘅扎肉片、蝦肉等等等等⋯⋯都幾足料豐富！雜菌炒西蘭花嘅油比較多，食落成口都係油，感覺非常油膩，呢樣係令我們覺得比較失望！跟餐嘅甜品椰汁粟米糯米「熱」嘅糯米好煙煙韌韌，加埋啲香甜嘅粟米粒一齊食，令到口感更加豐富，微微熱嘅椰汁相當香甜濃郁！椰青果凍「凍」果然好夠冰凍，而且味道非常清甜芳香！另外我們再單點咗沙嗲牛肉炒河粉炒得都幾夠鑊氣，河粉嘅質感好煙韌軟滑，沙嗲味亦相當濃郁！菠蘿海鮮炒飯雖然唔係用原個菠蘿盛載著上碟，但切成粒嘅菠蘿份量非常多，差唔多每一啖都可以食到，酸酸甜甜相當醒胃！…Read More

元朗形點頗多食肆，平日多數吃中餐，這晚改口味吃越南餐，預早訂位，準時去到入座。翻閱餐牌看到食物和飲品款色頗多，花多眼亂，幸好有套餐供應，二話不說便點了498元二人套餐，由於我們有3人，所以再加肉骨茶及牛尾煲。由於點了二人套餐，因此飲品有半價，我們分別點了熱情果梳打及越式清補涼，前者帶酸甜味頗開胃，後者有荔枝肉及涼粉條薏米等材料，感覺頗有特色。先來肉骨茶配油條，味道帶少許藥材味，做法頗地道。再來牛尾煲，牛尾跟紅蘿蔔一樣軟稔味美，略嫌牛尾太少。接著上炭燒豬頸肉沙律，帶少許酸甜味頗吸引；雜菌炒西蘭花則普通貨色，味道一般。越式咖哩肉鬆炒飯香氣撲鼻，飯裡夾雜鮮蝦肉，鮮甜味美。至於椒鹽大頭蝦當然是香味濃郁，蝦膏美味，蝦肉爽甜帶有彈性。最後是明爐香茅青檸桂花魚，湯汁甜味為主帶少許檸檬酸味，魚肉新鮮可口。甜品是椰青果凍加椰汁粟米糯米，令這頓飯增添充實滿足，縈繞著越南風情。…Read More

試過幾次又一城間安南，好好食！知道佢哋有一間副線安南小館响元朗Yoho Mall, 去開搵朋友就約埋一齊試！都幾唔錯woh, keep 到水準。不過可能呢間地區問題，啲嘢係平啲但細碟啲。不過份量少就可以試多啲唔同嘢 lo! 今次我哋4個人食到超飽 餐廳落單時推介我哋飲呢個越式清補涼。佢話係越南師傅特別調配嘅，有熱有凍，係必點飲品！清補涼大家可能都有喝過，但這杯冰凍越式清補涼為我帶來驚喜，薏米、蓮子配上涼粉，加上龍眼肉，實為消暑佳品。豬頸肉經過炭燒，火口剛剛好，肉邊有微許燶，但增加了香口度。沙律頗新鮮。份量充足，軟殻蟹香脆，米紙卷皮薄，不黏牙。配料充足，點上特製醬汁更好吃。本身不太好涼瓜，只覺得沖繩涼瓜能放入口。但這份涼瓜炒蛋，吃了一口後，竟有著沖繩的質素，有點驚喜。這個香蔥雞有點似海南雞但有蔥味，不過不失。咖哩牛筋腩份量足，牛筋腩夠軟，薯仔十分好吃，配上法包十分開胃，我們也忍不住加點白飯。最後當然唔少得甜品。我哋揀咗芒果薄餅。薄餅上面嘅係椰子雪糕，雪糕好香滑，甜品不太甜很好。…Read More