圓山台灣料理

老公生日，他很喜歡吃台灣菜。在網上找來找去都是吃牛肉麵珍珠奶茶的台灣輕食餐廳。請生日飯就不能太吝嗇啦～看到這間比較貴價的，就來試一試! 點的大多是都是食評推介的，但最令整家人驚喜的是酥炸黃魚。連平日不吃魚的老公都大讚。魚炸的通透乾脆，一點油膩感都沒有。基本上只有中間的魚骨沒被吃，連魚頭都被吃光。…查看更多

呢間台灣菜好特別，有埋點心可以叫。一開始食無太大期望，因為乜都有通常都係比較平凡，但呢間餐廳啲台灣菜真係好食既。我地一開始叫左個皮蛋豆腐做前菜，佢有好多肉鬆，因為我好鍾意食肉鬆，所以真係好鍾意個前菜，而皮蛋同豆腐都係好夾。然後叫左個三杯雞做主菜，個三杯雞啲肉堅嫩，同埋唔會太濃味，真係唔使食飯，齋食餸都可以，咁當然佢都有少少油既，不過啲油係曬底，面個層唔油，呢個好食。上面兩個可以唔食，但個炒蜆真係好正，我係第一次食到咁鮮甜既蜆，仲要啲蜆既份量好多，食極都係個殻度，啲千層塔既味好濃，可能因為咁對比到啲蜆仲鮮，停唔到真係佢地叫個菜做炒A菜，好彩有圖片，如果唔係都唔知係乜，其實係蒜蓉炒油麥菜。個菜好新鮮。我地叫左個麵share，好正宗台灣味真係，同台灣食到既一樣，唔知係咪太正宗，同香港既有少少分別，我竟然有啲唔慣😂。總體都係好出色既一餐廳，下次黎試下飲茶。…查看更多

聽到圓山，會想起台灣的圓山飯店～而香港的圓山只有台式料理，沒有住宿～這裡除了台灣料理，還有中式料理。入到餐廳，第一感覺好似去咗平時飲茶嘅酒樓有海鮮魚缸、大圓枱。門口有菜牌千其唔好比佢平實外表欺騙，越食越辣，後勁凌厲🔥辣得過癮，帶點酸，開胃醒神。豬手爽口，都幾多肉喎～冰梅骨酸甜開胃，味道不錯，但略嫌梅子味不夠，仲啖啖肉。A菜炒得唔錯，唔會老，又爽口！溫室南瓜鮑魚，南瓜甜而不膩，見到南瓜皮有pop pop應該係走油再炒，唔硬有而帶點咬口；鮮鮑魚彈牙，加上醬汁調味，健康又好食。一人份量肉燥配擔仔米粉，惹味不清淡，米粉超幼又爽口，似銀絲米粉。又係一人分量，燥肉飯，入口有陣陣油香，肉燥真係白飯的好朋友！另外仲有啲套餐選擇添～…查看更多

2019年7月7日。雨。尖沙咀。啱啱去完台灣旅行，返嚟冇幾耐就掛住台灣美食，於是約朋友嚟尖沙咀圓山，一解鄉愁～圓山經過過好多次，但係上嚟食飯就係第一次原來入面都係酒樓格局，但坐落都算闊落精選套餐好抵食～再唔係散嗌點心好似都唔錯但係我哋想食台灣菜，所以就冇點點心喇～秘製麻油雞湯（半隻），$198每次去台灣唔理天氣熱定凍，都要去飲一次藥燉排骨或者麻油雞所以見到當然要點喇～麻油味香濃，雞肉嫩滑，鹹淡得宜～推薦！炒A菜，$75台灣人嘅A菜即係我哋啲油麥菜色澤翠綠，唔多油，幾好～台灣炒新竹米粉，$118新竹米粉，加埋辣椒醬，配合得天衣無縫～三杯杏鮑菇，$118三杯雞就食得多喇，三杯杏鮑菇就少見啲～但係味道依然惹味～杏鮑菇將醬汁鎖住，啖啖鮮嫩～蚵仔煎，$98呢度嘅蚵仔煎同夜市食嘅有啲唔同質地較為實淨，似煎蛋多啲，口感結實唔煙韌，味道都唔錯～台式雙拼，$148雙拼有多款小食選擇，我哋就揀咗蛋黃小卷拼鹽水雞蛋黃小卷好有驚喜，係用蛋釀入魷魚，食落有兩重口感，好特別～鹽酥雞，$98鹽酥雞炸得香脆，調味上加咗孜然粉，增加層次～…查看更多

尖沙咀行開都可能會發現一間好似茶樓既台灣菜館，今日約埋幾個Friends 終於有機會試下~一入到去格局真係同酒樓差唔多，午市仲有點心叫，都幾特別😋今次4個人黎到就叫左幾道台灣小菜台式鹽水鴨，比較咸的冷盤，加埋白醋中和返味道唔錯三杯雞，地道台灣菜非常惹味，不過雞再嫩D就仲正炒A菜，即係油麥菜，夠哂健康蚵仔煎，台灣野又點少得呢? 不過佢為左迎合香港口味，比較似潮州蠔餅，蚵仔都幾足料，醬汁就幾酸酸甜甜，唔錯～紅糟豬手，豬手煮得非常入味，肉身好淋，正伙記最後仲送左紅豆椰汁糕比我地食，服務唔錯架😃…查看更多

今晚約到尖沙咀食台式料理，這間出名好食。位在金巴利道，地方好方便，就近地鐵站！2層高的，上樓梯就到達，環境是酒樓的格局，舒適而光亮的設計，乾淨又整齊寬敞，好適合一大班客人，見好多一圍圍食生日飯；服務員態度及服務極好，友善服務員，點餐很準確、主動收碟換碟，笑容可掬又有禮，餐具乾淨潔淨！食物在餐牌中列名，更有好多2-4人套餐及優惠，中式台式菜餚選擇多，服務員先問飲甚麼茶，我怕晚上訓唔著，所以只點熱水，但這裡的茶好香好正；另外也送上前菜涼拌青瓜，爽脆青瓜帶有香濃的蒜味，清爽又涼快！1. 出色推薦的台灣花雕醉鴿好入味又出色，第一次食醉鴿，超級野味，好香又濃郁的花雕酒味，鴿肉香有咬口皮又彈牙，伴酒極好！必點的前菜！好和味！三杯雞野味又多客人愛點的菜餚，好香口熱辣辣，雞肉又好多塊又入味，個秘製醬汁唔會好咸，加上蒜頭、薑片、九層塔配菜，更加香更加好味道，配飯一流！炒A菜台灣料理之一，好大碟好爽脆嫩綠，好香蒜蓉好味道，喜歡食菜的我好正！台南擔仔麵朋友話想食麵，喜歡它細細碗不會太多，麵條都軟滑，肉碎好香，唔辣的但有點肥！最後更送了我們紅豆沙大大粒紅豆，軟軟腍腍，唔會太甜，完美的句點！好滿足喔！推薦來這用餐，滿意喔！…查看更多

圓山尖沙咀競爭大，做餐飲真不易，租又貴。這間圓山也算是朋友聚腳好地方。地點算近地鐵站。服務也頗好，實而不華。我們一行5人，叫了好幾味菜。炒海瓜子 $98 ☹️本身份量看上去已不大，最不滿的是好多殻，初時還以為是肉跌了出來，但成碟找來找去都真的是空殻，無乜肉食，味道一般，❌不推介。蚵仔煎 $98 🆗與一般蠔餅，比較似煎蛋加蠔，蛋煮得太熟，如有有少少蛋汁就更好。炒A菜 $75 😊清清地，不油膩。可以。三杯雞 $148 😋推介，惹味得來不會太鹹。蜜桃咕嚕黑豚肉 😕蜜桃不算多，加了菠蘿配搭。黑豚肉煮得太乾太硬。台式冰梅骨 😋👍 推介椰香枣蓉糕 $38 😋甜度適中，好香枣味。即撞豆腐花 $88 😋👍好大桶，我們5個人，一人一碗仔都仲有剩。好滑。…查看更多

一直很想試試尖沙咀的『圓山台灣料理』，聽說選擇夠多，食物也很不錯，這天約了一位很久沒見的朋友一起午餐，終於有機會一試！餐廳內部格局類似中式酒樓，中午時分來到，餐廳已坐了不少客人，還好不用等已立即有位子。餐廳下午主打一籠籠點心，不過我們想試試小菜，所以向侍應要了主餐牌，餐牌上選擇有很多，有常見的菜色，還有一些我們從沒聽過的～因為兩款前菜比單點來得便宜，所以先點了台式雙併：「蛋黃小卷」非常有驚喜，一塊塊蛋餅的外層類似蛋白，但更加彈牙，且有淡淡的魷魚味；內層有濃厚蛋香，點上沙律醬吃非常夾！「鹽水鴨」倒是第一次吃，肉嫩咸香，沾上酸酸甜甜的特製醬汁，很是開胃～一直不知道什麼是「A菜」，這次特地點了來試，吃起來很像油麥菜，但上網找好像不是同一樣東西……算了好吃就行～「炒A菜」新鮮翠綠，看起來炒得比較油身，但吃下去剛好，沒有太重的調味，反而突出了菜本身的鮮甜！「蚵仔煎」感覺是港式蠔餅和傳統蚵仔煎的混合版，外面香脆，內層夠嫩有蛋汁，蚵仔分量足，蚵仔與蛋比例恰好，而且還加了大量蔥粒，令口感味道更有層次，十分惹味，2人吃完一整個絕不是問題！「圓山招牌炒飯」也是非常足料，多蝦，飯粒炒得乾身不油膩，十分香口。埋單每人不用$300，雖然以午餐來說偏貴，但也是因為我們在點晚餐的食物LOL，而且食物水準高，分量多，絕對值回票價！------------------------------By alvahana…查看更多

表妹結婚前陪媽咪們試衫，玩完一輪，大家都肚餓，在附近找了呢間食評不錯嘅高級台灣菜，去到6點，中菜廳格局，大廳都未開晒燈，店內無客，店員招呼我哋坐在一張4人細圓枱，同我哋講廚房落場中，可以睇定餐牌，6點半就會開始做！落妹單真係6點半開始上菜！茶芥（$16/位）茶錢都幾貴，不過一分錢 一分貨，媽咪都讚呢度啲茶幾香！4人B餐（$788）拼盤：一碟三款，擺盤都幾靚鹽水鴨：質地口感似臘鴨，但鴨肉又鬆嘅，微鹹她味，蠔油生腸：自己好喜歡食腸，呢款食落似生腸爽口，蠔油幾香，原來同腸幾夾麻辣鴨舌：原隻連喉嚨，鴨舌彈牙，麻辣幾香，微辣！好味基隆花枝羹：肉羹好多料，有爽口嘅荀絲，有嫩滑肉粒，有咬口嘅花枝，羹鹹香！好味！阿里山桂竹筍：竹筍好爽嫩，啲醬微鹹！好味台灣鹵肉：燒汁五花腩，入晒味，食落唔肥膩，墊底紅燒豆腐好嫩滑！好味！台式蚵仔煎：同平時見嘅口水狀嘅好唔同，一粒粒嘅似肉，餅底略乾，點專用嘅橙色醬好味！台灣炒A菜：爽脆唔老，清炒好味台式黃花魚：似麻婆豆腐配黃花魚，魚肉嫩滑唔腥，豆腐嫩滑，好味擔仔麵（2個）麵真係要讚，好彈牙，湯底係紅燒牛肉麵嘅湯，濃香好味！正肉燥飯（2個）家人食店員幾爽勤快，唔騷擾！高級舒服台菜！…查看更多

係香港食台灣菜，一般都係小店、Cafe或者火鍋，真係好少聽到一間專食台灣菜既酒家。不過經朋友介紹下，知道尖沙咀有一間台灣菜館，愛好台灣美食既我一定要去試下裝修有別一般台式食店吧由於菜色選擇頗多，最後都係決定叫幾樣最具風味既食物。《皮蛋肉鬆豆腐》非常常見既台灣地道少食，肉鬆份量非常多，嫰滑豆腐配上咸咸甜甜既醬汁，皮蛋睇相都見到有溏心，雖然係前菜，但絕不馬虎。《滷肉》差唔多枱枱都見到一煲，我當然唔會執輸確係非常出色既一道菜，比起部份台灣名店更優勝 滷既時間充足，連底層豆腐乾都入晒味，而且唔會過咸，整體好平衡肉質肥瘦分明，脂肪入口即溶，瘦肉部份亦異常軟腍，完全無肥膩既感覺，連怕食肥膏既老婆大人都忍唔住一舊接一舊肉燥飯又係另一台灣平民美食，之前去台灣旅行，住西門町，附近有一間好好食既肉燥飯，晚晚返酒店前都要食一碗。估唔到我竟然可以係香港食到同級數既肉燥飯肉燥接近完全舖滿飯面，毫不吝嗇。熱飯將部份肉燥既油脂溶化，混合埋滷水汁，啖啖飯都係精華一碗真係唔夠喉。《炒A菜》食左咁多肉類，始終都要叫返個菜平衡下既，A菜即係我地既油麥菜，油麥菜新鮮爽脆，簡簡單單加少少蒜炒就已經好食唔係誇張咁講，叫左幾道菜，每一道都值得我再去光臨圓山，味道好之餘仲要樣樣都大大份，絕對超值而且難得的可以係一個舒適環境享受台灣菜，其他喜歡台灣食物既朋友真係不能錯過。…查看更多

搵餐廳食開年飯🍴🍴由於一家大細既關係 想搵D環境舒服 又有特色既餐廳😀😀今次黎到尖沙咀搵食餐廳位置好方便 起正尖沙咀旺區入到去 走廊裝修得好華麗 兼且好有新年氣氛🤩🤩餐廳坐位好闊落 燈光好柔和 每枱都能夠自成一角 枱同枱之間有好大既空間 好適合家庭或一大班朋友食飯🤗蒜拍青瓜好爽脆 開胃小食😃呢個十分十分值得推介👍🏻👍🏻👍🏻黎到呢到食飯 我覺得一定要點😉特別彰化鹽水鴨 肉質結實 但咬落口好鬆軟 鹽水味係有 但唔會太重 帶出點咸鮮味 咸度控制得好好台式鴨舌 就更加無得頂麻香味濃 更加突出鴨舌既野味😋食到停唔到口😖😖實在好好味😚😚唔好睇少呢碟炒A菜菜炒得好爽口 保持到菜既鮮綠 同爽口感絕對值得一讚👏🏻👏🏻難得食台灣菜又點少得滷肉飯🤣飯係粒粒分明 滷肉滷得好鬆化入口即溶👏🏻滷水香氣好濃濃 真係好正😝😝順帶一提侍應服務態度好好 好細心好留意客人需要我要俾個Like佢地❤️❤️❤️父母都食得好滿意仲話有機會一定再黎食過😘😘…查看更多

旅行前約了朋友吃飯拿喜帖，她說約我去尖沙咀吃台灣菜，我還以為是吃茶木，原來是到美麗華旁邊的一家台式酒樓！圓山這店每次都經過，但尖沙咀實在有太多好吃的東西，就一直忽略它這麼多年哈哈。*干煎豬肝 $98朋友說要補補血所以就點了這個干煎豬肝，份量蠻多的，果然豪氣。喜歡它的煎得有點外脆內軟，外層的醬汁是甜甜咸咸的，送飯一流。而且它的大小和厚度都是剛剛好，有時候豬肝太厚吃起來有點嘔心，太薄又吃不到那個質地。*蚵仔煎 $88吃台灣茶想必一定一定會點蚵仔煎吧，這裡的蚵仔煎很大一份，料很豐盛很足，薄薄的也不會怕會太飽，蚵仔味道很鮮沒有沙粒，整體算是不錯。*泡椒豬手 $52這是我看到人家吃突然想吃的，看上去像是不太辣，感覺跟白雲鳳爪差不多感覺吧，原來還是蠻辣的呀，那個辣是來得慢，泡椒的味道都被豬手吸收了，吃完才慢慢的上來，不過這個辣是很爽的不會覺得要咳，放心放心’。*炒A菜 $75以前年紀小不喜歡吃菜，現在反而堅持要點一個蔬菜才安心。真心覺得炒A菜真是一門很高深的學問，我弟很喜歡吃炒A菜，但他每次炒的不是苦就是黑，真的吃不下去。這邊的炒A菜是清炒的但不油膩，不苦還帶有一點點的甜味，而且還切成一口可以吃的長度，這個菜不錯！*台南擔仔面 $25擔仔面是我最愛呀，每次去台灣都吃！不知道原來香港都有好吃的擔仔面，喜歡它濃郁(重口味!)，但口感卻是清爽而不油膩，份量就是跟正宗的一樣小小一碗，但麵也可以吃得到幾口啦。*台式滷肉飯 $25香似簡單的滷肉飯 ，那塊滷肉都不知要花多少時間去做呀。這是朋友點的滷肉飯，那個嚇死人的三層肉，肥而不膩，醬料甜甜咸咸的部飯一流。比起滷肉，我更欣賞它們的飯！煮得粒粒分明而且軟綿綿的，真的很不錯。*即撞豆腐花 $88雖然我們兩個人已經吃很多了，但甜品還是要吃呀！朋友說這裡的即撞豆腐花不能不吃，還下戰書說我一定會一試難忘。雖說是即撞，但下單之後很快就送到了，店員會主動幫你分到小碗，看你一吃完他們又會出現幫你添，真是很甜心。*好啦好啦，我承認這豆花的確是很令人驚艷。黃豆味很香但輕柔，質地很細膩及滑不溜口，吃完重口味的台灣菜後，能吃到這樣清爽的豆花也真是太幸福。*這樣吃下來每人$250左右我覺得還可以呀，位置方便，坐得舒服，而且店員的服務真的不錯。我看旁邊桌的大部份都是熟客，有兩人來點一大盤水煮桂花魚的，也有一家攜老扶幼的來吃，雖然客人多，但餐廳的環境也不會覺得太吵，還是可以用正常的音量去聊天呀哈哈。*這是餐牌：…查看更多

雖然之前已經慶祝左情人節，但如果情人節唔出來食返餐飯都總係好似差緊少少咁，所以就簡左去尖沙咀搵野食。行過金巴利道，見到一間台灣餐廳幾特別，上到去先知原來係酒樓黎原來呢間酒樓已經有多年歷史，估唔到酒樓今日會因為情人節而推出情人節套餐，但可惜套餐入面有野唔太岩食，所以我地都係決定散叫小菜比較好。肉燥飯有少量肥肉，令飯香而且有口感更好。冰梅骨酸得黎帶少少甜味，肉同骨比例亦恰到好處。蚵仔煎配上醬汁，令我食到停唔到口脆皮腸份量少，呢個我就比較失望啦，雖然味道係唔錯嘅。菜原來係用蒜蓉炒嘅，蒜味沒有蓋過菜嘅味道值得一讚。最後要講嘅係，就係就算今日咁煩忙嘅日子，酒樓員工都保持良好服務態度同禮貌，值得大大力表揚。…查看更多

表姐和表姐夫來香港Shopping，我一時心血來潮想帶他們去吃台灣料理。便開始在openrice上尋找推薦的台灣餐廳。本來想去鼎泰豐，可是發現他們的菜單有點單調，比較適合去喝早茶或下午茶。看到對圓山台灣料理的評價還不錯，而且菜都做得很精緻，於是決定帶他們去哪裡吃晚餐。星期四去的，沒有定位，到的時候沒要等位，一樓已經滿，到了二樓，同一樓的吵雜相反，非常安靜，我很喜歡。二樓總共只可以坐3桌人。這裡的waiters和服務都很不錯。整頓飯吃得很愉快，而且因為安靜，可以輕鬆聊天。一到就先點了龍井茶，餐館會送上一小碟蒜酸黃瓜，清甜開胃。然後我就開始根據openrice上的評價選了他們家的招牌菜。椒泡豬手：肉質結實爽脆，微辣，吃起來很爽口，作為開胃菜很合適。這就是著名的但蛋黃小卷：非常精緻而且有趣的一個料理。外面的一層是魷魚而不是蛋白，蛋黃配上火腿和，再加上美奶滋，味道不會過淡或過濃，拿捏很好，適中。皮蛋肉鬆豆腐：豆腐很嫩，可是沒有什麼特別的，皮蛋一般，肉鬆做得非常酥，再加上端上來的時候是溫熱的，口感沒得說。只是覺得這三樣東西擺在一起好玩，好看，可是沒有太大聯繫，分開吃和放在一起吃沒什麼差別。唯一的亮點是美味酥軟的肉鬆。黃花魚：waiter會幫忙把魚肉和魚脊分開。這道菜我超級鍾意，外脆內嫩，酸甜醬汁味道剛剛好。整台人都很鍾意這道菜。三杯雞：三杯雞是不能錯過的台灣菜。表姐說一定要有羅勒葉才是正宗的台灣三杯雞。熱騰騰地端上來，雞肉很嫩，很入味，只是覺得姜多了點，但毫不影響這道菜的美味。最好趁熱吃，冷了油膩味會加重。炒A菜：可惜可以選擇的炒青菜不多，最後選了清炒A菜，好吃。一整桌六百出頭，走出餐廳時才發現忘了點流沙包，桂花糕。。。而且沒有試滷肉飯，我想下次有機會的話還是我再去吃的。…查看更多

電話屏幕顯示 "雪梨媽" 的來電。遲不會遲、早不會早，正正踏入六月份，暗裡也知 "雪梨媽" 所為何事。從來辦事甚有擔帶的 "雪梨媽"，今年更提早做妥準備功夫，將身在國內工作的舊同事 - "陽光" 之返港時間預圥打探清楚，並同時提議出飯局的日期，"雪梨媽" 就是那種照顧周到的 "好媽媽"。當時眾多的同事中，現已各有各的發展，只剩我們四人會定時聚會。縱使以前我們的工作崗位各有不同，由同事到現在的朋友階段，那份友誼已超過15年了，但深信友誼如同愛情，冥冥中也由緣份牽引。我們每年總會有兩次碰頭的機會，其一就在年初 "雪梨媽" 的生日月， 其二是六月份 - "陽光"，"永高" 及我三人的生日月。本選了一家韓國餐廳，但 "陽光" 不愛韓國菜肉類較多，而次選的中式餐廳又給訂滿了，在猶豫之際，"雪梨媽" 竟在我的食評中找出圓山來，既然大家均同意，我對相隔一個月又再度重溫圓山的美食，當然不會抗拒。回想當年，我們下班後經常到 JJ's 瘋癲 及 Happy Hour , 晚飯又怎可以沒有酒精飲品？"永高" 最愛啤酒，我選了地道的台灣啤酒一試，麥味很清淡，配搭濃味的菜式應不差。"雪梨媽" 喜愛胡麻的味道，可是餐牌上未有合意的胡麻菜式，於是 "雪梨媽" 退而求其次，選了麻醬生菜膽，沙律生菜亦適合 "陽光" 清怡的飲食習慣。生菜膽果然對辦，無論菜莖與菜葉也是嬌嫩欲滴，與滋香的麻醬輕拌，"烚烚" 之聲從齒縫間傳出，感覺 "好爽"！上一回試過了烏魚湯，今趟我對秘製麻油雞湯產生興趣。湯頭厚重，泛著幾滴油光，湯內有雞件及薑塊，看似味道濃郁。一呷湯頭，雞味清甜、透著一點點酒和薑的香氣，味道香醇、純和，但是主題的麻油味卻不明顯。向經理細問，原來這道雞湯的麻油味，源於烹調以麻油炒香雞件的首個步驟，及後麻油經過煲煮過程，香味便會隨過程度酌量流失，所以對秘製麻油雞湯的麻香絕不能寄予厚望。"永高" 很愛嚐九龍城湖南少奶的菜式，但偏偏以吃得太多為由，而不與我們共嚐。來到圓山，他也不忘一試麻辣的菜式，並選來了水煮桂花魚。瓷鍋上堆滿火紅的辣椒乾，賣相似乎與川菜及湖南菜的水煮沒分別。用料除桂花魚外，台式的水煮還加入筍塊、大豆芽、青瓜和粉條。味道不算很火辣，但麻香的層次感和調味也相當不俗，"永高" 也吃得頻呼 "好味" 。桂花魚當然新鮮，但青瓜、大豆芽、粉條和筍塊在吸收水煮醬汁的精華後，顯得特別滋味，雖然 "雪梨媽" 和 "陽光" 都受不了太辣，但我們四隻手影不時出現在瓷鍋上方，最後水煮桂花魚被我們打撈得一乾二淨。嚐過濃味的菜式，要來一點青菜。炒A菜，火候剛好，調味清怡，A菜的嫩滑和芳香並重。"雪梨媽" 不忘點上我曾推介的三杯雞。這趟我忙於傾談，錯過了煙霧迷離、香氣迫人的三杯雞品嚐之黃金時間。冷了的三杯雞顯然喪失了酒和其他香料的靈魂香氣，但醬汁和雞肉依舊豐郁美味，見他們狀甚滿意，都是自己的錯！乾煸四季豆是 "陽光" 的必吃，雖然我們沒有特意為他點上，但每次他總會很自然地提出此菜。圓山的乾煸四季豆比較健康，碟底不會有油浸四季豆的痕跡，碎肉與欖菜的味道也較輕，能嚐到青青的豆香，絕對合乎我們的要求。"雪梨媽" 本欲嚐肉臊飯，可是點錯了較為肥膩的滷肉飯，其實汁液的味道相差不大，只是肥厚的脂肪令人產生罪疚感，大家都不想動手。我試了一點點，其實脂肪入口即溶、瘦肉炆煮得腍軟的滷肉，味道亦不錯，不過還是以小塊脂肪襯著肉碎的肉臊飯，心理上較易過關。再來甜品的環節，我們貪心的要了薑茶湯丸、紅棗糕及糖醬地瓜。三款甜品中，我最愛紅棗糕。上桌時新鮮熱燙，帶點棗香而不甜，質地非常煙韌有嚼感，恰似越南菜的拉爺糕。而糖醬地瓜就是久違了的地瓜乾，甜度強勁，粉粉韌韌，喚起了小時候的記憶。而黑芝麻餡的薑茶湯丸，是 "雪梨媽" 與我的愛好，水準不過不失，不過我們均不約而同地表示可接受更 "薑" 的湯底。每次聚會結束的時候，大家總有依依不捨的感覺。好味要重溫，就正如好友要重聚一樣！…查看更多