華星冰室 (克街)

上餐好快，叫左炒蛋多士同冻奶茶！炒蛋够滑，多士够香，奶茶甜左d！正，推荐！服务都几好，非常推荐，值得经常去的好地方。食个早餐，睇下IG，听下音乐，美好一天的开始。…查看更多

華星冰室已經垂涎好耐啦。一直唔得閒去食。開咗幾個分店。睇咗大家嘅食評。仲係撿灣仔個間穩陣D。畢竟第一次食。。華星嘅炒蛋出嗮名。所以我點一個「炒蛋多士」炒蛋好Q滑。多士烤嘅啱啱好。炒蛋落埋多士上。好食爆。仲諗食一個「校長多士」。真係太飽啦。食唔落喇。下次吧。…查看更多

企鵝近來很饞「校長多士」的味道。所以假期早上，帶媽媽到灣仔華星冰室吃早餐。媽媽未來過。炎炎早上，她離遠看到冰室門外 (話短唔短) 的人龍，瞄了瞄企鵝。企鵝假裝不知，笑著去排隊。幸好，門口的侍應一眼關七，迅速地安排客人就座，人龍一直向前走，我們只排了數分鐘就可以進去。我們坐單邊卡位。媽媽上下看著餐牌，拿不定主意。最後(參考了各位食評的) 企鵝點了: (1) 校長多士 (2) 炒蛋多士 (3) 壇島咖啡 及 (4) 熱柚子蜜同枱的一對夫妻走了，另一對夫妻坐下。過了一會，大家的早餐都到了～壇島咖啡(HK$19) (喔，感謝對面的夫妻點了「老外早餐」，好讓企鵝見識見識。看上去十分豐富，絕對是all-day breakfast/brunch的好選擇！）言歸正傳咖啡入口奶味有點重，企鵝加了一匙糖。不錯，但下次企鵝試會啡走或茶走。炒蛋多士(HK$20) 好好味呀！意料之外！企鵝慶幸自己有看大家的食評！華星冰室果然用心做好炒蛋！放眼一看，差不多每枱都有點炒蛋！厚厚的炒蛋躺在塗了牛油的厚多士上，暖暖的炒蛋很滑，感覺蛋是一大片的。不會過熟，不老，不會一舊舊實的的。不好意思，吃一份炒蛋多士拍了那麼多張照片。每一啖都有滿滿的炒蛋，吃到最後，炒蛋已差不多跌出多士。這份多士令人很滿足！校長多士 (HK$25)牆上海報上寫著 "校長多士 年年廿五 永不加價"(企鵝二曾告訴我這份多士是以譚詠麟為名，因為他很喜歡食)anyway, 這份多士的確特別濃濃的黑松露配上芝士焗，一上桌已經香味四溢。對面的先生忽然問我這是什麼名堂，說他們下次要點。每一口都是齒頰留香的滿足！推介喜歡黑松露的朋友一試！…查看更多

華星嘅多士同埋三明治類嘅出品可以放心點來食，因為總係發揮出色品質有保證嘅！每次經過呢邊，如果方便嘅話都會來華星食d嘢，唔係幾驚艷，但係總係唔會失望，一如既往嘅味道！炒蛋多士，炒蛋黃橙橙一陣炒蛋味香噴噴嘅，雞蛋炒得好嫩，滑溜溜嘅，亦唔會有腥味，我個人最憎雞蛋嘅嗰种腥味喇！呢度嘅炒蛋絕對要試下。感覺我自己係去到邊度都係少唔倒熱奶茶同凍檸茶嘅，華星嘅奶茶，奶味濃茶味更濃，香到不得了，砂糖隨便妳＋唔＋，就算依家炎炎夏日，飲一啖熱奶茶，食一啖炒蛋多士，真係好歎！豬仔包烤得啱啱好，脆度適中，牛油好香。仲有嗰個軟硬沙爹牛肉包，真係唔錯，比較新奇嘅味道，牛肉餡好香，值得一試！…查看更多

週末最喜歡到不同的茶餐廳食早餐華星一向多人，幸好去到唔使等位雖然多人但侍應的態度都好好食物方面，叫左早餐（食到1200)本人唔好火腿所以叫左齋通，炒蛋同多士（走油），熱奶茶齋通黎到有少少硬但係湯底OK炒飛夠滑，份量亦頗多多士就夠香脆奶茶都好夠香夠滑，勝過唔少地方早餐$34 總括而言係值得食的早餐p.s. 可惜的是喺度遺留左一把防曬摭，但回頭已經俾人攞左，貪心的人，好自為之吧…查看更多

去書展前食定個早餐打底，估唔到都唔係等好耐，兩個人等左大概五至十分鐘就有位。叫左個常餐($36)同炒蛋多士，火腿通粉普通貨色，湯底無咩特別，通粉無話特別彈牙。成個餐最特別反而係杯凍奶茶，夠凍又夠香濃！好少街出面既奶茶加左咁多冰都唔會沖淡ｄ味，值得一讚！炒蛋多士比常餐既炒蛋更厚，建議鐘意食蛋既朋友可以直接叫炒蛋多士:-)除左杯奶茶真係無咩再黎多次既原因，不過都有興趣試下叉燒意粉既～…查看更多

華星冰室是我獨行午餐的常去熱點。原因有三：1. 食物水準穩定，出餐快2. 一人多數不用等位3. 鄰近集成中心的港鐵特惠站這裡只有一個常餐($34)，組合如下：炒蛋／煎蛋多士义燒／牛肉通粉或意粉飲品（凍飲加兩元）  炒蛋多士這裡的炒蛋滑得來有蛋香，兩塊火腿也不會只有咸味。兩塊多士用了厚多士。   牛肉通粉牛肉通粉用了清真牛肉，牛味香濃，但牛肉件數愈來愈少了。今天的通粉上枱時有些還連在一起，可見湯不夠熱。  熱檸檬茶茶味香濃，但最面的檸檬頭就不收貨了。 今天來食物水準下降了！侍應有禮，雖然忙但是做事十分勤快，值得表揚！…查看更多

今天生日，先在此祝自己生日快樂。 (雖然過了4個月才打這食評，但好吃的食物當然不是忘記)今天要到長洲，乘船前特地來到這華星冰室，當作自己慶祝生日的前奏。在灣仔地鐵站走了10分鐘，來到克街，華星冰室四字立刻映入眼簾。十一時正，我走進這充滿懷舊氣息的冰室。伙計很快招呼我坐到卡位上，這時冰室內只有數人。我特地選這個時候來，因為上班一族都已上班。看著冰室特色的裝潢，牆身貼著不同類型的海報，真有風味。看過餐牌後，我向伙計叫了一個早餐，還有一份西多士。(西多士是我到每間冰室必選的)叫餐後，伙計迅速地將刀和匙羹，還有一張電糕筒狀的抹巾放到我的餐桌上。過了一會，一杯香噴噴的熱奶茶放到我的餐桌上。先嗅一下，果然很有茶味。再試一口，果真"好飲"。除了充滿濃郁的茶香，奶香更不缺少，奶茶在口中很滑，真是一流的享受。(不要說我誇張，這真是的的感受呀)接著，火腿通粉、炒蛋多士和西多都逐一上桌了。早前在Openrice已經知道這間華星冰室的炒蛋多士甚有好評，那我當然先試炒蛋多士啦。味道還好，但始終不及某一間什麼牛奶公司的滑。但味道很好，有牛奶的味道。多士則普通，頗為脆。接著，再試西多士。吃了一口後，我只好說一個字，「好」。西多士很厚身，皮脆內熱。加上牛油和蜜糖，真是絕配。這西多士真的做得很不錯，以後有機會一定再抽空來吃。最後，吃的是火腿通粉。這個不是很特別，普通，但通粉不是很軟的，所以很合我口味。眼看人流愈來愈多，我也不好意思坐在這了，讓其他客人嘗試這裡的美食，和感受這裡獨有的一種古舊冰室感。雖然華星冰室豎立在高樓林立的灣仔，但是這間冰室也不失它那種獨有的風格。…查看更多

由以前早餐二十蚊有找, 到而家接近午餐價錢, 可想而知早餐起香港人心目中已佔一個好重要既地位, 唔知係大家已經改變咗唔食早餐既概念, 定還是現時既早餐越黎越吸引, 越黎越會包裝呢? 炒蛋多士配通粉加飲品已經唔使朝早11點前趕頭趕命入去問"仲有冇早餐?"先可以食到了, 午餐, 下午茶都有得咁食. 當然如果你可以11點前去食的話, 就可以慳番幾蚊! 不過我認為都係早餐岩feel啲, 下午茶還是當晚餐食總係有點怪. 一早起身就係為咗去一年一度前世未迫過既動漫節, 準備入去迫之前, 都係嘆番個早晨全餐叉足電先. 去開灣仔, 就梗係搵番間又係起灣仔既餐廳啦, 橫樹又未食過, 離地鐵站都唔算遠, 就揀華星冰室. 起我領導之下, 就算幾隔攝, 都難唔到我既又無我想像中咁多人, 唔係處於繁忙階段, 環境尚算舒服. 大少諗到華星的命名會唔會同華星唱片有關係, 唔講都唔知, 聽落有啲似! 周圍有歌手明星既poster, 又有一塊簽滿名既board, 係都唔出奇呢!食早餐有樣好, 唔使多揀! "炒蛋多士, 火腿通粉, 熱奶茶丫唔該"炒蛋多士炒蛋好滑, 多士烘有少許脆口, 牛油在剛烘起的多士的餘溫上溶化, 多士夠厚, 夠企身, 夠承托力可以將炒蛋放在多士上, 一啖咬落去, 非常豐富.火腿通粉火腿有少許鞋, 相對地較硬, 同通粉質地唔夠融洽, 食落去口感唔係太夾, 味道尚算可以. 熱奶茶 我喱排越飲越濃, 反而唔鐘意太多奶味, 不過通常第一次飲都唔會叫少奶, 唔知師父落手重唔重. 無少奶既情況下, 我都飲到夠茶味, 不過可能我重口味, 都係覺得奶味少許重. 唔會有一個完美既早餐, 你可能會鐘意喱度既炒蛋, 鐘意隔離既通粉, 鐘意對面既奶茶, 鐘意斜對面既環境, 每間餐廳都有佢獨有之處, 唔一定要每樣做得好先得你芳心, 只要有一樣野係令你回味無窮, 唔只係食物, 環境或者係一份感情都可以吸引到你, 就算其他做得唔算太出色, 你仍然會對此店念念不忘, 喱啲就係每間餐廳獨有既生存之道. 食飽飽, 出發去迫喇! …查看更多

我有時都會偷懶，遲起身，但又想食個早餐，看看手錶，11點半，心裡歎息餐廳的餐牌都轉了午餐了。突然間，因上次Spoil Cafe而被拋棄的華星在腦海中閃過，令身在灣仔的我想起還有港島的澳牛! 我以為華星的門面會好似澳牛一樣十分光鮮，很容易便會認出，誰知我在克街來回走了一遍才發現她! 幸好，即使迷路，到達時還是11點49分，我仍可以食個早餐 可能今日是閒日，尚有不少空位，基本上，跟在澳牛一樣，沒有怎樣看過餐牌就要︰多士走油、火腿通、熱奶茶﹗幫我下單的侍應真的有時面善，難道是從澳牛挖角過來的嗎﹖環觀四周的牆，果然貼了不少明星的相或演唱會海報，聽聞陳奕迅有份投資華星，所以你的演唱會海報貼在最搶眼的位置??!!短短2分鐘，熱奶茶首先送上。華星其中一個gimmick是用北海道3.6牛乳，不過同時我見水吧有一罐罐的黑白淡奶，我面前的奶茶，應該是用黑白淡奶吧! 奶茶不算十分outstanding，但茶味香濃，帶有微微的澀味，滑口，比澳牛優勝。再來的是火腿通，我非常喜愛食茶餐廳的火腿通，特別是那種厚身通粉。輕輕灼過的火腿絲沒有令我失望；可惜通粉卻好像還未煮熟般，有點硬和半生熟的粉味，不合格主角果然是最後才登場﹗我立即棄通拿叉，試一口新鮮炒起的滑蛋﹗澳牛的炒蛋是全熟的，而華星的是還帶點點蛋汁。華星的炒蛋也是水準之作，不用怎樣嘴嚼，它經已滑到我喉嚨去了，感覺上還是澳牛的炒得較滑、更有層次；蛋味亦比不上澳牛，可能澳牛用上嘉美雞蛋，可能華星加入3.6牛乳(對味道牛奶有點敏感的我吃不出牛奶味)，華星始終不及老大哥。多士卻比澳牛來得鬆軟有彈性，亦是近年來一片最好的厚多士，配上炒蛋確實一流﹗在華星，雖然整份早餐在5分鐘之內到齊，但完全沒有澳牛那快速忽忙的感覺。其他食客悠閒地看報用餐，但我可能習憤澳牛9秒9，不自覺吃得很快 將來又懶惰時，再來過!…查看更多

呢間明星茶餐廳絕對係用上某佐敦餐廳的成功要訣，炒蛋、多士、速度怏。整體來講，絕對合格，不過始終有少少距離，炒蛋固然好味，但牛肉意粉更好，呢到由叉燒轉牛肉係唔駛加錢的，再配上一杯由北海道3.6牛奶沖成既凍奶茶，實在叫好。詳細資料：http://hk.myblog.yahoo.com/zysk-c/article?mid=800…查看更多

今曰去咗灣仔區嘅華星冰室食嘢!好有懷舊色彩的冰室不知這間冰室是否前華星唱片公司工作人員開的!其實餐牌並不是有大多選擇!但常餐係最抵食的!所以我們兩個人也order常餐常餐包括:炒蛋多士,牛肉通粉及飲品一杯.另外見有奶油豬仔包,也忍不住叫一個!好彩都幾好味牛肉通粉的牛肉好軟淋,只可惜太少了最靚係個炒蛋,好滑好滑呢兩個人共吃了HKD70,已經好飽好飽啦…查看更多

17/3/2010 (星期三)晚上有事要去灣仔，事前睇過 Open Rice 的網頁，經過呢間人氣食店，就走去試人氣之選炒蛋多士，再加我至愛的凍檸茶。炒蛋多士： 炒蛋好滑，有蛋味，都有蛋汁，非常美味，係我食過最好味的炒蛋，多士好厚，加咗牛油更加香。侍應的服務好好，店內的環境是一般茶餐廳的格局，地方整潔，有卡位，坐得舒服。…查看更多

食過澳牛同華星佢地既炒蛋我自己覺得華星既炒蛋好食呀!有牛奶味有蛋汁炒得唔老係多士爭左少少多士唔夠脆口同好少牛油食落有少少爭咁d野咁不過整體好唔錯呀…查看更多