有口福

又到咗天氣轉涼的季節，最好就係去食下啲熱野，雞煲、羊腩煲、酸菜魚等等都係呢啲天氣必食嘅菜式👍今日出去九龍城，去我平時都有幫襯開嘅一間食店，佢嘅酸菜魚同埋川味小炒非常有風味每次嚟到必定點嘅酸菜魚😍魚片厚切，有口感；湯底酸酸辣辣之餘，仲有花椒八角之類嘅藥材，令到湯底「酸」中有「辣」，「辣」中有「麻」，有風味😍呢個胡椒豬肚雞煲嘅湯底亦都非常香濃，有淡淡的藥材味、加上鮮嫩的雞肉，非常補身👍呢個鮮蝦滑，我係非常驚喜，因為入邊竟然有好多原隻蝦粒爽口彈牙有鮮味，必試👍新鮮炸響鈴，鬆脆之餘仲帶咗少少豆香味👍水晶粉炒得幾乾身，爽口煙銀，每次嚟都會叫總體來講，除咗鎮店之寶嘅酸菜魚之外，其他菜式都幾有風味，價錢合理，可以一試…查看更多

屯馬開通真的很興奮～令到好多人都會黎多左九龍城🤣我都唔例外～本來一心想黎九龍城食泰國菜，點知行過有口福比佢嘅香氣吸引到🤤🤤雙腳就好自然咁行左入去啦😌❤️-見到佢嘅Menu就知道呢道嘅食物應該都係幾正宗嘅川菜！有烤魚、雞煲、酸菜魚等等😋如果唔係得兩個人，真係想樣樣都試哂吖😍-1.香辣雞煲$288/1隻 8.5/10🐔雞煲嘅份量絕對對得起佢嘅價錢😋呢到嘅雞煲食落係另一翻風味❤️好欣賞就算我地唔係嗌打邊爐嘅雞煲都會比個爐熱住咁食😙而且係用陶瓷煲，唔洗擔心會痴底🤣雞煲食落去有少少好似羊腩煲汁嘅味道，同出面食嘅雞煲係唔同味道架👏🏻雞件全部都好厚肉，一啲都唔鞋👍🏻成個煲仲要有好多醬汁，如果點埋響鈴黎食真係冇得頂😁-2.炒水晶粉 $58 9/10🍜熱辣辣炒出黎😋😋水晶粉有得揀要辣定唔辣！絕對係唔食辣嘅朋友嘅福音❤️不過我覺得加辣會更加惹味😍好鍾意水晶粉嘅口感，煙煙韌韌，好有咬口👍🏻👍🏻加埋椰菜、紅蘿蔔同埋肉碎，成個粉好豐富😆🤤-3.脆椒雞軟骨 $88 9.5/10🐔鍾意食脆野嘅人一定要嗌！😋一開始我同朋友淨係食左啲雞軟骨，點知老闆行過叫我地一定要試埋啲辣椒🌶️啲辣椒都有炸過，唔算太辣，反而好薄好脆，食落勁香口😍而雞軟骨就全部都醃得好入味，炸得好Juicy🤤份量超大！CP值好高！如果叫呢個雞軟骨記得要食埋啲辣椒！唔好浪費😚-老闆同老闆娘都好熱情招待每個客人❤️係呢到食野仲有食川菜必備嘅天地一號同埋加多寶可以飲😍簡直係完美👏🏻所以去九龍城唔一定係食泰國菜，如果心思思想食辣野，一於試下有口福啦❤️…查看更多

身邊朋友同事強烈介紹下, 和同事來吃川菜, 酸菜魚是高質的!!!但其他小吃就真的比較一般老板娘服務很好, 會主動推介野食, 有食小店親切感小插曲: 被安排坐地下層, 廚房油煙很大, 胡椒味攻出來, 有家人坐正廚房對出頂吾住,一家大細趕緊離場先叫了酸菜魚加蠔, 魚質超軟超滑,超易入口少骨, 食得好方便, 留意叫菜時無講要咩辣, 會當叫小辣如果中意食蠔, 加蠔也是夾的, 始終魚才是主角XD蠔就只是陪襯品因為吾夠食再叫多一碟酸菜魚中辣, 對比之下, 中辣味道更勝一籌高度推介中辣雞軟骨好香口, 不辣, 但就偏鹹樟茶鴨肉質一般,但 不會很硬, 味道偏鹹同行有朋友不吃辣, 叫了不辣的炒水晶粉, 可當中途解辣, 味道就無咩特別肥腸食過更好食的就會覺得肉質一般, 好難咬, 不推介可以不用試XD最後口水雞是中途退回的, 因為太生了, 太多血實在吃不下去…查看更多

封關之前我都成日同朋友上深圳食好嘢深圳嘅酸菜魚係我其中比較鍾意食嘅菜式，而家冇得返深圳，今日我同朋友去九龍城食一間我覺得非常好食嘅酸菜魚這個酸菜魚無論是湯底、魚肉都做得非常出色👍首先湯底，當中酸味唔會蓋過辣味，配搭剛剛好，加上湯底飲得出有鮮魚湯嘅味道；重點係魚片全部都係『厚切』嘅魚片，肉質彈牙唔鬆散，而且有魚味，推薦爽口彈牙，唔會太黏，炒到好乾身👍初頭以為係一碟普普通通嘅炒菜，估唔到比想像中好食蔬菜新鮮爽口、鑊氣好夠，炒到好香，再加上略帶少少香辣，非常野味👍這款麻辣牛肉，略嫌肉質比較硬，但麻辣汁味道幾好，有辣味之餘仲有一點點麻這間店舖整體水準不錯，普遍菜式都好有鑊氣，特別係酸菜魚，非常值得一試…查看更多

喺九龍城多數人都係黎食泰菜，今次我就嚟食川菜， 其實之前黎已經試過打邊爐， 今次只叫餸食飯。本身想食水煮牛，但原來喺無，就叫咗個半隻 胡椒豬肚雞， 農家小炒肉， 川椒豬手, 炒水晶粉.辣椒豬肚雞，有得飲，有得食，雞肉嫩口，可以食完之後加湯打邊爐，但由於我唔打邊爐，就當係一個湯品。川椒豬手， 酸辣爽脆， 啖啖骨膠原， 好開胃， 而且感覺唔肥膩。 最重要係川椒豬手出面比較少有， 所以如果係呢度食飯我都會推介呢一個小食農家小炒肉係尖椒炒豬肉，好香口炒水晶粉 非常入味，彈牙，香麻油味，價錢平，很推介。總括來說，價錢超值，味道好。…查看更多

依排真係太多朋友都想撩我返大陸食辣野, 可惜時間就唔到, 為咗滿足我哋食辣烤魚癮, 就揀咗九龍城依間有口福了。雖然天氣咁熱食辣野真係有種自虐嘅感覺, 幸好餐廳冷氣夠大, 提供到較舒適嘅環境俾我哋進食。除咗辣野之外, 原來仲有好多好野食, 難怪我見大部份客人都跟店內職員很熟悉嘅感覺, 應該都係熟客多。最後我哋叫咗半條烤魚(麻辣 中辣)$178,  麻辣牛肉 $48, 重慶辣子雞$88, 炒水晶粉 $58, 炸嚮鈴 $48, 午餐肉 $45, 萵笋片 $45, 蓮藕片 $30, 薯仔片 $30, 仲有兩隻老闆介紹嘅燒聖子 $96。麻辣牛肉好惹味, 唔算好辣, 仲可以夾埋青瓜一齊食感覺無咁膩。重慶辣子雞就真係辣, 但係好香, 而且雞粒炸得好乾身, 就算放耐咗都有好爽脆嘅感覺。燒聖子雖然價錢唔平, 但係老闆真係無介紹錯, 鮮味十足嘅聖子上面有好多本人最喜歡嘅蒜蓉同小辣椒, 而且有少少帶甜嘅醬汁。真係好出色, 而且份量都好大隻嫁炒水晶粉好有鑊氣, 微辣, 令人食唔停口最後重口戲烤魚出場了,  魚上面放滿咗芽菜 、芫茜同蔥, 仲有好多腐皮, 真係好香。而且平時食其他店嘅烤魚都只有辣味, 而依間除咗辣之外仲有其他湯料味, 更加有層次。首先魚好滑又唔多骨,  另外一落蓮藕片同薯仔片就索晒啲湯味,  辣得好刺激午餐肉好厚身, 抵食!萵笋片好新鮮, 就算放係烤魚度煮都仲食到佢嘅清甜。最值得一讚配料就係炸嚮鈴, 真係即叫即炸嫁! 上枱時仲熱辣辣。而且好索湯。最後仲叫咗支竹庶茅根清吓口, 成張單都係$704咋, 食咁多野都只係$350一位, 真係好滿足嘅一餐。我見都幾多客人食胡椒豬肚雞, 又成功引到我要再黎幫襯。期待下次再黎試佢個胡椒豬肚雞鍋…查看更多