鮪世市場 (鴻威大廈)

之前幫襯過坑口店嘅外賣，覺得性價比幾高，壽司大大件，用料又新鮮！不過坑口店執咗就好耐無食過啦，今次嚟到旺角店食dinner，仍然覺得好高質，刺身壽司抵食又好食呀！🔸鮪世刺身盛 $298呢個刺身盛係必叫item，因為真係好抵食！有6款熱賣刺身，厚切又新鮮爽甜，超正！仲會附送茶碗蒸、麵豉湯同湯律～🔺三文魚好厚切，啖啖肉完全唔腥！平時唔算超鍾意食三文魚，但呢件口感好好，幾爽口好味！🔺中本鮪魚腩呢件中拖好好味！超新鮮無筋，魚味濃又爽甜！🔺油甘魚厚切大件，腍中帶爽，好味！🔺立魚薄切因為係薄切，有4件，呢款會點柚子醋汁食，帶出魚肉嘅鮮甜同清爽感！🔺日本帆立貝帆立貝好大粒，好爽甜！🔺特大赤海蝦超級大隻蝦！蝦肉好鮮甜，好好食！🔸厚切火炙鵝肝 $48必叫！燒得好好食！鵝肝大件油脂豐富，入口融化，軟棉棉好好食！怕太油就兩個人share一件啱啱好！🔸手握壽司🔺火炙帆立貝 $25🔺火炙左口魚裙邊 $18🔺火炙鰻魚 $18🔺特大赤海蝦 $16🔺北寄貝 $9🔺日本象拔蚌 $13🔺三文魚籽軍艦 $28全部壽司都大大件好足料！推薦火炙帆立貝、火炙左口魚裙邊同三文魚籽～ 帆立貝好大隻，爽甜可口！左口魚邊魚油豐富，軟嫩好味！三文魚籽份量多又大粒，爆汁好正！🔸芒芝芝蟹卷 $58🔸燒三文魚卷 $58叫咗呢兩款卷物試吓，好大件！比較鍾意芒芝芝，芒果夠甜，加埋cream cheese同軟殼蟹，又軟又脆，好好食！燒三文魚卷都唔錯，厚切大件燒得香！…查看更多

旺角花園街一段街道就有2間人氣高企的日本餐廳，平日Early Dinner時段都有一條人龍在店外，都以Menu都是以刺身、壽司為主，熱食單品則較少。這間雖然座位不多，但坐得還算舒適。是日被安排坐在吧位，看著師傅忙中有序，專注地為客人預備食物，還不時傳來火炙食材的魚油香，視覺和味覺同樣享受！鮪世刺身盛 $298是日精選的刺身盛附送麵豉湯、日式沙律和超嫩滑茶碗蒸，還有師傅精選的6款刺身各2片，包括三文魚、油甘魚、特大赤海蝦、帆立貝、中本鮪魚腩和深海池魚。每款都是大方厚切，CP值很不錯。特別是特大赤海蝦，是近排吃過數一數二的超大隻，不但晶瑩剔透，肉質更特別爽彈緊緻。中拖羅軟嫩肥美，魚油香四溢。足足超過1CM的厚切三文魚和帆立貝也很高質。燒三文魚卷 $58 | 香蔥鮪魚腩卷 $58卷物選擇不多，但勝在賣相吸引、份量足，也是Hot Item之一！比較之下，燒三文魚卷更得歡心，以火炙三文魚包裹著玉子、蟹柳和青瓜卷，還有三文魚籽，層次豐富又有三文魚的魚油香。三文魚腩 $18 | 火炙左口魚裙邊 $18 | 汁燒海鰻 $13日本帆立貝 $24 | 火炙帆立貝 $25 | 特大赤海蝦 $16單點壽司款式很多，新鮮足料，價錢親民。特別喜歡魚油爆發的火炙左口魚裙邊和三文魚腩。帆立貝厚切一大片，完整覆蓋壽司飯，鮮甜嫩滑。汁燒海鰻油脂豐富，無骨啖啖肉，燒汁甜香惹味，還帶一點點焦香。日本生蠔 — 仙鳳趾 $58幸運踏上限定單品的尾班車，鄰座客人晚一點Order已售罄！初試仙鳳趾這款日本生蠔，體積比預期中大隻，蠔肉肥美飽滿，口感嫩滑，味道濃郁，一點點的日本醋調味更能帶出生蠔的鮮甜和海水的鹹香。…查看更多

食得多連鎖迴轉壽司店或放題，有時都想食下其他野。今次同朋友揀左呢間日本餐廳，一旁是長吧枱，看到師傅低著頭即製壽司，感覺吸引。① 鮪世壽司盛 $2988件壽司由師傅發辦，有海膽，太刀魚，鮑魚，帆立貝，油甘魚，深海池魚，金目鯛及大拖。魚生都大件厚切，海膽軍艦亦好足料，每一啖都好有滿足感。跟餐仲有份沙律，茶碗蒸以及麵豉湯。②厚切火炙鵝肝 $48望住師傅用火槍將鵝肝燒熟，上枱望住件鵝肝滴晒油，真係好邪惡！但焦香加上入口溶化，真係好好食。③ 日本生蠔（大船渡蠔）$58生蠔都幾大隻肥美，上枱時見到落左醬油調味，食落沒有腥味。④ 本鮪赤身Tuna $18⑤ 火炙左口魚裙邊 $18⑥自家制燒玉子 $9⑦火炙鰻魚 $18⑧蟹膏軍艦 $28⑨大本鮪魚腩 $48散叫左幾件壽司，大拖係食完壽司盛之後Encore！左口魚裙邊油脂豐富，入口溶化。燒玉子亦厚身，咬落唔會好實。①⓪厚切金目鯛刺身 $88呢兩片金目鯛刺身係炙燒過，食落幾有油香味。…查看更多

為咗感謝我嘅朋友幫手處理公司嘅麻煩嘢🙏🏻~所以約咗個便利嘅地點食下日本嘢😋~呢間餐廳細細,主要都係bar檯位,可以睇到啲師傅們準備菜式~呢個壽司拼盤有八款時令壽司🍣,我哋今次有海膽,鮑魚,帶子等等🐟~全部都好新鮮,壽司飯好軟熟又夠黏🍙~另外點咗去食日本嘢必點嘅三文魚籽!三文魚籽都幾多,非常鮮甜👍~左口魚裙邊又係我好鍾意食嘅,燒香咗好香魚油🔥~呢度啲刺身都幾抵食,呢個價有兩隻特大赤海蝦🦐,有成隻手掌咁長!蝦頭多膏,而且好鮮~帆立貝都好鮮味,一粒開成兩片啖啖肉~我幾鍾意食赤貝,呢度嘅唔會太血腥味🩸~見到佢哋有生蠔當然要嗌啦🦪,同朋友一人一隻好肥大肉厚~加咗少少酸酸地嘅醬汁,令個肉嘅感覺更清爽~我哋仲叫咗一人一杯啤酒🍻,摸住杯底傾心事真係爽~食到差不多八點就開始多人等位👯👯‍♀️,所以想嚟食就要趁早或者book定位啦☎️~…查看更多

「鮪世市場」係將軍澳開店嘅時候我已經幫襯，該店座位唔多，即使每次要排隊都無阻我嘅雅興。其後佢搬大舖，搬咗去旺角花園街，我之前食過一次晏，發覺水準保持到👍，所以就約埋朋友晚市再食過。呢度環境唔錯，雖然話間舖大咗，不過座位都係得廿幾個左右，而其中有一邊係吧枱位，可以睇住師傅搓壽司👨🏻‍🍳，就好似貴價料理店一樣，哈哈。餐廳採用QR Code落單，非常方便📲。如果唔係太多客人，我建議分開幾次嗌，咁就可以即整即食，確保喺最佳狀態下食用。壽司賣相好得🍣，醋飯微暖，酸度適中，而且魚生普遍都切得大塊。壽司款式繁多，定價有平有貴，無論想平食定豪食都得，豐儉由人。比較經濟、大件夾抵食嘅代表有特大赤海蝦($9)、北寄貝($9)同三文魚腩($12)。🦐赤海蝦口感綿得嚟又帶少少爽口。海鹽輕燒大本鮪魚腩($48)，🐟鮪魚即係呑拿魚，鮪魚腩肥美，用上海鹽輕燒，我覺得比起就咁食拖羅更有層次，而且一啲都唔腥。🔥火炙系列一向係我嘅最愛，我哋見住師傳火炙得好有心機，所以每片魚生都燒得均勻，而且用芝士沙律醬調味唔會過火，無蓋過海鮮本身嘅味道。圖中嘅係火炙三文魚($9)以及火炙三文魚腩($18)，兩款三文魚味道分別其實唔太大，當然魚腩油脂就強啲。另外兩款火炙壽司係火炙帆立貝($24)同火炙左口魚裙邊($16)，🐚帆立貝夠厚切，肉質細嫩又鮮味。當年我第一次食左口魚邊就係喺將軍澳店，炙燒後將魚嘅油脂迫晒出嚟，其他地方做唔到同樣效果，到而家我都覺得鮪世嘅出品係世一🥇。厚切火炙鵝肝($48)，壽司店嘅鵝肝竟然可媲美酒店西餐嘅水準🤤。首先鵝肝又厚又大塊，炙燒完之後變成外脆內軟，完美演繹何謂入口即溶。食落有少少漏，不過最重要係唔腥，亦無膶味。伴旁嘅自家制燒玉子($9)，則屬正常水平，甜度適中，而且印上店舖招牌「鮪」字。鍾意食壽司飯嘅我都嗌咗兩款刺身，分貝係北海道白鳥貝($36)以及磯煮鮑魚($38)。白鳥貝肉身雪白有光澤⚪️，肉質爽嫩，同北寄貝有啲似，但就再滑身啲。鮑魚比起壽司嗰隻好似大啲啲，肉質唔嚡，但磯燒味就可以再濃啲。有紫菜嘅卷物同壽司算係另一類別🍙，我哋要咗炸軟殼蟹手卷($38)、芝士飛魚子軍艦($13)同蟹膏軍艦($24)。兩件軍艦冇乜驚喜，但塊紫菜係新鮮同脆嘅。手卷真材實料，入面包裹半邊軟殼蟹🦀，炸至金黃酥脆。北海道海鹽炸甜蝦($58)，🍤炸物嘅製造時間相對較耐，我哋仲以為漏咗單。炸甜蝦保留咗甜蝦嘅鮮甜，而且炸完之後就連個頭都可以食埋，並同時散發燒蝦嘅香氣。日式燉蛋($22)，🥚茶碗蒸都OK，起碼蒸蛋夠滑溜，又幾足料，但高湯味比較淡，唔夠某連鎖店好食。東京人氣芝士蛋糕($22)，我相信甜品唔係餐廳自製，係入貨嘅，開初以為係普通料，但都幾好食。🧀忌廉芝士軟滑，蛋糕面帶微微焦香。我哋食咗超多嘢，綜合而言，我評價最高嘅三款係1️⃣厚切火炙鵝肝、2️⃣火炙三文魚腩同埋3️⃣火炙左口魚裙邊。總括嚟講，鮪世市場絕對不容錯過🎌，食材質素不俗，師傅有功架，而客人亦唔需要用昂貴嘅價錢就可以體驗到。我認為餐廳值得推介！…查看更多

平時都好少食生冷野，但係今日偏偏比呢間日本壽司店吸引咗，因為可以用較平嘅價錢得到我媽家姐嘅享受，因為師傅會喺你面前握壽司，所以喺度食唔單只係食壽司咁簡單，仲可以體會埋餐廳嘅服務，性價比相當高話明今日要體驗我媽家姐，第一道菜當然要食茶碗蒸啦，呢個價錢有呢個質素，我係相當滿意，入邊有鮮菇、蟹柳、名門卷，蛋都整得相當滑溜佢嘅壽司set一set有六件壽司，全部食材都係由日本空運到港，所以材料係非常新鮮，而且會不斷轉款，可以話係不時不食咁師傅就建議我哋由前面嘅壽司開始食起，有深海池魚、金目鯛、大拖羅、秋刀魚、帆立貝、海膽壽司粉嫩嘅大拖羅一直都係我嘅至愛，因為佢係入口即溶，而且一啲根都冇帆立貝上面多咗一小塊青檸片，令到成個口感多種一種清新嘅味道而海膽係非常飽滿，係個口入邊不斷翻騰，海膽嘅味道係可以keep到好耐食完啲咁濃味嘅款式，當然要飲啖茶，清一清個口，再食下一度壽司，左口魚邊輕輕一燒，迫咗佢部份嘅魚油出嚟，令到成件魚更加香香蔥本鮪魚腩軍艦$24、芥辣八爪魚軍艦$9、飛魚子軍艦$9呢款鵝肝壽司就唔係真係度度都有，鵝肝有燒過嘅痕跡，而且油份豐富，配埋壽司飯團食就可以中和返個油份最後甜品仲食埋芝士蛋糕，而且餐廳服務水準相當高，所以今餐真係非常完美…查看更多

新店座位終於多啲😍除佐有吧枱可以望住師傅整壽司🍣 仲有2-3張4人枱🙈 可以容納到多啲人～旺角店丼飯選擇比較少 暫時全部都以鮪魚為主 所以我地就主攻返係壽司🍣.▫️自家燒玉子 $9▫️火炙三文魚 $9▫️三文魚腩 $18食落好肥美 有三文魚果陣鮮味😚▫️特大赤海蝦 $12我首選!! 最鐘意係蝦壽司😍 竟然會鮮甜過甜蝦bb💕更加滑嘟嘟同有口感😚 ▫️火炙左口魚裙邊 $12之前都唔食左口魚 但有次食完就愛上佐😍 依件真係入口即溶 輕輕燒過魚油味更香 勁重油脂感～ 推推🤤▫️墨魚 $12食落好滑溜好通透 唔會話好假好膠果種▫️日本帆立貝 $18▫️火炙帆立貝 $18帆立貝狂迷表示十級滿意!! 大大粒好飽滿之餘 仲食到好鮮甜同爽口🤤▫️蟹膏軍艦 $24蟹膏真係次次都無得輸😛 鮮味恰到好處▫️甜蝦刺身 $28比起海蝦 反而有啲腥🥲 留返quota比赤海蝦bb🤭▫️葱吞拿魚腩手卷 $28偷食佐frd一口 加佐葱花同芝麻去點綴 吞拿魚味唔會好腥 ▫️海膽手卷 $38勁大pat新鮮海膽 味道剛好 好creamy滑溜 又唔會話太腥同有陣臭膽味🙆🏼‍♀️.▫️日本cheesecake $22之前開業所以食滿300蚊就送😍幾好食 唔係d cheapcheap貨仔芝士味都好香同口感輕盈🥰 有甜品食埋超幸福der.壽司飯食落唔易散 大小都剛好 但紫菜就略嫌唔夠脆身😶落佐order都好快就已經有得食😚刺身方面全部都好新鮮同肥美唔會有好腥果種口感個人最推係赤海蝦 左口魚同帆立貝😍依三款我地都有再encore～～～價錢黎講都合理 唔怪得長龍都人氣爆棚🙈我地3個人食佐600幾蚊都已經好飽🙆🏼‍♀️…查看更多