御品·千之味 (振萬廣場)

💛 #觀塘 #千之味 #御品千之味收工想外賣啲嘢返屋企食，最好就係嚟御品千之味買壽司喇😚 今次就揀咗兩個壽司餐再加個牛肉飯返去同爸媽食😚 其實呢度都好闊落好多堂食座位㗎😋🔥 火炙壽司餐(10件）（$105）🍣 壽司餐(10件）（$103）壽司件件都脹卜卜好大件🤩 啲魚都好肥美又夠新鮮，我鍾意火炙多啲，特別係鰻魚，夠香口😆！ 普通壽司餐就最鍾意三文魚，好大件好肥美😋🐮 燒汁牛肉飯定食 （$78）咁平嘅晚餐竟然都有咁多牛肉，而且感覺好鮮美，唔會好多味精嘅感覺💓 珍珠米飯都好好味🥰…查看更多

喺觀塘碼頭附近開完會，順便睇吓有乜餐廳買埋外賣返屋企做晚餐，喺振萬廣場見到呢間御品·千之味。咁耐無返過鄉下，即刻試一試先。未入到餐廳，已經見到教主喺門口歡迎👏可以用手機落單到簡單方便，落完單師傅即時製作。🐟五色丼 (💰$98)[三文魚2件 吞拿魚赤身2件 油甘魚2件 赤蝦1件 三文魚籽1份]性價比滿分嘅丼飯！睇相你已經見到啲魚生密鋪平面，好新鮮，好味。睇落去以為好少飯，估唔到下面都唔少，男士都可以食得飽飽！🐟火炙壽司餐 (💰$105)[北寄貝, 八爪魚, 龍蝦沙律, 玉子, 吞拿魚沙律, 火炙三文魚腩, 火炙左口魚邊, 火炙三文魚, 火炙鰻魚, 火炙熟蝦]唔鍾意食刺身壽司嘅朋友就一定要嗌呢個。唔生之餘又唔會燒得熟得滯，師傅手勢好好👍！龍蝦沙律同吞拿魚沙律足料到嚇親，直程可以一件做出邊嘅兩件！🐟雙色三文魚丼(💰$65)[三文魚刺身, 火炙三文魚]睇相就知係三文魚刺身加火炙三文魚，生食熟食都好正，厚切之餘又夠晒肥美。三文魚愛好者必選！🐟沙律&螺肉(+💰$8)🐟吉列生蠔(2隻, +💰$20)我仲分別加咗沙律&螺肉(💰$8)同埋2隻吉列生蠔(💰$20)，即叫即炸，新鮮脆口！除咗魚生非常新鮮，火炙手勢好，啲飯軟硬度剛剛好，值得一讚。一個set包一罐飲品，除咗一般嘅可樂雪碧，當然仲有教主代言嘅OOHA！店入面整潔，店員禮貌。值得一提嘅係佢哋除咗午餐晚餐set，仲有好多刺身同壽司盛盒，絕對適合開party食，絕對唔失禮，價錢有優惠。御品·千之味有外賣送貨，而且有會員儲分。啲積分可以當現金用，而且有效期係180日，真係叫多幾次都唔怕。🐟 觀塘榮業街2號振萬廣場地下G號舖 🐟🐟 Tel 2669 4726 🐟…查看更多

抵食高質刺身壽司外賣>>> 御品·千之味 (觀塘振萬廣場) <<<冇得再work from home，又一日係公司忙到反艇，唯有喺公司附近發掘下啲外賣晚餐，食完繼續做。諗住食下日本好西，嚟咗呢間成日經過嘅刺身壽司店買外賣 > 御品·千之味 <。三條友仔揀咗三個晚市餐，分別係 “五色丼 ($98)”，”10件壽司餐($103)” 同 “火炙壽司餐 ($105)” 。>>> 五色丼 <<<三文魚 / 吞拿魚赤身 / 油甘魚 / 赤蝦 / 三文魚籽齋睇相你都應該睇到啲刺身有幾新鮮。重有睇落去以為好少飯，原來係啲餸太多就黎遮住曬。好好味而且夠曬飽，性價比100分！！！鍾意食魚生又想有飯嘅朋友一定要嗌呢個餐。>>> 10件壽司餐 <<<三文魚 / 三文魚 / 油甘魚 / 白身魚 / 赤蝦 / 吞拿魚 / 蟹子 / 熟蝦 / 玉子 / 鰻魚唔鍾意成碗飯咁樣食，揀呢個壽司餐就無錯。啲料一樣咁新鮮同大件，唔會話魚生細細，飯就大大，塞飽你就算。個人最鍾意都係赤蝦 >>> 火炙壽司餐 <<<火炙三文魚腩 / 火炙左口魚邊 / 火炙三文魚 / 火炙鰻魚 / 火炙熟蝦 /北寄貝 / 八爪魚 / 龍蝦沙律 / 吞拿魚沙律 / 玉子身邊一定有朋友或者同事唔鍾意食全生嘢 XD 呢個火炙壽司餐可以話係佢哋嘅恩物。手勢幾好，唔會話燒燶曬。最正係三文魚腩～肥美！呢啲set除咗魚生非常新鮮，啲飯都值得一讚，軟硬度剛剛好。一個set仲包一罐嘢飲添，有教主Anson Lo代言嘅OOHA汽水揀添！店入面都幾整潔，店員有禮貌，遲啲有時間希望可以坐喺舖頭嘆下刺身set，有好多唔同選擇！又或者幫埋同事一齊買，可以儲分做會員 XD 見到佢哋做好多外賣單，不過師傅都幾手快，點完餐到拎到都唔使等好耐。遲啲夏天唔想落樓，都可以考慮。>>> https://s.openrice.com/QrbS0yRz2W0~uO7p6Aw <<<>>> 觀塘榮業街2號振萬廣場地下G號舖 <<<>>> Tel 2669 4726 <<<…查看更多