二家姐正宗原味麻辣火鍋

又同班老死相約食飯，好耐無打麻辣邊爐，見呢間有咁多特式配料，加上係好喜歡嘅麻辣火鍋，貪新鮮就試一試佢。一入到去，佢原來分左兩間舖，我訂左位，佢就叫我去對面坐，咁啱落完大雨，好在行過去唔洗濕身。坐低左，好大冷氣，可能諗住打邊爐啲人會好熱掛，揀左好多野食下，但飲品方面比較遜色，都係得啲罐裝樽裝飲品，如果有啲自家制飲品會加分。因為有一個朋友唔係好食得辣，我地揀左清湯同麻辣小辣湯底，但清湯都有味，仲幾好味，相反個小辣一啲都唔辣，藥材味重，但好淡味，要點豉油辣椒蒜蓉先有味:(係可以一試，多人食會抵啲，人均唔算貴。但飲品同湯底嘅進步空間仲有不少。…查看更多

這火鍋好多客人推薦話好美味又豐富又多選擇，今日同男朋友黎品嚐！環境以中國風為主，座位舒適、有大堂及獨立房間選擇，對面就有另一間分店，一定有位啦！在每張枱腳下有籃子可放袋子好貼心，服務員姐姐友善親切，落單收碟上菜都好快！1. 正宗重慶麻辣火鍋（少辣）好多紅椒、麻籽、莖蔥等，好香麻好地道！配肉類及海鮮類一流！更有鴛鴦鍋、黃酒雞鍋、香茜皮蛋湯底，好吸引！下次一定要試！2. 前菜小點（八寶豆腐）有麻辣小食及拌酒小菜前菜，好正喔！男朋友點了這個即點即炸脆卜卜的外脆內軟嫩的豆腐，咸咸香香好味道，但要小心燙口！3. 火鍋材料選擇好種類，有：海鮮、牛、豬、內臟、丸類、菇類、蔬菜、粉麵等等，包羅萬有！火鍋當然必點肥牛，牛肉都有不同部分及級數，如：頂級生牛肉、本地超級靚牛、安格斯牛脊肉、更有牛粒、牛胸爽、牛舌片等等，今次選了高級安格斯牛頸脊（大份），顏色紅紅好新鮮好吸引，紋理好靚而且口感一流，軟腍無筋口感的薄片牛肉，牛味更是濃郁！推介！另外點了爽口鮮蝦豬肉雲吞及湯包子6小粒皮滑又薄、內包著豬肉香滑及爽口大蝦好入味；點了特式湯包子，包餡湯汁滿滿、豬肉好香、包子外皮又不會硬身，不過湯汁好滿要小心太熱！推薦瀨尿蝦墨魚丸好特色的丸，以墨魚丸包著全隻去殼瀨尿蝦，外面彈口墨魚肉即爽口美味，瀨尿蝦肉好有蝦味，放入麻辣湯底更香；甜粟米及油麥菜都好味道，但覺得放在豬骨或其他鮮甜湯底更夾！所以下次要試試鴛鴦鍋（見客人是大鍋中加了一個另一湯式的中間小圓鍋）飲品烏龍茶及自家製山楂甘草茶烏龍茶是夠凍的津路、自製山楂甘草茶酸酸甜甜、好開胃好飲…查看更多

🥘重慶麻辣鍋 $128雪花肥牛 $68白鱔片 $88炸魚皮 $38瀨尿蝦墨丸 $88-1️⃣ 🥘重慶麻辣鍋⭐️⭐️⭐️⭐️招牌湯底！因為我食辣唔勁但勁中意麻，所以叫左小辣多麻，一開始見到真係同平時食重慶鍋既一樣，紅卜卜成個湯都，同都幾辣，反而煲耐左之後麻味蓋番過辣味，就岩岩好了😍/2️⃣ 瀨尿蝦墨丸［滿星］⭐️⭐️⭐️⭐️⭐️‼️墨丸包住隻小瀨尿蝦，墨丸同瀨尿蝦依個組合好新穎，估唔到好夾，墨丸彈牙，瀨尿蝦新鮮。/3️⃣ 白鱔片 ［滿星］⭐️⭐️⭐️⭐️⭐️‼️新鮮、爽口，平時岀面食既都係小骨，依個係冇骨同偏薄！-環境：7/10服務：7/10好味指數：7/10回頭率：7/10…查看更多

十分滿分, 是次用餐經驗分數為七分姐姐說了很久想吃重慶麻辣火鍋, 經朋友介紹就到二家姐正宗原味麻辣火鍋一試, 在AUSTIN站A出口大概行5-10分鐘就到了:)MENU重慶麻辣鴛鴦鍋 $118 麻辣鍋麻不俗, 辣度可自行挑選, 而我們選了的辣度是最小辣, 麻辣香味十分濃郁, 感覺先辣後麻, 有陣陣花椒香味瀨尿蝦墨丸 $88 每隻剝殼瀨尿蝦給墨魚丸包着, 一吃便知是好貨爽口彈牙又帶有鮮墨丸味, 原鮮爽美味秘製鮮牛肉 $ 88 肉質新鮮, 入口腍身又嫩滑, 灼得久了一些也不會嚡口其味和麻辣湯非常配合, 品嘗時毋須蘸點醬汁, 它是比一般的滑牛好吃, 單是麻辣味已覺得美味紅薯粉 $28我一直很喜歡吃這艇寬條紅薯粉, 不過對二家姐的紅薯粉卻有點小失望:(就是太軟身了…山渣甘草茶 $15 味道就還好, 不濃的山渣甘草味...最後想提提大家, 無論要不要醬汁, 他們都會收取每位$15的醬汁費, 姐姐就就類似是茶位錢, 是一定要收取的, 但同時亦想說說這間火鍋店由進食到結賬, 也沒有提供過任何一杯水或茶, 我覺得這點可以改善一下, 既然收了加一也收了醬汁費, 服務到位是十分重要的…查看更多

我都幾鐘意食辣野🌶，不過朋友就相反唔係太好食辣。於是我事前就上網先搵一搵有啲咩食，咁岩就搵到依一間火鍋店有麻辣鴛鴦鍋仲發現原來呢一間二家姐都出晒名，佢標榜係冇味精，冇老油。咁我地就去試吓！去到佐敦文英街會見到左右有兩間分店嘅，咁我哋就去咗比較大啲嗰一間。一入到去見到啲裝修好有心思同古式中國風味，而且店員仲會着住類似唐裝，好match 個裝修！另外佢仲好細心有個籃係張台下面，比客人放衫🧥同手袋👜避免阻住食野同吸味！🙊我哋坐低左就叫咗一個鴛鴦鍋，鍋外邊係麻辣而中間有個藥膳湯。至於配菜，我哋就叫咗瀨尿蝦墨丸🦐，呢個真係幾特別，因為佢係將啲墨魚滑🦑包住成隻賴尿蝦，爽口彈牙，仲好鮮味！仲估唔到佢有個懷舊陳皮魚蛋，就係我哋以前細個係街邊食嗰啲細細粒魚蛋，放係個火鍋淥淥下又幾好食！👍🏻仲有叫咗肥牛🐮，烏冬，同小湯包。小湯包相對就要淥得耐少少，佢唔係平時嗰啲薄皮小籠包，因為佢要放喺火鍋度，所以個皮比較厚先唔會爆開。🙊大約我哋兩個人食咗五百蚊已經勁飽！最後仲去左個廁所參觀下，因為先前上網睇過話佢有個黃金廁所，雖然我哋唔使去廁所，但忍唔住都入去𥄫𥄫！又真係裝修得幾華麗喎！…查看更多