牛品台式火鍋

营业中

休息中

餐廳：牛品台式火鍋地點：尖沙咀樂道菜式：台式火鍋放題餐牌：晚市有120分鐘放題，唔同餐做唔同價錢，包唔同種類數量肉類，唔同時間做唔同價錢。湯底包括元氣養生鍋、酸菜白肉鍋、牛品麻辣鍋、蕃茄濃湯鍋等。今晚食牛御品餐，假日前夕$339一位另加一。鮮活鮑魚每位送鮮活鮑魚一隻，連殼上，真係非常新鮮彈牙。QR code落單食物包括：美國牛小排：又嫩又有牛味美國頂級肩胛肉：同牛小排一樣好食美國封門柳：好厚切，有口感同咬口澳洲M9肩胛肉：同美國牛小排、美國頂級肩胛肉一樣好味精選美國牛胸腹：間肥間瘦，好邪惡加拿大頂級牛板腱牛脷心托一口和牛：好大粒，啖啖肉新西蘭羊卷肉：好嫩，少少羊酥味西班牙粟飼豬梅肉：又嫩，豬味又濃，仲彈牙添西班牙粟飼豬五花花雕醉雞件青口蝦蜆台灣墨魚仔其他QR code落單食物有：台式小食有好多款，有牛品牛三寶、皮蛋豆腐、麻辣鴨血、炸午餐肉、鹽酥雞、椒鹽蝦、炸花枝丸、台式甜不辣、炸地瓜丸等等。台灣直送食品有多款餃子、蝦滑、花枝漿、水蓮菜等。我第一次食水蓮菜，原來係好爽口，外形就好似蔥條或者通菜。青花椒和牛鍋湯底我地揀左青花椒和牛鍋，帶微微花椒辣味，打邊爐令食物好夠味，食到尾都仲有味，少少

簡約木系裝修，座位間隔寬敞，幾岩約朋友吹水聚會，2小時任食冇咁趕，仲可以慢慢嘆埋個台式甜品。套餐價錢豐儉由人，推薦最抵入座時間係6:30pm，最平$179就有。因為想試和牛，所以簡左牛御品，計埋加一，三百幾蚊就可以嘆到澳洲最高級別既M9和牛，等同日本最高級既A5牛，自己買最平都要一二百蚊得幾塊！本身以為有任食和牛，其他食材就會比差啲，點知有驚喜。好多食材由台灣直送，連湯底都係。試左元氣養生鍋同牛品秘製麻辣鍋，湯底本身材料豐富，尤其養生鍋，雞件多，仲要滾左一輪都唔嚡口，湯底有濃郁藥材味，面頭有層薄薄既雞油，感覺滋潤。私心推薦必食‼️準則係易回本又平時少見既😂🔸肉類：澳洲M9肩胛肉：油脂分佈均勻，肩胛位帶筋位，熟後彈嫩、有口感，非常薄切，食多幾塊都唔濟封門柳：打邊爐必食，成隻牛最重肉味既部位牛舌片：帶少許內臟味，熟後爽彈羊肉片：唔會過瘦，後勁帶羊羶味🔸海鮮：鮑魚：叫牛御品套餐送的，入口爽彈蜆：新鮮！肉有厚度，食落冇沙手工蝦滑/花枝漿：各加入大量蝦粒同花枝粒，增加口感🔸小食：椒鹽蝦：炸到可以連皮食，椒鹽味香五味墨魚仔：墨魚仔夠大粒，甜甜地又幾開胃麻辣鴨血：任食好正，鴨血軟滑，可以再麻辣啲。建議

入座前已經要揀定食咩套餐同湯底，牛御品吃到飽套餐最貴，不過多左M9和牛、安格斯一口牛、封門柳，決定一試☺️湯底方面有10款選擇，全部都用台灣直送湯料烹調，款款各有特色，例如剝皮辣椒雞、柴魚昆布、黑蒜黃金、沙茶海鮮等等，淡味/濃味 辣/唔辣都有得選擇，款款都好吸引呀~ 最後揀左鴛鴦鍋+$50，試試元氣養生鍋+酸菜白肉鍋。養生湯底好足料，將藥膳同雞完美結合💯就咁飲都正~ 酸菜白肉有啲似胡椒豬肚湯，比較開胃。一入座就有麻辣鴨血，意想不到地好食，麻辣汁好香好惹味，同鹹鹹的鴨血好夾，可一再encore每位送鮑魚或貢丸，好想知點解兩樣野落差咁大，所以叫左貢丸🙃原來唔係普通貢丸，係「棒球貢丸」，大粒到擺得落個碗再擺唔到其他野😳但肉質紮實得黎好彈牙，好好味好多汁💦牛肉方面，澳洲M9和牛肩胛肉確係唔錯，油花分布平均，而且切得好薄，淥幾秒就食得🤤美國頂級肩胛肉就比較實身小小，牛味濃之餘有小小咬口。安格斯一口牛係另一濃味之選，幾中意佢嘅口感，軟腍適中。仲有好多牛部位選擇，不過呢幾款特別出色👍🏻丸類方面推介墨汁墨魚丸同埋花枝漿👍🏻👍🏻👍🏻菜類方面有台灣水蓮菜，超多水份，清脆爽口帶淡淡蓮香。仲有心內美蘿蔔、台灣百

台式鴛鴦火鍋放題！同朋友一行四人最好就係打邊爐，可以坐足兩個鐘，慢慢食慢慢傾偈。不過呢度服務麻麻哋，到最後當兩個朋友去緊廁所嘅時候，服務員開始收拾，我哋解釋咗廁所排隊等好耐，佢哋返嚟我哋就會走，不過服務員堅持要我地幫朋友拎埋佢哋嘅隨行物品離開座位先，語氣有啲差。牛御品吃到飽套餐$299- 我哋六點鐘入座，星期六所以要加$20。我哋選擇鴛鴦鍋加$50，揀咗元氣養生同蕃茄濃湯鍋。養生鍋入面有好多藥材，湯底有少少苦，不過我接受到。呢個套餐包每人一隻鮮鮑魚，都幾彈牙。放題自助區有好多菜、丸、飲品揀。個人推薦桂花烏龍同白桃烏龍冷泡茶，幾清新，有助去一去火鍋嘅油膩感。澳洲M9肩胛肉- 喺云云咁多種肉類選擇之下，我哋幾個一致認為澳洲M9肩胛肉最好味，我哋encore左好多次。油花幾好，口感幾軟滑，牛肉味都重。推介！小吃- 炸魚皮、炸甜不辣都幾好味，叫一細碟share嚟食都唔錯。甜品- 差不多到最後服務員會俾張甜品紙俾我哋填，有得揀movenpick雪糕或者芋圓檸檬綠茶愛玉。愛玉好Q彈有檸檬茶嘅味，三色芋圓幾煙韌，味道唔假，都幾好食。