牛大人台灣火鍋吃到飽 (荷李活商業中心)

🙋🏻‍♂️餓底探員去咗旺角調查呢間台式火鍋店，餐廳走木系風格，環境闊落，由台灣師傅主理，主打台灣特色湯鍋及地道食材，供應多款吃到飽套餐，凡惠顧日本黑毛和牛A4+ 套餐，即送江蘇太湖大閘蟹，期間限定至2/12，要食就快喇🥩日本黑毛和牛A4+吃到飽 $458🙋🏻‍♂️表示套餐可以任食A4+和牛，伊比利亞黑毛豬梅肉，多款口味鮑魚，每位仲贈送海鮮拼盤，澳洲M9和牛牛丸同江蘇太湖大閘蟹一隻🍽️懷舊系列🦐蝦蝦霸霸脆多士｜🍐日本和牛橘梨伴豆腐👵🏻阿嬤豆乾魚蓉麵🙋🏻‍♂️表示將多款懷舊小食經典重現，帶來復刻體驗🦐蝦多士口感香脆，蝦肉鮮甜彈牙🍐香滑豆腐配上香嫩和牛同清甜橘梨，層次豐富👵🏻選用本地老字號永樂粉麵廠嘅素魚茸麵，麵質爽彈，配上鹹香豆乾同秘製蔥油，香氣撲鼻🍲鴛鴦鍋 +$50🦑聰明魷魚沙茶鍋｜👵🏻阿嬤養生濃湯鍋🙋🏻‍♂️表示兩款湯鍋一濃一鮮，令食材更入味更提鮮🦑沙茶醬配上芝麻醬為基底，味道超濃郁，配上魷魚同蜆肉增添鮮味，仲加入脂香嘅五花肉，木魚花同韭菜，令湯鍋層次感更豐富👵🏻以大骨原湯作基底，配以大量新鮮蔬菜，加入多種養生藥膳烹煮成，湯頭集鮮，濃，香，味道清甜，充滿回甘氣息🦀大閘蟹🙋🏻‍♂️表示套餐每位送江蘇太湖大閘蟹一隻，蟹膏非常澎湃，呈金黃色，味道甘甜鮮味🦐海鮮拼盤🙋🏻‍♂️表示海鮮拼盤有鮑魚，扇貝，蠔同魷魚多款時令海鮮，鮑魚爽口煙韌，扇貝鮮甜，蠔肉肥美，鮮魚彈牙🍡澳洲M9和牛牛丸🙋🏻‍♂️表示和牛牛丸口感爽彈，肉汁豐沛，味道鮮香濃郁🥩日本黑毛和牛A4+🙋🏻‍♂️表示選用日本產黑毛和牛，級別達A4+，油花非常豐富，肉質香軟入口即溶，充滿香濃牛味🦪鮑魚⚪️美乃滋鮑魚酥｜🟠柚子燒汁鮑魚｜🔴古法醉鮑魚🙋🏻‍♂️表示鮑魚有3款口味，各具特色⚪️口感酥脆，配上香滑美乃滋🟠口感酥脆，食落有清甜柚子味🔴口感香軟，充滿醇厚酒香🥭芒檸蜜西米爽🍋港式檸檬茶18+ $58🙋🏻‍♂️表示西米爽以檸蜜同芒果調配成，味道香甜又有粒粒西米，口感豐富，檸茶味道甘香夠地道，加入伏特加增添濃烈辛香，配搭特別📈吃貨指數😋好味度 9/10🔙返啅度 9/10…查看更多

💜最近又同Friend子去食牛大人，即日起至2/12晚市嚟🐮牛大人點選「🎌日本黑毛和牛A4+ 套餐」即送「🦀江蘇太湖大閘蟹🦀」一隻😍😍 啲大閘蟹好多蟹膏！🐮另外呢個餐可以任食A4+黑毛和牛，每一轉都係油花靚到暈，入口即化嘅質素！真係和牛愛好者必食！仲有伊比利亞黑毛豬梅肉、鮮甜鮑魚/鮑魚三吃任食，全部都好正，我食咗好多隻鮑魚😂🦪每位仲送一份海鮮拼盤同埋爆汁澳洲M9和牛丸2粒，海鮮全部都好新鮮鮮甜，和牛牛丸咬落去啲肉汁咇出嚟！🍲限時推出兩款限定湯底：我哋試咗「聰明魷魚沙茶鍋」，呢個湯底醬香濃厚豐富，非常鮮潤美味！所有特色湯底均以全天然食材製作，記得先喝湯後火鍋😋😋🍖必食台灣夜市小食有烏金墨汁手作腸、三和夜市雞皮卷、夜市撈脆薯、海苔鹽酥雞、滷味五香雞胗，滿滿嘅台灣旅行回憶😍😍🦐仲有蝦蝦霸霸脆多士，脆卜卜好香口🥰 日本和牛橘梨伴豆腐，清新前菜小吃。阿嬷豆乾魚蓉麵，選用香港老字號“永樂粉麵廠”粉麵，都係一個唔錯嘅選擇。🌮無論係台灣美食定係火鍋配料呢度嘅選擇都非常之多！豐富到暈😵‍💫🍺加錢仲可以任飲生啤同埋港式檸檬茶18+ 酒精特飲，打住邊爐同朋友暢飲仲正！👍🏻另外有新嘅滋味特飲：芒檸蜜西米爽，follow牛大人社交平台即刻請你飲🍹🍨甜品可以試下蜜桃愛玉冰，仲有必食嘅Movenpick雪糕都係任食！…查看更多

🤠卡肥前排唔乖，所以無帶佢出街。呢排生性咗，就俾佢浦返頭喇。帶返食肉獸出街，就哽係要俾佢狂食肉肉喇。📌要瘋狂食肉肉就莫過於《牛大人》終極套餐，唸起都興奮😆。📌今期流行，「聰明魷魚沙茶鍋」同「養生菇菌燉雞鍋」，所有特色湯底均以全天然食材製作，建議先喝湯後火鍋，可以先試真湯底真材實料的味道，就叫個鴛鴦鍋試晒兩款。120分鐘日本黑毛和牛A4+火鍋放題，$488/位送 澳洲M9和牛牛丸好大粒，夠彈牙喎！又重牛味！係令人想食完再食。送 海鮮拼盤新鮮鮑魚、生蠔、扇貝各兩隻同埋原條鮮魷魚。送 江蘇太湖大閘蟹十一月大閘蟹季節，嘩嘩嘩，竟然，竟然食牛仲送大閘蟹？！OMG！係貨真價實的原隻大閘蟹，蟹膏爆哂出來！十一月來食呢個套餐絕對抵到爛喇！牛類《牛大人》喎，食牛唔洗多講。牛類有日本黑毛和牛A4+，澳洲和牛M5牛肩卷，美國SRF極黑牛，安格斯牛小排，手切封門柳，一口牛肉粒，美國PRIME極級肩里肌，安格斯特選牛板腱同上腹牛五花。一定係日本黑毛和牛A4+大勝，脂肪均勻，入口溶化有肉味，最貴套餐就係可以不斷encore最貴靚肉，抵返哂喇。豬類伊比利亞黑毛豬梅肉，豬雪花肉片，西班牙豬五花片，西班牙豬梅肉片羊及雞紐西蘭羊卷肉，花雕酒雞件鮑魚三吃可以任食三款口味的鮑魚，大癲。古法醉鲍魚，美乃滋鮑魚酥，柚子燒汁鮑魚，食過咁多次，依然覺得古法醉口味係最好味！好濃郁的花雕酒香味！調味做得很不錯！魚滑蟹籽墨汁漿，千貝鮮魚漿特式小食蝦蝦霸霸脆多士、日本和牛橘梨伴豆腐、阿嬷豆乾魚蓉麵、烏金墨汁手作腸、三和夜市雞皮卷、夜市撈脆薯、海苔鹽酥雞、滷味五香雞胗、牛媽秘制滷牛筋牛肚，好似去左台灣夜巿咁，除了打邊爐，仲有咁多特式小食，果真係吃到飽。自助區炸芋頭肉，秀珍菇，金菇，南瓜，雞髀菇，芋絲，蕃茄，冬瓜，牛奶粟米，萵筍，爽口水魷魚，蓮藕，海帶結，冰豆腐，蘿蔔，鮮淮山丸類海膽包，竹炭海鮮丸，福州魚丸，雪枝揚，芝士腸，貢丸，芋頭貢丸，蕃茄貢丸，牛丸，鱈魚丸，牛大人魚豆腐，芝士丸，花枝丸，龍蝦沙拉丸，芝心丸，魚腐蔬菜娃娃菜，白菜，地瓜菜，唐生菜，油麥菜，菠菜，皇帝菜，西洋菜，枝竹，風琴豆腐，蟹柳，冬菇，黑木耳麵類寬粉，粉絲，新竹米粉，王子麵，烏冬雞絲麵，上海伊麵仲可以自製麻辣牛肉湯泡飯同滷肉飯。飲品飲品櫃唔少得牛大人自家製：桂花烏龍，白桃烏龍，洛神花茶同武夷大紅袍。仲有多款紙包及罐裝飲品。今期特飲方面，有酒精特飲港式檸檬茶18+，檸檬茶加伏特加，惠顧「日本黑毛和牛A4+」套餐任飲，惠顧「澳洲極上和牛」套餐就升級任飲價$68/位。另外，仲有芒檸蜜西米爽，只要LIKE & FOLLOW @masterbeef.hk 社交平台，就可以免費獲贈🆓！甜品除了長存的仙草雙圓，今期新推出 - 蜜桃愛玉冰，好有白桃味！可以一試。📌《牛大人》仲係咁受歡迎的任食台灣火鍋餐廳，即使到晚上9點午夜場都仲係要攞籌入席，絕對有佢的魅力所在。…查看更多

🥘 120分鐘日本黑毛和牛A4+火鍋放題必點日本黑毛和牛A4+送海鮮拼盤，好新鮮！🦪送澳洲M9和牛牛丸，好juicy！！任食鮑魚，有生的可以放落煱淥，有已經炸好的，好香，食到停唔到口！鴛鴦鍋：🌶️ 喇沙椰爺仲夏鍋 (期間限定)將喇沙醬與椰漿黃金比例融合，加入鮮奶中和辣度，形成「辣中帶椰香，濃鬱不膩口」的絕妙平衡！🐮 牛大人紅燒牛骨鍋入面真係有牛骨，保留咗燉牛骨的細燉味道！套餐可以任飲3️⃣ 款雞尾酒特調🍹🩷 粉桃椰香 #PinkuPaloma少女心爆棚💗 新鮮蜜桃的嬌嫩甜香，加入椰子酒的濃郁椰風，再摻入雪碧的輕盈氣泡與紅糖的焦糖尾韻💚 冰檸伴椰 #MalibuLemonade檸檬原汁與 Malibu 椰子酒撞出熱帶火花，加少糧橙皮糖漿、雪碧，再丟入香水檸檬粒🩵 藍調微風 #BlueHawaiian檸檬原汁注入薄荷酒的清涼、椰子酒的奶香，檸酸率先喚醒味蕾，隨即薄荷的涼意裹挾椰香漫延，藍橙醬的柑橘甜隱於其間💛 椰奶蓋芒芒爽椰奶蓋有濃郁嘅椰香，配搭鮮甜芒果粒🥭 再加埋西米好有口感！「知識就是折扣」大賽所有客人都可以參賽～～📆：6月23日 至 8月14日🏆：豐富獎品等緊大家去拎！！！🥢 牛大人📍 旺角彌敦道610號荷李活商業中心地庫A&B號舖…查看更多

好鍾意牛大人嘅日本黑毛和牛A4吃到飽套餐啲和牛認真超滑嫩口有肉味.見到佢哋做夏天限定嘅「炎夏椰樂祭」有喇沙味湯底同椰子雞湯底，非常吸引仲有椰子味嘅小食同Cocktail任食任飲立刻拉咗男朋友陪我去大拆.湯底當然點「嘅喇沙椰爺仲夏鍋」男友想試「台灣濃香蕃茄鍋」所以加少少錢叫個鴛鴦鍋，兩樣都有.肉類方面，我一定叫•日本黑毛和牛A4•伊比利亞黑毛豬梅肉•紐西蘭羊卷肉仲要叫兩round！.個套餐跟埋澳洲M9和牛牛丸蠔，帶子，白鱔，鮑魚等高級海鮮另外酒糟嫩牛舌，鯇魚鮑魚之類都任食又有10種左右丸類同野菜，超級抵.椰樂祭個「黃金椰絲蝦丸」點埋個椰奶好食到叫咗幾碟.呢排仲有啱哂打卡又好夏日嘅椰子味cocktail同埋個「椰奶蓋芒芒爽」真係好飲有啲似某飲品店個芝芝芒芒但小心，呢杯嘢都幾飽肚好難選擇食多啲好定飲多啲好！.呢個餐最近包埋highball任飲，啱哂男友.最後甜品唔單只有MOVENPIK雪糕同各種雪條而家仲有個「香芋椰漿脆脆」香滑嘅椰漿淋上芋頭再加上脆脆嘅椰肉呢個好椰好好味，真係要試！.總括嚟講牛大人抵食得嚟水準真係高性價比爆棚，尤其是呢個椰樂祭千萬唔好miss！…查看更多

今日冬至想食好啲 見牛大人有出新嘢120分鐘任食日本黑毛和牛A4+所以就帶屋企人嚟享受 都好滿意- - - - - - - - - - - - - - - - - - - - - - - -1. 120分鐘吃到飽套餐(日本黑毛和牛A4+）另外仲有3個套餐可揀 分別在於肉質/品數湯底就有10款 本身想揀期間限定湯底胡椒豬肚雞鍋/三椒酸菜鮮魚鍋不過兩樣都係少辣 因為屋企人唔食辣所以最後揀咗阿嫲養生濃湯鍋呢個清清地嘅湯底 更突出到食材原味好似油脂均勻嘅日本黑毛和牛A4+咁淥完好有牛味 係柔軟多汁、入口即溶嘅感覺同埋淥前淥後 都好清晰見到佢嘅大理石紋仲有送咗一盤澳洲M9和牛牛丸同普通牛丸係真係唔同 更有自然牛脂肉香另外都有送咗一盤每日時令海鮮拼盤包括生蠔、鮑魚、扇貝、蟶子因為配搭清湯 更加食到海鮮鮮味仲有好多火鍋配料可以掃碼落單建議試埋台灣師傅主理鮑魚三食或者出面都有自助區域可拎更多嘢食嘢飲推介本地大廠手工鬼佬涼茶最後仲有台中仙草凍/雪糕任食作結…查看更多

最近聽說牛大人和日本夢王雞蛋合作，作為日本蛋控的我們，當然要再到牛大人光顧，同時試試用夢王蛋的新菜式啦😁✏️位置（10/10）：位於旺角的中心地帶，荷里活的分店絕對係牛大人最方便的分店✏️環境（9/10）：面積大空氣亦不錯，只是位於地庫就沒有風景呢✏️服務（9/10）：侍應收拾很快，上菜亦完全沒有漏單✏️食物（9/10）：一如以往，九成食材都很高質🌟牛大人120分鐘吃到飽套餐（澳洲極上和牛） - $328/位為了最愛、鮮甜爆汁的M9和牛牛丸及第一次贈送的夢王布丁，再一次選了最貴的套餐🎉🍴三椒酸菜鮮魚鍋這是一款很有誠意的新湯底，分開上放入大量椰菜的酸菜鍋，以及三椒及大量炸香的鮮魚肉，因此很鮮香的酸菜鍋可以直接飲用，又可自行調節放入多少辣椒及花椒，十分細心☺️🍴肉類每一次都必點油花均勻的澳洲和牛M5牛肩卷及牛味香濃的SRF美國黑牛後腿肉，與酸酸辣辣的酸菜鍋簡直是絕配🥰🍴漿類香氣撲鼻的黑松露海鮮漿，口感香滑，味道鮮甜，必點！今次亦點了顏色黑、煙韌香滑的蟹籽墨汁漿，沒想到味道都很不錯😁🍴餃類及丸類鮮甜爆汁的瓜仔雞水餃、豬肉味香的褔建燕餃都是每次必點。近來新歡是和湯丸很像的花生及芝麻麻吉燒，像是另類甜品呢😎🍴炸物個人覺得有台灣特色、酥軟味美的豐原排骨酥，是必點的。當然新推出的鬼馬松露油條及黑松露花枝捲也值得一試，還有傳統的鬼馬老油條、即炸午餐肉同埋爽脆炸魚皮，食完超滿足😘🍴海鮮類變化不大，必點仍然是新鮮的鮮甜海蝦及新鮮沙白，另外香滑的真台灣鯛魚片也味道不錯😊🍴小食台式小食的真豬小香腸、魚香皮蛋豆腐及士林鹽酥雞三款是必試，尤其是真豬小香腸，比其他台式火鍋店好食太多了。另外新推出的三色鮮蔬夢王脆蛋，口感特別，味道亦夠鮮😋🍴蔬菜水蓮是少有台式火鍋放題可以任食的，所以絕不能錯過，當然自助區亦有大量蔬菜，如皇帝菜、生菜、金菇、粟米等等，選擇相當多😆🍴其他必食爽脆的百配鵝脆腸、口感超香滑的私房鴨血十分香滑，還有香濃的牛媽秘製滷牛筋、滷牛肚及滷大腸，我們每款都食飽食滿😚🍴飲品除了自助區的品牌飲品及自家製涼茶外，還可以點一些手搖飲品，如冬瓜茶、鴨屎香檸檬茶，而最新推廣Like 社交平台是送一杯夢王布丁珍珠奶茶，這次比較有驚喜，奶茶相當香滑，味道亦很合胃口呢😌🍴甜品牛大人晚市甜品都會選Häagen-Dazs或Mövenpick雪糕，這次也不例外，套餐同時送了蛋味香口感滑的夢王布丁，還有餐廳每枱都送的新口味嘉頓迷你牛油卷，真的是超滿足呢😍🏠 牛大人台灣火鍋吃到飽 (荷李活商業中心) 📬旺角彌敦道610號荷李活商業中心地庫A&B號舖…查看更多

好耐冇食打邊爐，近排涼涼地又想打😆仲記得上次經過牛大人排晒長龍，今次醒啦book左位先。😎我哋揀左澳洲極上和牛套餐。有十款湯底可以揀，加$10亦都可以叫雙拼試兩個湯。😄我哋揀咗台灣鳳梨雞鍋湯底，湯頭比較清爽，唔係好見到鳳梨粒，但都飲湯會嚐到淡淡酸甜。如果鍾意打邊爐冇咁油膩嘅話，都好推薦叫呢個做湯底！👍🏻極上和牛套餐會送每人兩粒澳洲M9和牛牛丸，牛丸嘅牛味極之濃郁而且好爽口彈牙，牛丸入面亦有少少牛汁。😋套餐都會包好多唔同部位嘅肉類，而我哋最鍾意嘅係澳洲和牛M5牛肩卷同埋封門柳！牛肩卷嘅油花分佈比較平均、肉質比較冧、入口即溶。🤤封門柳雖然油脂比較少但佢嘅肉味係最突出！如果鍾意食牛味濃嘅朋友一定要叫呢度嘅封門柳！除咗肉類，牛大人仲有好多台式小食同埋打邊爐嘅配料！我哋都覺得呢度嘅滑做得好出色，而佢哋嘅種類都比出邊多好多！🤩除咗最傳統嘅墨魚滑之外，仲有干貝鮮魚漿、章魚珍珠漿、黑松露海鮮漿等等。特別係黑松露海鮮滑呢個大推！🥰黑松露味道超濃郁，配埋海鮮估唔到咁夾，海鮮滑煮完好彈牙☺️而呢度嘅章魚珍珠滑入邊都有好多章魚粒， 好足料！另外台灣鱸魚片都係必食之一！口感有啲似脆魚鯇，但魚肉更加柔軟順滑。佢地都有好多款台灣直送或其他小食，包括鹽酥雞、台灣香腸、炸午餐肉等等。飲品方面都有幾個大櫃擺住唔同既冷泡茶同台式飲品，例如烏龍、大紅袍、洛神花茶、仙草飲品等。另外亦有兩大個凍櫃既火鍋配料任夾😁有啲比較特別好食既都想推介大家！麻辣丸子：內餡係麻辣汁加豬肉碎，其實唔算好麻辣，但個麻辣汁係好惹味😋招牌凍豆腐：豆腐吸收哂啲汁之後好juicy!魚腐：魚腐好脹卜卜，同樣吸收哂湯汁之後好疏乎☺️醬料區都有好多醬汁揀 我地揀左個洋蔥牛肉汁超驚喜！🤩個汁甜甜地，亦有少少紅椒辣辣地，再加埋牛肉既鹹味，點肉類一齊食可以提昇肉類既味道層次，超好味！最後最後，仲有得揀食movenpick 同期間限定雪糕(今次係唔根大師既cookies & cream口味），超滿足！😆總結：$288食到咁多款靚肉，又有咁多特色小食，我地都覺得好抵食！😋出面食到呢個質素起碼要比多百幾二百蚊。不過我地瘋狂食肉已經食到好飽，下次要留肚食返多少少小食。🤣…查看更多

跟好友Lia闊別3年,佢番來就即刻話要食牛大人, 佢未移民之前成日都話身為邊爐控,一定要食過牛大人,因為價錢經濟,湯底濃郁有成10個款式,肉類海鮮等食材高質,又多種類,外國真係搵唔到！ 我今次特登book咗旺角荷李活中心分店,旺角站E2出口一出行幾分鐘就到,方便又就腳！ 我地揀咗最貴的澳洲極上和牛吃到飽套餐 （$338/位 晚餐時段）加$50可選鴛鴦鍋我點咗我嘅至愛台灣濃香蕃茄鍋 , 鮮茄味濃郁,酸酸地好開胃,Lia就點咗帝皇食補薑母鴨鍋,一睇口名就知道滋補又養生啦！ 餐廳用電子落單唔怕漏,上菜又快.用手機打開個menu,見到咁多靚牛真心好爽呀！個人覺得牛魔王一族（即係我地）一定要試這個極上套餐,牛肉包括澳洲和牛M5牛肩卷,安格斯牛特選牛板腱我,手切封門柳,安格斯一口,美國Prime極級肩里肌,SRF黑牛後腿肉,牛胸爽,仲會贈送澳洲M9和牛牛丸（每人2粒）,新年來個牛氣沖天,真高興！ 當然仲有其他肉類；西班牙猪五花,紐西蘭羊肉卷,花雕醉雞件等;海鮮方面,有季節限定的黑松海鮮漿,手打墨魚膠,脆肉鯇魚腩,大大粒沙白,海蝦等；台式火鍋又點少得台灣直送私房鴨血同埋一系列的台灣特色小吃如 士林鹽酥雞,甜不辣,小香腸等; 靠近門口位也設有蔬菜專區和各式台灣直送丸類,包你係120分鐘入面真係可以食到好飽呀！ 去牛大人另一種興奮就係可以喺個10尺大雪櫃入面任拎飲品,有自家製冷泡茶,包裝飲品,罐裝汽水等.我今次仲試咗期間限定的強波酸啤Jumbo Sour $68/400ml,這款啤酒獲得2022年《AIBA澳洲國際啤酒大賽》入口除咗有果酸味還有回甘的小麥香,解膩一流呀！ 打邊爐另一個精髓就係蘸醬,餐廳裡特設的醬料區,超過20款醬汁配料等,總有一款啱你,仲可以俾你係咁“混醬”呀😛最後還送上Häagen-Dazs 杯裝雪糕做甜品,感覺很完美！ 餐廳坐位寛敞,坐得都好舒服,卡位上面的間板都刻上有趣的台式句子,十分特別又有意思；侍應無論上菜執台都很迅速,抽風系統暢順,食完個身都無咩邊爐味！Lia仲話下次佢番來已經book mark咗係佢既restaurant list上面呀！ 個人覺得牛大人真係好適合三五知己聚舊慶祝等,邊烚吓烚吓邊吹水,食得開心又滿足！ …查看更多

牛大人其實同朋友食過好多次今次同男朋友2個人嚟 終於有時間好好介紹一下🥰好耐冇打邊爐啦～今次就叫咗最高級嘅 澳洲極上和牛吃到飽🤭首先要講下佢地為每位客人贈送嘅澳洲M9和牛牛丸牛味濃郁 食落爆曬汁真係超好食唔可以錯過佢嘅澳洲和牛M5牛肩卷 油脂分佈均勻油香四溢 口感軟淋 但又唔會蓋過肉味🤤枱面上見到18+冬瓜茶做緊promo咁就叫返一人一杯chill一chill啦😆一啖飲落去係醇厚嘅whiskey味道冬瓜茶嘅焦糖香甜尾隨而至 層次豐富分明佢地仲有多款台灣小食我最愛就係糖醋甜不辣😋口感Q軟彈牙酸酸甜甜好清新 夏天食特別開胃清爽佢地嘅漿係必點之選每一款都好足料好有驚喜好似章魚珍珠漿🐙入面有滿滿嘅章魚粒 鮮美彈牙 口感十足🤭仲有干貝鮮魚漿 啖啖都食到干貝 鮮甜滋味最近先發現佢地有我鐘意食嘅牛胸爽好多人見到白色嘅牛胸爽都以為係脂肪嚟但其實佢係牛胸前肋骨中間嘅軟骨部位食落牛味豐富 仲好爽口添😚我自己推介嘅仲有美人花膠同豬雪花肉片一定要嚟試下正宗台式火鍋啊～…查看更多

行行下旺角發現牛大人開多左間旺角分店，見時間仲早又想打邊爐，就去左食喇。7:30pm前還枱仲有優惠價🤩早啲食又可以多啲時間消化完先瞓又可以平啲👍🏻😛佢初初開店無耐時食過一次，個次係食美國SRF極黑牛套餐，印象中主力係牛最好食，記得要揀中等價or above既牛餐，所以今次揀最貴既澳洲極上和牛套餐黎試！😋之前試過牛大人紅燒牛骨鍋🍲，見到 #台灣鳳梨雞鍋 🍍🐥好似好特別咁，第一次見加鳳梨入湯度打邊爐，今次一於試下佢！黎到係奶白色湯底入面有鳳梨，半隻雞，苦瓜片，娃娃菜，魚乾仔同沙白。湯底清甜帶微微雞味，幾岩夏天打邊爐～想食到多啲原材料味道既朋友仔可以一試～套餐包每人2粒 #澳洲M9和牛牛丸 🐂，牛丸juicy彈牙有牛味，連唔鐘意食牛丸既朋友都讚，仲有好多款牛豬雞羊肉類同海鮮揀，自助區主要係蔬菜丸類，飲品當然有冷泡茶同其他罐裝飲品，仲可以QR Code 落單叫小食同其他飲品。小妹睇中呢個餐先有既🐂 #澳洲和牛M5牛肩卷 同#安格斯牛小排 ，前者重牛味啲，脂肪分怖平均，後者就比想像中多啲脂肪，我地不斷encore左10碟澳洲和牛M5牛肩卷🤣。仲有 #章魚珍珠漿 ，真係粒粒章魚🐙係入面👍🏻沙白新鮮冇沙之前食過🐂 #安格斯特選牛板腱 同 #美國SRF極黑和牛下肩胛 都覺得唔錯丸類小妹就推介 #香芋貢丸 ，貢丸入面有香芋粒，好特別，芋頭控必試！係台灣好鐘意叫水蓮打邊爐，可惜今日賣晒😭係台灣食過 #王子麵 🍜之後就念念不忘，係牛大人度都有得食！自製個滷牛肉王子麵😍食得興喜見到餐牌有個荷李活分店先有既 #18+冬瓜茶 ，係加左Whisky🥃既冬瓜茶～ 就叫左黎試下，飲落去Whisky味都幾出，加埋甜甜地既冬瓜茶，幾易入口，係一杯幾特別既 #cocktails HKD38最後到甜品時間，有3款味既 #Movenpick 雪糕🍨同 #台中仙草凍 揀，要左一個仙草凍一個Maple Walnut Movenpick ，食埋甜品真係飽到上心口🤣因為7:30pm前離座，所以每人都只係HKD258加一（星期五六日要加HKD10) 食120分鐘吃到飽真係好滿足🤗牛大人旺角（荷里活商業中心）…查看更多

講到打邊爐，好容易就諗到牛大人，啲籌真係好快就冇晒😖。咁我哋揀咗台中蒜頭雞湯，配澳洲極上和牛餐。($298/ 2hours)台中蒜頭雞湯湯底好足料，應該有大概半隻雞嘅份量，大大隻雞脾係入面，啲肉質幾滑。另外，蒜頭份量超多🧄，經過滾煮後，蒜頭變得冧身，一咬就粉開。整體個湯底幾清甜，仲有啲黃芽白同杞子。澳洲和牛M5牛肩卷呢個餐嘅其中一個賣點就係有呢一個和牛牛肩卷🐮，牛肉薄切，食落去油脂分布平均，同平時一般打邊爐嘅肥牛唔同，牛味香濃。所以，係咁order呢一個牛肩卷。豬雪花肉片呢個肉片係只有呢個餐有既🐷雖然佢係雪花肉片，但唔會好肥，仍然好爽好好味。最正係食完唔會覺得好漏，仲可以不斷咁食。所以我哋都不停order呢個豬雪花肉片🐷安格斯牛小排呢個牛小排都好吸引，都係薄切，顔色都好吸引。佢嘅味道都好正，不過我地都覺得M5牛肩卷好味啲。因為呢個牛小排冇M5牛肩卷既油脂咁勁，所以味道冇咁濃。澳洲M9和牛牛丸和牛牛丸係跟餐送，因為佢比較特別，和牛味十分濃郁，好似真係食緊真和牛咁。不過佢就有少少硬，比較難咬。不過如果大家都想試下有濃郁和牛味既和牛牛丸，可以試下👍🏻章魚珍珠醬呢個🐙珍珠醬都好特別，佢係一條上俾我哋，可以自己整細粒啲或者大粒啲。味道就冇出面食既咁濃郁，不過就比較淋身，易入口。入面都有啲🐙，口感層次再提升🐙手切封門柳每次會俾兩片，厚度適中，食落去唔會太過韌或者好多根，食咗佢啱啱好，係牛柳嘅感覺鴨血台式火鍋必叫之一，雖然我哋唔係嗌麻辣鍋。但係佢本身都有醃製過，有啲花椒香，所以食落去係好香口。同埋，佢嘅質感唔會一夾就散👍🏻。台中仙草凍呢個甜品係最後上的，有幾款可以揀。但係我哋揀咗呢個台中仙草凍，因為佢係牛大人限定的。佢好足料，有仙草凍、珍珠、椰果同紅豆，仲有椰奶。幾樣野加埋唔好太甜仲好夾，都可以試下其實佢仲有好多其他配料，例如蔬菜類、丸類！飲品同埋醬汁，主要都係自助區拎。所有蔬菜同丸類都用保鮮盒pack好，你想食先需要打開個蓋，睇落去都會比較整齊同埋衛生。蔬菜種類好多，有蘿蔔、炸芋頭肉、金菇、萵筍等。至於飲品就有佢最出名嘅自家洛神花茶同白桃烏龍等，仲會有可樂個啲，或者order 冬瓜茶... 真係比平時放題多選擇，味道都唔錯。因疾情關係，有收碟專員，專員收碟都幾快手咖。…查看更多