百樂潮州酒樓 (希慎道)

潮州菜平時真係好少機會接觸，最多都係試過打冷，今次朋友介紹食正宗潮菜，真係大開眼界 食完真係不禁概歎中國地大物博，各省各區的食物更是各有特色。今次為食兵團團友一行十人相約食潮州野，揀左呢間米芝蓮推介的酒樓~~地點係銅鑼灣~非常方便~門口有米芝蓮~肯定唔會認錯~行到入深處先見到門口~~早左到...無人...飲返啖功夫茶先!!! 唔知係咪新裝修???盞燈超啱我心水 負責發板的團長一到，竟然即刻叫左支德國啤 咦，呢間唔係潮州野黎咩??竟然有德國啤!!?? 凍花蟹凍蟹都算係潮州菜的例牌冷盤之一，今次食呢個係花蟹版，肉質厚實、鮮度十足 價錢也就高級許多了~~配潮州黑醋，酸酸甜甜，更添風味~~ 無酒不歡的團長，居然叫了枝sake 這絕對是2015年發生的第三次文化衝擊!!!! 之前叫啤酒都算，但配sake呢個組合真係諗都無諗過~團長話幾年前已經興過sake配潮州菜喎!!(oh, 可能我真係見識少!)唔飲尤至可，飲落真係好易入口.....香醇得黎隱約有陣陣果香...好神奇 而且同潮州菜的鹵水味道異常地match，一清一濃拎返個平衡。滷水鵝片 $188成個造型好似風之谷入面的大甲蟲咁 滿滿的鵝肉片入面其實係有好好味的自家製豆腐~ 鵝肉片每塊的厚薄和大細都幾平均，不得不佩服這裡的師傅~!!鵝肉的味道沒有被滷水蓋過，好食到大家停不了口~~但最驚喜的是非常考功夫的豆腐!!! 外圈是炸過的豆腐皮，內裡的豆腐卻非常滑非常有豆味 咁大碟肉同豆腐，好快就比我地搶食一空~~~滷水豬蹄跟拼掌翼 $220滷水第二彈~~掌翼唔係我杯茶，淨係試左好多骨膠原的豬蹄，沒有豬臭味，滷水煮得非常入味 豬軟骨般的脆口，但再軟身一點所以更易入口~~潮陽炸雙棗 $104初頭見個菜名，仲諗緊咩係雙棗，唔通係紅棗同蜜棗?!?!雖然個圓碌碌外型同size的確同棗類相似，但原來係炸蝦丸同炸蟹丸，仲有一D肉係入面混合，增加了口感興豐富了味道~~我本來就好鍾意食蝦丸蟹丸，所以呢道菜真係好得我歡心架~~外皮炸得香脆但完全唔油~~~!餡料的味道有濃郁的海鮮味，個人就比較喜歡蝦棗，因為比較彈牙~~!! 荷包白鱔湯 $80(1件)呢個湯聽聞係好傳統的潮州菜，由於好難準備同煮，好似無咩地方會食到~~估唔到係百樂潮州呢度可以食到咁花手工的菜式 佢個外型好似生菜包咁，入面包住了白膳，膳肉同菜都煮到好稔，好易入口，不過膳始終多骨，如果唔小心D食，隨時會比魚骨拮親@@子母龍鬚蝦 $120(1隻)呢個龍鬚蝦的外層有點像炸芋點心(?)的外皮那種，但這些「龍鬚」是非常密集非常脆口。當我大大啖咬落去時係會脆到食到周圍都係 而這蝦也不只是一隻炸蝦咁簡單~~~!! 原來入面有釀一些像蟹籽的東西(應該係蝦籽先啱~XD 所以叫子母~~!!)~~新鮮的蝦身爽滑彈牙，蝦籽就令到口感更有層次~~!!非常推薦的一碟~~~ 乾煎糖醋麵 $128糖醋麵算係常見的潮州菜，百樂這裡除了完全做到麵軟底面皆脆的口感以外，心型shape又真係特別搶眼同有gimmick嘅~~ 食前隨喜好澆上醋和糖，甜酸度自己調較~~ 反沙芋 $108壓軸登場的是我超愛的反沙芋~~~記得之前係西環某潮州酒樓都食過~~真係會一試傾心 反沙是用糖包住外層而得名~~雖然有成層糖，聽落好似好甜咁，但因為芋頭本身其實比較淡味，所以一起吃也不算太「漏」~~ 芋頭的鬆軟，是一咬即開，非常易入口~~~ 不過聽聞呢道菜又係好考功夫，而且新鮮熱辣辣就要即刻食，唔係層糖嘅口感就會改變，就會無咁好味架喇~~~!! 而家我地呢一代，都比較鍾意食西餐，或者其他國家的料理，中菜反而經常是次選~久而久之，其實都會忽略左中餐都好多好野食~~!!!有時成班朋友圍埋一張圓檯，左夾右夾講講笑笑，都非常開心~~…查看更多

和朋友突然很想吃潮州菜～所以就打算去之前在旺角吃過的一家 (￣▽￣)ノ沒想到位於銅鑼灣總店原來剛榮獲2016年米芝蓮推介食肆呢既然是港島區人士，當然二話不說就提議來這家總店凍花蟹 ($1500) 吃潮州菜沒理由不吃凍蟹吧(?不過最全晚最貴的一道菜大概非這蟹莫屬了～但對愛蟹的人也太難捨棄蟹肉鮮甜而且啖啖肉，即使不沾醬~清清地吃也沒問題滷水鵝片 ($300) 也是潮州菜中必點之一入味的鵝片才算滷得成功吧~而且沒有我最怕的藥材味 >_< (之前有吃過一家的很濃)鵝片肉質嫩滑~另外上那墊底的豆腐也很香口！！潮陽炸雙棗 ($150) 雙棗其實就是左邊的是蟹、右邊的是蝦炸至金黃色~外層香脆可口，內裡的蝦肉、蟹肉有落足料~所以很鮮很彈牙荷包白鱔湯 ($80/位)這天天氣稍微有下降了少許~所以決定點一款湯來暖身這個白鱔湯的湯底是胡椒湯吧 (?) 能嚐到濃濃的胡椒味道 (´∀')感覺是一道很花功夫的湯~鹹菜葉包著白鱔、金華火腿之類，記得要小心會有細骨喔～最後甜品選了之前吃過的 - 反沙芋 ($108)因為是即點即做的~所以大概在下單後等15分鐘後才會上桌(σﾟ∀ﾟ)σ 不過上桌後要立即吃才能品嚐到香脆糖衣與酥脆熱芋條的美味呢…查看更多

半年前吃過一次旺角百樂潮州酒樓，直今仍然念念不忘，只可惜當時翌日便要飛歐洲，有一段長時間未能回港，想再約朋友回味也沒辦法。直到現在終於回香港，可以相約朋友再吃，而且今次選擇的銅鑼灣總店更曾奪得米芝蓮星星，相必會是難忘的美味記憶！銅鑼灣分店位於希慎道，逛街後過來時間剛剛好。凍花蟹 $3600/兩隻，水準一貫地保持穩定，總是有辦法成為「秒殺」對象。蟹肉入口鮮甜無比，肉質結實，搭配濃郁的蟹黃一同食用，好吃到讓我連吃兩件！酸甜方魚海蜇 $160，有如手指般粗的海蜇份量驚人，幸好酸甜汁料相當開胃，加上口感彈牙，一條接著一條吃，很快便清光。滷水千層峰拼鵝腸 $400，疊疊式豬耳凍非常彈牙，每一口都是膠原蛋白，軟軟QQ的Jelly中間又有脆骨相間，口感很豐富。鵝腸煮得入味，光看到顏色就知道是經過一定程序鹵煮，入口爽脆，超讚！滷水鵝片 $400，雖然鵝肉看起來偏瘦，但吃的時候一點都不會難咬，口感軟綿中帶嚼勁。另外，鹵水汁煮得入味，卻不會讓整碟鵝片只得鹹味，調味功夫了得。潮陽炸雙棗 $286，前方呈圓形的是蝦棗，不油膩之餘還很彈牙，蝦味亦比想像中香濃；蟹棗在後方，相對之下有點遜色，口感比較粗。蝦棗中可見有蝦肉，還有爽口的馬蹄提升層次。蟹棗比較鬆散，明顯看到蟹肉本身的纖維。荷包白鱔湯 $80/位，湯汁入口極重胡椒味，有點像平時的鹹菜豬肚湯，屬於清湯類。荷葉包裹肥美的白鱔，幾乎吃不到有骨，魚肉經過煮湯過程後口感偏軟，但不會整件散開，味道鮮甜。子母龍鬚蝦 $120/隻，子母龍鬚蝦先以蝦膠釀在原隻花竹蝦上，中間夾著蝦籽，然後再用麵包絲平均卷上蝦身，下鍋半浸炸至金香黃脆，光看賣相已經非常誘人。吃的時候可以同時吃到數種截然不同的口感，包括爽口的鮮蝦、彈牙的蝦膠、酥脆的外皮，極具層次感。看起來就像用金線圈起飽滿的蝦，貴氣十足。咬的時候一定要不顧儀態，超大口咬下去才能同時吃到不同口感。薑米鴿 $230/隻，這道菜非常考驗大廚的功力！小小的乳鴿先去骨，然後再將鴿肉薑飯釀入，炸至整隻乳鴿呈飽滿狀才收貨。從這角度來看，薑飯都快把乳鴿塞爆。乳鴿外皮極薄，所以主要是吃其脆皮口感，重點是裡面的薑飯，惹味黏口，正是我愛吃的口感。川椒䱽魚片 $496，外皮帶點脆感，但魚肉絕不會煮得過火，口感非常嫩滑。沙爹牛肉炒芥蘭 $196，軟綿的牛肉配上鮮嫩芥蘭，除了醬汁有點多外，味道不差。乾煎糖醋麵 $256，暫時是我吃過最美味的一間糖醋麵，麵餅外層煎得香酥，中間部份仍帶點濕潤，每一口都能嚐到不同的麵感。反砂芋 $216，非常考時間、功夫的潮式甜品。先將砂糖在鍋內加熱成糖漿，然後加入炸得酥脆的熟芋條，慢慢將芋條的每一面也均勻地沾上糖漿，風乾後便成糖衣。入口時先將外殼咬破，再品嚐裡面香口綿密的芋條，讚！…查看更多

今年度的米芝連龍虎榜結果發表後，筆者已與一眾食友蠢蠢欲動四出尋寶。因今回出席聚餐的人數不少，目標鎖定一些中菜酒家，方便大家一邊開懷飲飲食食，一邊盡興談天説地。在云云推介中，最後決定到「百樂潮州酒樓」品嚐潮州菜。 相比其他地方的中菜，潮州菜的製作比較富特色，手工考究，海鮮凍食尤其多。是晚美食亦是以一道凍盤海鮮凍花蟹作始。因此道菜式基本上沒有什麼後製調味，出品的成敗關鍵在於用料質素。兩只大大的花蟹，每只約三十両重，單看橙紅的花間賣相已令人涶涎三尺。因花蟹本身已有一定份量，隨意挑選一件蟹件都是肉厚豐盈，口感結實，再加上預期般的清甜味道，同枱食友都很滿意。除凍蟹外，鹵水食品是另一道具代表性的潮州美食。鹵水以花椒、八角、桂皮、生抽、老抽等調配而成，每間店家的配方都略有不同，部分店家的鹵水更是陳年已久，食材的精華在不斷的烹調過程中已盡入鹵水之間，那份獨特的「個性」不是短時間能調配出來。這店用上的鹵水汁，亦算有自家風味，不同的香料味道在有含蓄發揮的同時又不會有過鹹的情況。味濃的鵝片浸潤在可口的鹵水之間，製作相當入味，鵝片的質感亦算軟腍。在鵝片的下方，墊上一片片的鹵水豆腐，口感相當滑溜，是比預期更佳的鹵水伴菜。 鹵水鵝片雖啖啖肉，但總有些朋友更愛「近骨肉」，而且軟硬皆好，一道鹵水豬蹄跟拼掌翼正正是一個好選擇。筆者喜愛吃雞翼，貪其連皮香口，鵝肉掌翼亦收異曲同工之效。豬蹄本身不屬筆者至愛，但其連上軟骨腳筋的部分則予人驚喜，尤以那份膠質黏嘴的細微食感令人印象深刻。 碰巧同桌有位潮州菜專家，推介大家以清酒配上各式鹵水美食，以其冰凍清純的口味緩和鹵水相對濃郁的味道。是晚品評的清酒「獺祭」，屬精米步合 39% 的大吟釀級別，酒身醇厚帶甜。雖其酒精濃度達 16% 之高，但因當中洋溢一份青蜜瓜的果香，酒感十分平易近人。一如尊家食友之言，鹵水與清酒確實是好拍檔，今夜又學會一樣新事物！接下來是兩道炸品，潮陽炸雙棗是蝦兵蟹將的組合，蝦圓蟹方。兩者比較，彈牙度以蝦棗稍勝一籌；論及鮮甜口味，則以蟹棗佔優，各有千秋。連續吃兩顆炸棗食感可能會膩一點，有見及此，大廚特意伴上一些酸爽帶辣的涼菜以平衡口中的味道。 子母龍鬚蝦是第二道炸品，菜式成功將那份脆香享受再推高一個層次。所謂子母龍鬚蝦，是將原隻花竹蝦夾上另一層蝦膠，夾層當中再釀入晶透的蝦籽。子母蝦面層繼而圍上龍鬚麵包絲落鍋炸至金黃脆口，手工相當繁鎖複雜。要好好品嚐這份心思，一定要由頭入手，一口咬盡所有夾層部分，脆 · 香 · 爽 · 彈 · 甜，五種享受一應俱全，層次十足！至於蝦頭部份，同樣經落鍋炸香，所提供的享受明顯是那些甘香豐腴的蝦羔，很棒！ 上回鹵水拼清酒，今回炸品當然配啤酒！一枝 Keiler Weifzbier 野豬啤酒，色澤雖不算通透，但麥香頗濃，酒感亦沈實怡人。 荷包白鱔湯是富特色的湯品，亦是另一手工之作。湯汁最突出的味道在其胡椒口味，食感辛辣，冬日品嚐令人寒意全消。而湯汁中的荷包，內含白鱔、香菇、金華火腿等多種食材，味道豐富。而主角白鱔，魚肉確實頗為白嫩鮮甜，美中不足的是魚肉隱含不少碎骨，吃時要份外小心。 薑米鴿又是一道見手工的佳作，關鍵在於在不損原隻鴿殼的前提下去肉去骨，再以鴿肉薑飯重身釀回鴿殼烹製。香鴿賣相紅潤飽滿，尤其在後方視點望入更覺其脹卜卜。剖開鴿身，香噴噴的鴿肉薑飯清晰可見。鴿身味道濃郁，薑飯正氣惹味，十分好吃。在細味可口薑米鴿的同時，不要忽略菜式中的小巧襯飾，大廚在一眾小花上輕輕點了兩睛，頓見數隻許許如生的小鳥，妙極！ 豉油皇煎䱽魚球製作相對平實，決勝之處同樣是其優質的用料。䱽魚魚塊選材肉厚，口感結實，醃製用的豉油皇味道亦很鮮香，不過鹹，能成功襯托魚塊的本身鮮味。 沙爹牛肉炒芥蘭看似簡單，但其實很難做得出色。菜式用上的沙爹汁足味濃香，與鬆軟的牛肉片十分合襯。牛肉下方的芥蘭只選用最幼嫩的部分，翠綠有加，爽嫩甜美，比預期質佳。 主食糖醋麵是筆者至愛的潮州食品之一，吃的是最原始的糖醋味道與炸麵的口感。雖然此店的糖醋麵不是筆者嚐過最頂級之選，但也算有一定水準，倘若麵餅製作能更香脆相信會更理想。整頓飯以甜品反沙芋作結，又是手工繁複之作。要反沙芋好吃，首先芋頭選材要夠粉軟。將質優的芋條油炸成酥脆後，置於砂糖溶液中快炒至面上披上一層薄薄風乾的反沙糖衣即成。當然講就簡單，其實稍為少一些炒工與耐性也不成。每人一小條反沙芋，外皮甜脆而不膩，芋心熱辣燙嘴，粉軟到位，大家吃得相當滋味。 回顧整頓飯的菜式，用料普遍質佳，製作亦見心思誠意，難怪可奪車軚人的推介評價！…查看更多

第一次到訪百樂潮州已經喺成年前嘅事，當時喺去旺角新世紀廣場嘅分店，今次獲邀再訪，喺銅鑼灣老店，雖然門面簇新，金黃流線，但仍掛著昔日守住舊店的老招牌「百樂酒樓」，喺一份有近50年嘅歷史印記。好多老店都經歷唔少改革，百樂都不例外，入到店內見唔到一絲往日舊痕，雖然模樣都一如中菜酒樓嘅格局，大大小小嘅圓枱（唔覺有卡位），香檳色嘅椅套，感覺都比較傳統，天花中央嘅波燈可能已經喺較時尚嘅裝飾！酸菜小碟鹹酸菜、菜脯（加豆乾）已成為潮菜嘅標記。昔日唔少潮州人晌碼頭做咕哩，一碗白粥，少少鹹酸菜加菜脯就喺一餐。滷水三拼三拼分喺有滷水鵝片（$188）、滷水鵝肉（$148）、滷水千層峰（$78），如果唔鍾意三拼，當然可以分開點啦。一碟過試齊幾款百樂嘅拿手滷水，點可以唔回味，滷水味道醇香沉實，鹹香適中，而鵝片啖啖肉，嫩滑味濃，蘸點白醋，鵝味突出；鵝肉連皮連骨，相比鵝片多份油脂，油香豐腴；至於千層峰喺以豬耳做成豬腳凍形式，再薄切形成一層層，甚好睇，入口冰涼有咬口，墊底仲有軟滑嘅滷水豆腐，因為滷水味唔太濃，所以，仍食到淡香豆腐味。滷水鵝肝 $120依碟喺半隻鵝嘅份量，厚切一片疊一片，都咪話嘢少。鵝肝入口粉嫩甘腴，帶淡淡滷水香，如配一小片多士或法包又如何呢？潮式凍烏頭 $180既然喺時價菜式，當然唔會太平，依一尾就要$180，廚師好細心，將烏頭開邊兼去埋中間主骨，令客人食起嚟好方便。烏頭肉質挺實唔霉，鮮味十足，隨魚已附上普寧豆瓣醬，蘸一丁點更能吊起魚鮮味。檸檬鴨湯 $108單睇個賣相，個鴨湯感覺真喺普普通通，但絕對喺深藏不露，清澈嘅鴨湯，甘香而帶些微鹹檸酸幽，雖然下成隻鴨去熬製，半點油脂也沒有浮現，輕盈得嚟有種消滯感。之後，食啲鴨肉，滲有檸檬清香，又幾得意。潮陽炸雙棗 $104雙棗即喺蝦丸及蟹丸，由於蝦丸以蝦肉撻成蝦膠做成，口感彈牙，滿有蝦味；而蟹丸以蟹肉加生粉搓成，所以，質感實淨，口感兩者好唔同，唯一共通喺兩者都炸得香口甘脆唔油膩。菊花石榴雞 $120（4件）第一次品嚐石榴雞喺晌潮庭，當時已好欣賞依道菜式，今晚再遇，必定會細心品嚐。以煎蛋白所做嘅外皮包住雞肉粒、筍粒、冬菇粒……等等做成石榴形，淋上玻璃雞湯茨，並以小棠菜切花做裝飾，賣相已賞心悅目。蛋白外皮薄透有韌性，內餡淡雅清甜有層次，實在要慢慢細味。潮式薑米鴿 $230 / 隻米鴿呎吋唔喺好大隻，但內裡塞滿糯米飯，一隻薑米鴿都足夠4人分享。米鴿外皮脆卜卜，好香口，肉質頗嫩滑，而糯米飯黏糯，又吸收咗鴿油，如薑味再能突出啲，相信更有特色。金華四寶菜 $108（例牌）眼前喺兩個例牌嘅份量，所以，睇落較為多，金華喺乜應該唔使多講，而四寶菜分別喺冬菇、草菇、冬瓜及珍珠筍，小棠菜只不過喺「間場」嘅點綴。因為加有金華火腿，所以食起嚟帶點點鹹香，味道唔會太寡。潮州蠔仔肉碎粥 $55 / 碗一碗本身都唔少，夠兩個人分享，但仍有一窩窩份量嘅選擇，分細中大，每上一級都加多$45，如果7-8人食，叫個中窩都差唔多。潮式嘅肉碎粥有點似泡飯，米粒軟軟不綿，混和好多肉碎，而蠔仔飽滿肥美，又加入咗啲柴魚，好味得再添食。乾煎糖醋麵 $128（例牌）估唔到老店都咁搞嘢，唔喺情人節，亦唔喺元宵，竟然剪裁到個糖醋麵成心形。麵餅乾煎開後，糖（沙糖）與醋（浙醋）都按個人喜好自行添加，麵條煎得乾身，初時食唔覺油膩，食到尾就覺得幾油，需加多點醋嚟平衡一下。福果甜芋泥 $35 / 位最後上場嘅甜芋泥，連一向嗜甜嘅小弟，望落好似好「漏」。其實整芋泥都幾花心機，又烚，又搓，又煮，芋泥其實芋香濃郁，質感軟綿，面面嘅白果亦好清甜，但有別我哋廣東嘅糊，泥始終都稠密杰身一啲，所以，未必人人都啱口味。相比之下，小弟就較喜愛上次嘅芋泥蛋白！百樂潮州屬本港潮菜館老字號之一，既守住潮菜真味，亦不斷融入新口味，承與傳實在唔容易。…查看更多

實不相暪，我是一個不懂潮州話的潮州妹，但自少已經常吃嫲嫲煮的家鄉潮州菜，也常跟家人去打冷或到九龍城的潮州菜館去。對潮州菜有著一定情意結。最近友人邀約聚餐說要到百樂潮州酒家，立即一口答應，因太耐沒吃過令人回味的潮州菜了。位於希慎道，蘋果商場跟LV 中間，也不算難搵。吹水一番後上的第一道菜就是潮式凍蟹 凍蟹看似簡單，但製作過程全是心機，所以賣得比較貴。凍蟹一定要選新鮮、大隻的花蟹才夠看頭大大隻的花蟹，2 大隻已足夠我們8 人食。蟹蚶上桌時已替我們拍好，真貼心，拆蟹不是人人也懂。（我很愛吃蟹但不懂拆蟹，食一隻大閘蟹要成個鍾….= =）花蟹新鮮，肉質更是鮮甜。蟹腳的蟹肉很多，啖啖肉像吃蟹脾似的，還充滿著我愛吃的沙膏！(其實是膏我都很愛，膽固醇？什麼來的！)食潮州凍蟹亦要配上加了糖的陳醋，會將蟹的鮮甜全都引出來！朋友更推介食蟹飲sake，第一次這樣配呢！ 一啖sake 一啖蟹，蟹的鮮美度大大提升，連陳醋也可不需要了。滷水鵝片拼鵝肝滷水的食物吃過很多，第一次吃滷水鵝肝，原來滷的鵝肝也很好吃！鵝肝幼滑，沒什麼筋，一啖咬下去就可滑入喉嚨。鵝片是真的鵝片，不是扮鵝片的厚肉。切得不好真的會影響口感，但這裡的鵝片片得剛剛好。滷水味很足、不會偏咸，肉質依然幼嫩，不會鞋口。連最底層用來墊底的豆腐也很好食，滑滑的豆腐令人驚喜。滷水千層峰及豬腳筋千層峰其實是豬耳，這道菜很考功夫呀～先要將豬耳壓成磚再切薄片。切成薄片後將豬耳獨有的爽脆口味大大提升！豬腳筋很補骨膠原喲～　吃豬腳不用吐骨真的十個爽！！煙煙韌韌的，不錯不錯！潮陽炸雙棗雙棗即是蝦棗及蟹棗，因外型似棗而得名，但它又不是蝦丸蟹丸，因會用上肥豬肉及馬蹄增加香味及口感。(左邊的是蟹棗、右邊的是蝦棗)小時候鄉下的阿姨會常常自製托人帶回送我們，看到這道菜彷彿回到小時候呢。外層香脆可口、烤得剛好，不會過油。內裡有著滿滿的蝦肉或蟹肉，啖啖都是蝦香或蟹香。喜愛蝦棗多一點，炸過的蝦肉總是美味一點。記得記得一定要點上潮州桔油，那才是正宗的吃法。酸酸甜甜的，吊味之餘亦可減肥膩，因有肥豬肉嘛。也可點上潮州甜醬，也是另一種口味。中場休息一下，上一道湯暖暖位，食潮州菜不喝胡椒鹹菜豬肚湯好像缺少了什麼。胡椒鹹菜豬肚湯原盅上，一放下已經聞到很香、很濃的胡椒味。頗辣，胡椒很足很足，冬天喝它一定會全身暖笠笠。豬肚爽口無騷味，鹹菜煮得剛好不太鹹、依然有咬口。碧綠川椒雞球賣相很好看的一道菜，潮州菜很常將辣椒葉炒香作伴菜上碟，。雞球肉質嫩滑，一舊雞兩片辣椒葉伴著吃，也不錯。香煎蠔仔烙即我們常說的蠔餅，跟平常吃的爆炸蠔餅做法不同，但我爸常說蠔烙這個做法才正宗～～哈哈～我沒在潮州吃過，只好信他啦～將蠔仔放到蛋漿裡煎香成了蛋餅，煎香後啖啖都是蠔香跟蛋香～已經很飽很飽了！！潮式薑米鴿這個像八爪魚的東西很可愛，內裡充滿薑蓉跟糯米飯還有乳鴿肉。非常香口的東西，煙韌帶黏性的糯米飯配上乳鴿肉，第一次吃這樣的組合。但很是真的很好吃！！如果不是已經非常飽，我會吃多一點呀～豉油皇煎倉魚球朋友們愛吃魚，點上了煎倉魚球。分別煎香了倉魚肉，再將魚皮拿去炸一炸。我不吃魚，淺嚐了幾口，但愛吃魚的不容錯過，朋友們都大讚。最後，真的是最後了，因口痕關係，但大家都忍不著叫來潮州蠔仔肉碎粥，為今晚的晚飯畫上完滿句號。不點尤自可，一點就發覺太厲害了！我碗內的都是大蠔呀！！！差不多跟湯匙一樣大，還要不只一隻呀！「畢」給我的朋友都是隨手「畢」的，一定是我太幸運。潮州人愛吃糖水，來碗傳統馬蹄片豆爽作結尾。馬蹄、綠豆、加上白果，就是這樣簡單。軟軟綿綿的口感，我很愛吃！不過我亦相信不是太對大眾口味呢，不是每個人也受到潮州糖水的獨有杰撻撻感。吃了一停頓超滿意的飯局，以功夫茶畫上句號。真的很滿足很好吃，寫這篇食評絕對是私心，誰叫我是「架己冷」！…查看更多

平時最喜歡就係一大班朋友一齊去 "打冷" ~~但係通常都係去大排檔食多, 因為夠風味又無拘束丫嘛!!但今次來到銅鑼灣名店區利園附近的【百樂潮州酒樓】給人的感覺是高級的潮州小館~~潮式凍蟹 (時價) 絕對係必食的, 要食的話記得預訂喔!!!大大隻既凍花蟹, 其蟹蓋, 蟹身及蟹鉗已經分拆好~而蟹鉗位亦預先拍裂了方便進食~睇下隻蟹鉗有我成塊臉咁大長, 而且蟹夠鮮味又結實, 唔會鞋口；仲要啖啖蟹肉, 好滿足!!!原來配合日本清酒一同享用, 可提升蟹肉本身的鮮甜味!!!真係第一次潮州菜跟日本酒 Crossover 呢~~❤ 滷水鵝片 (HK$188 / 例牌)❤ 滷水鵝肝 (HK$120 / 半隻)潮州菜一定要食既就係"滷味"這碟鵝片鵝肝雙拼, 面的是鵝肝, 底的是鵝片, 全部都好入味!!!仲有滷豆腐係最底層~~鵝肝好滑好肥美, 絕不油膩, 但唔好吃得太多喔, 膽固醇很高的呢~~而鵝片質感好軟腍, 又唔覺得粉及"鞋身''*再來的又係滷水食品~~❤ 滷水千層峰 (HK$78 / 例牌)❤ 滷水豬腳筋 (HK$88 / 例牌)一塊塊的就係千層峰, 原來係由豬耳製成的''*中間有點啫喱質感的膠質, 整塊都很爽口!!!平時十分喜歡食豬手, 豬腳筋只有筋位, 令我更喜歡~~口感好煙韌, 又不會有油淋淋既感覺''*❤ 潮陽炸雙棗 (HK$104 / 例牌)炸雙棗分別就係蝦棗同蟹棗；配上兩款特別的醬汁食用, 可以帶出鮮味外, 仲可以中和油膩!!!淺色的是蝦棗, 較彈牙的口感；而深色的是蟹棗, 肉質較散, 食到有一絲絲蟹肉絲!!!兩者炸得外脆內熱, 都好好味''*❤ 胡椒鹹菜豬肚湯 (HK$108 / 例牌)這裡既胡椒鹹菜豬肚湯胡椒味香濃, 辣味較重；豬肚洗得好乾淨又冇羶味, 鹹鹹地辣辣地好過隱, 平時定裡飲既一定冇咁辣!!!!❤ 碧綠川椒雞球 (HK$108 / 例牌)用上川椒炒的雞球, 本以為會很辣, 原本辣味適中, 頗惹味!!另外仲伴上炸脆了的菜葉, 食落脆卜卜, 令人食完又想再食啊~❤ 香煎蠔仔烙 (HK$98 / 例牌)潮州菜亦不少得蠔仔餅, 這個蠔仔餅邊夠脆又唔油；又不會過量既蛋醬, 入面又有好多又肥又大隻既蠔仔, 好足料!!❤ 豉油皇剪倉魚球 (HK$248 / 例牌)一條魚有兩食, 而且亦善用魚骨整返條魚既形狀；好有藝術品既感覺~~一半為椒鹽炸的, 另一半係豉油皇煎的''*豉油皇煎的是魚塊, 冇骨的, 入哂豉油味；而椒鹽炸的是魚骨來, 炸脆左就咁食, 用來送酒就最好不過!!!❤ 潮式薑米鴿 (HK$230 / 隻)這隻雖然係燒 BB 鴿, 外面香脆, 內裡釀入了薑米飯；又脆又煙韌, 好特別的一道菜!!同樣配上炸脆了的菜葉, 又有得食嚕~~❤ 潮州蠔仔肉碎粥 (HK$55 / 碗)蠔仔粥亦是不能缺少的菜式, 像稀飯般的潮州粥, 有粥水又有飯粒可咀嚼；而且用上的蠔仔粒粒都又大粒又肥美, 絕對有豐富既口感!!!最後就有潮式甜品：馬蹄片豆爽 (HK$35 / 位)第一次食這種, 味道不會很甜~內有馬蹄粒及黃豆, 煮過後腍腍地, 很有咀嚼感, 都算不錯!!!一次過食左咁多款潮州特菜, 十分滿足~雖然我還是較喜歡係大排檔食個種感覺, 但有時高級一下也無仿''*…查看更多

人生總有一啲事情係好想試，但永遠都係得個講字… 食潮州名菜算係其中一樣。打冷有試過，但嚐嘅當然唔會係有名嘅潮州名菜啦。所以今次來到百樂潮州，先有一口sake，kick 一kick start 我嘅肚皮先，其實佢老早已經預備好啦！滷水鵝片拼盤(單點) 滷水鵝片$188 / (單點) 滷水鵝肝$120 半隻一碟有鵝肝、鵝片、仲有豆腐，三樣食物都滷得好入味，但又唔會太濃，唔會搶過鵝片嘅味道，食開味道淡嘅都唔怕食呢個！好味！滷水豬拼盤(單點) 滷水豬腳筋$ 88 / (單點) 滷水千層峰$78另一滷水菜色，其實我平常唔會刻意去食滷水嘢，滷水比我感覺都係味道好濃好咸嘅，不過呢度嘅滷水唔咸的黎仲要有種甜味呢。潮陽炸雙棗$104呢個炸雙棗令我印像最深刻，本身味道平平無奇，但只要一點附上嘅醬汁，味道即升呢幾倍。醬汁有兩款，同枱朋友好仔細咁解析兩醬嘅分別，但我掛住食，聽完就唔記得左lu，下次再去問下經理兩醬嘅分別先！各人嘅喜好都唔同，我比較鐘意食淺色呢個，甜甜地好好味！潮式凍蟹主角出場啦，今晚都係為佢而黎，外面吃潮州菜都唔會點呢個，主要都係相信問題啦，一陣啲蟹唔靚我咪蝕晒，緊係揀個有信心架啦！凍蟹好新鮮，海水味唔重，而且非常鮮甜，唔洗點醋都得！殼一早就開左，只要輕輕將殼拿開就可以啦，衛生得黎又唔會失儀態，再算唔識開蟹殼都唔怕啦！一塊肉完完整整的！！一大口肉，爽爆！！食凍蟹要配凍Sake，食一口再來一啖，蟹味會更鮮甜架，太正啦！胡椒鹹菜豬肚湯$108我的最愛，個種熱辣辣嘅感覺，飲完成個人都暖晒。胡椒湯要夠辣先好味，呢個就夠晒辣啦。胡椒味好濃同非常香， 煲過後嘅鹹菜質感剛剛好，唔硬亦唔辣， 鹹菜冇榨嘅，靚嘢呀！雖然我已經飽飽地，但仲要隊晒成個湯，就要到佢真係好味啦！碧綠川椒雞球$108呢個唔會好辣，菜就算炸過但係都好乾身，唔會有一層油係面。雞應該係半煎炸嘅，但係非常juicy同好嫩滑添！豉油皇煎倉魚球$248其實呢個魚本身唔差，但食完上面咁多好菜，呢個魚有啲比下去嘅感覺，加上煎炸的中菜本身都不是我杯茶。不過，雖然係煎炸類菜色，但沒有太大油膩感，加上賣相非常有趣吸引，倉魚煎完再擺pose，非常呃like!!!潮式薑米鴿$230 /1隻另一呃like 菜色就係呢個，我發現百樂的廚師都係創意無限，將鴿子扭成百爪魚咁… 遠睇都幾得意(見好就收，唔好近睇研究啦！) 本身鴿同薑米已經夠吸引啦，雖然係鴿包飯，但整個飯都係好清唔油膩，鴿肉好嫩… 本身已經飽到頂點都停唔到食左半碗。香煎蠔仔烙 $98潮州菜又點可能少左蠔餅，咁足蠔仔嘅蠔餅都係第一次食，我食個半件差唔多每一口都有蠔仔，好滿足喔！蛋餅本身都好好味，唔焦唔乾，仲有少少蛋汁，juicy juicy！潮州蠔仔肉碎粥 $55最後… (我嘅最後… 朋友仲係好努力咁食) 蠔仔粥上場，超衰的整係撩晒嘅蠔黎食，咁大隻喎，呢碗一啲都唔係'蠔仔' 囉！蠔仔超甜，好鮮，今餐大滿足！…查看更多

明知道晚上要吃大餐，16:00還是陪老闆吃了一碗拉麵。散步行了一會，19:00準時來到百樂，門外有弧度的木板立體而且很有延伸效果，店內一片香檳色，跟中式酒樓無異，但抬頭看天花，看見一列像泡沫的透明燈泡橫跨整個大廳，感覺跟我認知的潮州酒家不太一樣。第一道前菜小食的份量已經相當震撼，平時習慣兩個人撐枱腳，很少機會可以集齊一班朋友這樣大吃大喝。這個滷水拼盤集合了千層蜂、滷水鵝片和滷水鵝肉。當中用豬耳製成的千層蜂，感覺膠質豐富，爽爽的很特別。滷水鵝片質感腍身，連骨的滷水鵝肉則比較結實，肉味亦比較濃，我比較懶，所以比較喜歡前者多一點。以前有嚐過西餐或日本料理的鵝肝，潮州的卻沒有試過。夾上手，厚厚一片，咬下去感覺嫩滑腍身，有淡淡滷水鵝味。雖然疊起來看似很多，其實以豆腐墊底，$120只有十來片。是日的潮式凍魚是烏頭，一條有大半手臂長，肉質不算很結實，但味道鮮甜，蘸普寧豆醬的話，又似乎過鹹，個人比較喜歡大眼雞多一點。檸檬鴨湯是今晚其中一個亮點，賣相簡單，湯身清澈見底，表面接近零油花，感覺輕盈健康。呷一口，最先嚐到鴨的鹹香，再來是一股酸甜，清淡得來又開胃。未知是否因為伴碟採用了香葉辣椒的緣故，總覺得這個潮陽炸雙棗的賣相很泰式。雙棗有蟹棗和蝦棗，前者咬開有蟹絲，咬開顏色比較深，口感很腍有點像芋頭蓉，內裡混了些爽粒，不確定是蓮藕粒還是馬蹄，後者的話口感比較結實鮮甜。這個菜式可以蘸兩款醬汁，深色那款是潮州甜醬，帶點話梅味，鮮黃色的是是柑桔蜜，味道有點像檸蜜。菊花石榴雞的賣相很美，第一眼望過去，只見一堆翠綠的菜頭，底下有些芡汁，就像看見綠油油的水稻田一樣。白色的皮口感像腐皮，又有點像煎過的蛋白，口感有點鞋鞋的，內裡混了冬菇粒、沙葛粒、蓮藕粒、雞粒，能嚐到蔥香。吃了那麼多肉，終於有一碟蔬菜可以洗洗味蕾。這個金華四寶菜，其實豈止四寶，除了金華火腿，還有小棠菜、節瓜、黃芽白、粟米心、冬菇、草菇、紅蘿蔔和白蘿蔔，紅蘿蔔還雕了蝴蝶的模樣。自小對白鴿有種莫名的抗拒感，一生人好像只嚐過一次乳鴿，還要在澳門。面前這隻肥鴿，被撐脹有如氣球大，肚內釀入瑤柱絲、薑米和臘肉，鴿皮其實已經不脆，但味道還是很惹味。接近尾聲時來了潮州蠔仔肉碎粥，其實已經很撐，幸好只是粥，如果是飯，那就死定了。潮州粥的特色是粥的質感水水的，不會很飽肚，內裡有方魚、珠蠔、芫茜、冬菇片、肥豬肉碎等，味道帶點黑椒味。尾聲來了一碟乾煎糖醋麵，人家叫兩面黃，我想大概是兩面煎至金黃的意思，不過這個糖醋麵卻只是單面煎過，帶點焦香，另一面卻是鬆散的，有少少鹼水味和油膩。我只在香煎那面落了一點點醋，感覺黑醋跟煎過那面比較搭一點。甜品是福果甜芋泥，有點意想不到。這道甜品的賣相其實有點其貌不揚，不過我很喜歡粉身的芋頭，芋泥口感幼滑細緻，表面加上又香又腍的白果，口感偏向越來越甜。最開心的是無牙的老人家都可以吃，於是我也打包了一袋回家打算孝敬外婆。此刻的我，說飽到上頸一點也沒誇張，前前後後十一個菜，真是又痛苦又飽足。雖然飯前那杯功夫茶我無緣品嚐，但飯後那杯卻解救了我，那種甘味正好可以中和剛才的甜，去膩滯最啱~…查看更多

還記得一次到旺角一間潮州打冷小店的事件, 由青年記到現在中年, 現在還記憶猶新, 究竟為何? 事緣是剛出糧的我興致勃勃帶爸媽食潮州菜, 皆因老爸愛吃鵝肉, 亦愛吃大眼雞魚, 但結果足足被老爸“鵝”了多年, 因為一條以時價計算的細小大眼雞魚相當昂貴, 故此每次老爸自行買超值的大眼雞魚回家做餸都會重提此事, 自此之後, 我已很少吃潮州菜。今次有朋友相約到百樂潮州酒樓飯聚, 有朋友坐鎮, 不用我費心, 能重拾潮州菜風味, 當然應邀出席, 不知今次能否推介給老爸?一塊以金黃燈光店名配黑色背色的大招牌, 高高掛在門口, 奪目耀眼, 極之吸引途人注目。別以為傳統老店設計守舊, 金碧輝煌的門面配合時尚的線條設計, 充滿氣勢之餘, 亦能配合潮人潮事的銅鑼灣地帶。一進入店內便看到一盆優雅高貴的蘭花, 令人賞心悅目, 還以栩栩如生的錦鯉圖案作裝飾, 滿有中國色彩。內裏有九人圓枱、六人或四人枱, 還有五間獨立房間, 地方不算很大, 但枱與枱之間有一定的距離, 令食客坐得舒適。店子的最入端是廚房一角, 掛了大大隻的凍蟹和放了數款潮州食品, 不知它們會否是我今晚的佳餚呢? 一坐下便先送上細細杯的潮州功夫茶和兩款酸菜小吃。呷一口功夫茶清清味蕾來迎接以下的菜式, 不懂品茶的我, 亦感到此杯功夫茶甘醇, 甘香味還留待口中一段時間。至於兩款小吃, 一款是爽脆而酸酸甜甜的醃鹹酸菜, 另一款是菜甫豆腐乾, 內有菜甫、豆腐乾、蝦米和肉粒, 以豆豉和紅辣椒烹調, 相當惹味!食潮州菜又怎少得必食的滷水, 先上一碟滷水鵝拼千層峰。片片半通透的千層峰圍着疊得如小山丘的滷水鵝片, 眼看只有兩款滷水, 有點失望, 原來內藏驚喜, 鵝片下還有連骨滷水鵝肉和滷水豆腐, 款式和份量都令人相當滿足。千層峰即是豬耳, 平時所吃的豬耳多數是切成一條條, 這裏是薄薄一大片, 口感比切成一條條的更豐富, 皆因每片內藏多層軟骨, 眨眼看, 真的有點似有千層高高低低的山峰, 難怪取名 “千層峰”。其爽脆入味, 而且不感油膩, 挺不錯!每片滷水鵝片均切得極之薄身, 就知大廚刀法了得。鵝片同樣相當入味, 味道剛好, 但肉質稍為結實, 不及內藏的連骨鵝肉那麼幼嫩, 鵝肉雖帶有油膏, 但油而不膩, 而且鵝香味十足。至於我最喜愛的滷水豆腐, 外啡內白, 滷製時間剛好, 入味而不過鹹, 而且相當嫩滑, 正!雖愛吃香煎鵝肝, 但郤怕它的油膩, 不知這碟滷水鵝肝又會否令我避而遠之呢? 片片厚度適中的鵝肝入口未算即溶，但口感柔軟粉嫩, 味道甘香美味, 勝在少了一份油膩感, 不會令人飽滯, 吃時再蘸上一些酸醋, 讓人不知不覺間一件接一件。只聽潮陽炸雙棗這個菜名還以為雙棗是紅棗和南棗, 非也!非也! 原來是炸蝦棗和炸蟹棗。淺金黃色的蝦棗, 圓碌碌, 與乒乓球大小相若, 蝦肉混入馬蹄粒同炸, 彈牙爽口; 至於啡金色的正方蟹棗, 用料十足, 啖啖一絲絲的蟹肉, 同樣加入一些爽口的馬蹄粒, 多一份口感, 正! 吃時蘸上深啡色的潮州甜醬或淡黃色的桔柚醬同樣美味, 一款甜甜地, 一款酸酸地, 兩者我同樣喜愛。一碟潮式凍烏頭令我想起家中的餸菜, 在家蒸烏頭有三寶, 一是豆豉、二是果皮、三是檸檬, 當烏頭遇上不同的配料均有不同的味道, 而今次無添加的凍烏頭, 原來更能突顯它的鮮味和獨有味道。烏頭分半攤開, 已起主骨, 魚肉白裏部份帶灰紅, 肉質稍稍實淨, 而腩位部份帶點魚油脂, 故較為嫩滑。無添加的凍烏頭果然鮮味十足, 但若嫌太清的話, 吃時亦可蘸上所配備的普寧豆瓣醬, 別有一番風味, 但個人認為其味道偏鹹, 搶奪烏頭魚的鮮味, 故還是無添加最美味!印象中鴨湯都飲過數次, 但用檸檬來煲的鴨湯肯定第一次試, 郤令我一試難忘。一鍋清澈透亮的檸檬鴨湯, 雖用原隻連皮鴨煲成, 但湯面一點油脂都沒有, 透澈得可清楚看到湯中的用料。眼見內裏只有原隻鴨和數個檸檬, 用料雖簡單, 但平凡中見美味, 以鴨煲湯滋補養生, 配上酸咪咪的檸檬, 感覺清新怡人, 絶不油膩, 令人讚不絕口。這碟菊花石榴雞一上枱已被它的相賣深深吸引着, 猶如在河畔中一朵朵含苞待放的蓮花一樣, 再相伴着一棵棵翠綠的小棠菜芯, 優雅脫俗。每個飽滿的石榴雞外皮是煙韌而帶有淡淡蛋香的蛋白皮, 內裏包着爽身冬菇粒、富咬口的雞肉粒、爽口筍粒等等, 口感豐富, 掛滿獻汁, 相當入味。兩隻炸至外層金黃的潮式薑米鴿肚子非常飽滿, 脹卜卜得快要爆開, 一見便知內藏不少饀料。店員將其剪成一小件一小件方便食客進食, 細仔看看, 內藏粒粒煙韌帶黏性的糯米飯及嫩滑的鴿肉。 糯米飯沾滿乳鴿肉汁, 但薑味欠奉, 加上略為偏油, 而乳鴿的外皮亦不算香脆, 可惜……這碟擺設精緻的金華四寶菜雖稱四寶, 但實際用料眾多, 數數看, 內有肉厚爽身的冬菇、多汁的冬瓜、爽口的粟米芯和小棠菜、清甜的黃芽白和紅蘿蔔、清新的節瓜、爽滑的草菇, 全部掛滿獻汁, 相當入味! 別忘這碟菜式的主角, 肉色紅潤、甘香濃郁的金華火腿片, 用以上清新的蔬菜配上鹹香的金華火腿, 配搭一絶!一向較喜愛潮州粥, 喜歡它如湯泡飯一般, 粥身較稀, 能吃到粒粒剛爆開的米飯, 不會像廣東粥煮至米飯爛綿, 所以這窩潮州蠔仔肉碎粥是我另一心水之選。米飯粒粒開腰花, 口感鬆軟, 內裏有粒粒肥美鮮甜的蠔仔、甘香而有咬口的大地魚乾, 還加入肉碎、香芹、冬菜提味, 鮮味中帶點微微的鹹香, 相當美味!以心形上碟的乾煎糖醋麵, 未食都已令人心甜。糖醋麵雖只乾煎單面, 並非兩面黃, 但反而口感獨特, 面層金香脆口, 而內裏的麵條質感柔韌, 送上兩重口感, 吃時按個人喜好自行加入糖和醋, 稍為粗魯的我, 一不小心把較多醋倒入麵中, 幸兒無損它的香脆, 同樣美味可口, 讚!其實已有八成半飽, 但看着這窩福果甜芋泥, 真的令人忍不住口, 飽都要吃! 芋泥上舖滿已去芯的鮮黃色白果, 滿滿一大窩, 相當飽滿。忍不住快快舀起一羹, 嘩! 熱煙隨即四散, 芋香味直湧鼻子, 香味四溢, 令我馬上垂涎三尺。芋泥煮至軟綿, 入口香甜綿滑, 帶有少少的芋碎, 勝在一點都不甜膩, 而粒粒半開的白果充滿白果香, 但略為偏甜, 相信是用糖水先煮製, 煮製的時間剛好, 白果腍硬之間, 口感不錯! 甜度適中的芋泥配上甜美的白果, 味道剛好, 口感一流, 愛吃香芋的朋友, 一定不能錯過這甜品, 它就成功俘虜了我的心!最後, 店方再送上功夫茶, 一解油膩, 真的最適合不過!------------------------------今晚重拾潮州菜風味, 真的令我相當滿足, 百般歡樂, 努力記下款款美味菜式, 希望下次帶老爸來可以令他百般歡樂在百樂, 不過愛挑剔的他總有“鵝”我之處, 但老實說, 很希望他能“鵝”足我一輩子, 這才是一家人一點一滴所累積的美好回憶!…查看更多