潮州軒

🥰 老友 “意大利長介” 再搞飯局, 相約同門師兄弟 “村井” 同埋 “一清”. 記得早前 美女食家 推薦 “潮州軒”, 機會嚟嘞, 飛雲!🥢 餐廳位於銅鑼灣商業大廈2樓, 新派飯店格局, 走中高檔路線, 座位舒適, 人手充足, 服務到位, 紅白酒杯齊備. 今晚主攻 美女食家 及 OpenRice專家 推介嘅菜式.生醃有膏瀨尿蝦特色凍馬友魚潮州軒滷水拼盤手功鮮蟹棗潮陽鮮蝦棗花雕蒸大紅蟹普寧豆醬雞蛋白杏仁茶🦐 生醃有膏瀨尿蝦, $480. “長介” 建議嘅, 需要預訂, 瀨尿蝦滑捋捋, 配合蒜椒酸汁, 味道出色! 我好似見唔到 “膏” 喎, “村井” 認為 "生膏" 不及 "熟膏".🐟 特色凍馬友魚, 六件, $240. 魚肉甘香, 份量啱啱好, 抵讚!🥰 潮州軒滷水拼盤 (鵝肉, 大腸, 腎, 鵝肝, 滷蛋, 豆腐), $360. 鵝肝, 口感軟綿, 咁香入味, 一流. 鵝肉, 夠腍, 滷水味道出色. 大腸, 夠嗅, 十個讚. 每款四件, 每人一件, 意猶未盡.🦀 手功鮮蟹棗, $200. 真係食到蟹肉, 熱辣辣, 彈牙, 不俗!🦐 潮陽鮮蝦棗, $160. “蝦棗蟹棗” 唔係計劃之內, “長介” 亂加, 萬幸冇採雷, 表現過關.🦀 花雕蒸大紅蟹, $2,496. 美女食家 強烈推介, 需要提前預訂, 師兄弟們完全不問價錢! 每両$78, 共$32両. 每人兩三件, 啱啱好, 所以真係貴, 哈哈. 蟹肉實淨, 花雕濃郁撲鼻, 又平均滲透大紅蟹, 拍案叫絕! (後記: 預訂 “花雕蛋白蒸蟹”, 但我同 “一清” 都唔覺食到 “蛋白”)🐥 普寧豆醬雞, $360. 感覺少似南乳炆雞, 雞唔夠滑, 錯晒, 下次唔揀.🤗 桂花炒魚翅, $1,280. 配生菜好食, 但變咗 “生菜包”, 有點浪費炒魚翅嘅烹功. “長介” 追加又冇睇價錢, 我覺得唔抵食攞.🍥 蛋白杏仁茶, $48. 杏味平衡, 唔會 “渴撻撻”.🫘 特色餐前小食, $30. 豆腐乾, 半肥瘦豬肉, 出奇地好食.🥂 “長介” 自帶四款酒, 開瓶費每支$200, 冇收足. (1) 清酒襯唔到食物. (2) 法國侏羅區白酒味道似黃酒花雕酒, 只係配合到蒸蟹. (3) 阿根廷白酒 White Bones, 今晚最貴, $800+, 可惜出塲太遲, 半醉了. (4) 紅酒出 Gevrey Chambertin, 香氣優雅, 配食物有點難搞.🤗 總結: “潮州軒” 食物出品優質, 驚喜菜式包括 滷水鵝肝大腸, 生醃瀨尿蝦, 花雕蒸蟹. 略嫌上菜速度太快, 扣分. 老友 “村井” 食過兩三次, 讚口不絕, 今次冇點佢推介嘅 乾燒翅, 期待下次再訪.…查看更多

國慶假期，享受了一頓美味的午餐，實屬樂事！走進餐館，裝潢瑰麗雅致，予人高尚的氣派。餐具亦典雅不凡，帶宮廷風。先來數道點心。一啖咬下蝦餃，即時迫出濃濃的蝦味，還有荀的爽脆，非凡的美味！蘿蔔絲春卷十分之脆，中間的蘿蔔絲甚是清甜，兩者是相得益彰的組合！煎韮菜粿底面都煎得恰到好處，餡料充滿韮菜及蝦肉，香口到不得了。蝦棗和蟹棗同樣出色、各有千秋：蝦棗裡混了豬的脂肉，而蟹棗則有馬蹄做襯托，增添層次感。點心以外，兩道菜餚都令人讚不絕口！先是滷水拼盤，包括鵝肝、鵝肉、鵝腎、豆腐以及滷蛋。最引人注目的鵝肝超級軟嫩，完全是入口即化！滷水又好味，鹹淡適中，是一碟超班的滷水拼盤！蠔仔烙雖則是用煎蛋來弄，竟半滴多餘的油也找不到，但蛋居然是焦香的！海量的蠔仔仍然保持濕潤，每一啖都有汁，每一啖都是享受！不論是點心或是菜式都那麼精彩，完全是一次滋味的巡禮！…查看更多

位於銅鑼灣的潮州軒，於2020年開業，裝潢以時尚中式為主題，主要的色調是木啡色及綠色，環境舒適優美，設有9間貴賓房。由「品潮軒」的黃錫榮先生Dee哥帶領的一班精英主理，主打傳統潮州菜式。潮州滷水是潮州菜的傳統特色名菜之一，來到潮州餐廳「潮州滷水」是必叫菜式。因為店內提供有太多滷水款式，所以我們直接點了一個「潮州軒滷水拼盤」，可以試多個款式。拼盤包括有鵝肉、大腸、腎、鵝肝、滷蛋及豆腐，每一款滷水都非常入味，特別是鵝肝口感軟滑，入口溶化。而豆腐在底層，更加吸收了所有食物的精華，香滑美味。拼盤內沒有「潮州滷水鵝掌翼」，所以我們額外再單點了。「脆炸普寧豆腐」外脆內軟，有淡淡的香滑豆腐味道，面層有炸海苔片，可配上上湯吃，推介大家嘗試一下。「潮州蠔仔洛」即是蠔餅，煎餅有燶邊的效果，有粒粒蠔仔，非常足料。「生焗野生雜魚煲」看起來像很普通的小魚，但廚師烹調得很惹味，魚肉很滑，不過要小心魚骨比較多。…查看更多