生昌潮州海鮮酒家

直接的士駛到大門口，落車即開飯，嘆到不得了。食客不太多，大量座位任君選擇，都係坐係室內較為乾淨企理，不用吸二手煙呢。熱鹽焗烏頭，阿嬸話烏頭仲蒸緊未出爐，所以無得自己出去揀烏頭呢。有人鍾意凍食，都有人鍾意熱食。我即時滴汗，唔係掛？雖然都有食檸檬蒸、泰式明爐、潮州半煎煮、等等。食左十幾年潮州鹽焗烏頭梗係凍魚飯最好味，您唔好呃我啦。新鮮熱辣剛出爐，味道怪怪的，朋友仔同我都覺有陣強勁泥味！魚肉勁濕滴水，溝稀黃油甘香味道。熱熱烏頭既黃油仍是液態，剪開魚皮已經令部份黃油即時流走，極度難食！專登荃灣飛的士過黎食烏頭，平時鹽焗烏頭已經完全放涼，魚肉乾爽嫩滑，結實多汁，黃油澎湃一滴滴，甘甜非常！無需要任何調味料，點天然黃油已經美味登天。潮州醉香蝦，蝦殼蝦頭炸得透徹完全脆卜卜，連殼都唔晒剝，成隻食持別冶味！炒得鑊氣十足，蝦肉保持爽甜嫩滑，仍然帶點肉汁。蝦身沒有酒香，而蝦頭酒味芬芳飄送，好香口惹味好味道！辣汁田螺，味道豐富濃郁，微辣醒神，依個汁用黎浸豬紅必定好味超合襯！美妙辣汁好味至極，調配神秘出色，其實因為個汁，所以才田螺食，對唔住喇田螺。田螺肉嚥韌，已被美味辣汁完全滲透，惹味刺激一粒接一粒食唔停口。我最喜歡食螺類尾部，甘香軟綿，最衰田螺尾全部都係蛋，想食都食唔到！白灼鮮墨魚，經常未到晚市就沽清，機會黎喇飛雲！竟然仲有最後一碟，免強無幸福，食得到也未必好。師傅們發生咩事？兩款人氣招牌菜都先後失手。朋友仔都嬲嬲豬投訴，依碟野十足隔夜餸，乾爭爭硬掘掘，無鮮味無甜味，我都好有同感。口感死實，不香不嫩，半點肉汁也沒有，連墨汁都乾晒。肚裡面既墨魚卵變得硬實一舊舊，極度地獄劣質料理！鹽焗烏頭，強調她來至元朗，仲有出世紙扣住添喎。一定要凍食，讓多餘水份蒸發，原汁原味連黃油通通一滴不漏鎖在魚皮之內。招牌菜穩陣無得頂，可能係全港最爆油最好食既烏頭。爆黃油閃令令，魚味特濃甜美，鮮嫩無敵失控搶住食！黃油斑斑肉汁發晒光，質地結實啖啖肉嬌嫩多汁。成條都係寶，頭下面的魚肝程圓錐形，爽爽的索索聲，超強鮮魚味道。魚春卵巢藏係魚肚內，黏黏肥美油潤滑滑，極鮮甘甜。每吋肌膚都被我啜得乾乾淨淨，最後只剩低光禿禿的一條骨及塊魚皮。生昌花枝蝦棗，新鮮出爐金黃香脆乾爽彈牙，不濕不腍，陣陣鮮蝦味濃烈，脆脆花枝粒在內增加情趣，原味不點汁好味道。金不換炒蜆，老闆極力推薦，最敝完全唔掂！蜆出過水沒半點鮮味，跟蜆甜味海水咸味一齊全部流失，變得縮水細細粒。求其撈個汁兜兩兜就上碟出貨，無鑊氣可言，仲要過熟勁韌似橡膠！醬汁沒有金不換味道，激似花生醬，非常難食，中伏！金湯華腿雞煲翅，鯊魚骨湯？有翅邊肉、雞件、豬腳、紹菜，味道似菜膽雲吞雞。無特別感覺，賣相靚仔討好，大量食材足料，翅針爽爽翅肉滑滑，雞皮滑雞肉鞋，紹菜爽甜吸湯，湯汁清甜平庸簡單。豉油皇炒肥鵝腸，極度肥美，甘甜鵝油半溶滲透鵝腸中格外可口。咬掉肥膏品嚐，爽脆的態度使我不能自拔，熱騰騰不停吸啜，濃郁香醇豉油味，停不了的節奏。成抽大注突入，勁脆勁爽，豉油清新芬芳，味道滿意無投訴。搭上芽菜齊吃，爆水不腥嗅，味道口感都更豐富。潮州凍蟹，提供不少蟹種選擇，麵包蟹、加菲蟹、泥蟹、花蟹、等等，就食最大隻既紅蟹啦。室溫紅蟹肉鮮甜無比，淨食可口，沾上浙醋酸咪咪更添風味。沙田紅燒乳鴿，剛剛炸起熱騰騰，雖然有點油光，幸運地皮脆肉嫩，香口啖啖肉不乾不鞋滴出肉汁，食得津津有味損手指。生昌滷水鵝例牌，多年前食過完全低於水平，我向來好相與，比多次機會。我隻髀呢？消失的鵝髀，去那裡啊？例牌就沒有髀的嗎？非常肥美滑溜溜，比當年更高質更好味。生昌長進很多，大躍住的演繹。濃郁芳香，滷水味滲入每吋肌膚，鵝皮黏滑，鵝肉彈嫩。有一點點肥膏可以接受，咬掉算數。每趙都充滿鵝汁與滷水，味道撞得精采出色。試試酸醋，甜味太強不喜歡，多點酸多點蒜就更醒神啊。滷水併盤，鵝翼巨形一開四，厚厚鵝皮超級黏嘴，包著結實美味嫩肉，特級好食。生腸還以為橙色生腸，竟然係白色似牛柏葉，爽脆無比有著淺淺滷水味道。墨魚半嚥韌半爽彈的質地，十分得意，天然墨魚甜味突出，沾上辣椒油更加滿足。大豆芽當然不會續條續條地嘆啦，大大注大大注地塞入口才夠豪氣，掛上大量滷水汁一咬爆水，不腥不嗅甜甜的啊。一心想食鵝肝，賣晒使我情緒低落。椒絲腐乳炒通菜，我至愛的水通無可替代，無懈可擊。翠綠明亮的顏色，大大碌爽脆鮮甜，腐乳醬抱得通菜緊緊必要共赴五贜廟，來吧﹗乳香微辣不停地吸啜，暢快無比天堂的味道。白灼螄蚶，跟金不煥同烚，其實完全無色無味喎，裝飾一下可以。打開螄蚶，發現蚶肉已不再血紅燦爛，血紅素遇熱微啡，都照樣狠狠地啜啦﹗在過熟邊緣，幸好並無大外，依然爽彈肥美帶鮮甜，真係有點安慰。試試那個醬汁什麼料子，太甜喇麻，完全都唔夾，比跟鵝旳酸醋更差，都係淨食原味可口得多。滷水鵝肝併鵝腎鴨掌，價錢非比尋常的高昂。鵝肝滷味清香，不過熟仍保有嫩滑質感及甘甜味道，處理得宜。鵝腎完全被鵝肝比了下去，平平凡凡，偏硬不爽，一般唔難食。鵝掌沽清只剩鴨掌，照食可也。鴨掌瘦猛猛無肉食，無奈地齋損腳指，陰功。椒鹽蒜香蝦，我要潮州醉香蝦喎，淨係睇外表已經知道錯啦﹗蒜香出眾惹味著辣椒微辣，醒神醒腦使得渾身是勁﹗炸到全身脆卜卜，連肉連殼一齊食，蝦味更鮮更濃更多汁。砵酒焗蠔仔，阿嬸仲讚我地識食，好野黎架！但食到我滿口粉滿口油呢。蠔仔細細粒，厚厚麵粉包著，粉比肉還要多，油淋淋受不了﹗配碟青椒紅椒更好味。潮式辣酒煮螄蚶花螺，唔夠螄蚶用花螺搭夠，無所謂。潮式辣酒白色的嗎？第一次見喎。辣就不太食到，有少少酒味，味道太淡。反而食到花螺及螄蚶的純天然鮮味海水味，肥美飽滿爆汁水潤，非常難得。翅湯蠔仔粥全走，翅湯感受不到有咩唔同，都係差不多乍喎。蠔仔偏瘦，湯汁味淡，粥底清爽，加胡椒粉及豉油更可口。將所有螄蚶去殼備用，要二次創作。極淡口的蠔仔粥混入螄蚶肉及螄蚶汁，鮮味即時爆燈﹗每啖有蠔仔有螄蚶有湯有粥，百花齊放，無敵大滿貫。冰鎮大菠蘿，冰凍甜甜不酸透心涼。最初時阿嬸力推，我地都話唔要架啦，阿嬸又話得兩舊，黎到係四舊。仲話我地浪費唔食晒又唔帶走，係咪有病呀﹗…查看更多

避開晚飯最旺的時間，八時後過來，有枱又有車位，但就沒有凍蟹了‼️ 結果有一整碟蟹鉗🦀 店員介紹了墨魚仔 🦑，是不是白灼的呢‼️ 很有味道，不用醬油都 OK👌🏻，中間一條透明的墨魚骨，吃完舌頭👅、牙齒也有點變黑‼️ 另外還有韮菜豬紅大豆芽朋友不怕膽固醇，要了豉椒鵝腸，結果中伏，說鵝腸不靚店員留了個細芋泥給我，說賣完就無啦‼️嘩～～～甜度超標，兩人一個都覺得多，四人一個，一人一匙都滿足了，甜點當然是甜啦‼️又幾好味…查看更多

鹽焗元朗烏頭，超勁黃油元朗烏頭！正呀！雖然係街巿魚檔同超巿都有元朗烏頭賣，但係點解無黃油既？黎生昌真係為左條烏頭架乍，如果唔係要食其他野，連食兩三條都唔會厭多。侍應阿姐剪開魚皮，黃油激射，溜到成碟都係黃油，好勁呀﹗魚肉嫩滑無比，不需要任何調味料幫助，真係魚味濃郁帶甜味，超奉既肉汁同黃油，欲罷不能﹗要大啖大啖咁食先能安撫住激動既情緒呀﹗另外，佢地既麵豉醬經過調較，唔會太杰又唔會太咸，味鮮帶香，與眾不同。鹽焗元朗烏頭，勁誇張既黃油﹗澎湃泛濫，充滿肉汁既鮮嫩魚肉，用眼睇已感受都何等美味呀！潮州凍蟹，都好抵食，價錢由 HKD60 到 HKD100，我想要大隻啲架，最大只得依款 HKD100 蚊，最理想有三四百嗰啲囉。好采依隻肉質彈牙又帶天然海水咸香，有蟹肉鮮味帶點肉汁，點醋食好醒胃，正！蟹鉗肉特別肉厚多汁有咬口。白灼鮮吊桶，終於食到您喇，黎左幾次都賣晒，真係新鮮到不得了﹗一咬落去既質感同味道完全唔同，味道非常鮮甜，不用加任何調味料，質地彈牙爽嫩，肉汁豐富澎湃，部份吊桶有卵添呀，超級香甜﹗天然墨魚汁更添鮮味。唔掛得成日都沽清啦。必食推介，搶呀！淨豬紅，湯底唔係一般既滷水或豉汁喎，係生昌既獨門招牌香辣汁。雖係滷水底，但加入大量香料，味道香濃而帶點辣。豬紅口感外脆內嫩，一咬散開，爆漿感覺好爽，係真正既豬紅。趁熱食加辣椒油，都唔錯，但凍左就好咸喇，食左先講！田螺，女友至愛，佢一定要食架﹗湯汁超級濃郁，只有香味無嗅味，因為細個真係食過嗅既田螺，以後到無再食喇，直都廿年後依家遇上生昌。比上次好食左喎，熱騰騰出晒煙，螺肉嚥嚥韌韌，煮得都好入味，要一粒跟一粒不停地啜，食晒先肯罷休。花枝蟹棗，暫時食過最好味既蟹棗，我認識咩叫潮州棗應該係多年前係沙田潮州城酒家。即叫即炸，外層炸得金黃香脆，食落花枝球彈牙，口感夠結實，仲夾雜住蟹肉既鮮味，可以肯定蟹肉並不是罐頭貨，好味啊﹗六個送五碟調味料，辣椒油跟豬紅、浙醋跟凍蟹、麵豉醬跟烏頭、甜醋醬跟蟹棗同吊桶，每款我都有試，更添特色及風味。兩個口要六個餸，勁呀﹗唔肥就奇啦。鹽焗烏頭、田螺、白灼鮮吊桶、花枝蟹棗、凍蟹、豬紅，當然大部份都落晒我個肚啦，全部清晒，好食無辦法，哈哈﹗都值得我專登係大圍搭的士過黎。食飽坐陣休息吓落一落格，又係時候講再見喇 ﹗好快又會再黎拆過，今餐好滿足呢。食飽飽等埋單，飛的返大埔練陣鏢就回家休息。…查看更多

初嚐生昌禁果，心血來潮，即刻係大埔飛百三蚊的士過黎開餐，慕名而來，第一次幫襯 ﹗個 menu 真係好多野想食、好多野想試，但得兩個胃叫唔得多野啦。Order 左多款美食，即刻擺好個調味料陣先！東面有啡色麵豉醬配烏頭、北面有浙醋配凍蟹、南面蒜粒白醋配滷水鵝，西面仲有碟唔知咩混醬配螄蚶添。鹽焗元朗烏頭，打晒標籤證明貨真價實元朗漁場。嘩！從來未見過如此爆汁黃油，都唔知幾多年無食過有黃油既烏頭喇，超乎想想既驚喜，好感動啊！魚油甘香甜美，魚味特濃，魚肉又特別嫩滑多汁，一定要將魚肉放係黃油裡面滾動，沾得黃油滿滿的才放入口，味道鮮甜到想落淚呀！轉眼成條魚蒸發得一乾二淨，得返層皮同棚骨乍，連骨都想損埋，真係超美味！冷烏頭非試不可！另外佢地個麵豉醬唔太咸喎，仲泛著淡淡清甜味道，推介。潮州凍蟹，勁抵食，平到隻蟹都識笑，大大隻都只需二百蚊，係街巿買隻新鮮都要百四五蚊，真超值。肉質鮮嫩、啖啖肉，又有膏，正呀﹗點少少浙醋不停啜，酸甜鮮味又開胃！豉汁田螺，由細到大我都有啲抗拒，細個唔識食，成條放入口吞晒落肚，好嗅呀﹗原來田螺跟東風螺、花螺、角螺唔同，條尾唔食得架囉。可能搞到有陰影，以後唔再食港式炒田螺。事隔多年，今日再放膽一試，依家知道點食會安全好多。一上枱香氣撲鼻，香氣跟著白煙四散。拮隻試試，食落就不過不失啦，嚥嚥韌韌，個汁就非常美味，香濃豉椒蒜蓉帶微辣惹味。朋友仔就勁喜歡，連汁都飲埋 ﹗白灼螄蚶，好正宗既潮州食法，只係略灼，全部未開口架 ﹗保存住所有鮮紅色汁液，好補血架呢。口感爽到爆、非常鮮嫩，同日本赤貝差不多。我試過自己灼，灼到開口就即刻食，但一開口啲精華已經全部走晒喇，以後我都知點煮喇。白灼螄蚶，真係超新鮮，爽甜到不得了，點浙醋同吃，好味到震！如果能夠整得乾淨一點就更好，裡面依然好多泥漿黐住，打開要睇清楚先放入口呢。潮州肉碎蠔仔粥，水汪汪，茫茫大海﹗佔左三份二都係湯，料實在太少﹗蠔仔鮮味又滑溜，係 size 細啲囉。湯底香甜，都幾好食。迷你蠔仔雖小，但五臟俱全，肥美飽滿，一咬爆漿鮮嫩。加點胡椒粉連粥一齊食，滿意。潮州滷水鵝片，份量少得震驚，剛好有十少塊，墊底豆腐反而勁多。質地乾鞋硬兼無肉汁，滷水味道陰沉無香味而且單調，淡而無味，差劣。唔怪知得間舖頭咁出名都無提過或推介過啲滷水野啦，偏重於海鮮類。大家都習慣左潮州打冷必食滷水鵝，但唔係生昌囉。大大舊豆腐乾表面舖上十小片乾鞋鵝片，好難食既豆腐乾帶酸縮味，免強點酸食左兩件，放棄。好飽啊，大滿足！埋單 HKD600 有找，6 個餸堅抵食啦，一定會再黎，等我呀烏頭！食飽飽，行過對面等巴士或小巴去大圍火車站。回望打冷舖，依依不捨，美味！只係位置比較隔攝囉。原來除左生昌打冷舖外，附近仲有好多飯店架喎，依家先知。…查看更多

要去生昌食飯，一定要一個字~「早」，今日知道會去生昌，收工即閃。生昌老闆同佢亞媽好好傾，而且揀烏頭同凍蟹我一定要老闆亞媽媽出馬，包無甩拖。今晚又係嗰幾味，哈哈，老闆已經話我地成日食都係嗰幾款，咁好味嘛，兩個人又食唔到咁多，唯有食我個必食LIST囉!…查看更多