日暮家 麵匠

以前見到一堆生粉排隊 但今日路過見到冇乜人排就即管一嘗心態入去🍜⁡我就叫左以下幾款😬⁡🔻日暮拉麵 第一次試就緊係試試店鋪招牌，睇介紹係想重現以京都濃郁湯底作為賣點⁡湯底選用豚骨湯，落單時揀左標準湯底，食落的確感受到濃湯底嘅效果，見我飲哂就知🤪想再重口味朋友可以揀選濃湯⁡麵底建議揀粗麵，因為咁樣先掛到湯，令每一啖麵都可以沾到湯⁡叉燒係采用炙燒方式，之前有睇各路人有講過試到凍肉味，我今次就冇嘅，可能俾人話過有改善⁡⭐️評分：4/5⁡🔻餃子加$35有個套餐，有餃子，唐揚雞，$45就天婦羅無骨雞翼⁡我自己就揀咗餃子，佢個做法係王將咁樣，整到冰花出嚟⁡餃子餡唔係去到好足，但味道搭救到，係鮮嘅豬肉味，食落亦唔油膩⁡⭐️評分：3/5⁡🔻溏心蛋食拉麵唔整返隻蛋就係周身唔聚財⁡正常發揮，蛋黃冇過熟，要講特別就係蛋身有貓掌圖案⁡⭐️評分：3/5⁡🔻黑豆茶食完麵，飲完湯，再飲黑豆茶係幾解膩，加埋標榜0卡0糖，即刻覺得健康左先啦⁡⭐️評分：4/5⁡整體評分：3.5/5…查看更多

喺尖沙咀行街行到肚餓，第一時間就諗起AK老闆哥哥間拉麵店「#日暮家 麵匠」😻 拉麵有幾款味道選擇，總有一款啱你心水😛🍜#琥珀拉麵：即係 #黑松露蜆貝醬油湯拉麵，配 #慢煮豚肉 加 #雞肉叉燒，另外仲加咗隻 #溏心蛋 🥚 湯底唔算鹹，但黑松露味唔夠重🥲 不過我幾鍾意入面配蜆肉同雞肉叉燒～感覺冇咁肥膩😋🥟食拉麵可以加錢配小食+飲品，我加咗3隻 #羽根餃子。餃子味幾好，可惜好快就凍咗🥹🐥另外屋企人再加咗個 #天婦羅無骨雞翼 配 #明太子醬。我本身唔鍾意食雞翼，但呢碟雞翼又幾好食喎🤤 值得試吓～👍🏻👍🏻👍🏻🍵飲品方面，我揀咗 #日暮家黑豆茶 😼 食完拉麵再飲黑豆茶，清清哋解吓膩，感覺非常好😺下次嚟再試吓唔同味嘅拉麵先～～😽…查看更多

AK主理餐廳！門口有AK個brand隻狐狸公仔 店舖牆身都有貓貓圖案俾人打卡～idiot當日平日12點鐘去到唔洗等位每款拉麵都可以選擇麵嘅粗幼 湯嘅濃度☺️配料就有洋蔥 蔥 木耳絲同紫菜～-👩🏻‍🍳Idiots翻兜之選❤️‍🔥琥珀拉麵 $113黑松露蜆殼配豚肉雞肉叉燒黑松露味好重 蜆肉都好鮮甜🤤豚肉雞肉叉燒各一片 每款都大大片😋不過雞肉略嚡 但又未去到痴牙😬❤️‍🔥日和拉麵 $98雞白湯配雞肉叉燒雞白湯極濃 飲完一啖又一啖 有驚喜🤩❤️‍🔥溏心蛋 $16係貓貓腳印圖案啊！🐾🐾睇落非常可愛 食落熟度剛好 好流心🫶好睇又好食！-👩🏻‍🍳Idiots總結明星效應嚟講 價錢相宜 而且質素比想像好👅…查看更多

晚上八點幾行過見到有兩個妹豬排隊，望下先知係AK哥哥主理的拉麵店，諗住咁少人就去排拉，點知果兩個妹豬話截左龍。正當我失望之際，店員出黎帶妹豬入座，我都順口問下個店員拉，然後佢就直接帶埋我入店！Lucky Me～① 日和拉麵 $98濃厚醬油雞白湯拉麵配慢煮雞肉叉燒② 琥珀拉麵 $113黑松露蜆貝醬油湯拉麵配慢煮豚肉．雞肉叉燒湯底好正，雞白湯濃稠，雞肉同叉燒大大塊，好多蔥粒，洋蔥粒同木耳絲。松露湯底亦好香，仲有幾隻蜆肉，好鮮味。最正係好似豚王咁，調味架有辣菜脯同蒜粒，好惹味。③ 溏心蛋 $16隻蛋加左個貓掌印，打卡able，咬開當然係流心架拉。④天婦羅無骨雞翼(蒜香) $68其實只係一隻雞全翼去骨拎去做天婦羅，有少少厚粉炸雞扒咁，但食落感覺又幾特別。店內有好多貓貓，門口有貓貓擺設，一道貓牆，連隻拉麵碗都係貓貓，貓奴一定勁開心。…查看更多

早2個月經過日暮家仲人山人海朝聖，好想試食鏡粉拉麵店，今日中午剛到店，剛好有位不用排隊，遲一步都要外面等，小店內已滿坐，店內坐位唔多，就似日本的地道小店。琥珀拉麵$113湯底濃香豬骨湯味，麵質軟硬適中，配上新鮮蜆肉的鮮甜，义燒肥瘦適中唔油膩，雞肉嫩而不鞋，配上黑松茸醬、辣醬、香蒜蔥、紫菜，口感豐富鮮甜而不膩黑豆茶 $42黑豆茶自家制，標榜健康不含咖啡因，黑豆加茶香，幾好飲但偏貴。日和拉麵$98濃滑雞湯底，麵爽而可口，木耳絲配上蔥蒜香，加埋半肥瘦义燒、紫菜，清甜美味溏心蛋 $16溏心蛋外型可愛印有貓貓掌印，但心唔太流，蛋香還可以。無骨雞翼（蒜香）$68無骨雞翼（明太子醬）$68雞翼嚟到都算大隻原來是雞全翼，炸粉唔太厚薄薄的一層，外皮還香脆，可惜雞肉唔太多肉汁有點乾，好彩配上蒜香醬的惹味及配明太子醬的咸香鮮味，尚還可以 店內好多貓貓裝飾挺可愛的日本風…查看更多

選址尖沙咀大型商場後面一條小巷，周圍都有唔少食肆同零售鋪頭，但好多都執晒，好可惜，唯獨呢間拉麵店裝潢新穎，燈火光明，店外有隻神獸坐鎮，看守住間鋪頭，俾人一種朝氣蓬勃嘅感覺！當晚去已經距離開幕一個月左右，估唔到6點零去到都要排隊，期間有人招待你點餐、掃安心出行，仲提點你人齊入座、限時食45分鐘，過程好順利，等咗唔夠半個鐘就入座！一黎就點咗個「日暮拉麵」，由最原始嘅口味試試佢！湯底我揀咗少油、清淡湯底，見到廚師即場根據客人口味去調製個湯底，比我想像中易入口。麵身就揀咗硬少少，希望保守個彈牙口感都做到。而比我最大嘅驚喜係慢煮豚肉叉燒，完全無外面食過好煙韌、咬唔開、好乾身嘅質感，佢係肉身好軟，一咬就散開，化入人中嘅質感，配埋少少黑椒，好入味！額外再加咗隻溏心蛋，用日本夢王蛋做嘅，蛋黃金橙色，蛋味超濃郁，一定要加配！另外再加咗個「明太子醬天婦羅無骨雞翼」，炸得好脆好啱味，雞肉又好滑嫰，配埋明太子醬同少少沙津醬，簡直超夾！…查看更多

我終於嚟左AK的拉麵店幫襯喇 開心👏🏽🤩收工之後嚟 等一陣就🈶️位𝚕𝚞𝚞𝚞😍店舖以𝙰𝙺的7隻喵喵和𝚔𝚢𝚞𝚋𝚒做擺設 大家記🉐️打卡喇～～～🖤我點了葡式蜆貝拉麵🍜湯底好𝚏𝚛𝚎𝚜𝚑好清甜啊 好創新的配搭👍🏽👍🏽以葡萄牙清酒入饌🍶配上檸檬粒🍋紅葱🔴🧅蜆🈶️六粒 都幾鮮甜下 歡啊😍😍真係要飲幾啖先開始食 拉麵好彈牙🦷好食喔🤤😋份量都多 我都真係食唔哂🙈另外點了溏心蛋 好入味啊～食拉麵必點的吧👍🏽👍🏽🥚🤪另一碗係赤雲拉麵🍜係由豚骨同埋鮮蝦湯熬成的 仲🈶️幾粒雲吞 都幾大粒的喔 湯底非常濃郁 仲🈶️好多櫻花蝦小食點了明太子醬天婦羅無骨雞翼 賣相都幾靚 炸🉐️好脆喔 仲🈶️沙律醬係面 整體都唔錯😀飲品點了黑豆茶 是採用由日本黑豆的 同埋8種材料而成 而且又無咖啡因 重點係零卡路里 好飲啊又可清下個口🤩😋…查看更多

3-10-2022 (Mon)放工後,同老公出尖沙咀食個晚飯至睇戲,由於我哋嗰場係9:40pm,而老公又揀嚟呢間,我哋6:25pm嚟到,已見到有排到轉角嘅人龍,估計要排好耐,但由於有時間,所以照等,好彩呢條路都唔太熱,有少少風吹入嚟,就冇咁辛苦.店員都有俾紙仔我哋揀定食咩嘢,到7:04am,條龍終於都郁,到我哋有位時,係8:02pm,即係等咗個半鐘.坐低後我哋即俾嗰兩張order紙,最快到嚟嘅就係飲品:1. $42.00嘅日暮家製黑豆茶黑豆味好濃,我飲唔慣,俾返老公飲.味道:3分2. $25.00嘅樽裝麥茶麥同茶味都好濃,我覺得太過咗,呢個唔係日暮家,味道分唔會計佢.3. $98.00嘅日和拉麵係濃厚醬油雞白湯拉麵配慢煮雞肉叉燒,老公揀少油同濃厚湯底,麵質就揀軟.老公大讚濃厚雞白湯好美味,鹹淡適中.味道:5分4. $113.00嘅琥珀拉麵係黑松露蜆貝醬油湯拉麵配慢煮豚肉,雞肉叉燒,麵質就揀普通,其他我冇揀喇,因為想試佢哋自己嘅standard.個湯好熱好鮮,但我飲唔到黑松露味,不過老公話飲到;蜆肉浸到好滑好鮮;慢煮豚肉唔油膩;雞肉叉燒感覺較健康;拉麵爽口,真係唔會太軟太硬.味道:4分6. 追加$16.00嘅溏心蛋隻蛋都唔細隻,烙咗隻貓爪圖案上去,so cute.我哋將佢分開一半,睇見個流心黃係深橙色,食落味道都幾濃.味道:4.5分5. $78.00嘅柑橘果凍唐揚炸雞(6件)好奇佢嘅柑橘果凍,所以叫呢個,端上嚟睇,原來係柑橘果醬汁.炸雞熱騰騰,先唔蘸柑橘果凍食,外脆肉juicy,真係咇咗啲汁出嚟,味道又唔太鹹.之後蘸柑橘果凍食,添上少少又甜又澀嘅味道,都幾得意.味道:5分7. 追加$15.00嘅白飯白飯撈落濃厚雞白湯食好好味,而由於我嘅黑松露蜆貝醬油質地較稀,所以撈嚟食就變咗一般;老公就話啲飯都唔係太軟熟,可能因為撈湯食,所以唔煲咁軟.味道:3分服務:唔錯嘅,佢哋會適時截龍.環境:地方淺窄,Bar位同凳下面都有滕籃俾客人放低嘢.而長梳化凳就有軟墊喺背脊.抵食係2.8分…查看更多

今日食左「赤雲拉麵」，有櫻花蝦、叉燒、同2粒雲吞😋湯底香濃、麵條爽彈，熱辣辣上枱，未食已經聞到香味👍🏻不得不提佢隻溏心蛋，蛋嘅表面印咗隻貓掌印（so cute),一咬開，橙橙黃黃嘅蛋黃味濃，非常好味，忍唔住問店員，佢哋用乜嘢蛋整，原來用「夢王」，唔怪之得個蛋味咁香濃啦！今次同朋友一齊去，可以叫多D小食，order 左餃子同無骨雞翼即叫即煎嘅餃子，上碟熱辣辣，外皮煎得香脆，幾好食香蒜無骨雞翼，炸得脆卜卜，唔會炸到好乾，唔錯仲有支黑豆茶，唔甜，飲落好香黑豆味👍🏻呢間拉麵店可以再嚟食，下次要試其他拉麵😋…查看更多

利申: 自己係生粉今次除咗支持老闆，但都鍾意食日式拉麵🍜今日星期日11:45am 左右去到排隊，幸運地第一輪入到，可以因為一個人嘅關係入面全部都係老闆嘅主子餃子好食檸檬蜆肉拉麵，湯底好清新，好多蜆肉，麵質彈牙好味溏心蛋，賣相又靚日本製黑豆茶，好飲！店內環境好有心思，除咗有貓貓，仲有兄弟情另外，都想讚下店內員工好勤力，唔停手食物: ⭐️⭐️⭐️⭐️⭐️價錢：⭐️⭐️⭐️環境： ⭐️⭐️⭐️⭐️⭐️服務： ⭐️⭐️⭐️⭐️⭐️…查看更多

晚上7:30左右大概排左一個鐘多去食。建議多人又肚餓係附近食少少小食先再食拉麵。店員會派紙比每一個客人點餐，我同朋友個日就試左2款拉麵，3款小食。拉麵麵質好好，湯底好濃厚，我地叫店員攞左碗仔比我地，店員好好人，佢擦乾淨每一個碗先比我地。間店入面好多貓貓既元素，牆上面碗上面都有，中意貓貓既可以一試。我同朋友係為左支持偶像先去食既，但麵實在好好食，下次會再帶其他朋友再去一次。我覺得麵既價錢同小食價錢都合理既，係尖沙咀黎講差唔多既價位，所以經過既可以試下呀…查看更多