辣湘湘 小炒湖南菜

‼️最受香港人歡迎既湘菜，排隊王‼️辣湘湘係香港人北上最鍾意食嘅湖南菜，亦係本土企業，所以結合左香港人既口味，自由辣度亦可選擇。新開個時，已經成日見到排隊等位，原來午市套餐人均$50就食到而且仲免加一，下午茶更平，$29就有半隻雞套餐，好抵食🥹，唔怪得排哂隊，旺角仲開埋分店！環境方面，地方闊落坐得舒服，又多卡位，亦有圓枱適合3-6人聚會，另外要讚既係落雨☔️竟然免費送雨遮，好貼心既服務🥹又有得食又有得拎🤣應承我一定要去食呢間👍🏻-💕湘味酸菜魚 $149👅好味指數：8/10份量巨大🤣酸菜,魚同粉絲都多👍🏻湯底酸辣味香濃，魚肉嫩滑得黎又無骨，必叫！-💕膠原脆皮豬手 4隻$89👅好味指數：7/10黎到嚇親，好大一件，大過拳頭😂外皮炸到好香脆，秘製滷水好入味，内裏滿滿骨膠原，面層要灑滿洋蔥同辣椒，又香又脆！-💕辣椒炒肉 $99👅好味指數：9/10份量多！好夠鑊氣！豬肉大塊唔鞋口！辣椒夠椒香，撈飯一流🥰-💕湘式拌魚皮 芥末味 $79👅好味指數：8/10醬汁有淡淡的芥末味，幾特別😳，食落爽脆開胃。份量多到好似食麵咁😂-💕麻花糍粑 $39👅好味指數：8/10扭花形狀，外層沾滿黃豆粉，口感好煙韌Q彈，黑糖醬汁唔會好甜👍🏻-💕乾鍋肥腸 $89👅好味指數：8/10好香好有鑊氣，肥腸份量多，好爽口，唔韌唔會咬唔開！愛吃肥腸必食！-💕鴨屎香檸檬茶 $45👅好味指數：8/10超大杯😂甜度剛好🥰飲落好清新！-💕解暑西瓜檸檬茶 $39👅好味指數：8/10估唔到又幾夾！飲嚴鴨屎香可以試下依個！飲落幾清甜，仲有一大塊既西瓜🍉解油膩！-💕大煲飯 $30👅好味指數：8/10成個飯煲上，好抵食🤣😂都有成4碗份量 。-環境：8/10服務：9/10整體味道：8/10回頭率：8/10…查看更多

📍辣湘湘 小炒湖南菜 (荃灣)荃灣大河道99號99廣場地下1A-1E號鋪餐廳位於荃新天地旁邊，交通方便，服務十分貼心。我已經在這裡用餐超過數十次，這次我終於決定寫下我的食評，再不分享實在可惜！以地道湖南食材為主打，菜式選擇多，自由辣度選擇，有辣有不辣。上菜速度快，夠鑊氣，性價比極高，經常大排長龍，深受本地人歡迎！✨湘式伴魚皮（芥末味）開胃前菜，魚皮彈牙，輕微的辣味與芥末味道。✨湘味酸菜魚魚肉鮮嫩，味道微辣而不膩。✨膠原脆皮豬手豬手炸至外脆內糯，無敵骨膠原。✨辣椒炒肉豬肉嫩滑，辣椒鮮脆香口，辛辣惹味搭配白飯簡直是一流的享受。✨乾鍋肥腸肥腸炒至香脆，Q彈、軟韌，有嚼勁。✨麻花糍粑香脆的外層，內裡軟糯，口感獨特，令人再三回味。✨鴨屎香檸檬茶檸檬的清香結合鴨屎香，非常解渴。✨解暑西瓜檸檬茶檸檬酸爽與西瓜甜味，水果味清新，層次豐富。辣湘湘不僅上菜速度快，夠鑊氣，而且性價比極高，經常都能看到長長的排隊人潮，深受本地人喜愛。強烈推薦給喜愛湖南菜的朋友！————————————————————整體用餐體驗✨味道(5/5)✨環境(5/5)✨服務(4/5)✨性價比(5/5)…查看更多

🌶️近年，愈來愈多香港人鐘意食辣，以辣為名的湘菜，絕對能夠佔一席位。成日行過荃新天地的天橋望到99廣場地下的《辣湘湘》主打小炒湖南菜，都好想帶阿豬媽一試懷緬一下家鄉風味。今日終於有空來探店一下。📌一入門口，會被掛滿在天花板一個個青辣椒吸引著，非常切合餐牌主題。📌餐廳都幾大，有梳化卡位，有多人圓枱，食辣菜多人食可以試多幾款。18秒爆炒雪花牛肉，$139用上蠋台呈上的雪花牛肉，可以保持温度唔會令牛肉放涼了變韌。18秒炒牛肉係湖南家鄉小菜，《辣湘湘》仲用咗雪花牛肉，口感嫩滑啖啖肉，配合大量的蒜蓉、辣椒同埋西芹去炒，味道非常濃郁惹味，辣得來又出到牛味，絕對係家鄉嘅味道！湘味酸菜魚，$149湖南菜館都有酸菜魚食，絕對迎合香港人口味。好大一盤嘅酸菜魚，酸菜與花椒的酸辣味道調味適中，魚肉肉質軟淋，完全冇骨刺，仲有粉絲薦底，成盤酸菜魚份量好多好抵食。火爆紫蘇牛蛙，$89一上枱芬香撲鼻，好有穫氣，翠綠嘅韭菜同紅卜卜嘅辣椒兜埋一齊炒，色彩方面強烈嘅對比非常吸睛，牛蛙嘅份量好多，剛炒起嘅時候熱辣辣脆卜卜，咬落去油脂泌晒出嚟，好味嘅食物真係要趁熱食！膠原脆皮豬手（2隻），$49抵食喎！$49有2大隻豬手，炸過後，豬皮脆卜卜但又有膠原好煙韌，有好多炸蒜洋蔥粒夾埋一齊食增添口感，仲帶出好重的黑胡椒味，抵食值得推介。涼拌花甲，$89涼拌前菜都好大一碟，一大堆花甲，肉質漲卜卜，浸滿花雕醉酒味，帶甜味，調味做得很不錯。麻花糍粑，$39黑糖糍粑係湖南的家鄉甜品小食，聽阿豬媽說，家家戶戶都會識得整呢種糍粑。做成麻花紐紋形狀的糍粑，口感非常軟糯，剛炸起熱辣辣，再點埋少少黑糖增添甜味，一碟有六大舊，食夠唔夠喉，食完再想食都仲有，食甜品真係會令人好開心。鴨屎香檸檬茶（超大杯），$45食辣野一定要點杯大大杯檸檬茶解辣解渴，超大杯鴨屎香比起平時普通啤酒杯還要大，酸酸甜甜，極度解辣。解署西瓜檸檬茶，$39阿豬媽揀咗杯西瓜檸檬茶，非常有創意地有成塊西瓜浸係面頭，可以食原汁原味嘅西瓜令人好興奮。大煲飯，$30嘩！搞笑！成個電飯煲呈上勁特別！自己想食幾多自己裝，成煲飯就屬於自己呢一枱，感覺非常乾淨衛生，又有住家食飯的感覺，呢個做法真係好新穎。📌《辣湘湘》秉承三大原則：1️⃣湘菜大師製作 - 堅守湖南本味2️⃣現點現炒 - 道道有鑊氣3️⃣敢退敢換 - 對產品不滿意可退換📌多款湖南小菜菜式，自由辣度選擇，有辣有不辣，新鮮爆炒，重點價錢唔貴，午巿套餐平均$50就有，免加一，可謂港人飯堂，平價都就可以吃到正宗的小炒湖南菜，性價比高！📌仲有下午茶超抵食！荃灣店推出$29起有半隻鷄加飲品，果然係好適合香港人口味的湖南菜！📌好滿足的一頓辣湘菜，簡簡單單的小菜，食得返家鄉的地道風味，阿豬媽認為可以全家總動員特來再訪，唯一嘅缺點，就係只有荃灣/旺角有，下次就去旺角分店一試！…查看更多