茶咖里

今日有兩位書僮介紹我去食港式懷舊茶室，西營盤有好多特色餐廳，但這間位於公廁後的餐廳都真係⋯⋯最別有一番風味🤣，唔係有特別味道，係人情味，整體感覺都唔錯，服務態度很好。佢的裝潢設計十分懷舊，用上深淺綠的小地磚，另外用豬肉檔的紅色吊燈，加上大排檔的枱櫈，但又有一個調配飲品的吧枱，十分特別。我叫叉燒蛋飯$48加港式奶茶$48，叉燒很肥美多汁，滑蛋不夠滑但很有蛋味，但太多汁了，如果可以用碟另上，可以自己加汁便好了。奶茶不夠香濃也不夠滑。有錢書僮叫左是日推介的和式芝麻雞扒配意粉$68另加$6配拉花咖啡，用上雞公杯裝西式咖啡，很特別，那是榛子鮮奶咖啡。烤雞扒的皮很香脆陪讀書僮叫左厚切餐肉煎豬扒飯加凍咖啡$48加$4。無花無假，午餐肉確實係厚切，煎得很香脆，豬扒是簡單的醃法，沒有花考，有家的感覺，書僮見我碟叉蛋飯咁多汁，立刻叫走汁。凍咖啡就是一杯很普通的咖啡。午餐價錢便宜，侍應服務態度很好，值得推薦！…查看更多

由西營盤港鐵站B2出口，轉左行到正街沿斜路上幾步，望右邊就會見到爹核里公廁，喺公廁右邊跟住腳板燈牌嘅指示行入小巷尾⬅👣，就會見到位置十分隱世嘅茶咖里。(From Google Map)餐廳喺公廁後巷聽起上嚟令人有啲不安，不過其實條後巷幾乾淨，入到餐廳配上佢嘅裝修，好快令人忘記門外嘅情況。餐廳唔算太大，好在早前已訂咗枱，我地可以舒舒服服咁坐喺卡位。就咁睇場上只有一個侍應妹妹👧🏻，遇著有人入嚟，又要落單上菜，以為佢會有少少手忙腳亂，但佢反應夠快，絕無待慢。我地三個女仔晚飯時間嗌咁兩個set dinner加一個小食。包括：🍤鮮蝦仁炒滑蛋飯$68滑蛋飯嘅蛋幾夠滑，蝦都夠爽口不過冇咩蝦味。🥑芝士牛油果魚柳菠蘿包配黑松露醬薯角$88先講個包，菠蘿包夠軟夠甜所以好好食，件魚柳size適中，入口幾滑。驚喜嘅係牛油果同塊魚柳比想像中夾。到個薯角，薯角味道ok，上枱時都夠脆，可惜黑松露醬偏酸，黑松露味亦唔算好出。🍯炸厚切午餐肉粒配蜜糖芥末醬$32上枱時似乎炸起冇耐，午餐肉粒仲好熱。幸好哩個邪惡嘅午餐肉粒外脆內軟得嚟唔會太油，令我地食起上嚟唔會有太大罪惡感。配上蜜糖芥末醬（仲有黑松露醬、特濃芝士醬同麻辣醬可以選擇）出奇地幾夾 ！（我地偷點咗薯角嘅黑松露醬，個人嚟講唔太鍾意因為唔算夾同埋黑松露味真係唔夠香）。不過午餐肉粒食多幾粒就會覺得有啲鹹，人多啲share食會好啲。Set dinner會送一杯原價$20（原價都set得幾高🙈）嘅飲品，我地揀咗市面上未見過嘅鮮橙紅茶同埋港式奶茶。兩杯飲品都試得出佢嘅茶底好滑，亦唔會澀。🍊鮮橙紅茶一上枱先發現原來鮮橙紅茶只係將檸茶嘅檸換咗做橙😂。飲落都有淡淡嘅橙香，不過唔好ff太多。☕港式奶茶港式奶茶茶滑但唔太香。整體來說，我地覺得茶咖里嘅食物都唔錯，環境亦好靚，去開西環不妨去試吓。…查看更多