鮨文 (裝修中)

Lunch Omakase有四個唔同嘅價錢，最平由$388-$1,300都有，我同朋友就揀咗$848嗰個餐，雖然同師傅冇咩交流，但每款刺身壽司都有詳細介紹，而我哋問嘅問題師傅都會用心回應。食物方便質素不錯，環境亦都舒適。今日book咗1:30嚟食Lunch，早咗去到門口見到上一批嘅客人都陸續走緊，我哋亦都準時入座𝕃𝕦𝕟𝕔𝕙 𝕆𝕞𝕒𝕜𝕒𝕤𝕖 $𝟠𝟜𝟠茶碗蒸、4款刺身、7款壽司、雲丹盛、手卷、湯、甜品🔝聞落淡淡嘅黑松露味，仲有金箔做點綴，食到有元貝同本菇，而蒸蛋亦非常嫩滑。🔝聽師傅講右口魚比左口魚嫩滑啲，而且產量亦會比較少。左邊係右口魚刺生，而右邊係右口魚群邊位置，群邊位置輕輕火炙過，令肉質充滿油脂。🔝池魚以火槍輕輕燒過，令油脂更出，帶有微微煙燻味。🔝海膽超級鮮甜😍太都魚天婦羅配海膽都幾特別。🔝呢款唔好食，用拖羅做串燒，勁嚡口。1. 金目鯛壽司金目鯛肉質嫩滑，味道好鮮味。2. 凡立貝配魚子醬壽司魚子醬嘅鹹香，令凡立貝嘅鮮甜味更出。3. 真鱈魚壽司鱈魚類，內配柚子鹽。4. 炙燒大拖羅壽司油脂豐富，魚味濃郁，配埋京蔥碎簡直回味無窮。🔝將牡丹蝦本身嘅蝦膏鋪上面，然後輕輕燒一燒，牡丹蝦嘅鮮甜味加上蝦膏雙倍味道，食落好滿足。🔝腦天即係吞拿魚頭頂嘅肉。師傅用火槍燒燒令油脂融化，肉質軟嫩，好味道😍🔝右口魚經過火炙後，釋放更多魚油出嚟，食到最後啲飯浸透魚油仲滴曬出嚟，魚油香十足，超滋味。🔝我最期待嘅三文魚籽海膽杯終於出場，而師傅將最後一款牡丹蝦壽司加埋落海膽杯裏面，鮮甜海膽配上鹹香魚籽簡直係神仙嘅配搭，口感十分豐富。🔝雖然好飽，但師傅話呢碗湯好重骨膠原，就算好飽都要飲晒佢😂🔝而甜品就係哈蜜瓜。…查看更多

繼5月來過吃午餐和7月來過吃晚餐，事隔3個月又再回來吃午飯了。之前已經吃過了$340和$800的午餐Omakase，繼上次5月午餐的價錢已有所調整，原本最便宜的$340上調到$378，而中間價位的$530上調到$578，然後原本$800的套餐就上調到$838，還有一個$700要預訂的套餐就沒有了，而最貴的$1200的套餐價錢就唯一唯持不變。今次就試試中間價位的$578的Omakase(茶碗蒸、15件壽司、手卷、湯和甜品)。因為小編有點皮膚敏感，所以和他們說了蛋類和蝦蟹類等等的食材都未能吃到，就看看他們如何調整給小編吧！今次同行的友人要了與小編同一個套餐，而他的是正常版本的$578套餐，詳細食評也有：雖然是下午12時，但是是酒鬼的小編也不放過這次機會，要了杯生啤($60)。最先來的原本是茶碗蒸，但小編的版本是鱈魚乾。當然小編會較喜歡茶碗蒸多於這個小食。友人的茶碗蒸，例牌的金箔黑松露蒸蛋，一貫水準的蒸蛋軟滑。開始就是15件壽司：第1件是真鯛，經過微微的燒香，再淋上了青檸汁，把較淡味的真鯛多一番味道。第2件是間八，質感是軟滑中帶點彈性。第3件是梳子魚，上面有黑松露，經過輕燒，魚肉味被黑松露覆蓋了。第4件的正常版本是甜蝦，蝦肉的黏度強烈，味道新鮮。而小編的版本是深海池魚，肉味微濃，質感是柔中帶爽。可是小編非常的想要吃甜蝦，可恨！第5件的是拖羅，裡面有點筋，油脂味不太突出。第6件是蓮子鯛，魚皮經滾水焯過，肉質較軟和散，充滿口中的魚肉味是挺新奇的，真的會令人聯想到蓮子。但不要誤會，蜜柑鯛是吃蜜柑長大的，但蓮子鯛並不是吃蓮子長大！第7件是鰤魚，軟中帶點微微的爽，魚味不太突出，是較淡的味道。第8件是醬油漬赤身，質感是非常的柔軟，好像一不小心就會滑進喉嚨似的(小小誇張)，醬油味又不會過咸，很美味。第9件是秋刀魚，上面有木魚絲，魚油香很突出，油脂分布適中 ，果然是當季的魚，非常美味！第10件是帆立貝，甜味很突出，質感軟軟。第11件是醋鯖魚，上面有薑和蔥花，魚肉味很濃郁，但不持久。第12件是鮫魚，魚皮經微燒過，魚肉很濃味，帶點焦香和有微微的薄脆，很不錯！第13件的正常版本是牡丹蝦，上面是酒盜鰹魚的胃，蝦肉質感軟滑，微微的彈性，蝦味尚算濃郁。雖然蝦不是特別的美味，但有鰹魚胃的配搭之下，就幫助加了些分數。而小編的版本是小磯魚，質感是軟軟的，這個魚從來都不是小編的喜愛，加上這時的第13件壽司理應是吃牡丹蝦的相比下，又再一次覺得可恨了！第14件的是海膽三文魚籽，魚籽經過醃製，變得非常的甜，好像在吃糖一樣，而海膽的苦味就有點強烈，所以一定要與魚籽同時放入口裡互相配合。咦！？小編寫著食評就發現，沒有了第15件壽司！？難道是第14件壽司就是與第15件的壽司的結合體嗎？快要到尾聲了，鰈魚邊的手卷，鰈魚邊的份量特別的大方，拿到上手時的感覺是很有厚度和重手，味道就不用多說，油脂非常豐富。然後就是熱呼呼的魚湯。最後是抹茶蕨餅作甜品。總結來說，小編反而比較喜歡以前$340的Omakase，例如以前的甜蝦是會經剁碎變成蝦蓉，上面是蝦膏，這個製作手法和口感都較特別。還有以前的帆立貝會經拍打一下，然後肌肉明顯地收縮，口感非常有彈性。所以今次小編在想會不會因為是不同的壽司師傅所以手法會有所不同？但以以前的製作手法，小編覺得會更令人難忘，真希望會持續下來。還有，以前的甜品會是水果(雖然那次的蜜瓜完全不甜)，但今次的是蕨餅 。最後2人結帳是$1404，當中有2杯生啤是$120。對於價錢有所上調了，所以會希望食物會更加有心思，而不是有所退步。…查看更多

好豐富的 Omakase茶碗蒸用木魚花高湯煮成嘅茶碗蒸，上面再加上黑松露醬，好野味，入面仲有帶子及菇鮫鰈來自北海道嘅鮫鰈，一共有兩件，兩食，一件係加咗鹽及橘子嘅刺生，一件係燒的，先食燒嗰件，燒過嘅的確油脂更豐富秋刀魚秋天就當然要食吓秋刀魚，為咗更入味，廚師响上面切咗花，再加橘子及炒過嘅木魚花，十分肥美，仲可以點些由蔥、京蔥同薑做成嘅汁，鮮味大大提升櫻煮八爪魚絕對係工夫菜，要用3日去煮，第一日先同八爪魚做massage，再用低温煮，第二日就先用明火慢煮，仲要每10分鐘檢查一次，直到煙韌度夠為止，到咗第三日就加入自家製嘅醬油浸一晚，煮出嚟嘅八爪魚肉身係粉紅色的，好以櫻花咁，所以就叫做櫻煮。入口軟綿，一咬即開，好入味又鮮甜北海道蠔一向都只喜歡食生蠔，呢款用高湯慢煮嘅又好唔好，好creamy好鮮甜深海池魚加咗橘子响面，好清新，而且肉質滑溜實淨中拖羅近背脊位嘅拖羅，廚師响上面切咗幾刀增加口感，用醬油漬浸過，再用紫菜包住食，入口即溶BB油甘魚魚皮輕輕燒過，再加上柚子胡椒，油份高，鮮甜得來仲有些炭燒味大拖羅一向都覺得大拖羅太油，今次廚師用咗一個特別嘅煮法，先用鹽醃一陣，等肉質更實，之後再燒，要加晒一整粒wasabi食，入口好似食燒肉咁，外層仲好脆，入面軟嫩無渣，外脆內軟佐賀南蠻雞食完魚生，來一個熱食，雞肉好淋好juicy鮑魚先食一口清甜煙韌嘅鮑魚，再來一口配上由鮑魚肝製成嘅醬，鮮味更出，食完鮑魚仲有好多醬，可以與小飯糰拌勻食，大滿足！京都鮮腐竹+筋子來自京都嘅新鮮腐竹，好清新，豆味香濃，配上筋子嘅鮮味，好特別！之後到壽司金目鲷壽司用昆布包住醃過，再輕輕燒吓，魚肉有淡淡嘅昆布清香，同時又有些焦香黑睦壽司好滑嘅魚肉，仲油脂豐富車海老壽司好特別嘅做法，將蝦膏釀入蝦內，爽口得來又好香濃雲丹盛又到出名嘅海膽杯，大到好似雪糕杯，有兩層海膽，上面係赤海膽，下面係馬糞海膽，再放一隻大牡丹蝦响面，一次過試兩款，滿足太卷不是平時食開嘅太卷，好多層，最入係拖羅肉，之後有飯，再用紫菜包住，之後再有飯，最外面仲沾滿芝麻，口感豐富，仲啖啖芝麻香最後飲個魚湯，食埋蜜瓜及香印提子，好飽呀！…查看更多

茶碗蒸用木魚花煮成嘅高湯加上黑松露醬，入面有帶子及菇，好嫩滑鮫鰈來自北海道，加咗鹽及橘子，食咗冇燒嗰件先，之後先食輕輕燒過嗰件，的確燒過嘅油脂豐富好多！秋刀魚加咗橘子及炒過嘅木魚花，肉質飽滿肥美，加少少蔥+京蔥及薑嘅汁，又可以提升鮮味櫻煮八爪魚要花上3日去烹調，第一日同八爪魚做massage後用低温煮；第二日先用明火慢煮，期間每10分鐘檢查一次check吓個煙韌度；第三日先加入自家製醬油浸一晚，慢煮出嚟嘅八爪魚肉身依然係粉紅色，就好以櫻花咁，所以佢就叫櫻花喇。不嬲怕咬唔開而唔鍾意食八爪魚嘅我，完全係被震懾住！軟綿程度非筆墨可形容，簡直一咬即開，仲非常入味，又帶少少八爪魚鮮味！係非常花心機嘅一款菜色！北海道蠔當高湯煮滾後就加入蠔，所以入面非常creamy，煮得啱啱好深海池魚加咗橘子，肉質滑溜實淨中拖羅近背脊位嘅拖羅，切多幾刀增加口感，顏色由淺到深非常分明，完全冇根嘅拖羅，咬落滑身無渣，入口即溶BB油甘魚輕輕燒過魚皮，有網燒紋，再加少少柚子胡椒，好多油！大拖羅油份超高嘅大拖羅，喺燒完之後，油份更加香濃，外層脆到好似燒肉咁，但入面軟嫩無渣，真正嘅外脆內軟，加啲wasabi食去油膩感佐賀南蠻雞好juicy嘅雞肉！！！鮑魚啡色嘅醬係用我哋平時丟都丟唔切嘅鮑魚肝製成，師傅叫我哋先就咁試試鮑魚，口感清甜煙韌；再點少少鮑魚肝醬，簡直係錦上添花；將粒小飯糰不斷咁碌不斷咁碌，吸晒所有醬先食啦，食落一啲都唔腥，就咁點啲醬食都超級滋味！京都鮮腐竹+筋子腐竹清新豆味香濃，配合筋子嘅鮮味，呢個食法夠晒有趣壽司金目鲷用昆布包住啲魚肉，食落有淡淡昆布清香，燒脆後香口帶少少焦香黑睦魚肉幼滑，超級多魚脂車海老將蝦膏釀入蝦內，好香濃雲丹盛即係呢度最著名嘅海膽杯，大到不得了，下面係馬糞海膽，上面係赤海膽，最頂仲有一隻鮮甜大牡丹蝦，海膽非常creamy甘香太卷入面包滿拖羅肉，外面沾滿芝麻，口感豐富飲埋個魚湯，食埋蜜瓜及香印提子，好似去咗日本一轉咁！…查看更多

鮨文的Omakase薄有名氣，我跟朋友慕名而來，感受一下味蕾上的鮮味!價錢雖然不算太平，但能品嚐到時令食材，是對自己的獎勵。餐單上的食物款式眾多，分別有茶碗蒸、時令刺身、手握壽司、海膽杯、釜飯、魚湯及時令水果。坐在吧枱，跟壽司師傅近距離的互動，一邊看著師傅握壽司，一方面分享食材的來源和配搭。看見師傅用心地為我們準備不同的佳餚，等待的時候都充滿期待及驚喜。師傅很熟練地把刺身切成薄薄一片，非常吸引。茶碗蒸賣相金光閃閃，給人名貴的感覺。蒸蛋入口鮮甜、水嫰，內裡餡料有冬菇片、白果粒及元貝等提鮮，十分豐盛，真是啖啖鮮味!食過蒸蛋後，師傅給我們一小碟前菜，是准山跟蘿蔔，爽口脆身，潔淨味蕾，準備享用誘人的刺身。蜜柑鯛刺身片晶瑩剔透，入口豐腴，冰涷鮮甜，加上了橙皮、岩鹽，帶出當中的鮮味，味道愈咀嚼會變得愈香甜，令人回味。左邊是鹿兒島的深海池魚，經過網紋火炙後，表面銀色閃閃，微微焦脆，十分搶眼。厚切的池魚入口爽脆，魚脂比例很高，味道帶魚的鮮甜，更吃到肉味的香郁，是上乘的味道。右邊的是四國出產的BB油金魚，軟糯的質感包裹著香蔥，吃起來鮮而惹味。喜歡吃蟹而懶惰的食客，絕對很愛這道菜。北海道毛蟹已拆成一絲絲，表面舖滿細滑的蟹膏，蟹肉份量很多，淡雅鮮甜，配上海藻醋來吃，冰凍而酸甜怡人，使箇中鮮味加倍提升，令人回味!  北海道牡丹蝦爽彈、新鮮，配上赤海膽醬汁、紫蘇葉花，令簡單變成不平凡。海膽醬汁如絲柔美，十分Creamy，配上軟糯的蝦肉，簡直是絕配! 吞拿魚以拖羅加赤身結合而成，再以紫菜包裹一起，中間更夾著清新的紫蘇葉。赤身是魚背位置，肉色偏赤紅，口感相對爽而結實，唯魚味較淡；拖羅是魚腩最肥美的位置，油份極重，豐腴細緻，魚味濃郁。把兩者結合一起，相輔相成，爽脆和綿化口感兼施，滋味窩心! 來自山口縣的赤睦魚，這是魚腩部分，肉質粉嫰肥美，油花清晰可見，入口散發油脂甘香，肉質軟腍，卻沒有膩口的感覺。來自靜崗縣的金目鯛，油脂分佈均勻，入口洋溢濃郁的鮮味，一啖放入口是滿滿幸福。而且師傅會因應個人口味來決定是否加入WASABI，十分貼心。高知縣高埔魚，上面放有蔥花，整件壽司都很鮮味清新。來自沖繩既石垣貝，外型有點像象拔蚌，師傅以手拍一拍石垣貝，貝身會微微彈起，師傅說這是令石垣貝更爽口的秘訣。入口鮮甜，口感酷似海蜇，質感爽口而帶嚼勁。來自青森醬油漬赤身壽司，肉質豔紅，口感偏清爽，將赤身浸泡在風味的醬油中，味道新鮮、惹味。圓潤而富光澤的三文魚籽，填滿壽司的空間，令人倍感幸福。咬開三文魚籽粘膜，脆卜卜之餘，濃厚魚油在口中散發，而魚籽經過師傅加工處理，用了sake浸泡三天，令鮮味久而不散，所以我們吃起來覺得份外鮮甜!期盼已久，雲丹盛終於隆重登場，師傅拿出一板名貴的海膽，小心翼翼的砌滿海膽小山丘。粉嫰牡丹蝦放在滿滿的海膽之上，營造出震撼的視覺效果，賣相令人垂涎三尺! 海膽色澤金黃，紋理清晰，入口即溶，帶淡淡海水味，鮮甜餘韻久而不散，絕對是今晚的經典之作!長野縣松茸配京都松葉蟹釜飯，熱燙滋味，松茸味道幽香，配上了松葉蟹來食，是創新的吃法。師傅加上了蔥花，分為兩碗給我們，米飯濕潤，夾雜鮮甜蟹香，著實不錯。魚湯是濃稠的白色，魚味香濃，每口洋溢魚油精華，鮮甜之餘，飲後感覺暢快。山形縣的桃跟靜崗蜜瓜，清新迷人，最獨特是在蜜瓜上噴上了威士忌，帶了一份清醇的酒香，也誘出蜜瓜的香甜。…查看更多

朋友帶我食生日飯，仲要係omakase，好期待，唔知有咩食呢？入到去 waitress 送上 menu， $1850一位，好多嘢食，有成18款食物，好期待，如果有嘢唔食，仲可以出聲，我就咩都食，所以無改茶碗蒸第一款送上嘅就係茶碗蒸，熱辣辣，面層仲有金箔，材料豐富，有蟹肉、滑子菇、小乾貝等，呈半透明狀，清清哋，仲好香蛋味，食慾大增八太魚原來八太魚即係石斑，中式嘅就食好多，刺生就真係第一次，色澤潔白粉嫩，油脂豐富，配上柚子汁，好清香，好醒胃稚鰤鰤魚係野生嘅油甘魚，深粉紅色，油脂分佈平均，仲輕輕用炭火網燒，好滑，又甘香，仲有炭燒味添秋刀魚食食吓，廚師問我哋食唔食紫蘇，當然食喇，原來係呢道菜嘅食材，用紫菜包住紫蘇葉、大量薑絲、芝麻及秋刀魚，紫菜只係包住半條秋刀魚，可以清楚見到半條閃閃爍爍嘅秋刀魚，賣相已經好吸引，一咬落去就食到爽脆嘅紫菜，所有材料出奇哋夾，秋刀魚肥美，配上其他食材又有一種清新嘅感覺北海道帆立貝帆立貝加上薄薄嘅炸漿輕輕炸過，再用爽脆嘅紫菜包住，再加上海膽，對我來說好新鮮，一次過品嚐冷熱脆軟嘅感覺，對比大又好有層次感毛蟹賣相吸引，隻碟已經好靚，一絲絲手拆嘅毛蟹肉在下層，上面就係金黃色嘅蟹膏，蟹肉味道鮮甜，蟹膏濃郁，唔洗點醋都已經好好味糖蕃茄食完咁濃味嘅蟹膏，廚師安排了兩片糖蕃茄清一清，有12-15度糖份，配上岩鹽，鮮味更突出白子細細碗，賣相吸引，唔好話我知白子係乜，入口緊緻爽滑，綿密滑嫩入口即化，仲好肥美添拖羅一共有兩件，一件中拖羅，一件大拖羅，中拖羅上面掃了些醬油，入口滑溜，一尐渣都無，仲好鮮甜，喜歡wasabi嘅加少少，一流，大拖羅就輕輕燒過，油份已經出晒，上面有少少京蔥碎同埋燒過嘅魚油，所有嘢融為一體，仲入口即溶，可以來多件就好了食完前菜同 sashimi，接住出場嘅係壽師真鯛乳白色嘅真鯛，油脂分布平均，仲好滑，又甘甜，配上岩鹽或橘子汁更進一步將鮮味大大提升金目鯛廚房上碟前加少少岩鹽，再輕輕一燒，熱力令脂肪溶解，再加啲俄羅斯鱘魚子帶出鮮味，十分肥美，仲帶有少少焦香，上面嘅金箔，令佢更名貴深海池魚好多地方都有深海池魚，不過就第一次有人教點樣先可以食到佢嘅鮮味，原來好簡單，就係咬多幾吓，由於用炭燒燒過，所以一入口就感受到佢嘅肥美同炭燒味，再咬多幾吓，魚味出晒，仲好鮮甜，完全係另一個層次白蝦細細隻嘅白蝦，大約6cm長，全人手去殻，仲要連醬汁都係由蝦汁煮成，一口吃下原來已經食咗超過25隻，蝦味濃郁，又鮮甜鮑魚原隻鮑魚上碟時已經切成細細件，清甜煙韌，旁邊仲附上醬汁，一個好特別嘅醬汁，由鮑魚肝製成嘅汁，顏色雖然唔太吸引，不過有咗佢就錦上添花， 鮮上加鮮，廚師仲話唔好浪費，比一粒小飯團我哋，叫我哋放粒飯團去鮑魚汁到碌幾吓，吸晒所有醬就食，好食到呢！仲唔浪費師傅問我哋要海膽杯定係海膽壽司，咁當然要問吓有咩分別先喇，海膽杯份量十足，賣相一流，海膽壽司就以質量取勝，竟然係咁，就每樣一個海膽杯飯上面放滿海膽，仲有一隻大蝦，果然吸引，其實我覺得有些似雪榚杯，海膽呈深橘色，件件分明，望住廚師放上去，有成半板咁多，碗底仲有飯，鮮甜又甘醇海膽壽司一共有兩件唔同品種嘅海膽，宮崎赤海膽同秋山馬糞海膽，兩款都係拍賣海膽宮崎赤海膽呈淡金黃色，甜度低，海水味重秋山馬糞海膽顏色較沉，好香，好濃，好甜，好creamy，喺拍賣會上排第六名，要成$4000一板，果然重質右口魚邊手卷好喜歡食右口魚邊，喜歡佢夠肥美，廚房先將魚輕輕燒過，魚油出晒嚟，佢仲好小心咁將魚油倒返入手卷內。一交到我哋手，又提醒我哋要小心食，怕魚油係會漏出嚟，實在太多油，所以點小心都有幾滴留咗枱面，魚邊即係魚嘅背部，肌肉較多，所以好爽口，又有魚香，一試難忘！三文魚子好特別嘅三文魚子，自家用柚子汁醃製，廚師話食嘅時候要雙手握緊，再倒轉放入口，咁就唔唔跌咁多，入口後，再慢慢咬，好特別，一尐腥味都無，先滲出海鮮味，再有清甜嘅柚子味！湯再來一碗魚湯，係由白身魚煲咗超過兩個鐘而成，奶白色，骨膠原重，好鮮甜，好想飲多碗北海道赤肉蜜瓜上碟前，店員問要唔要加威士忌，好威士忌嘅我又點會錯過，原來威士忌就在旁邊嘅噴水壼內，輕輕一噴上碟，一口咬下，瓜薄，實淨有咬口，有時食日本瓜我覺得太甜，甜到有些假，呢個就剛好，仲好清甜，唔知係咪因為噴咗威士忌呢？從來無諗過元朗有間咁高質素嘅日本餐廳，食材新鮮，廚師好有心機，又講解清楚，山長水遠嚟都好值得…查看更多

之前喺度食過壽司lunch，覺得要我山長水遠咁入嚟食真係冇乜特別。嚟到10月，要同旗袍老師慶祝生日，問佢想喺邊度食，佢竟然話想食呢間喎，既然係咁咯，我俾多次機會呢間餐廳，試佢個晚餐omakase我哋叫咗$1850一位嘅omakase，開始之前有問我哋有乜野唔食，睇咗menu之後，我只有白子係唔食嘅，師傅話會轉另一款俾我茶碗蒸熱辣辣嘅茶碗蒸實在吸引，頂層鋪滿金箔，獻汁濃郁呈半透明狀，睇到入面嘅材料豐富，有一絲絲嘅蟹肉、滑子菇、小乾貝等，一路食仲出緊煙，蛋香濃郁八太魚即係石斑魚，加咗柚子汁，多一份清香嘅味道！第一次食石斑魚刺身，色澤潔白呈粉嫩，肉質細膩，魚脂豐富不過唔食落唔會好油膩，作為打頭陣嘅刺身非常適合稚鰤最鍾意食鰤魚！即係冬天先有嘅大油甘魚，仲係野生㗎添！白色嘅脂肪細紋平均散佈喺色澤紅噹噹嘅魚身上，輕輕用炭火網燒過嘅鰤魚入口柔軟滑溜，肥美甘甜，網燒味道輕到唔會蓋過超濃郁嘅魚味，食完之後都仲有好油潤嘅感覺 秋刀魚入秋之後嘅秋刀魚至為肥美，用紫菜包住紫蘇葉、大量薑絲、芝麻及秋刀魚，爽脆嘅紫菜只係包住半條秋刀魚，可以睇到銀色薄皮閃閃生輝，證明條魚非常新鮮多油份；一咬開先食到薑嘅清甜味，雖然有好多薑但一啲都唔辣，跟住有好濃烈嘅紫蘇味道，最尾先食到秋刀魚嘅油香，魚肉清爽嫩滑，魚味激重但會一試難忘北海道帆立貝先將帆立貝輕輕炸到微黃，由於炸漿非常薄身，所以食落去會覺得層炸漿都好似係屬於帆立貝咁樣，已經二合為一。等呢道菜嘅時候等咗一陣，係因為帆立貝啱啱炸起，非常新鮮熱辣，入面咬開肉質係一絲絲，只有新鮮嘅帆立貝先會有呢種絲絲嘅鮮嫩口感，急凍嗰啲係會有僵硬嘅口感；先用紫菜包住，旁邊再加海膽，一冷一熱一脆一軟，對比好大好有層次中拖羅同中拖羅排排企，睇落油份冇大拖羅咁誇張，但咬落滑身無渣，魚味好濃郁，加少少wasabi食一絕！！！大拖羅由於油份超高嘅關係，所以先燒一燒，油份會更加香濃，就咁睇啲油已經多到反晒光，上面有少少京蔥碎，再落啲燒過嘅魚油，咁樣京蔥就會同拖羅融為一體，原汁原味；魚肉軟嫩無渣，一咬真係即化，完全唔捨得食！！！！！！毛蟹賣相已經贏晒，下層係一絲絲手拆毛蟹肉，上面鋪滿金黃色一點點嘅蟹膏，蟹肉味道鮮甜，蟹膏濃郁，燒毀晒以前食蟹肉嘅憶記...... 師傅話點啲醋會更好味，不過我覺得就咁食已經好正！糖蕃茄本身已經有12-15度糖份，配上岩鹽食鮮味更突出，師傅話當佢係水果食就OK喎！食完拖羅食返少少蕃茄，消滯就啱喇，雖然我一啲都唔覺滯！白子話說我食過一次白子，真係頂唔順，不過今晚試咗一啖之後，我竟然想再食多幾啖！白子係乜野，無謂多講。口感超肥美，柔滑豐腴帶甜，一啲腥味都冇，仲要入口即化，老實講只要唔好諗佢係乜野，係真係會食上癮！牡丹蝦由於一開始我話唔食白子嘅關係，所以轉咗食牡丹蝦。顏色艷紅，蝦尾嘅造型吸引，蝦肉香甜，不過無論你幾好味都好，我竟然都係念念不忘白子....... 有啲後悔第一吓就話自己唔食！食完8樣之後，壽司出場了真鯛唔好睇佢個樣呈淡乳白色就代表佢冇料到，細心睇其實脂肪滿布，入口滑潤，愈食愈甘甜，岩鹽及橘子汁更加將佢嘅鮮味大大提升！金目鯛魚面加啲岩鹽再燒脆，熱力溶解皮下脂肪，入口非常香口帶少少焦香，除此之外，再加啲俄羅斯鱘魚子，鹹鹹哋帶出金目鯛嘅鮮味；至於金箔，其實可落可唔落，純粹係影相靚啲深海池魚先用炭火網燒燒到皮下脂肪及油份爆發！師傅提我哋記住要不停咁咬，咬到唔停，否則只會食到網燒味，咁就嘥晒喇！聽佢講，咬頭嗰10吓都係有好香濃嘅網燒味，但之後啲魚味係湧出嚟㗎，肉質鮮美細滑，味道非常鮮甜，而且係愈咬愈有味道，咬到大概50吓之後，魚肉都差不多溶化晒了，先非常不捨咁將佢吞下白蝦富山最出名嘅就係白蝦，每隻身長約六cm左右，都係人手去殼。呢個壽司用咗超級多嘅白蝦，目測有超過25隻，食落非常甘甜；醬油都唔會嘥，係用蝦汁煲成，真係食落去只有濃郁蝦味，包你食到蝦蝦笑鮑魚旁邊嘅醬係用我哋平時丟都丟唔切嘅鮑魚肝製成，但日本水質美好，所以佢哋煮日本鮑魚的話，係唔會丟走個鮑魚肝㗎！師傅叫我哋先就咁試試鮑魚，口感清甜煙韌，超正；跟住再點少少鮑魚肝醬，簡直係錦上添花；最後師傅俾一粒小飯糰俾我哋，梗係要將粒飯糰不斷咁碌不斷咁碌，吸晒所有醬先食啦，食落一啲都唔腥，鮮味爆發！海膽杯師傅問我哋想要海膽杯定係海膽壽司，佢都好老實咁講，前者係重量，後者就係重質，咁就當然係每樣一款啦！海膽色澤呈橘色，粒粒分明，用咗大約成半板海膽，多到差唔多跌！平時食海膽總係要慳住慳住，但食呢個海膽杯完全冇呢種感覺，可以一塊塊夾起慢慢食，再一口氣撈飯食，再一塊塊夾返嚟食，再撈飯食，都仲有好多海膽，好有五餅二魚嘅感覺，食極都仲有！！！！雖然係重量，但啲海膽都唔失禮，味道甘醇，非常鮮甜！宮崎赤海膽食完重量嘅海膽，食返重質嘅海膽先。赤海膽呈淡金黃色，味香不過甜度較低，海水味豐富秋山馬糞海膽顏色較沉，但香味濃厚，比宮崎赤海膽甜好多，入口超creamy滑膩。喺拍賣會上排第六名，要成$4000一板，果然名不虛傳！右口魚邊手卷左口魚食得多，印象中右口魚好似都係食過幾次，皆因全部都係野生，魚穫有限，供應非常唔穩定，今晚有幸食到！先將魚油燒出，再將魚油倒返入手卷內。師傅話真係要小心食，因為魚油係會漏出嚟㗎，話口未完，我已經滴咗幾滴落檯面！由於係魚背邊位，係郁得比較最多嘅肌肉，所以口感爽口滑溜有嚼勁，食完成口都係油，濃郁甘香非常難忘！三文魚子師傅話食完了，但我好記得隔離嘅客人係有食三文魚子㗎，我最鍾意食又點會忘記呢？師傅即刻整返俾我食，係佢哋用柚子汁自家醃製，仲叫我要雙手握緊，再倒轉將所有三文魚子倒入口腔，確保一粒都唔會跌！輕輕將每粒色澤橙紅半帶透明嘅三文魚子咬破，滲出嘅海洋鮮味，加上清甜濃郁嘅柚子味，冇腥味而且鹹味都好低，好特別湯奶白色嘅魚湯，骨膠原勁重，女士一定要飲多啖！白身魚煲咗超過兩個鐘，魚鮮味十足，入面仲有一塊魚蛋，好滿足！北海道赤肉蜜瓜店員話可以加威士忌，不過我冇加了。瓜皮夠薄，食落瓜身實淨有咬口，多汁清甜可口味道濃郁，食晒啲肉再用羹刮吓刮吓，飲埋啲汁，一滴都冇浪費！雖然埋單要$4000，不過食材新鮮高質，而且師傅解釋得非常清楚，亦都令我對呢間餐廳完全改觀，值得我山長水遠嚟元朗食…查看更多

住了元朗很久，也聞說有一間日本餐廳很高評價，愛吃日本料理的我，當然要試，於是適逢星期五於是試下。話說一個月前訂枱，侍應姐姐遞上餐牌，已經好期待，最終到了昨天可以品嘗了。餐廳外觀： 都好日本，木趟門、磚牆。入面bar 枱對住司傅，司傅會在你面前表現刀工，準備食材，用不刀處理不同食材，你會見到他們拿了成條魚上來處理，很有趣。座位略迫。主點食物方面： 與朋友叫了一個十貫壽司的omakase,而朋友叫了一個sea urchin teshoku 。首先兩者都有茶碗蒸，上面有金簿裡面係蛋，底有貝柱，不錯。十貫壽司由司傅根據時令選擇，今次有1.金線鯛（正）2.油甘魚（正）3.赤身吞拿魚（比普通人吞拿魚好吃但比拖羅遜色）4.深海池魚（油香）5.北海道甜蝦（青了層柚甘子，無驚喜）6.三文魚籽（有少許酒香）:)7.火炙吞拿魚面頰（爽口）:)8.重頭戲海膽（正）9.海鰻（一般）10. 右口魚（唔好以為打錯真係右口魚😜）（很好味）仲有魚骨味噌湯，蔥花吞拿魚手卷😋，最後甜點上菜時司傅會一一介紹，仲要用手食🤚，係新鮮美味既😋，可以食到特別既魚，性價比高。而朋友則是兩點魚生（甜蝦、油金魚）、海膽飯、魚骨味噌湯、甜點。為假期劃上完美句號，大家不妨試下其lunch set…查看更多

今日特意入到元朗 再試下鮨文 當獎勵一下返左半年工的自己說好的6點入座呢？ 清潔人員今日遲左少少。所以先有時間留意到門口用作棄置煙頭的鐵盒。聽聞係專為老細設計。6點半正式入去啦！店員勁Nice，入到去會叫你個名，又會打點衣服，仲提醒大家枱底可以充電。今次我地揀左個$2000 和$1000 套餐。廚師話可以幫我們平均分好。而且可以選擇減少壽司飯，非常貼心。【茶壺蒸】係頭盤！但係個來頭已經好勁。有黑松露同金箔，而且蒸蛋好入味，又唔會散開變成碎【左口魚】比較少食到！而且今次加埋bb草🌿好特別！加多咗一重口感。食材新鮮就唔需要多講架啦。一個字 '正'【北海道毛蟹】上面嘅係蟹糕，下面係蟹肉。記得記得要加醋，撈勻佢哋。食落去呢個種蟹嘅鮮味同甜味一瞬間就入晒個口裏面【深海池魚】同池魚完全係兩樣野。一隻深海池魚要大力大力咬先至會有更加多嘅口感【生北寄貝】師傅特登大力拍一拍，再極速食落肚。咁就感覺到生嘅北寄貝好似口裏面郁下郁下的感覺啦👍【厚燒吞拿魚粒】入口即溶😋比刺身，燒出來的味道超級濃。絕對係令人連個心都軟化。【三文魚籽 日本腐皮】呢度嘅三文魚子係特別由師傅用酒再釀製，加上日本超級出名嘅腐皮，就可以將兩種味道平衡咁樣樣放入口裏面。又唔會太淡淡又唔會太過鹹，係食三文魚子最好嘅方法之一。【帶刀魚】吉列嘅魚枊加入新鮮紫菜，炸得好香，記得將最後一啖，要將紫菜同埋魚一次過放落口😆【竹籤魚】如果嫌淨係食魚生嘅味道唔夠濃烈，可以試吓加啲俄羅斯魚子醬。少少哋個味道已經超級足夠【大千 海膽】日本最頂級嘅海膽 今次就將佢呢變成手卷 一食落去就知道佢與眾不同 而且係勁甜啦 入口即溶【禮文 海膽】日本最頂級嘅海膽 亦都係赤海膽 色澤金黃 而且呢係原條 好明顯係超級新鮮 直接造成壽司 品嚐佢嘅原汁原味 真係要大叫一聲好好味呀【宮崎赤肉蜜瓜】有一個咁甜的蜜瓜作為終結一個非常之好嘅晚餐。食完之後整體感覺都非常愉快😚男朋友特別開心😋😋…查看更多

朋友仔喺外國返來，要食日本菜！經友人介紹搵到位於元朗-鮨文一入店內，見到兩位壽司師傅，而bar 枱已經坐滿，店內裝潢和風，簡㓗舒適。由於座位唔多，需預先訂位才可入座我們被安排坐入面，私人空間十足蟹肉碗蛋上枱時賣相吸引，面上有金箔蟹肉，好貴氣蛋滑溜重有兩粒鮮味帶子在碗底白子大家估下喺咩白子本身冇味，配上酸汁及蘿蔔蓉進食，又好夾柚子生蠔生蠔新鮮肥美，原來配柚子醬汁，味道更能突出，perfect match深海池魚廚師輕輕燒過，有香味，池魚鮮味十足，魚油豐富，食左兩件厚切後，仍然想encore天婦羅帆立貝外面香脆可口，裡面半生熟，咬落一絲絲，有口感壽司壽司本身已有少量芥末，壽司size 適中，可以一件一口竹纖魚，厚薄適中，好鮮味海膽杯見到都開心，海膽份量比飯多一倍海膽肥美，十分鮮甜，好満足吞拿魚手卷食落好似食緊刺身，成條呑拿魚喺入面，有口感，有驚喜哈蜜瓜呢度哈蜜瓜喺噴左威士忌, 蜜瓜清甜多汁，又有少少酒香味，好特別…查看更多

鮨文的Omakase(廚師發辦)街知巷聞，名乎其實「唔係有錢就食到」，如非提早若干日子訂座，想要walk in入座實在是妙想天開。被安排坐於吧桌位置，有幸一賭師傅製作壽司的精彩過程！吧桌底下提供充電線，十分貼心。Omakase套餐有兩款，點了較便宜的一款，價值一千三百二十元一位。首先送上的是金箔蟹肉茶碗蒸，金光閃閃的金箔令蒸蛋更顯矜貴。嫩滑的蒸蛋如布丁般順著喉嚨溜走，味道較為清淡，不如坊間一樣大多鹹得舌頭發麻，更是清一清味蕾的美饌。第一款刺身是深海池魚，用鹽以炭火網燒，魚油溢出，極之豐腴，加上鹽的鹹香提鮮，在口中揮之不去。當天吞拿魚新鮮運到店中，有幸能目賭師傳宰魚的過程。中拖羅肥瘦適中，不算非常肥美，油膩感亦不高，入口慢慢融化。品嚐過兩款刺身後，便到刺身帆立貝天婦羅出場了！體型巨大的帆立貝經油炸後仍沒有過熟，鮮甜多汁，以紫菜包著，手指亦不會沾油。師傅說道新鮮帆立貝的質地一絲一絲；而急凍帆立貝的表面則較平滑，而這件帆立貝果真帶有層層絲狀的口感！吃過炸物後，轉而一嚐清淡一點的煮物。蝦夷鮑魚以關東煮法清蒸，彈牙之中帶點軟腍，味鮮不韌。對於井底之蛙如我卻是首次得知鮑魚肝醬，師傅說一般餐廳大多用上鰻魚汁，而這裡則是罕見矜貴的鮑魚肝醬。將鮑魚肝醬加入飯中，拌勻成為Risotto（意大利飯），濃郁甘香，質感黏稠綿密，飯粒煙韌、粒粒分明，雖然味道的確美味得使人意猶未盡，但是小小一份剛好不會過膩。終於到了我引頸以待的握壽司，壽司用上越光米及北海道七星製成的混合米，帶啡的飯粒經已調味，較一般壽司飯鬆散。油甘魚壽司金目鯛壽司梳子魚壽司北寄貝壽司平時最常見的北寄貝大多是紅白色漸變，其實那些都已經全熟，而這款紫色的北寄貝才是真正的新鮮北寄貝刺身。師傅在握成壽司後會將北寄貝輕輕一拍，令其因收縮而變得結實，口感爽脆，絕非平時常吃的全熟北寄貝那種既淡且韌。點紋牡丹蝦壽司稱為點紋牡丹蝦，是因為牡丹蝦蝦身上有四點，最牡丹蝦中最高級的品種，質感黏口有膠質。蛇腹拖羅壽司單憑蛇腹拖羅的外表已經能對其名字由來略知一二，肥美油潤。品嚐過一連串壽司後，薑能起到清理味蕾的作用，為接下來的軍艦做好準備。三文魚子軍艦上自家醃製的三文魚子粒粒飽滿，比平時坊間吃到的更為脆身多汁！師傅正在為另一位客人炮製海膽杯，單看過程經已使人垂涎三尺！雖然這個套餐不包括海膽杯，但是這件海膽軍艦同樣不失霸氣！滿滿的海膽山鮮甜濃厚。手卷外型與平時常見的手卷不同，原來是用上江湖時代設計，蔥吞拿魚腩新鮮剁成，紫菜香脆。三文魚湯略為油膩，不過嚐得出真材實料，魚油濃香，暖一暖胃。最後甜品並非一般日本餐廳會送上的一球來貨雪糕，而是成本高的北海道赤肉蜜瓜！可以選擇噴上威士忌與否，而我覺得威士忌的確能令蜜瓜更加香甜。這一餐Omakase（廚師發辦)之所以令人回味不單是因為食物質素之高，更是與師傅親切的待客態度和對食物的熱誠有著密不可分的關係：高級日本料理師傅不僅僅會在廚房中默默地埋頭苦幹，食客與廚師之間好似有幅隱形的牆一樣；反而是與客人不斷親自介紹每一款食材及特色、與客人有說有笑，讓整頓晚飯有的不止是美食帶來的享受，更是伴隨著美食的快樂與輕鬆。…查看更多

近來本地壽司類別湧現Omakase這個名詞, 人氣程度想必不用多介紹了吧! 而元朗更出了兩間食評如潮的鮨店 - "鮨文"和"壽司之神"。 就在居住的社區內, 多麼相近, 於是相約喜歡食壽司的友人到"鮨文", 一嚐師傅發辦。致電鮨店訂位, 怎料壽司吧已滿, 而且要等上一段時間, 但嘴饞又心急的我倆又怎可等得太久, 要先吃為快, 所以連order檯也不放過。 當晚準時7點到達, 石牆木門, 門面沒有多餘裝飾, 極之簡約, 亦添上一份低調神祕。 與坐壽司吧的食客一同進場 (羡慕呢~)。食Omakase重點當然是看師傅手即場演繹握壽司的技巧, 與及跟師傅之間的互動溝通, 不過事先做了功課, 知道Cupid師傅並不太喜歡食客相機先食, 目的是保證壽司的質量, 我倆是喜歡拍照之人, 反而order檯沒有太大壓力呢 (自我安慰中~)。 鮨店不算大, 日式木趟門後是容納10人之L型吧檯, 還有兩張四人order檯, 光亮而簡潔。Cupid師傅跟師傅們已於壽司吧內準備就緒。 餐牌內容非常簡潔, 只有兩款Omakase選擇: $1200及$1500, 兩者分別在於8貫和9貫, 以及雲丹盛滿, 即海膽杯。 食Omakase價錢從不便宜, 加上我不太好海膽, 所以選擇了$1200 Omakase那款。 先來前菜熟食: 茶壺蒸茶壺蒸是我最喜愛的項目, 要蒸出滑溜蒸蛋, 時間要拿捏得準確。 鮨文的茶壺蒸, 盛載的容器精緻, 不禁加了點分數。 蛋面的蟹柳輕輕地灑有金箔和柚子皮, 令蒸蛋多份矜貴, 蒸蛋蛋香味不錯, 而且非常滑溜水嫩, 滲透柚子的清香, 內容更有冬菇等用料豐富。 平目魚即是常吃的左口魚。 晶瑩的魚肉刺身內捲有芽蔥, 入口魚味清淡, 口感較其他刺身爽口, 慢慢散發內裡芽蔥和表面柚子皮的清香。 秋刀魚9、10月當造的秋刀魚相當肥美, 像是入秋必備的時令項目。 秋刀魚入口甘香微腥, 油脂豐厚帶鮮甜, 可能未必人人接受那種濃郁腥味, 所以配備薑蓉和蔥花來中和這種獨特味, 加與不加同樣美味。 天婦羅帆立貝 這道天婦羅要即食才可享受箇中滋味, 我們都不敢怠慢, 快速留倩影後便開動。爽脆紫菜下包著選用北海道的帆立貝, 肥大肉厚, 炸至半熟的程度, 鮮味非常, 天婦羅炸漿薄身鬆化, 外脆內嫩的口感非常好吃, 很滿足! 清酒煮蝦夷鮑魚因應時令變動, 將毛蟹換上蝦夷鮑魚。來自北海道的蝦夷鮑魚, 用清酒蒸煮, 肉質實厚富彈性, 帶微微清酒甘香。 伴碟綠色的自家製鮑魚肝醬, 經牛油煮後變得很creamy濃厚, 輕輕的蘸上, 令鮑魚鮮味更加惹味突出。 附上的米飯飯團加入赤醋調味, 帶點酸, 與肝醬混合, 正好與膩感飽魚肝醬平衡, 甘香鮮濃, 不禁把肝醬也吃光。 接著到重點: 8貫壽司 壽司講究細節應要由淡到濃, 而米飯為配合新鮮食材均用上赤醋, 味道比一般濃香。 先是深海池魚輕輕炙燒過的深海池魚逼出魚脂香, 魚味較濃, 燒後更突出魚的鮮甜肥美。 石垣貝從日本東北部來的石垣貝, 爽脆味甘, 彈牙口感猶像赤貝, 但味道未至太強。 鱒魚生於北海道海域, 是三文魚類的一種, 比挪威三文魚的白紋更幼細, 肉質creamy得來偏乾身, 望落似風乾般, 入口則似煙三文魚的質感。魚肉面加了薑蓉點綴, 較搶去魚的鮮味。 大拖羅入口近乎即溶, 肥美得來有少少筋, 鮮美的魚油在口裡拼發, 腴厚美味。 伴碟自家醃製鮮淮山, 用芥末浸泡過帶微微嗆鼻感, 黏軟中帶點爽脆, 開胃之餘又可辟除魚腥味來迎接餘下4貫。 點紋牡丹蝦跟平常的牡丹蝦蝦身有4點分別, 光澤鮮艷, 質感爽口中帶點黏牙, 甜厚嫩滑而帶甘的味道不錯。 鰹魚深紅的鰹魚, 赤紅豔麗色澤, 魚油不多, 肉質幼嫩清爽, 味濃同時帶微腥。鰹魚表面已塗抹了蒜味醬油, 黏黏酸酸, 出乎意料的美味。 海膽軍艦雖說不太好海膽之物, 好歹也嚐上一小口。用上北海道馬糞海膽, 份量多得令賣相不是太工整, 味道甘甜而滑, 縱然味道不錯, 始終不太討我歡心, 淺嚐後還是送給友人, 好讓海膽遇知音。 三文魚籽自家醃漬的魚籽, 每粒都非常飽滿結實, 入口澎湃地爆漿, 口感滿足。 完成8貫後再來一個: 拖羅手卷紫菜鬆化, 包著綿綿的拖羅蓉, 份量甚多非常飽足。 魚湯魚湯熱乎乎的, 湯面封了一層薄膜, 膠質精華十足, 魚味鮮濃, 刺身魚食後作完美的總結。 最後來一碟果物: 靜岡蜜瓜香甜多汁的蜜瓜, 以蜜瓜的馥郁解膩解腥, 是最好不過, 令人一再想吃。 Cupid師傅出身於"見城", 也是"壽司之神"的前師傅, 累積相當經驗, 雖然這頓Omakase味道未至於是驚為天人, 但當中的細微心思, 還有十足的盛意, 侍應的細心服務, 令這頓隔空Omakase 令人印象深刻。花心思的經營出來, 師傅們的手藝技術, 不單成為元朗的賣點之一, 亦成為各區嘴饞人的熱點。…查看更多

跟一位元朗食友聊起，元朗的兩家鮨店 - 鮨文和壽司之神。由寂寂無聞，到現在人氣一時無倆，而我倆卻從未嚐過當中的任何一家，總覺得是有愧對了「新界友」這個美名了。刻下約定要拜訪鮨文，訂桌之際店方表示吧桌已訂滿了，心裏期望當天會有吧桌空出，可惜事與願違，既然如此也只好接受了。久仰大名，卻不知真身在何方，跟着地圖直走，停下，這位置熟悉又陌生-這曾是一家地踎燒烤店，生意甚好的一家，換上了高級鮨店，在我眼中反差極大。論地段，不及壽司之神隱世，人來人往的街，相信每天總會有客人錯摸門釘的。早就聽聞鮨文師傅不喜食客拍照，坐Order桌就可以拍過夠了，但如此一來便未能看師傅獻技了。侍應服務算是到位，八成有關食材、烹調問題都能圓滿解答，但始終還是有點不便，還是不多問好了。來到鮨文，就是要吃師傅發辦。不少食客是為着「海膽杯」而來，選的是有「雲丹盛滿」$1500的 Omakase，而我倆選的是$1200 Omakase ，原因十分簡單，友人是不吃海膽的，如此一來旁人甘之如飴的「海膽杯」便不是今天的目標了。茶碗蒸金䈌柚子蟹柳薄薄的高湯浮着絲絲蟹柳，重點是蒸蛋很滑很滑，有一股怡人的柚子香。秋刀魚厚切的秋刀少了份精緻感，但如此粗獷的切法，當然也就要豪邁地吃，去感受那魚脂在口中狠狠迸發。這秋刀算是肥厚，魚香較濃。秋刀魚的季節，能再次吃上它，感覺是無比幸福。平目魚同是厚切的平目魚，撒了一點柚子皮來提香，魚味清爽。捲上長段蝦葱，此葱清新味淡，食味較為柔和，令平目魚口感提昇。北海道帆立貝天婦羅女生十居其九愛帆立貝，而我也不例外。肥大肉豐的北海道帆立貝，没有多餘的調味，用紫菜裹着吃，脆口的紫菜下是輕脆的天婦羅，帆立貝呈半生熟之態， 口感鮮味俱全，實在好吃得很。帆立貝刺身吃膩了，倒不如試試更有口感的帆立貝天婦羅吧！蝦夷胞魚毛蟹換上了蝦夷胞魚，來自北海道的蝦夷胞魚，附上一份淡綠色的肝醬。侍應提示只蘸一點就好。以清酒過的蝦夷胞魚，鮮中帶點甘味，很有咬感。肝醬味道十分複雜，那濃烈的脂香不單是來自肝醬，侍應卻是祕而不宣。隨後侍應再端來一小口飯團，示意可蘸點肝醬來吃，只是肝醬之濃烈，連我此等重口味之輩也受不了，還是淺嚐就好。不過這飯團的出現倒令我想起，這兒的壽司走的是江戶前風格，壽司飯用上赤醋調拌，風味獨特，香氣更為突出。吃過刺身後，便迎來壽司8貫。深海池魚算是肥美，不會太膩，反而更好。魚皮輕輕烤過，令魚味更加烈強。又再遇上我喜愛的石垣貝，甘甜、爽口、軟綿，味蕾被再次感動了。鳟魚產於北海道海堿周圉，味道較一般三文魚深沉，油脂較少，口感柔滑，算是個新嚐試。大拖羅，淺粉的色澤來自魚脂的紋理，那入口即化的美好自不待言，若然能厚切一點便完美了。首次嚐到點紋牡丹蝦，十分驚艷。入口爽彈，蝦身卻是十分黏嘴，非常鮮甜牡丹蝦，那黏纏的口感令人回味。鰹魚魚味極濃，以蒜味豉油作調味，屬重口味的魚類，不合個人口味就是了。北海道馬糞海膽上桌總是教人興奮，可是隨即想到友人是不吃海膽的，友人就把她的那份撥歸我的名下。此時友人幽幽地說侍應竟忘了查問客人的喜好，這時我想起先前吃過的Omakase，侍應確是會問及客人的喜好，然後師傅也會在席間再次查問，這兒的侍應漏掉了這個步驟，再加上不是坐上吧桌的關係，也就錯過了表達喜好的時機了。說回這北海道馬糞海膽，在北海道嚐過一遭，那美味自是難忘。這枚盛得滿滿的海膽，那甘香濃甜便是幾倍的幅度，把友人的那份一併吃掉，也許是惻隱之心作崇，總覺得此物淺嚐就可，鄰桌的海膽杯會否太膩了？（也許，是酸葡萄的心在作崇才是吧！）三文魚籽顆顆漲實飽滿，不會死咸，也很不錯。吸物是一碗魚湯，面層凝住一層薄膜，奶白的渴身充滿魚香的精華，跟肥美的刺身互相輝映。至此已是飽得不行，侍應送上最後的拖羅蓉手卷。幸而手卷内的是綿軟即化的拖羅蓉，捲着脆身長紫菜，美味卻完無負擔，此刻是飽足了。說是飽了，甜品卻是不容錯過。以果物作為甜品，靜岡蜜瓜表面灑上威士尼，果真能提昇香氣，帶來另一番韻致。蜜瓜未有預想的濃甜，但清甜多汁的屬性，比甜品更來得合適。聽説這兒的師傅相當年輕，即使未能坐上吧桌，離開時也能一睹他的盧山真面目，這位文師傅確是年紀輕輕的，偶爾露岀靦腆的神情。也許是太受歡迎，店方在平日也設兩個用餐時段，都是全店滿座之勢。令人吃驚的不只是店方的號召力，而是兩輪合共四十名客人，在閒日的元朗是有夠誇張的，早就聽聞近日元朗有錢人多的是，那些年元朗曾是貧窮人口最多的社區之一，如今一切是要改寫了。數年前，鮨文被冠以「隱世」之美名。如今一位難求，大名躍現於各大傳媒當中，如此閃耀，已不屬「隱世」之列，喚作「進擊之鮨店」還更貼切一點吧？…查看更多

很久沒有吃日本菜，這次來到這家專營廚師發板的日式料理餐廳。餐廳的名字曾經在網路流傳，因為說這裡的師傳不喜歡食客拍照太久，影響食物的最佳享用時間。師父有堅持是一件好事，所以今晚就特地前來拜會一下。餐廳的面積不廣，只有一大張圍著師傅位的U型吧桌，和兩張四人桌，隨處擺放的紙皮箱更顯出空間寸金尺土。我們獲安排於其中一張四人桌坐下。餐廳共提供兩款廚師發板套餐，內容大同小異，如果想試這裡出名的海膽杯，就要點價格較高的套餐。這次點了價格檔次低的那個套餐。首先奉上的是前菜金箔蟹肉茶碗蒸，這碗小東西甫一上枱，就可以嗅到濃烈的蛋香，十分刺激食慾。蒸蛋是非常講究技巧的菜式，稍一不慎就會很容易使蛋變「老」，內裡出現一個又一個的小孔，失去滑嫩的口感。興幸的是這裡的蒸蛋口感相當滑溜，口感幾近豆腐花，配合鮮味的蟹肉，真叫人捨不得吃光呢。之後奉上了兩色刺身，分別是網燒深海池魚和秋刀魚，配以可以去掉魚腥的橘子汁。兩道刺身都已作恰當解凍，偏涼但不帶冰冷，魚肉的鮮味和質感得以完美呈現。深海池魚的外皮部份略作炙燒，保有鮮味之餘又帶幾分香口，是很好的配搭。而秋刀魚本身的腥味亦不算明顯，配合橘子汁相當容易入口，非常不俗。接著的天婦羅帆立貝是一道令人很驚喜的菜式，用天婦羅的方式烹調帆立貝非常罕見，這裡使用的帆立貝還是珍寶級數的，更顯矜貴。帆立貝的熱度充足但不覺燙口，炸漿下的帆立貝仍保存著鮮甜的味道，夾著爽脆的紫菜一同進食，感覺每一口都是幸福。清酒蒸鮑魚是這裡的一道名物（餐牌冠以signature item之名)，出名的不是鮑魚本身，是用鮑魚肝和膽精心調製的醬汁。自問吃鮑魚的次數也不少，不過配合「鮑肝醬」同吃還是第一次。鮑肝醬的研製的工序非常繁複，所以會做這個汁的店並不多。這些墨綠色的醬汁，賣相不甚討好，未吃前會以為這些綠色的醬是苦澀的，但入口後又覺得其味鮮甜無比，還帶幾分像牛油的餘藴，真的不可以貌相啊！至於主角清酒鮑魚，厚身的肉上面有層層的坑紋，入口相當具嚼勁，在咀嚼的過程裡可以盡情感受其鮮甜，配合這裡的獨特醬汁，簡直將鮑魚的味道提昇至另一個層次，真的多多都不夠吃。侍應特別叮囑我們要留一點醬，因為接下來奉上的是壽司醋飯，用了微酸的赤醋，我們只需要把飯慢慢混入醬中，就成了像意大利飯般的一口飯，完全吸盡了每一滴的美味。之後奉上的是多款不同的壽司，壽司的米飯已經混合了日式醬油和芥末，所以不用另備醬油了。這個做法，可以見到師傅的執著，務求將師傳個人認為最好的味道，放在客人的口內品嚐，不會因為人客自行調味的關係而浪費師傅的用心。中拖羅壽司桃紅色的魚肉完全無筋，入口極滑之餘又軟綿。點紋牡丹蝦蝦肉結實爽口。竹簽魚經炙燒，口感柔軟卻不失纖維。值得一提的是伴碟的牛蒡毫不馬虎，充滿醬油香味。醋鯖魚帶微微的醋香，非常醒胃。石門貝鮮味彈牙。三文魚子是店家自家製的，醬油味比較淡，魚子裡的魚油清甜不帶腥味。赤綠魚油脂豐富，表面經炙燒後香味更是出眾。海膽軍艦相當巨型，海膽份量多得嚇人，鮮味出眾。不浪費魚的任何一個部位，這個白身魚湯用了不少魚的精華熱製而成，每一口湯都充滿魚香。湯正好為上面的鮮味刺身和壽司作一個好總結，清清味蕾。什錦魚生手卷賣相精巧，米飯裡包含著各色刺生碎。最後一遁靜岡蜜瓜，甜味怡人，店家還特地噴上了一點威士忌，使甜中帶一點微微的澀味，豐富了甜味的層次。整體而言個人對這裡的出品相當滿意，由第一道菜至最後一道菜都一絲不苟，充滿著師傳的執著和堅持。無可否認這裡的環境未予人堂皇之感，但瑕不掩瑜，單是嚐到用心的菜式，侍應對每道菜式的詳細講解，已值回票價。…查看更多

相信喜歡吃魚生的朋友們, 都知道哪些魚生是好味的. 今天, 跟一個很久沒見面的朋友, 就來這裏一聚。店外木門的粉刷,裝修具有日本食店的感覺; 這裏每一件壽司都用料新鮮, 用心製作。開始時, 來一碗茶碗蒸, 金泊蟹肉鋪於面層, 蟹肉鮮甜味美, 上面加上點點綠色的柚子, 柚子不但為整道菜增添了點點閃閃發光的色彩, 而且也使整道菜隱約添上了清新的柚子味; 茶碗蒸的底層是燉蛋, 軟滑的燉蛋吸收了面層蟹肉的鮮味, 整道菜簡直是色香味俱全;日本食店, 當然少不了刺身, 這裏的刺身, 鮮味極具突出; 深海池魚, 秋魚, 各具特色; 深海池魚, 網燒的, 厚切, 閃閃亮的面層, 咬下去, 極富肉汁, 魚油豐富, 每一口都能吃到魚的鮮及網燒的味道, 不膩; 而秋刀魚, 沒有深海池魚那麼厚, 較薄, 味道較淡, 沒有深海池魚那麼肥美, 但鮮魚味濃郁, 入口即化的感覺; 看著用來盛載的器皿, 增添幾分食欲;吃完刺身, 來件炸物, 天婦羅凡立貝, 手掌般大的凡立貝, 炸得外脆內軟, 咬一口, 雪白的肉, 鮮嫩無比, 配以紫菜, 更顯脆口的感覺, 不油不膩, 而且掩蓋不了凡立貝的鮮味;這裏的每一道菜都精緻無比, 就連下一道菜清酒蒸鮑魚也不例外; 只能是清蒸, 才能體驗到海鮮的原汁原味; 雖說是清酒, 但完全吃不到清酒的味道, 只散發出鮑魚的清香; 配以以其肝臟所餚出來的鮑魚醬, 色澤綠綠的, 味道鹹鹹的, 帶點牛油味的感覺, 可謂是把整碟鮑魚的味道升華至極點。當吃完鮑魚, 把少少醬汁剩下, 會有另一道特別的食法, 用一小團壽司飯混以鮑魚醬, 飯即時變得綠綠的, 由原先的普通飯眨眼變成一道美味的食材, 食法真有創意;壽司是日本食物其中一樣具代表性的食材, 這裏的壽司飯是用赤醋, 顏色較深, 較有醋味而且不酸; 中拖羅, 點紋牡丹蝦及來自北海道的竹簽魚; 其中以中拖羅及牡丹蝦我最喜愛, 中拖羅是魚腩位, 魚紋路清晰, 鮮紅色的, 可見十分新鮮; 魚油豐富, 口感軟滑, 吃下去鮮甜即化; 而牡丹蝦晶瑩剔透的蝦肉, 蝦味濃郁, 咬下去十分爽口; 配這道菜所用的配菜牛磅, 鹹鹹的, 不但使人十分醒胃的, 而且味道清新, 吃完拖羅再吃一條牛磅, 再吃另一件壽司, 這能清一下口, 能確保不混把拖羅的味道混在牡丹蝦裏面;而另外五款壽司分別是醋青魚,石緩貝, 三文魚籽, 喉黑,及海膽壽司; 我最為欣賞的是三文魚籽及海膽軍艦, 三文魚籽晶瑩剔透, 自家腌制, 完全沒有腥味, 甜甜的, 每一顆魚籽都像包裏著甜醬油的味道, 先把三文魚籽一口吃, 鮮甜的味道齒頰留香; 海膽壽司, 幾層高的海膽堆滿壽司面, 完全找不到看見飯粒的空隙, 在這裏所吃的海膽, 吃不出任何一絲臭味, 新鮮清新的海膽味久久不散。這間日本食店的道, 無論是裝食物的器皿, 食物的味道及精緻度, 都能體驗師父是多麼專業, 多麼用心製作。…查看更多