菊月町

因為無得去日本旅行，所以今日一個人去左觀塘菊月町食Omakase（廚師發辦）~「おまかせ（Omakase）」 是交由大廚決定食物的意思，食客需要完全信任厨師給你安排菜式，這就是廚師發辦，一般都會主打季節性的食材。一個人被安排坐在BAR  台的位置 我揀左（焰月）$980: menu 如下:1.         先付2.         時令季節剌身五點3.         漬物4.         鐵版燒二款5.         吸物6.         手握壽司五貫7.         手卷8.         時令果物先來個白飯魚乾配波菜 ，魚乾即燒，非常香脆~之後食剌身，廚師現場好有心機的即時在我面前表演刀工~先來個深海池魚，非常鮮味，不用點wasabi，直接食佢個鮮味，很特別的有中間夾上山藥一齊食。深海池魚是以清、甜、爽見稱，味道比一般的池魚更加鮮甜。珍珠蠔，有醬汁浸住，加上很有海水味呢，仲有海澡伴碟。八爪魚足- 好鮮甜爽口醋青白腹鯖:呢個廚師都推介，肥美的醋鯖魚，入口甘香，有回油香味。另外仲有一件mix三文魚，海膽，魚子 ，全部我favorite~用紫菜包住食，飯有D油香的醬汁，非常滋味食下D漬物清下個口：有紅酒橋頭，再加上准山 、蒜頭及牛蒡，食返D開下胃口。跟住食忌廉香草汁甘鯛，廚師話連魚皮一齊食喔~甘鯛肉質綿密黏滑，是季節時令食材，其魚鱗呈淡紅色，魚肉稠密，肉質有彈性。魚經過滾油一炸，魚鱗豎起，連皮一起吃，咬入口超香脆，再加埋D 有少少creamy 的汁一齊食，好好味，因為我最鐘意食魚。之後有即燒的食物了~跟住有煙燻飽魚，是無添加，沒有加任何調味呢~ 飽魚爽口鮮美~好， break 一break 飲碗湯先~ 原味的金目鯛湯 – 好清甜跟住食壽司啦~粒貝: 有塊紫蘇葉一齊食。粒貝爽口有口感，紫蘇葉有藥用功效呢~火灸幼鱸: 超過肥美呀, 豐富口感，滋味無比。赤身: 紅色魚肉切片的壽司總稱為「赤身」，魚肉看上去面頭新鮮到有少少反光的，魚肉的美味又鮮甜。白魚：廚師把wasabi粉,灑上壽司面，賣相非常精致，加埋醋飯，酸酸的很開胃海膽壽司： 海膽好新鮮，鋪得滿滿的。海膽色澤為橙黃色，味道濃厚甘甜，回甘味強，原來海膽含豐富蛋白質呢~手卷：香蔥拖羅，拖羅充滿光澤，油脂豐腴，而且無筋，入口即溶好啦，是時候消一消滯啦最後甜品是蜜瓜加士多啤梨，蜜瓜超甜呢~ 多謝廚師帶給我呢餐美味的Omakase…查看更多

身為觀塘友，其實又唔係真係成日會係觀塘搵食，最近先知原來係工業區有間高質日本料理叫<菊月町>，OMG! 仲有我至愛的Omakase呀😍！ 愛日本料理的人，相信對Omakase都不會陌生。食得omakase既人唔代表識食，但識食既人又怎會不愛Omakase?🤪.由廚師親自手挑選時令食材，在客人面前顯現像魔術般的功架、✨變出一道道如藝術品精緻的美食，正是其可貴之處！今次選擇咗平日夜晚去自私食😆店面不算大，內外裝潢都是滿滿日本居酒屋風格～ 🪑座位以圍繞吧枱為主！🤗咁就可以同師傅、食材嚟個近距離接觸啦～店員姐姐好有禮👍🏻，而且會幫客人掛起件褸～ 香港少有咁貼心的服務呢～打開menu, omakase分別有<爍雨>同<焰月>兩種，媽呀！！2個set都好吸引呀～ 🙈ok，最後揀咗$980的<焰月>~••••••••••••••••••••••••🟠先付：先來打頭陣嘅係💁🏻‍♀️牛肉生姜煮普遍坊間都提供豚肉生薑煮/燒，呢個牛肉生薑煮、甜甜的薑汁完美滲入肉裡，juicy又開胃~🟡時令季節刺身五點：🔸七星鰈 - 肉質幼嫩帶爽口，味道清淡鮮甜～🔸本鯖（白腹鯖）配檸檬果凍 - 平時好怕食燒鯖魚，覺得好腥同好酸.... 呢個本鯖刺身經醋漬後微微酸甜、跟淡淡的檸檬果凍交錯起來更見鮮味～.🔸八爪魚鬚🐙 配黑魚子 - 師傅拎條唔知幾多吋長既八爪魚鬚出嚟果時我已經睇到O嘴同呆咗（🙈失禮了！) ，再三幾下手勢、利落既刀工將吸盤位置去衣、魚鬚肉薄切，像一朵朵小花，肉質爽口略帶海水味，所以係唔需要🚫再沾醬油啊～.🔸金箔吞拿魚腩蓉 配黑魚子 - 😍靚得太犯規啦好不好？師傅細心地加左紫蘇葉碎同洋蔥🧅，覺得減輕咗Toro蓉的油膩感~ 唔捨得食都要食😂因爲之後仲有好多嘢食！🔸大吞拿魚腩 配海膽及三文魚籽 - 又來一件藝術品🤗 師傅特地加入少許竹炭鹽提味用火烤過的紫菜脆卜卜，包住入口即溶的「三鮮」！形成強烈對比！😆你會唔捨得口腔內的油脂香散去～🔴鉄板焼二款: 🔸金鯛 - 平時我怕食到魚皮、魚骨，莫講話魚鱗⋯⋯ 呢個金鯛完全顛覆咗我食魚既習慣😮 魚皮上的鱗炸得酥脆，魚肉卻依然保持鮮嫩多汁！魚肉中有2條骨，師傅話不能全去骨，要靠其支撐否則魚肉會變形～ 實在好考師傅功力！🔸原殼鮑魚 - 在鮑魚旁的醬絕對是亮點！師傅用咗鮑魚肝、加入蒜蓉等材料製成醬，味道獨特又惹味～⚪️吸物：魚湯 - 加入了昆布熬製的奶白色鮮魚湯～ 3個字～ 好！鮮！甜！上枱前師傅還會親身試味確保質素～輪到壽司🍣時間～🔵手握壽司五貫:🔸醬油燒金目鯛 - 由搶眼的金目鯛打頭陣，粉紅橙的魚皮經炙燒後微焦爆發油香、感覺入口即溶～🔸黑鯛 - 如果金目鯛係玫瑰，黑鯛應該係款簡約風的茉莉吧～肉質軟嫩，師傅特地噴上昆布水塩帶出鮮味～🔸深海池魚 - 入口質感爽甜，加入了山藥展現出層次感～🔸白象拔蚌 - 爽滑且鮮嫩有嚼勁～🔸馬糞海膽 - 濃厚甘甜～ 唔捨得飲茶沖走口腔的味道🤣🟣手卷：Toro🐟手卷 - 我會稱之為心機手卷～ 又係師傅大顯身手既時候啦！🤩 即場火炙魚皮、取其魚油滴在飯中，混入Toro蓉及海膽，脂香四溢、甘甜鮮美，it’s crazy yummy 😍最特別係呢度既手卷包法是橢圓柱型而不是常見的傳統圓錐型，食起上嚟平均之餘又唔易散～ （ 絕對啱我呢d手殘寶寶😂我最怕d手卷面頭勁多料，但竟然係粒狀魚生😭然後跌到一地都係）🟢時令果物：日本蜜瓜 - 最後以鮮甜蜜瓜🍈為這頓Omakase藝術之旅劃上完美句號～由於小妹睇師傅的表演太過入神，食物又太吸引的關係......😫 本鯖(白腹鯖)、八爪魚鬚刺身/ 馬糞海膽壽司都漏咗影相....這小店食材高質、用心製作及人情味，實在沒有不再光顧的理由～作為貓奴的我亦很愛她的貓貓擺設呢！🐱…查看更多

今日放工男朋友約左我食omakaese估唔到原來觀塘都有！叫左個焰月套餐 首先黎左個先付（前菜） 赤蝦新癮燒配白飯魚乾白飯魚乾都係用鐵板煎香佢 勁香脆既魚味 配埋清酒一係一流 粉紅色同白色既赤蝦炸物外脆內軟 幾香口然後有時令刺身5味深海池魚 調味唔會太濃令到個魚既鮮味好出 肉質好飽滿金銀魚刺身 好有口感 亦都係十分新鮮 幾有咬口鮟鱇魚肝 肉質細緻 好入口即溶既感覺 配上醬油提一提味 百食不厭！ 粒貝既麻油味好出 估唔到咁配搭都ok!幾有驚喜肉質好爽 有少少嚼勁 好正拖羅既油脂好西利 配埋紫菜食 一齊溶化係個口度簡直係享受鐵板燒鮑魚十分出色 鮑魚十分新鮮 d肉好彈牙燒到好香口 點埋醬提升左個味師傅話個飯最後先點醬食 果然無介紹錯鵝肝多士 煎得岩岩好 外皮好脆 個多士幫手解肥膩脆脆既外皮 咬落去入面又係即刻溶係口度 勁香油脂味係鵝肝愛好者既天堂啊之後仲有昆布魚湯好濃同鮮甜既魚味 鮮熬製 超正 同埋個湯勁熱 好暖胃另外仲有五件手握壽司同埋手卷赤身 活赤貝 獅魚 灸燒剝皮魚等等赤身同活赤貝都好出色 赤身 鮮甜口感軟嫩 活赤貝就好爽好甜最後仲有 香蔥吞拿魚蓉手卷師傅將一串魚皮不斷燒 燒到啲魚油的晒落去吞拿魚蓉度 令到d蓉都勁香魚油味！超級正 同埋入面有d芝麻 好香口同埋好足料 食完仲有日本🇯🇵蜜瓜食！聽師傅講鋪頭年初七先啟市 唔好摸門釘…查看更多

表哥今年返黎香港渡長假, 原本我打算招待佢去我新居嘅客房住, 不過原來佢已經自己book左觀塘工廈區嘅酒店住。之前係加拿大住表哥家時, 表哥會揸車周圍帶我地去玩去食好野, 今次難得佢黎到香港, 我當然要盡好地主之誼帶佢周圍遊玩同埋食好西啦。😁表哥來香港之前, 我已經係Openrice搵到呢間係觀塘工廈區入面晚市有提供Omakase嘅菊月町訂定枱同佢洗塵。今日一收工我就去酒店接表哥去。菊月町位於鴻圖道同駿業街嘅十字路口, 離地鐵站都有一段距離, 為免表哥迷路, 我都係去酒店接佢穩陣。😆菊月町門面同裝修都好簡約, 餐廳面積不大, 大概只可以容納10位客人左右, 吧枱設計好適合Omakase, 食客同師傅距離比較近, 好方便師傅同食客溝通。用餐前店員會先端上熱茶, 今日天氣比較冷, 可以先喝熱茶暖暖肚再用餐非常舒服。😚Omakase嘅好處係全程由師傅安排, 師傅會挑選最時令嘅食材逐一炮製俾食客, 而且每一款食物都會細心同食客介紹, 所以每一次食完Omakase, 我都覺得自己對日本食物了解更加多。😊除左刺身, 壽司之外, 菊月町嘅鐵板款式都好多, 我地到餐廳時鐵板師傅正燒緊超大件嘅斧頭扒, 以鐵板方式炮製斧頭扒非常考師傅功夫, 我都係第一次見鐵板燒斧頭扒。到餐廳時客人仍未算多，不過8點之後就全場爆滿。😮餐牌設計好簡潔, 除左有我地今晚點嘅廚師發辦之外, 其他壽司, 丼飯, 鐵板燒等等都設有散點, 仲有而人前餐, 如果平日晚飯過黎簡簡單單食一餐都可以有好多選擇, 而且價錢都幾親民。👍我地今晚點左$1100嘅Omakase, 有前菜, 刺身, 季節性刺身, 貝類刺身, 漬物, 鐵板燒, 和食, 壽司同甜品, 超豐富, 而且Omakase食之前都唔知每個類別有咩食, 非常有神秘感。😆前菜今日師傅預備左菜同有海底鵝肝之稱嘅鮟鱇魚肝, 鮟鱇魚肝味道同鵝肝好相似, 肝味濃郁, 油香感重, 用黎做前菜醒醒胃非常合適。👍前菜鮟鱇魚肝對我黎講刺身係Omakase最重要嘅部份, 今晚嘅刺身我非常滿意, 特別係秋刀魚刺身, 超級鮮甜, 口感又夠彈牙, 係香港唔係好多店會做。目仁奈同目張刺身我都係第一次品嚐, 魚味好濃, 回味無窮。另外每位客人面前都會有一塊岩鹽板, 師傅會將刺身逐一擺在岩鹽板上, 刺身沾岩鹽比豉油更能突出魚嘅鮮味。😋目仁奈目張深海池魚秋刀魚刺身吞拿魚赤身貝類刺身今晚嘅貝類刺身原來安排左法國黎嘅生蠔😍 仲要每人有兩隻, 蠔肉厚實有彈性, 師傅用柚子汁伴生蠔, 一口一隻超滿足。😊法國生蠔漬物刺身部份食完後, 師傅安排漬物俾我地先清清味蕾, 黃蘿蔔醃得好入味, 唔錯。鐵板燒鐵板薄燒和牛未食已經聞到和牛嘅香氣, 和牛中間夾住香蔥, 炸蒜等配料, 和牛口感軟腍多汁, 牛味香濃, 每人有三件, 份量剛好。😚和食平時我都唔太喜歡食熟嘅魚, 不過今日呢個汁煮鰤魚胶我都食唔停口, 魚肉同軟煮一樣咁鮮嫩, 汁醬微甜令魚肉鮮味更突出。😋汁煮鰤魚胶壽司食完個魚胶其實我地兩個都已經覺得飽, 不過之後黎嘅壽司真係好好食, 特別係拖羅😍 魚油超豐富, 魚香充滿整個口腔。最後食埋個蜜瓜, 呢一餐Omakase超完滿, 表哥都好滿意。😁鰤魚壽司赤貝壽司吞拿魚腩壽司甜品離開時見到餐廳有搞聖誕盛合同其他食物價錢都幾抵，好適合公司搞聖誕PARTY，即刻影低返去同同事研究研究。😁…查看更多