珠江酒家

今日同同事過咗嚟食，一行三人叫咗五味餸分別係：涼拌花甲($138)：味道同涼拌青瓜差唔多，但係非常大堆頭亦好惹味，值得試下。金莎黃金鮮魷$138)：真係估你唔到，以為係魷魚鬚或者係墨魚餅，點知原來係勁厚切嘅魷魚，真係未食過呢種口感，一生人應該試一次，非常香口送酒一流，但係鹹咗少少，加上好大碟，我哋得三個人真係食唔曬。潮州豪爽($138): 呢個真係好好味，我張相已經係食咗一輪㗎啦，我又好遲先記得影相。呢個係必食菜之一。唐芹豬肺：超好味，重胡椒味重啲豬肺又唔會太淋有咬口，亦係我必食之選。豉油王炒粗麵：有鑊氣，味道不妨一試。佢雖然要夾都百幾蚊唔平，不過真係好味又大碟，想食小炒就過嚟試下啦。…查看更多

珠江酒家，唔就腳、唔靚、附近難泊車、附近乜都無，但晚晚爆，識得黎既就淨返真係識欣賞老闆獨一無二既手藝既人星期四晚9點黎到無訂位好彩有一枱啱啱走，店舖又舊又唔太乾淨，枱面都ok，上二樓會感覺好啲，紙皮石都唔會係大家既心水，都係focus係餸菜罷啦餐廳叫你讀晒出黎都難，多款到，老闆就係賣特色，佢既小菜唔係你平時食到既，可能聽都未聽過，蠔爽、鴨下巴、蝴蝶腩、魚尖、野山豬，無數咁多味道亦從無需要擔心第一個就食個必食既蠔爽，$68碟食到佢118一碟，仍然咁正蠔味濃而唔漏，爽身香口，外面鑊氣足而入面腍腍蠔肉，加埋炒都好香既葱粒魔鬼在細節，送酒一流，如果第一次黎，老闆撚手野點都要試下另一十大菜式，豉油皇鵝腸，貼切啲，係豉油皇肥腸非常creamy既口感，你會驚訝原來鵝腸可以做到依個口感、依個味道一抽放入口真係正，好漏之際，開始夾下下面既芽菜一齊食，刻意芽菜整得脆身、爽身一啲，平衡下肥腸既肥好細心去設計架涼拌花甲最後先上，唔平但個量唔會hea俾你，啲花甲疊起有高度架個涼拌汁無得輸啦蒜夠、又香，辣得惹味花甲隻隻都大既，鮮味會出啲千其唔好唔食下面既脆青瓜，都係好好味既珠江小菜，無可挑剔啦，只係依家真係貴左同真係多人記住要訂位！如果對餐廳環境、門面要求著緊既，可以試下外賣，但當然無堂食咁正#墨魚咀鉗魚冰梅骨都好正架#分開十次去都未試得晒#唔通去廁所差啲冼低又話你知咩…查看更多

距離上次食珠江已經係幾個月之前嘅事喇! 好懷念佢個漲卜卜蠔爽, 所以今次特登約了一大班人再嚟食過!環境依舊, 菜式亦依然~可惜味道已經不再…幾個月嘅掛念, 換到嘅只係失望兩個字。招牌潮州蠔爽 – 原本應該要漲卜卜, 好似每一粒都有生命一樣, 會好爽…可惜, 蠔爽一到外貌已經彻底失望, 原本漲卜卜嘅蠔仔去左邊? 點解會感覺濕透嘅賣相?一啲都唔再爽脆,包面嘅麵粉濕笠笠, 個爽字消失得無蹤無影喇…平時好似有生命嘅蠔仔變得頹氣,糊糊嘅口感…失敗!但更失望。 涼拌花甲 – 個酸辣汁撈得唔均勻, 一啲偏酸, 一啲又偏辣! 青瓜唔夠新鮮爽脆, 花甲肉偏瘦小, 唔肥美，間中仲食到有沙！ 黃金豆腐 – 炸得唔夠乾身, 外層唔脆, 內層豆腐唔夠嫩滑, 有啲食緊豆腐卜嘅感覺, 最奇怪係蛋黃應該均勻地包好個豆腐面先正常, 但蛋黃漿同豆腐係分開左! 黃金主題何在? 仲有意思咩? 薑蔥魚腩煲 – 魚頭冇乜肉食, 魚雲亦好細件, 而且仲有啲腥, 雖然用左好多薑蔥, 但都辟唔到腥味。 辣子田雞 – 少少麻又帶少少辣, 味道都算可以, 但離正宗嘅辣子處理煮法仲差好遠, 賣相唔靚, 炸得唔夠香酥, 有幾件田雞顏色仲好深黑⋯ 避風塘鉗魚 – 又係炸得唔夠乾身, 仲好似好濕笠笠嘅感覺, 魚肉索左好多油, 感覺有啲膩, 由於啖啖肉有啲似豬肉口感, 冇乜魚骨, 算係容易食。 腸 – 味道算正常, 不過好大陣騷味! 柚子骨 – 酸酸地甜甜地，普普通通啦 椒絲腐乳通菜 – 最普通, 但亦都係炒最正常最好味! 炒麵麵唔錯！幫襯珠江都好幾次, 次次都煮出應有嘅手準, 每次都食到好滿足離場! 唔知點解今次會咁差? 睇得出係冇心去煮, 連招牌蠔爽都可以煮到一塌糊塗, 應該係油溫未夠就將材料落鑊煮先會有咁嘅劣效果, 做唔到外脆仲索滿晒油, 唔膩之奇怪!同員工打聽過係咪換左廚師, 員工當然就答冇換過, 但睇得出亦食得出原本嘅味道已不再! 希望只係短暫性嘅改變, 但今次實在係令人失望, 唔會講到冇下次, 或者遲啲再俾多一次機會珠江, 如果下次都係咁樣嘅水準, 咁就真係冇以後喇!請佢自求多福喇。…查看更多

農曆新年前想和朋友來吃，一來約不成，二來幾次打來都Full Booking,越食唔到越想食，是日把心一橫，6點半殺入去，要求7點半前交枱，完全無問題。幸好漏了「蠔爽」，根本食唔曬，兩人埋單約$340，3碟加兩碗飯同汽水，會再來…查看更多

<麻甩>呢個廣東話, 專指某類型人士, 真係形容得~好~貼~切! 可是大家未到這階段, 没有這般人生閱歷, 只能勉強說是<麻甩仔麻甩女>.　今日朋友坐皇崗巴返到太子, 建議到這家晚餐. 這餐廳真的很古舊大排檔格局 ~ 昏暗的燈光, 貼在牆上的手寫菜單, 一目了然. 幸好是與相識多年的好朋友聚舊, 而非男女約會. 所以這就是麻甩仔麻甩女的晚餐. 既然是朋友推介餐廳, 當然交由朋友發板點菜啦. 涼拌花甲 花甲堆砌成花形, 下有青瓜墊底. 餐廳如此有心机地把花甲排靚靚, 算是有心思了!看到面層的特制醬料, 有唐芹, 辣椒, 蒜, 蔥及芫茜, 都是好大路的涼拌調味料. 辣味是以麻辣為主. 花甲肉味較清,  沒有沙，配上重味醬料, 即是變為配角了. 下方的青瓜好清甜爽脆，青瓜醬汁帶酸辣，算是重口味美食 。胡椒豬肚雞煲 大大盤胡椒豬肚雞煲, 放在GAS爐以文火加熱, 慢慢地就會聞到陣陣胡椒味, 看到黃澄澄的雞油浮面了, 紅棗又煮到脹卜卜, 胡椒豬肚雞置於火上加熱多時, 胡椒味好出, 湯底雞味很出. 可是雞胸肉已經煮到鞋曬. 香辣的胡椒湯底暖胃, 食完果陣熱辣辣的感覺, 會由個胃直上到喉嚨, 保証食完暖笠笠. 好適合秋冬品嚐. 鮮魷芥蘭食左咁多美食, 點都要加一份青菜, 又唔想咁DRY, 所以點了這款, 鮮魷炒得剛剛好. 很嫩滑. 芥蘭唔老. 啤酒 碟碟都是重口味, 整返支啤酒就真一流. 今晚真係麻甩仔麻甩女去食麻甩的晚餐.…查看更多

下班收到老公的電話，說今天晚飯由他作主。我知道，又是我倆尋幽探祕的時候了。於太子會合，向深水埗方向走，走了十分鐘仍未到達「目的地」。直至眼前出現了雷生春，心裏也大概猜出個所以來，果然老公在一家老式酒家面前停下腳步。假如我是個港女，此刻一定會嘀咕: 這是甚麼鬼地方? 可我是個不折不扣的懷舊控，眼前的老舊酒家，勾起小時候上老式酒家的回憶。七、八十年代的飯店格局，平實的門面，甚或帶點陳舊感，而門前冠上帶點土氣的名字 - 珠江酒家。 走進店內，紙皮石地板、大圓桌、閣樓雅座......一副老式酒家格局。樓上雅座已滿，下層食桌不多，搭桌在所難免。及後全店滿座，生意好得不得了，搭桌已是見怪不怪了。裝潢欠奉，牆身貼上七彩A4手寫菜單，反而成為飯店內的一道風景線。只要細讀菜名，不難讀出個趣味來。像「潮陽來不及」是怎樣的甜品? 「紅炆野山猪」是真野猪沒錯嗎?不過，初來報到，還是安份一點好。先上桌的是道涼菜，涼拌花甲($108)。聽說是酒家的名物，上桌時已是先聲奪人，花甲層層曡出一朵蓮花之態，俗氣中又帶點心思，想不到老式飯館也來這擺盤的玩意兒呢!花甲是新鮮的的貨色，爽彈鮮甜而且無沙，冰得夠凍，以陳醋川椒、麻椒辣椒涼拌，紅油醋醬十足。酸辣程度是可再强一點，但兩者平衡得甚好，入口麻辣酸香，實在是惹味得很。花甲極為足量，蜆肉甚多，吃得很滿足，不過定價過百的花甲就是理應有如此水準吧! 伴吃的青瓜似乎只是輕輕涼拌過，不大入味，而且份量也太多了吧，吃不完。 老公最愛刁鑽菜式，當然不會放過這XO醬蝴蝶腩($98)吧!蝴蝶腩是橫隔膜對下的位置，較為少有。白灼之後放上XO醬和咸蛋黃，跟想像中有點出入。咸蛋王質素一般，欠缺了那種起沙的質感。而以蝦米做的XO醬有股不明的鮮腥之氣，既像南乳又像蜆芥，總之不是尋常吃到的XO醬味道吧! 那咸腥之氣實在是吃不慣，但相信這是老一輩喜愛的口味吧!蝴蝶腩連着筋膜位置，肉質煙靭得来很有嚼勁，切成大塊大塊的，嚼起來肉味甚濃，其實論肉質與口感都不俗，就是煮法累事吧!但凡光顧老派酒家，必然會點上酥炸大腸($88)這道「麻甩」菜式。作為老式酒家，這菜式絕對是經典。本應值得期待，卻只有一般小廚的水準，酥炸大腸不算肥膩，但明顯是鑊氣不足，致令大腸不夠脆身，加上食之無味的鹽水罐頭菠蘿，味道平平而已。川味、香炸菜式都是燥熱之物，點一窩菜乾豬肺湯($88)來潤燥一下。胡椒香頗濃郁，既能辟味也能中和菜乾的寒涼之氣。菜乾不算揀手靚貨，但香氣十足。豬肺洗得十分乾淨，呈透白色，肺件入口非常嫩滑，綿如豆腐而且十分夠味，沒有半點燥腥之氣，蘸醬油吃就更滋味了。大大的一窩，湯足料豐，憑二人之力要喝光有點難度，怎樣喝也喝不完。老公仍是意猶未盡，追加一客豉油王炒麵($78)。這次慕名而來，菜式卻不是道道驚艷，最後無心插柳點上的這炒麵，卻是最有壓場感的! 加單的時候，正值酒家人氣最盛之時，廚房遲遲未有出菜，不少遲來的食客等食都等得不耐煩了，因此這炒麵絕對是姗姗來遲，正是在差點想取消之際才送上的。這兒的豉油王炒麵用上靚頭抽，上色甚佳之餘香氣迫人，引來鄰桌羨慕的目光。食材絕不花巧，以大豆芽、洋葱同炒，麵條少有的棄用幼麵而選用扁身粗麵，薄身的麵質甚考師傅功力。炒出來的麵質甚有彈性而不易斷，蛋香出眾沒有䶨水味。那頭抽香得不行，只有鮮而不覺咸，令本来棄筷投降的我忍不住吃了數口方才罷休，老公更是滿足得很，是壓軸的驚喜。來珠江朝聖，多是重口味之士。客人亦以「麻甩」居多，女士可謂少之又少。常跟老公戲言道，能跟男人一起「麻甩」的女人不多，遇上了該要好好珍惜呢!…查看更多

位於太子雷生門附近的珠江酒家，初到貴店便感受到強烈的懷舊古董味。設計好簡陋，地方也不算大，但卻感覺相當親切！好有回到過去的感覺哦～一行幾人入門後便直上二樓，樓梯好窄，相當難行下⋯牆上貼滿各色菜名，驟眼望都已經好多選擇，每道菜名都好吸引眼球，一下子都變了選擇困難了～好！直接介紹下以下幾款小菜先～涼拌花甲：好開胃嘅一個前菜，青瓜好爽口，花甲肉亦顯肥美，小小辣加上小小麻，超正！！再嚟多碟都可以ko佢^_^潮州蠔爽：唔好齋睇啲蠔以為細粒，其實啖啖肉，而且新鮮唔腥，麵粉用量適中偏薄，令到蠔仔炸出嚟更加酥香，漲卜卜肉汁保留得好好！而且完全不用沾醬共食，主角蠔仔已經可以獨當一面，味道可以用啱啱好嚟形容。黃金鮮魷：呢個鮮魷賣相好特別，正正方方，size如瑞士糖一般，麵粉沾到好薄，加上濃濃嘅蛋黃漿，包裹住一塊新鮮爽彈嘅魷魚塊，每口size都啱啱好，咸甜適中，好味！姜蔥魚雲煲：魚頭當然新鮮啦，用上鐵皿上菜，存溫較長～姜與蔥嘅味道，剛好辟去魚本身所帶嘅腥味，真係好魚魚魚呀！鱻！百花蜜京都骨：大大件，百花蜜重，甜甜的，味道也不錯吧～椒絲腐乳通菜：味道不錯，但略嫌煮得過熟，口感唔夠爽。蝴蝶腩：豬嘅一部分，但略為遜色⋯sorry..我覺得有啲豬臊味⋯肉質偏韌，試咗一舊而已。豉油皇炒麵：有我喜愛嘅大豆芽代替咗芽菜，麵條用上扁粗麵，師傅炒得唔錯，味道ok!但我還是中意幼麵多啲。又到總結嘅時間！值得推介！雖然裝修就簡陋老土啲！但同食物味道相當接近，懷舊感重！味道色香味存，絕佳老字號！…查看更多

珠江酒家環境就好似七十年代用細細粒既瓷磚鋪地鋪牆既酒家甘,夠哂舊式,家庭生意樓高兩層,下層細圓枱多, 上層六人以上枱多, 牆身側邊做一條條紙仔寫住吾同菜既名方便客人點菜由於家庭生意,所以在多人時間,好似星期五六7 8 點就上菜比較慢,食物十分正,我地點左糊蝶腩煲: 一個大大既瓷煲入面裝住胡椒湯,而入面放左好多舊蘿白,糊蝶腩(豬腩肉)上面鋪滿葱花,豬腩肉出面有層筋好爽口,而豬肉分開一層層十分有層次感, 湯底十分香既胡椒味, 而且蘿白十分軟林,下面用細明火保溫,呢味菜必點一字骨:用孜然等香料燒成既豬仔骨,出面爽脆香口得黎咬落好有趙口炒蠔爽,用吾同香料炸成既蠔爽,蠔仔好大粒,食落好香胡椒粉味,正,但比較熱氣黃金魷魚:呢味用咸蛋皇炒既鮮魷, 同出面吾同,佢係用魷魚最上面部位, 所以可以切成正方形,特別有咬口同有魷魚味避風塘餃子,用避風塘既香料黎煎餃子, 十分香口 正涼伴花甲凍食:以口水形式整成既花甲,首先花甲好大, 其次蒜蓉薑怱辣椒做成既醬汁口感複集配以下面既青瓜中和味道, 正!總括而言,食物味道夠風味鑊氣,而價錢平,鍾意食少炒既朋友一定要試…查看更多

珠江酒家此小店外觀陳舊﹑途經時完全不起眼，兩層的店內裡一樣裝修欠奉，但捧場客仍然甚多，不提前預訂不一定吃得到。手寫的小菜菜名貼滿店內的牆壁，感覺懷舊。此日點了涼拌花甲﹑美極鴨下巴﹑台灣三杯鷄﹑啫啫王鱔煲。涼拌花甲是很多食評推介之一，花甲不少，沒有沙且鮮甜，味道偏麻而不算太辣，葱香蒜味重，很有川菜風味且非常惹味，底下的青瓜也很清爽，絶對沒有令人失望。美極鴨下巴顧名思義，以美極醬油調味並炸過，香口但味道太鹹。三杯鷄味濃且鷄肉嫰滑，配飯一流。啫啫王鱔煲有驚喜，王鱔是大條的，非常爽口彈牙，味道也很好。總體十分滿意的一餐，價格也不高，確實值得推薦。…查看更多

以往每每回家經過也未曾為意這小店，只見店外貼滿a4紙寫著各種各樣的菜式，雖然不時有人在門外等候，但也以為只是一家普通的懷舊菜館近日在家附近搜尋好地方吃飯時，竟然給我找到它，一家座落太子、大角咀及深水埗交界，位於荔枝角道，雷生春對面，平平無奇的珠江酒家機緣巧合地找了一次家庭聚會(媽及妹的生日飯)安排於此，爸爸對吃很有要求(應該是說沒有一家食肆他是覺得美味)，而爸爸亦從不喜歡等位，當然我必定做好功課預先訂座，也了解這兒有什麼好吃、推介的，點菜前也不忙看看貼滿在牆上的菜式 涼拌花甲果然是必選推介，賣相吸引，而且淋滿醬汁，醬汁微辣開胃刺激，而且甲肉鮮甜，連汁一起吃味道甚佳，而且每隻都非常入味，連不嗜辣的妹妹也愛不釋口，連青瓜也不想錯過 蠔爽雖冬天是會吃蠔餅，但一向對於不喜歡吃海鮮的我，以為與一般蠔餅無異，只存在一試無妨的心態，但此蠔卻令我很嘩然入口非常香口，外脆內軟，帶有少少蠔腥味，加上喼汁，味道更鮮，令我不禁也多吃幾件，果然名不虛傳，我也大力推介 美極鴨下巴自從吃過東莞的鴨舌後便愛上了，但連下巴一起吃還是第一次，以美極來命名，估計以此醬油煮製，味道香濃入味，下巴位亦帶有不少肉，可是吃多兩件，便會覺得味道太濃，如果配啤酒吃會更合適 西芹豬頸肉炒藕片當中一道比較清淡的菜式，但吃時才發現味道也相當香濃，而豬頸肉也很爽嫩有嚼勁，雖比想像中的油膩重味，但味道不俗 生炒骨一道較平凡的菜式，對這沒有太大期望，酸甜味道OK，但略嫌粉漿太多，而且不夠肉味，頓時被其他菜式比下去 朝陽來不及我和妹妹都是擁有另一個胃去消化所有甜品，加上被其名字吸引著，便抱有包底的心態點了一客(因爸媽都不嗜甜食)因是即點即製，奉上時都是熱騰騰的，一看發現原來是拔絲的朋友，曾試過附近一家東北餃子店內的拔絲，令我滿懷念的(因為不是很多地方可吃到)雖然入口很熱，但已急不及待試吃，炸漿很薄，(香)蕉味很濃，帶有少少肉桂味，完全為這一個餐劃上一個完美的句號，十個滿足雖然很甜(我不愛太甜的，我認我比較麻煩)，而且份量很多，但妹妹和我都很樂意清理它雖然味道普遍偏濃，但出奇地珠江竟然成為爸爸第一家讚賞的店舖(以我有記憶跟他出外進餐以來)，當然會再計劃來此一趟…查看更多

呢味餸，還可以，算有特色，但因太多生蒜及洋蔥，口味較重，唔係個個受落。我食到有牙軟感覺。黃金鮮魷，做法正宗，其實一黃金就好食，無乜特別，中評。雜菜煲反而清清地，好食。蠔爽好食，炸粉不多不少，味道適中，入口夠香。炸豆腐又係好食，綜合以上菜式，珠江酒家嘅炸物係比較做得出色。一個中size嘅羊腩煲要$267，只夠三個人食，四個要叫大。質數未有驚喜，反而枝竹越硬，煮左成九個字都食唔到，啫係枝竹本身嘅問題。我地四個人食左$770蚊，有一個人重要無食肉，只係叫左兩碗飯，一罐可樂，一支獅威，每人約二百，價錢偏貴。食物質數十星為滿分，五分合格，我會比5.8。環境一般，重要吹我地比枱佢，但阿姐友善，有禮貌，樓面有問必問，無不耐煩，服務加分。…查看更多

常言道：「以食會友。」在享受與分享美食的過程中，最大的得著，除了能嚐盡人間五味之外，莫過於認識一班志同道合的朋友。向一眾食家偷師學習，與同輩互相鼓勵前進。這些、這些，比起拼一時之分數高下，所得更加豐盛。【以食會友．賞心樂事】好不容易，在 Openrice 的分享級別，由嫩葉變成鑽石。高興之餘，更加敬佩一眾食友堅持分享美食的熱心。無論如何，這是件值得慶祝的事情，於是相約好友食家共聚「鑽石飯局」。飯局的地點，是位於太子的珠江酒家。早前聽食友盛讚此地，曾與友人 walk in 光顧，豈料不訂座是吃不到的。　 　今次吸取教訓，事先訂好座，準時六點到達。第一次聽到珠江酒家的名字時，先入為主以為是粵色茶樓格局。但原來，是一間充滿懷舊情懷的小飯店，樓高兩層。店內仍沿用木桌和電風扇，但最有感覺的，是瓷磚牆、階磚地，還有寫了各色小菜的繽紛招紙。樸實無華，就是老香江風味。 　　很多食友早就分享過食評，這一晚，我們根據他們的推介來點菜，果然沒有令人失望。涼拌花甲、蠔爽、金沙黃金鮮魷，皆是值得再度 Encore 之佳品。首先獻身的涼拌花甲絕對是出色的開胃前菜。滿滿一盤花甲，底部有像山一樣多的青瓜，層層疊疊，份量無得彈，賣相有心思。以涼拌方式煮理，青瓜清涼爽脆、花甲爽口新鮮；但我認為辣汁才是重點，夠酸也夠辣，十分惹味刺激。　 　金沙黃金鮮魷－－咸蛋黃粉漿像紙一樣薄，色澤甚美。混了椒鹽，味帶香酥，蛋黃的咸香卻不彰顯。不過，彈牙有嚼勁的鮮魷，卻有引誘食客一粒一粒吃下去的魔力。不知不覺，吃到底，終於吃到咸蛋黃的刺激。原來，「金沙」沉底了，所以底部的黃金鮮魷較面層突出。如能做得更平均，會更高分。即使如此，總體依然不俗。　 　值得推薦的，當然少不了蠔爽。外層炸至金黃，色澤略深，不過味道十分可口，蔥香亦吸引。一口咬開，箇中蠔肉亦算肥美，藏著蠔汁，入口軟而爽，味道濃郁。值得一試。　　聽說這兒的豉油王鵝腸不錯，於是也叫了一碟。老實說，醬汁味道偏淡，吃不出豉油王的風味。但鵝腸不僅份量豐富，而且條條肥美入味，做得不錯。只是個人不好鵝腸，所以吃不多，其他人倒是吃個不停。我反而鍾情墊底的芽菜，爽口，加上醬汁，也是美味的食材。　　前四道菜，都是跟著其他食家的推薦而選。接下來，讓我們也來一個私心推薦－－冰梅金沙骨。金沙骨骨少肉多，鬆軟入味，啖啖肉頗令人滿足。而甜甜的汁液中，帶有梅的獨特酸香，單是這味道已較一般金沙骨優勝一籌。　　四個人，五道菜，賣單找數，人均消費不用百三元。實惠的價格，令人驚喜。加上本就優於預期的食物質素，真是良朋知己開餐歡聚、開懷暢飲的好地方。而且珠江酒家只收20蚊開瓶費，十分實惠。為了慶祝成為開飯鑽石用家，我們特地帶了一支金箔甜酒，為這頓開飯局助興。這次「金鑽飯局」令在座每個人都覺得大滿足。但當然，除了美饌、美酒，跟我們一同分享的良朋，亦是彌足珍貴的主角。　　飲杯！在飲食之路上一起前進吧！…查看更多

某次酒聚，興之所致，便相約珠江酒家，品嘗懷舊粵菜，配搭葡萄美酒。省卻紅酒部份，此文只談每道美食。「蠔爽」白酒配爽蠔，味道變幻莫測，說是「爽」卻不爽口，但吃下去味道就是「爽」快！每粒蠔都肥美，令人一食再食。「涼拌花甲」賣相一流，味道絕妙，我想這是吃過最好的涼拌花甲。辣味配搭紅酒，感覺刺激，但舌頭開始麻痺，立即要點啤酒來平衡一下。「大千金沙骨」這道菜，炸得賣相一流，吃的時候肉不多，但夠味道。「鴨下巴」這道菜十分特別，特別用鴨的下巴來泡製，我還是第一次吃。聽說是用美極醬油醃製，吃的時候，想不到還挺多肉，一個下巴也可以吃出不少滋味，發明這道菜的人厲害！「炒腐乳通菜加油渣」這道菜炒得翠綠，端上一刻我已垂涎三尺，沒辦法，吃太多肉就想有道菜。菜炒得夠火喉，而油渣也頗配合。「蝴蝶腩」名字特別，吃的時候我一直覺得是胡椒豬肚湯，但這個變成了結實的豬肉，還可以，但配酒就一般。「三杯雞」這道菜跟蝴蝶腩相比，我比較喜歡。雞肉在溫火中吸收醬汁，吃下去既滑又香，味道夠濃。「避風塘相思餃」又是名字特別的菜式，餃子煎過，再用以常見的「避風塘」方法炒，味道辣辣的，我吃一個也夠了。「小炒王」常見的菜式，我們點來送酒，目的就是把帶來的五支酒喝清。我自己吃了不少腰果，這個配酒絕對沒選錯。今晚的酒單：2003 Château Bernadotte, Haut-Médoc2007 Château Potensac, Médoc2002 Château Dauzac, MargauxBourgogne Hautes Côtes de BeauneHistoria Antiqua Falanghina D.O.C…查看更多

這天友人即興相約來個飯聚，我們一行六人，大家也不太計較用餐環境，只要求好食之餘，又有得「隊啤」。這些年，我們一起到過深水埗的強記大牌檔及佐敦的肥高美食等，這夜就來到太子的珠江酒家。門面以至室內也相當簡陋殘破，登上閣樓，牆身貼滿手寫的菜牌，安座後便隨意點了數款香口小菜用來佐酒。先來的是蠔爽，蠔仔上粉炸香後輔以椒鹽來調味，入口外脆內軟，友人說：「咬落去好似爆汁咁！」，其飽滿多汁的程度可想而知。再來的是涼拌花甲，花甲沒有離殼的情況，味道鮮甜，拌以帶川菜風味的醬汁，微辣而醒胃。墊底還堆滿爽脆的青瓜條，也清新好吃。金沙黃金鮮魷炸得香口，魷魚肉厚又彈牙，薄薄的炸皮沾滿鹹蛋黃蓉，鹹香惹味，好吃得友人把其後的花枝卷也沾上碟底的鹹蛋黃蓉來吃。剛剛提及的酥炸花枝卷，以腐竹捲着魷魚膠來炸，魷魚膠內還混有切粒魷魚來增添咬口，單吃能夠嚐到淡淡的腐竹香，也可蘸上甜酸汁同吃。豬油渣椒絲腐乳炒通菜的味道超級香濃，不過出現「一忽好辣，一忽唔辣」的情況，而且豬油的香味不太突出，整體只能說是「重口味」版的椒絲腐乳通菜。胡椒豬肚雞窩連同瓦斯爐一併送上，使湯底保持熱燙。先喝一口湯，略嫌胡椒味不夠重，辣勁似有還無。湯料中的豬肚入口爽嫰，咀嚼間仍帶點臊味；雞件則沒甚雞味，不過不失。說起胡椒豬肚雞窩，個人更喜歡位於筲箕灣的鋒記小炒王，湯底胡椒味更香，更有辣勁。是夜談談天、喝喝酒便過了差不多三小時，埋單結賬每人不用$120，味道亦深得友人們讚賞。單看門面實在毫不起眼，以「禾稈目珍珠」來形容最為貼切。…查看更多

呢個星期一老友難得一聚，不得不紀錄一番，一行九日平日都好難將埋食個飯，我估呢個組合都有五六年未試過了﹗地點在太子荔枝角道的珠江酒家，老店格局，樓分兩層，麻甩佬味甚濃，地鋪位不多，我們被安排在上層﹗呢晚熱鬧又開心，高談闊論傾近況外，咩都試下﹗黃金墨魚，用既係大大片厚肉既墨魚塊切粒﹗睇落上色不深，不過吃下陣陣蛋黃香，墨魚新鮮厚肉有嚼勁，好味道﹗炒蠔爽，呢度既名菜﹗食落味道是蠔仔，以炸粉包住粒粒蠔仔再椒鹽炸香，炸得外脆內軟，與啤酒是無敵組合﹗及後再來多川辣的，辣辣地更形惹味﹗勝瓜蝴蝶腩，件件蝶腩均附著爽腩，既爽又濃牛香，兄弟們也說不錯﹗一向都不吃內臟，不過呢度推介的特別多。之後介紹好幾碟都無我份，評語是兄弟給的﹗豉油王鵝腸﹗用的是鮮腸，附著厚厚的肥膏，兄弟說是男人極品﹗山豬煲﹗山豬皮厚，咬下滿是膠質，肉味特別，與平日吃的豬肉不大相同﹗尖椒炒豬皮，兄弟話豬皮好似韌左o的，唔夠爽口﹗凍花甲，墊底是拍黃瓜，灑上辣汁，香口鮮味﹗不錯呢﹗蒜芯炒臘肉，蒜芯香甜爽脆，不過臘肉有朕化學味﹗鴨下巴，又無我份，佢地唔洗三分鐘就搶哂，好味程度可知一二﹗小炒王，唔夠乾身，食材種類亦不夠出面坊間的多，麻麻地﹗炒魚麵，現成魚麵，簡單無咩特別﹗川辣雞，未吃已聞到陣陣辣香，肉厚大件，乾身，唔錯﹗最後呢個應該係豬潤，兄弟話味道只係一般，食左一半都唔錯就棄之......整體來說食物好壞參半，可以一試，但未必樣樣如意﹗ 最後飲天三十幾支啤酒，位位都係百五蚊，抵﹗不過麻甩佬有樣好，呢度啤酒抵又唔見有控煙辦，心照，大家明架啦﹗…查看更多