韓大叔大排檔

一直都想試醬油蟹，見佢有做優惠就黎試下，黎到有三款前菜（泡菜、蘿蔔、芽菜），記得可以無限Refill！！！叫左隻醬油蟹＄２５８一隻，都算大隻，醬油味道鮮甜，蟹膏都幾多，同埋啲職員都有介紹返係韓國養殖場黎既蟹，黎到再由師傅處理生醃，所以我都放心食，連我朋友由開頭話唔食都忍唔住口要試🤤再叫左個海鮮煎餅同飯卷，個飯卷同平時食既差唔多就唔介紹，反宜個海鮮煎餅真係好好食，啲海鮮配料勁多，煎得又脆口，同埋佢唔係好厚漿個啲，唔會食完成個口都係粉咁，依個真心要黎再食🤪…查看更多

同朋友發現咗一間隱世韓國菜，餐廳牆身充滿住韓文標誌、海報，播放著K-pop音樂，感受到濃濃的韓國風情。韓大叔醬油拼盤（必點之選）拼盤入面有1隻醬油蟹，2隻醬油蝦，2隻鮑魚，配搭紫菜拌飯。醬油蟹蟹肉滑嘟嘟，醬油蝦鮮甜，醬油鹹香味更加突顯蟹肉同埋蝦肉既鮮味；鮑魚彈牙。韓式魷魚拌飯用鐵板上熱辣辣，魷魚口感彈牙，搭配上特製的韓式醬料，微辣口感非常惹味，撈白飯食一流。韓式熔岩芝士煎蛋卷芝士份量多到好似熔岩包住煎蛋卷，煎蛋卷滑嫩，蛋香味濃郁，加埋芝士口感creamy。海鮮煎餅外層煎得香脆，每一啖都有魷魚粒，好足料，口感鮮美。韓式豬手豬手肉質軟嫩，有嚼勁，已經拆咗骨啖啖肉，用生菜包住食，再加少少蒜頭有另一番風味。草莓牛奶（2人份）用咗新鮮草莓 🍓，香甜草莓mix埋牛奶好清新，配埋蜂巢別具特色。…查看更多

這間韓國餐廳位於銅鑼灣的永光中心，主打性價比高的韓式料理，裝潢以韓式大排檔為主題，擺放林林總總的韓式酒樽，還原韓國風情。前菜有爽脆的大豆芽、酸爽帶辣的韓式泡菜及清爽的醃蘿蔔。人蔘雞湯 - $88/半份甘甜清澈的湯頭毫不油膩，糯米吸飽雞湯和人蔘的精華，還帶有紅棗和栗子的清甜，香而軟糯，連半隻肥雞也炆得極軟腍。韓式芝士炒雞 - $148熱呼呼的鐵板保持著新鮮溫度，酥脆的雞塊嫩滑多汁，滿佈惹味的韓式辣醬，還有香甜拉絲的芝士。海鮮煎餅 - $88韓式煎餅煙煙韌韌，邊緣帶點微脆，有蔥與韭菜的香氣，還有爽滑彈牙的花枝及蝦子等海鮮。韓式豬五花炒年糕 - $88肥瘦兼備的五花肉潤滑可口，帶陣陣豬肉的脂香，還有煙韌彈牙的韓式年糕。明洞燒汁牛肉粉絲 - $88晶瑩剔透的粉絲充滿彈性，染上韓式燒汁帶鹹香，一片片肥牛嫩滑多汁充滿牛脂香，還有翠玉瓜等蔬菜更顯清新。韓式熔岩芝士蛋卷 - $78紮實豐厚的韓式蛋卷甜滋富蛋香，淋滿半溶化的芝士，有拉絲之餘，又有鹹香的奶香。慶尚道豬大腸 - $118豬大腸帶有豐厚的油脂、充滿層次，入口滿嘴甘香的豬油，可夾著生菜等解膩。桂花烏龍水果茶 - $68/杯豐潤滑順的烏龍茶帶陣陣桂花香氣，還有酸甜的西柚及百香果，清新輕怡。…查看更多

本來看名字以為就是平常普通的烤肉店，吃過後感覺菜品都很特別，能感受出老闆對出品的細節很講究，放了很多心思。餐廳的環境很不錯，中間有個大屏幕，四邊墻壁整齊排列著很多啤酒，餐座都闊落、整潔，整個裝修格調很不錯，餐單的類型都很多，有飯卷、年糕、冷麵、炸雞，基本想食得都有，招牌菜有醬油蟹、蝦、鮑魚之類，是在其他店比較少見的。醬油三文魚既然招牌肯定要試下啦，醬油有種甜甜的感覺，三文魚好新鮮，入口即溶，十分美味，跟日料的刺身做法吃起來的感覺很不一樣。海鮮煎餅這個餅落料好足，感覺每口都有海鮮，外面香脆，裡面有滿滿的海鮮香味，皮很鬆軟，吃起來還有點甘香，可以沾一點魚露，鮮味更能調出來，但不宜太多，會有點鹹。烤肉拼盤這個拼盤滿滿都是肉，除了燒肉還有豬頸肉，肉肥而不膩，還非常爽口，底下還有泡菜，料非常多，用生菜包的時候加上前菜的海帶、泡菜，肉汁就會直接流入配菜裏，整個口感非常豐富，同時生菜可以減低肉的油膩感，令整個體驗更清新。韓式傳統鍋物湯汁煮到發白的牛肉湯，很地道的韓式風味，又濃郁又純又清甜，吃起來只有鹽和胡椒的調味料，沒有其他雜質，似乎有種媽媽的感覺，只有用新鮮的天然食材通過熬煮才能有這樣的口感，湯中牛肉的肉質十分鮮嫩，味道鮮咸可口。梅子果醋燒酒梳打想食燒肉配燒酒但又酒量不佳的喝這個就最合適了，梅子酸酸甜甜的，而氣泡水除了能燒酒的辛辣感外還能平衡梅子的甜感，冰冰涼涼地對於夏天真的非常搭。總體來講，覺得這間韓式餐廳處處可以感受到老闆的“小心機”，環境佈置很舒適，食材的準備很用心，菜品很足料，從食物的味道上可以感受到老闆用了不少心思。…查看更多

今日約咗朋友食飯，突然好想食韓國嘢，就揀咗呢間餐廳。黎到依間餐廳，門面設計已經非常有韓國嘅氣氛。裏面嘅擺設亦都跟韓國嘅餐廳擺放，而且不停播放住K-Pop音樂，真係好似去左韓國食飯咁😂服務人員都非常有禮貌，有詳細介紹餐廳嘅嘢食，亦都為我哋準備左拌菜同埋一陣食飯可能用到嘅調味料，服務就到。🍴人蔘雞湯（半份）雞湯有淡淡的人蔘味，雖然雞肉煲到好腍，但係雞肉食落口仍然好嫩滑。加埋雞裏面嘅糯米一齊食，食落去好暖胃。🍴海鮮煎餅煎餅嘅邊煎到好脆。海鮮配料都多，加埋裏面微辣但又酸甜嘅泡菜食，會越食越開胃。🍴明洞燒汁牛肉粉絲粉絲食到好彈牙，加埋燒汁食，真係好滋味😋而且牛肉煮得啱啱好，唔會太老。🍴韓式芝士炒雞呢個菜真係好邪惡！ 用韓式甜辣醬連同炸雞件同埋年糕一齊炒，再係面頭加上香濃芝士，我同朋友真係食唔停口！🍴韓式鐵板燒生鰻魚鰻魚燒到超香，而且外面嗰層燒到勁脆，再加埋個鰻魚汁，真係冇得頂！🍹荔枝梳打、紅葡萄柚子梳打我哋分別嗌咗兩杯嘢飲，我杯荔枝梳打偏甜，但係又好濃郁嘅荔枝味。反而朋友叫嗰杯洪葡萄柚子梳打，略帶少酸，再加上有果粒，口感唔錯！…查看更多