蠔灣 (已搬遷)

朋友生日當然要帶佢食好嘢啦，佢最鍾意就係食蠔和海鮮，本身諗住訂一間酒店自助餐，可以一次過滿足曬好多願望。但原來咁多年同佢慶祝生日都是選擇酒店自助餐， 所以今年決定畀個驚喜佢，我預先上網搵下尖沙咀邊度有新鮮的蠔或者海鮮食，最後我揀了蠔灣。 我訂了枱晚上八點鐘到餐廳， 估唔到平日都咁多人， 店員很快安排座位之後介紹餐廳食物給我們， 一場來到這裏一定要點返一打生蠔食下 ( 這裏的生蠔款式特別多) ， 經過店員悉心介紹之後，我們各選了幾款生蠔 ～ South Africa x 2，Coffin Bay x 2，Lambert x 2，Majestic x 2，Gillardeau x 2，La Perle Noire x 2。 還有海膽一份$228， 北海道赤貝 $78， 地中海紅蝦 x 2 $156， 車厘蜆 x 2 $96。 點了咁多凍海鮮好想食番啲暖嘢， 看見餐牌上的龍蝦套餐$688 （ 活龍蝦每隻重大約1.25-1.5磅， 龍蝦刺身， 龍蝦湯兩碗， 燴龍蝦意粉），感覺很抵吃， 所以一於試下這個龍蝦三食， 還有一份法式鵝肝多士$198。海鮮拼盤～ 賣相吸睛度極高， 咁靚點都一定係相機食先啦！ 店員叫我們食蠔的時候由左至右食起， 味道由淡至濃。 跟這一個食法，真是食到生蠔的層次感， 開頭是淡淡的生蠔鮮味，中間開始有蠔的質感爽口帶海水味，然後慢慢變得濃郁肥美。（South Africa，Coffin Bay，Lambert，Majestic ，Gillardeau ，La Perle Noire）地中海紅蝦～ 蝦的肉質彈牙， 蝦頭有豐富的蝦膏， 食嘅時候千祈唔好錯過！海膽一板～ 可以配上紫菜一起吃， 超甜美 新鮮。龍蝦刺身～ 晶瑩通透的龍蝦刺身， 肉質爽口。北海道赤貝～ 味道鮮甜爽口。車厘蜆～ 肉質爽口彈牙。龍蝦湯～ 食完海鮮凍盤之後，就到龍蝦湯了， 非常好的配搭， 可以暖一暖胃，湯入面龍蝦肉豐富， 龍蝦味超濃郁。燴龍蝦意粉～ 龍蝦意粉份量很多，意粉質感彈牙，龍蝦鮮甜好味。法式鵝肝多士～ 鵝肝煎得非常香，煎到金黃色的，烹調手法控制得剛剛好，外脆內軟的質感，配上多士令到油膩感覺完全盡消。 超級好吃的，如果喜歡吃鵝肝的朋友一定要試下！今餐生日飯朋友食得非常開心，見到佢食得咁滿足， 證明我亦沒有揀錯地方！ 這裏每一款海鮮都非常新鮮， 食物和服務有質素，絕對是性價比超高的餐廳，推介給喜歡吃海鮮的朋友。…查看更多

夏天日日都熱辣辣 熱到個人都無咩胃口🌞朋友建議 不如去食下海鮮 等個人可以Fresh咁話噢😂好啦 就信你一次咁大把😚餐廳裝修好chill 環境 氣氛 相當之好雖然身處熱鬧既尖沙咀 但都感受到片刻既寧靜一坐底 心情巳經輕鬆左一大半❤️正當我地仲心大心細 唔知揀咩野食哦陣侍應即刻主動 熱情咁向我地介紹menu並且好細心咁講述每一種菜式既特色非常貼心😍既然餐廳名內含「蠔」字 我地又點可以錯過呢🥳蠔呢 原來都有分好多種 唔同產地 所出產既蠔 都會帶點當地色彩侍應好細心咁講解俾我地聽食海鮮前 有多種調味俾大家選擇分別係新鮮檸檬🍋片（檸檬汁） 日本豉油 Wasabi 同 蕃茄辣醬 各有特色生蠔點左6款 分別係Honey Point, South Africa, Lambert ，Fine de Claire，Majestic同Pousse en Claire由檸檬片開始 順時針介紹下先1️⃣Honey Point 體型最細 但甜味最重 完全無太大海洋味 呢款係我最喜歡既😍2️⃣South Africa 海水味淡香 但蠔既肉質相當爽口3️⃣Lambert 開始帶點礦物既味道 帶甜 口感嫩滑4️⃣Fine de Claire Size比較偏大 海水味亦比較重 但不失鮮甜味5️⃣Majestic 非常肥美 蠔味香濃 但帶少少甘味6️⃣Pousse en Claire 最後係蠔味最重 海水味最濃 味道豐富 口感一流👍🏻7️⃣中間係 好紅既Red Prawns🦐肉質爽甜 份量十足最估唔到 連蝦頭裡面既蝦膏 都鮮甜無比 唔可以走寶🥰仲有8️⃣ Scallop 新鮮 厚切 肉質細膩 甜度十足最後係 9️⃣海膽一板鮮橙帶金黃色既海膽 味道甘甜 滑不溜口餐廳特別推介以紫菜包住海膽進食 增加左鮮甜味 同時豐富左口感 好特別既食法👏🏻第二度菜係 白酒忌廉青口酒香味四溢 忌廉唔會太濃烈 膩口 因為有以洋蔥 西芹 一齊煮燉 反而增加清新口感青口體型細細 但鮮味相當強烈 唔可以睇小🥳第三度菜係 焗西班牙🇪🇸黑毛豬扒肉質好鬆化 鮮嫩 本身都怕黑毛豬會太肥膩 點知加上新鮮既沙律🥗菜 同酸酸甜甜既醬汁調味 完全提升去另一個層次 食落覺得好fresh😇最後一道菜係 意大利飯食落好重鮮甜味 細心留意下 原來加左蟹肉落去煮飯裡吸收哂蟹既精華 絕對係驚喜之作🤩飯後發現店鋪有一 Coffee corner☕️原來餐廳有自家出品既炒同Blend咖啡豆 或者 咖啡粉賣好feel到佢地對咖啡既熱誠 同 試業初期 價錢大眾化 好奇之下 買左一包咖啡豆嘗試咖啡有淡淡朱古力味 焦糖味重 帶有陣陣果香味十分欣賞餐廳除左蠔做得十分出色 就連咖啡都作新嘗試 係一間充滿驚喜 創意既食蠔餐廳👏🏻👏🏻…查看更多

辛苦得來志在吃，終於等到復活節假期，連續四天皆有好節目，就從周四晚開始。 以近乎入口商零售價在餐廳內吃生蠔，正是我善待自己的好選擇，到了一家位於尖沙咀名叫 Oyster Cove 的餐廳，主打海鮮美食，招牌海鮮拼盤，機乎每檯客必點， 特別之處在有生蠔代購價，$20 起一只生蠔，法國蠔后 Gillardeau 賣$28，堂吃亦只是$39/只，一般餐廳皆售四十多元一只，的確扺食。 餐廳裝潢簡約，面積不算很大，員工多在海鮮吧內忙碌，客人皆明白模式，皆為味覺享受而來。 海鮮拼盤可以自選，因為每日返貨款式多，客人可以自主心頭好，以下就是我們的選擇。 Oyster Cove 力推法國蠔，我們順理成章挑了三款。 Majestic No 1  向來第一只蠔尤覺美味，肥美得如入口爆漿，幼滑鮮甜，而且有豐富海水伴著，一吃便知是法國蠔，更難得是今晚供應最大體積 No 1，而非餐牌上寫一般取到 No 2，真幸運，大大只，口感當然更佳！ Lambert  同樣是法國蠔，口感分別不大，海水味濃，蠔肉順滑，裙邊爽脆。 Gillardeau  蠔后實至名歸，蠔味最濃，海洋感強，口感最豐，絕對是可以豪吃蠔后的好去處。 Scampi 紐西蘭深海小龍蝦，可能是 Scampi 中最出色的，肉質不算十分有彈性但鮮美，最出色的在蝦膏。 污黑不甚討好的外表，入口即化，甘香豐膄無比！Cherry Stone clam  據餐廳經理說，他們是認真比較過各地的海鮮方才入貨，例如 Cherry Stone clam，加拿大車厘蜆比法國的大只，鮮甜到相若，因此取捨前者。 確實肥美幼滑，但有點腥，可能是我沒有加檸檬汁的原因，依我口味，這類蜆，還是熟食比較合心意。 Hokkaido Art Shell  只要是新鮮，北海道赤貝不會輸，原只起肉切成薄片，鮮甜爽脆，回甘悠久，美味無窮。 Sea Urchin  原只北海道紫海膽，並非天天有貨，難得時令，豈能放過，一人一只，終極美食，實在難以分享！配白酒，尚有何求！ 一棵有五片，海膽細緻如迷你珍珠的外型，見到已經垂涎三尺，甘香超甜，入口即化，天上人間之最！ Lobster Pasta 燴波士頓龍蝦意粉，外表平凡，但非常滋味。 龍蝦整只起肉，肉彈鮮美，大大件口感好，份量算多。 最滋味是醬汁濃稠，完全包裹著意麵全身，意麵略為軟身，並非理想的 el dente，但吸汁力強，食落口感豐富，既有龍蝦香，亦有忌廉之幼滑。 Iberico Pork Chop 焗西班牙黑毛豬，以木板盛載，感覺昇華，上乘肉扒的出場，特色在松露忌廉汁，滿佈在豬件上。 黑毛豬肉，早已切片，面積大了，黏到醬汁更多，不失為好主意；肉質鬆軟，香嫩入味，少許外脆內軟，唯獨邊位及厚肉處難免有少許嚡，辛好忌廉醬剛好彌補了，水準不俗，滋味飽肚。 出菜順暢有序，服務員細心建議菜式，環境企理，酒吧感覺，坐在落地窗邊，開揚舒適，價錢吸引，是花少些可以吃得好的選擇。 …查看更多